مشاهدة النتائج 1 الى 7 من 7
  1. #1

    غمزه [!i] .. على خـــد القمر...دمعهــ .. [!i]...اول محاوله روائيهــ ليـــ

    [!i] .. على خـــد القمر...دمعهــ .. [!i]



    * * * * * *


    (1)


    [!i] ..

    عائلاتـ عاديهـ

    .. [!i]



    دخلت الخالة نوال (ام عبدالرحمن) البيت بعد رحله منهكة في السوق استعدادا لعرس بنتها الكبيرة غاليه ام الـــ23 سنه ..

    دورت عالشغاله عشان تساعدها و مالقتها .. فتأكدت انه مالها غير تنادي دلال بنتها الصغيره الدلوعهـ بنتــ 19. .. وهيه وحده متوسطه الطول .. سمرا .. وعيونها خضرا ..وهاذا الشي اللي يخليها تهبل ..وزايد غرورها غروووور...

    أم عبدالرحمن : دلاااااااااااااااااااااااااااااااالــ ....دلال يالدوبه ....تعالي ساعديني الشغالة نامت بدري نامت عليها الحيطه....

    سمعتها دلال وهي في غرفتها .. فطلعت وتكت على الدرابزين حق الدور الثاني المطل على الصاله الداخليه في بيتهم الراقي وقالت بنرفزه

    ..: يووووووووووووه يمه والله العظيم اظافري بتتكسر من الشيله والحطه .. نادي عبدالرحمن خليه يشيلـ ..

    طالعتها ام عبدالرحمن بعصب وقالت :..بنات اخر زمن!!..

    قال اظافيرك قال .. اقول قومي لا اجي امصع اذنتس يامال العافيه ...

    ونزلت دلال وهي تدعي على شغالتهم الغبيه اللي تنووم من الساعه 8 الليل !!!

    وتقول بصوت واطي كنها تكلم نفسها : ..بنات اخر زمن هااااا ... الا قولي خدامات اخر زمن هاللي ينومون من اذان العشا ... الحين ورا ماتقومونها ؟ بس فالحين تصارخون وتنادوني أنا ... وقال ايش قال اخر زمن ..

    عصبت ام عبدالرحمن من كلام دلال وقالت :

    _وش تقوليتن يابنت ؟؟

    خافت دلال من امهاوقالت تصرف الموضوع :..هاااا ... ولا شي بس اكلم نفسي...والله بس..

    طالعتها امها بنظره تهديد وقالت :على بالي ... الا تعالي قوليلي وش أخبار بنت خالتس.. ساروون ؟

    دلال : قصدس سارة ؟؟

    ام عبدالرحمن :يعني من غيرها ؟ ؟ عندنا سارونه ملسونه غيرها ؟

    دلال وهي تضحك : ـههههههههههههـ لا والله ماعندنا ...وهي طيبه الحمد لله كلمتها على الجوال قبل امس....الدوبه جايبه مقبول في اختبار نص السنه وابوها عاقبها ومنعها من النت لمده شهر.. ـههههههههـ...والله اني ضحكت عليها لييين بغيت ادوخ ...

    ام عبدالرحمن بضيق : حرام عليس يابنتي تضحكين عليها هاذي بنت خالتس ...

    قالت دلال وهي تدافع عن عمرها :بنت خالتي اوكي وماقلنا شي بس تراها اكبر حشاشه بالسعوديه...والله انها قطعتني يايمه بعرس خالتي فــهــدهـ .. كله عشاني لبست البوت الاحمر على فستاني الاسود ...انا حره كيفي ..

    ام عبدالرحمن والضحكه خانقتها :ـههههههههـ الله يقطع سوالفتسـ ... احد يلبس بوت كاجوال على فستان سهرة انتي بعد ؟....

    قالت دلال وهي ماده بوزها :والله العظيم مو بيدي.. انتي تدرين ضاع الصندل حقي قبل العرس بساعتين عند الكوافير .... عاد الا اذا بغيتوني امشي حافيه ...
    اخر تعديل كان بواسطة » حسايف في يوم » 12-08-2007 عند الساعة » 17:29


    1ea8652bca


    ........venus.........


