سلااااااااااااااااااامي على الجمييييع
شحالهم العرب ؟ عساهم بخير وسهاله ؟؟
انزين انا وصلني هالموضوع عن طريق الايميل وجااااااااااااااااااان انقع من الضحك لاني كنت على وشك شرات هالبنت المسكينه ههههههههه
اقرو وعطوني رايكم
جان اتأخر .. قصة طالبة في الكليــة
جان اتأخر
ذاك اليوم سلمكم الله في هذيك السنه .. كان عندي امتحان من الغبشه .. الساعه ثمان الصبح ..
و انا مسافره .. راقده و لا ادري بالدنيا ..
فجأة .. طوطينق ..
نشيت واقفه < شقايل مادري .. و اطالع الساعه لانها 8 الا ربع ..
يا ويح قلبي ...... عزات سقطنا ..
و انش اربع .. زين يوم
اتذكرت و غسلت ويهي .. و اتلبس بسرعه ..
حتى كشتيه ما سحيتها ..
ماشي دقيقتين و لا انا في السياره .. و اقول للدريول .. اربع سر الكليــة يوزعون بيوت شعبيه .. و يستانس الريال و يضرب فول ريس ..
مطبه ... دوار .. اشاير .. مول ما سوالهن سالفه ..يتحرى عمره ع الخط .. خضني ع الصبح حسبي الله عليه ..
المهم .. ثمان حكم انا في الكلية .. عاد الحين بعده درب لين كلاسي ..
تدرون عاد الممر اللي أمشي فيه ومااوصل داخل المبنى إلا وأنا طايحه ع ويهي..
مدينه مدينه يعني < هيه مره ..
واعفد داخل .. يابوج الكليــة مصفره .. ماجوف حد .. < طبعا كلهم يمتحنون .. يتريونج عيل ..
و احط عباتي في حلجي و اخالف الكراعين ابى اربع ..
لا لا ما يستوي .. قفطه يابوج .. يجوفنيه حد وخلاف بيقول منوه فاجنها هالعنز هنيه .. و امشي بسرعه .. يا بنت الحلال ربعي .. محد بيجوفج .. لا لا .. ما ايوز ..
يوم ييت بوصل شغلت التيربو و ربعت .. < لا والله تو الناس
لكن طوطينق ..
وين كلاسي ؟؟ .. نسيت رقمه الله يغربلك يا ابليس ..
و ارقى فوق .. و احول تحت .. و ارد فوق .. و ارد انقز تحت .. وااي .. وين كلاسي ..؟؟
تحطمت .. خلاص يابوج ساقطه ساقطه .. ردي بيتكم ..
و لكن
يلوح الامل في الافق البعيد .. و اجوف البتاني يناقز في الممر < اييه عن الغلط بليز .. استاذي هاذا ..
و يوم جافنيه .. انصدم .. قال ..
what r u doing here ? .. الله ياخذ بليسج
sir late .. me sleep
oh ..
this is no good
فكنيه الله يغربلك لا اكنسل ويزتك الحين .. متفيجتلك انا
tiki tiki .. where is ur class..?? go quick
sir me forget .. there was 3
لكن ما حيدها وين ..
yes yes 114 .. go ‘6rbi full race
و اقحص و اغبر عليه و اويه صوب كلاسي ..
يوم ييت بدخل يت هالمس الساحره و صكت الباب في ويهي ..
و ادزه ابى ادخل .. و هي ادز مناك ..
فجي لا بركة فيج ..
no way .. time is over
و ادز الباب و هي ادز مناك غربلج الله من عيوز .. ماكله مقوي ..
قررت انفذ الخطه 12 ..
11 ما تركب مالت عوايل ..
المهم .. واظهر دبة حليب من مخبايه .. و ادردعها كلها ..
و ارد ريوس .. و ايي اربع من بعيد .. و اخشع الباب و ادخل ..
و اسدح العيوز و الباب فوقها .. و احط ريلي ع يبهتها .. و اقول .. حليب بوش فور ايفير ..
نشي فزي هاتيلي القرطاسه بمتحن ..
تبيني اسقط ان شالله .. حشا عليه .. في عيالج و لا فيه ..
و تنش العيوز و هي منكسرة الخاطر .. مطأطأة الراس < احسن هناك
و يابتلي القرطاسه .. و امتحنت و خلصت .. و ظهرت اول وحده .. مستانسه ماروم اصك حلجي
المفضلات