ياأهلين وسهلين ببنوتات ميجا جيرل
أنا رح أعلمكم كيف تسووا أساور الصداقة
وهي صعبة لما تبدي فيها لكن لما تتعودي رح تصير سهلة
وفي كتاب اسمه أساور الصداقة للورا تورس ممكن اللي تبغى تتعلم منه
طبعا عشان تسووا الأساور لازم يكون عندكم خيوط واللي لازم تستخدميه هو نو خيوط (كتن برليه )
وأحسن ماركة اللي يكون مكتوب عليها Rose وبرضه Moon بس Rose أحسن
الأساس انو تتعلمي كيف تسوي العقد
في عقد من اليمين الين اليسار
وفي من اليسار لليمين
و اذا عرفتي كيف تسوي هادول الطريقتين رح تعرفي تسوي باقي الأساور
رح نبدا مع طريقة أول اسوارة
مو شرط انو تكون أربعى خيوط لكن لو كنتي مبتدئة يفضل انو تبدي بعدد قليل
ملاحظة:
بالصورة مكتوب أنو تاخدي خيط واحد من كل لون بس أنا بالنسبة لي أحط خيطين مع بعض كأنهم خيط
واحد (يعني أحط نفس اللون مع بعض كأنهم خيط واحد ) وممكن تحطي أكتر كل ماحطيتي اكتر تكبر حجم العقد وهذا أسهل جربي أنو تسوي بخيط واحد
رح تتعذبي أنا كنت أضل على الاسوارة الواحدة يومين أو ثلاثة وبعد ماتعلمت هذي الطريقة
صرت أقدر أسوي 5 في اليوم الواحد (ماشاء الله )
وهذي اسوارة أنا سويتها
كثير يسوا أساور لكن بعدين ألوانها ماتطلع حلوة أنا عندي طريقة ممكن تساعدك أختاري مدرجات ألوان
زي الزهري وممكن تبدي من الأفتح للأغمق او العكس وممكن اذا تبغي تسويها ملونه تحطي لون حلو
في البداية وتحطي بعده لون يلبق عليه وبعده لون يلبق على اللو ن اللي حطيتيه وكده .. زي ما أنا
مسويه بالصورة
واذا كنتي تبغي تسوي اسوارة
يكون نفس اللون متكرر تحت بعض تحطي من نفس اللون خيوط على حسب اللي انتي تبغيه
ولازم يكون ترتيبها ورا بعض
وانا ان شاء الله رح أحط كل يوم طريقة لاسوارة مختلفة
واذا في أي سؤال أو أحد مافهم أنا جاهزة
ولاتزعلوا اذا طلعت معاكم أول مرة مو كتير زابطة لأنو انتي لسه مبتدئه
حتى أنا ماكانت تطلع معاي مرة حلوة
وأتمنى انكم تجربوا وتورونوا اللي سويتوهم
وأتمنى اكون أفدتكم
المفضلات