    84617e0de1


  2. ...

  3. #2
    ام عبدالرحمن وكنها تذكرت شي :الموهم روحي كلميها وقوليلها اني عازمتهم الرياض عندنا الاسبوع الجاي لانه اجازه .. خليهم يجون من الخبر يوسعون صدورهم وصدورنا عن حكرة ابوهم ...

    دلال وهي مستانسه : اي والله يمه حتى اصيل يوم كلمتها تقول ضايق خلقها مرررررررررة..

    ليش لان ابوهم النشبه مطفشهم مايخليهم يطلعون مع صديقاتهم ابد يقول على بناتـ الناسـ مب زينات !!!...

    ام عبدالرحمن وهي عاقده حواجبها..:حرام عليه .. مب كفايه انهم بالحالهم وامهم بعيده عنهم ؟...

    حارمهم منها ومن شوفتها ... مسكينه قلبها يحرقها عليهم كل يوم ...وهم بعد مثلها ..

    دلال : عاد شنقول يمه خليها على ربتسـ بس ...

    هنا يدخل عبدالرحمن والبسمه شااااااااااقه وجههـ

    ويصارخ :يمااااااااااااه اخيرا طلعت الرخصه ... بسووووووووق اخيرا بسوق برخصه مب متشرد زي اول ..

    وقام يقلد اخوانا المصريين ويقوللها .:زغرطي يامه دا ابنسـ (ابنك) بقا عرييييييس ....

    ابتسمت ام عبدالرحمن وحبت راس ولدها وقالت ..:

    الله يخليك لي وتوديني لعرسك ياوليدي ...

    قامت دلال وفلتت احلى زغروطه..:كللللللللللللللللللللللووش يلله مبروك يالسبع ...

    عاد ها يمه الحين لا تقوليلي روحي مع السواق... والله لاغثه ليييييين يكره اليوم اللي طلـّـع الرخصه فيهـ.. ـهههههههـ ...

    عبدالرحمن ..: ايه هين يادليل هاذا اذا شفتيني اصلا ..

    قالت ام عبدالرحمن بعد مافهمت قصده وصارخت فيه

    ..: ..وشووووووووو ؟... يعني مطلع الرخصه عشان تصيع انت وراسك ؟؟..

    اخترع عبدالرحمن لانه كله ولا زعل امه وقام ينافق :..هاا .. لا لا والله العظيم اني مطلعها عشان اودي احلى ام كل يوم لدوامها .. وعشان اجيب لتس طلباتك واريحك ..

    وصار يغمز لدلال ويقول ميدها ..:صح دلوووووووول ؟... مب انا اصلا ماطلعتها الا عشان اوديكم واجيبكم ..

    طالعته دلال بنص عين وبغرورها قالت له : والله انت اللي قلته بلسانك مو انا يادلخ ...وبعدين تعال.. شوي كنت دليل الــ (وعه) وش قلبني لدلول حبيبه قلبك ها؟؟...

    حك عبدالرحمن راسه بحيره وقال:

    _والله العظيم انك بلشه .. وماعرفنالس .. تطابقين المثل القائل

    ((حرك ... تبلش )) ـهههههههههههههاي...

    وطللع لها لسانه و ضحك ..

    دلال بدلع ..: يمااااااااه تسمعينه وش يقول علي ؟.. انا بلشه هلحين ؟؟

    ام عبدالرحمن : بلشه ونص بعد ... يلله بس قومي ...

    دلال : أقوم ونص بس اهم شي اظافري ماتتكسر ...

    جاك هالدب خليه هو اللي يشيل ـهههههههههـ .... بايووووووو بروح اكلم سارووونه المجنونه...

    قالها عبدالرحمن: سلميلي عليها وخليها توصل سلامي للشعب كلهـ...

    وطلعت دلال لغرفتها وخلت اخوها وامها يشتغلون سوا

    ومسكت الجوال على طووووووووووول

    دلال : الوووو ...

    ساره :الووو..

    دلال : سلمللم .. شلونك ساروووووه ..

    ساره بفرحه :هلااااااااااا والله بالدلال كله ..

    دلال وراسها كبران : شوكرن شوكرن .. لاداعي للتصفيق..

    ساره : الحمممممممدلله بس ... من قال اني بصفق لك الحين ياخبله ...

    دلال بأستهبال : وجع عاد خليني احلم شوي ..

    ساره وهي تضحك بنذاله : ماقد سمعتي الاغنيه اللي تقول

    ..(اقول احلم على قدك )...

    انعقدت حواجب دلال شوي ثم ضحكت ضحكه من القلب وقالت : ـهههههههههههـ الله يرجك بس ..

    الزبده غلاي.. ماما تقول وش رااايكم تجون عندنا بلأسبوع اللي يسمونه الاجازه هاذا ؟؟...

    ساره بعد تفكير عميق.: والله مدري ياشيخه تعرفي ابوي شلون عله ...

    دلال..:شوفي انا كلمت العنود بنت خالو وقالت لي ان اخوها سلطان بيمر الرياض عشان صديقانه بيطلعون يخيمون بالثمامه ...

    وابوها خلاه يوصلهم لانه معيي يخليهم يجون بالطيارة لحالهم .. قال وشو لازم محرم !!.. كأن الطيارة مب مليانه اوادم ..

    وانا اقول ان سياره سلطان كبيرة ورا ماتجون معه؟؟ ...

    ساره والموضوع بدا يعجبها ..:والللللللللله ... ياسلاااااااام عاد سلطان واحد راعي فله مو زي اهله ...

    دلال ..:

    اي والله ياعمري على العنود خالي محجر عليها مررررررررة....ممنوع علي
    ــها كل شي وزياده عليهـ عبايه عاالراس ... وهي مرة مو جايه على شكلها ...

    ساره وهي تضحك ..: اي والله اللي يشوفها يقول مطوعه ... مايدري شللي بالقلب ـههههههههههههـ ....

  4. #3
    دلال ..: اقول ساره بس الحين وش بتقولين لابوك ؟ ...

    ساره بخوف ..: مدري بكلمه الحين واشوف ...

    دلال : يلله كلميه وردي علي .... بايوووووووو بدخل المسنجر ...

    سارة بتحسر ...:وااااااااااااااااااااااااااي لا لا لا ... ابي ادخل انا بعد ...حسبي الله عللي كان السبب .....

    دلال ..:ـهههههههـ والله تستاهلين ليش ماذاكرتي زين.....

    ـخـ خ ـخـ خ ـخـ خ ـخـ.......

    سارة وهي منقهرة :والله اني ذاكرت بس الأبله حاقده علي ... عشاني احلا منها .....ـهههههههههههههههـ.......

    دلال وهي مب قادره تمسك ضحكتها ...:

    عشتو يالجميله بس... ...ـههههههههههههههـ ...

    سارة : اقوووووووووول بس امنعي الكلام .... ـهههههههههههـ

    دلال والضحكه فلتت منها :وش امنعي الكلام هاذي خخخخخخخخ... انتي تتكلمين لغه اعجميه ....ـهههههههـ

    سارة : أنا قلت امممممممممنعي الكلام هههه

    دلال : ـههههـ يلله باي بس

    ساره وعجبها الحال : اممممممممممممممممنعي

    دلال : ـهههههههههههههههـ

    سكرت سارة السماعه و نزلت الدرج وراحت ركض لابوها وهي تنناطط وتضحك ....

    وقفها ابوها بيده وسألها

    _خير انشالله مستخفه اليوم ؟...

    طالعته سارة بعيونها الكبار واللي زادوا كبر من الخرعه ..:

    هاه.. مستخفه ؟.. انا؟... هههههههه ....لا ...ولا شي ....

    ابوها (ابو بندر) : ايه... من كنتي تكلمين ؟

    سارة وهي تلحس شفايفها :ولا احد ...

    طالعها ابوها بغضب وقال ..:يعني اكذب اذني واصدقك؟.... اقولك من كنتي تكلمين؟..

    سارة بنرفزه : اكلم بنت خالتي دلال خلاص ارتحت ...

    عصّب ابوها زياده وقال وهو يمسك الجوال من يدها : لا ماارتحت ..هاتي الجوال...

    وسحب الجوال من يدها بقوه وبسرعه دق على اخر رقم تم الاتصال عليه...

    و

    توووووووووووووت

    تووووووووت



    جاوبه صوت بنت

    : الوووو سوير شعندك ؟

    دلال وماعجبها الوضع : الو سارة وينك؟تستهبلين انتي ؟..

    سااارة؟...

    طالع منصور السليّم (ابو بندر) سارة بنظرات راحه ولوم وسكر السماعه في وجه دلال بعد ماطلعت على وجهه علامات الندم..

    وقاللها بخشونه ..: مرة ثانيه لاعاد تعيدينها اذا سألتك جاوبي على طول...


  5. #4
    ساره وهي معصبه بس بلعت زعلها ..:..زين يبه...

    وتذكرت هي ليش نزلت اصلا وقالت ..: ..بس انا عندي طلب ...يعني ممكن ولا امشي ولا كأنه صار شي ؟...

    ابو بندر ..: قولي وخلصيني ... بس لا تحاوليييين اني اخليك تدخلين عالنت قبل لا يخلص الشهر ولا بمنعك من الطلعه بعد ..

    ساره ..: لا ارتاح انا خلااااص فقدت الامل زي مافقد ابليس امله بالجنه ...

    ابو بندر باستغراب ..: غريبه ... مب عوايدك ...

    ساره ..: ايه لاني الحين ابي شي اهم ...

    ابوبندر ..: وشوووووو ...لا تقولين لي تبين جوال جديد ؟؟...

    ساره ..: نونو ماي دير ..بس يعني ... انت عارف اني طفشانه وودي اغير جو .. ووو .. يعني.. وو...(وبعد تردد قالت )... ابي اسافر لخالتي بالاجازة الصغيره ...




    * * * * * *




    خلونا نتكلم عن عائله ابو بندر منصور الـــسليّم شوي

    هم عائله ميسورة .. ساكنين بالخبر .. عايلتهم مكونه من

    ..ساره المجنونه ..

    اخف دم واحلى دم في العايله ... عيونها سود ووساع بس فيها حور رهييــــب ...وخشمها والسيف واحد ...

    الوحيده اللي شعرها لركبتها في العايله .. عمرها 18 بس انه عندها هوايه الرسوب في المدرسه ...

    وهي سمرا شوي ...مملوحه جدا ...وتميزها ضحكتها الروعه ...

    اما اخوها الكبير بندر ...

    عمره 24 سنه ...و هو يشتغل بشركه ابوه ...

    دلخ بعض الشئ...شايف نفسه ومغتر بغناه ...

    ولانه وسيم ويطير عقول البنات ...

    اما اختها الكبيره اصيل ...

    فهي طيبه وحالمه لابعد حدود...وعايشه بعالم غير عالمها...

    واخوهم الصغير محمد

    ابو احدعشر سنه ..دلووع العائله وطلباته اوامر..ماله دخل في شي ...لانه اساسا مو داري وين الله حاطه فيه !!...

    ابوهم يصير ولد عم امهم ...

    وامهم وابوهم منفصلين من اربع سنينـ ...

    وابوهم قاسي عليهم .. لكن يحبهم رغم هاذا كله...

    وصارت له من عقب انفصاله عن زوجته ...

    حساسيه ويا عيال عمه ... اللي هم اخوانها ...

    فما عاد يطلع معاهم ولعزايمهم و يرسل عياله بس ...

    ونرجع لقصتنا ...



    * * * * * *


    كانــــــــــ هاذا الجزء الاول ..

    واتمنى اعرفــــــــــــ ارائكم اذا تبوني اكملها وللا لأ ....



    ^__^


    تحيــــــــــــــــــــــــــــــــــاتيــ

    حسايفــ



  6. #5
    يــــــــــــــــــعني ماعجبتكمـــ ؟؟
    ما أكلمها ....

  7. #6

  8. #7
    بس رد واحد !!
    ابي تشجيــــــــــــــــــع وللا ماحأكملها ............

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter