شعر لقيته في منتدى للكورة ومرة عجبني\
![]()
![]()
![]()
![]()
::جيد::
يامحمد غبت عنها أسبوع من باب التغلي
ودي أعرف وأكتشف عن حبها لي وأختبرها
يامحمد سبعه أيام عجاف أبدون خلي
شفت فيها الويل واعيوني ملازمها سهرها
شلت هموم خلق الله وعايش في كدرها
أدري ان الصبر مفتاح الفرج وبه أمتحلي
مير هي عنها حرم باجماع كل اللي نظرها
رحت أدور لتسلي وين أبلقاه التسلي؟؟
أخرج أمن البيت ألقى نفسي أبرم في قطرها
طفت شارع بيتهم ماغير مقبل به مولي
الشوارع مظلمه والقى بشارعهم سفرها
ودي أسمع ذكرها لومن عذولا بالتبلي
مومهم الي يقوله المهم انه ذكرها
شفت أخوها صدفة واقفىٍٍٍٍ يرحب بعض كلي
بعضي الثاني همس باذني تنشد عن خبرها
قمت أهلي به وأنا خايف لساني لا يزلي
شفت شعره في ثيابه,قلت هاذي من نثرها؟؟
وانكسف مني.تبسم لي.وناظرني بغلي
قال توي كنت بالصالون والناس اشكثرها
قلت فعلا شفت هالصالون بالناس امتملي
والله انه يكذب الكذاب وانه من شعرها
اعرفه من ملمسه من ريحته من لونه ألي
مثل لون العودحمره من سواد يشتقرها
شلتها بالدس في جيبي وانا ماأشفيت غلي
ودي استمتع بملمسها وريح من زهرها
قمت ودعته وليلتها عذابي مستغلي
طول ليلي حاضن الشعره واناجي في صورها
سبعه أيام وأنا في داخلي ربط وحلي
اعزم ألفيها وأهون خايف آسبب في ضررها
وبعد سابع يوم من هم بقلبي مستحلي
أتصل بي واحد ساكت ونفسي في ضجرها
قلت ألو وشفيك ساكت رد ياجعلك تغلي
كني أسمع صوت ليمونه بفمه يعتصرها
واهمست وش سهرك للحين في وقت امتتلي
قلت طيفك نعلبو جدك.وضحكت من فخرها
واهمست هلحين اجي واخبرك عن دقي وجلي
قلت معقوله؟؟وقالت نار شوقي مااقتدرها
جت وهي متخفيه صبح بليل مستظلي
كنها تحسب خطاها مير يفضحها عطرها
نفحها مسك ونثر أنفاسها ورد وفلي
المكان الي تعدي منه يبقى فيه أثرها
جت تبختر ردف يتمايل وردف يستقلي
كنها ترقص على تكة خطاها من بطرها
عنجهيه صدرها تفتك بخصر مضمحلي
لاتثنت تنقسم نصين من خصر بترها
قمت ماني في شعوري كل مافيني يهلي
كنها المتفضله بانقاذ روحي من بحرها
ترتجف في قلبها خوف تولاها تولي
تنفض ايديها ويتقطع نسمها من حذرها
كلما هز الهوى الشباك واحدث فيه خلي
بسملت واتفززت تحضن يديها في صدرها
قالت انت أشفيك متغيب جفا والاتخلي؟؟
قلت لاهاذي ولاهاذي ولا حتى قدرها
مير أنا كثرت جياتي وخفت أنك تملي
سلهمت بعيونها عضت عنبها من قهرها
واخبطت بكفوفها صدري ودمعتها تهلي
قالت أقسم لك برب البيت شوفتك أنتظرها
قلت أجل وش وخرك وأنتي لعنواني تدلي؟؟
لايكون أنه جفا؟؟قالت حشا وارخت في نظرها
انت تدري عن ظروفي حط نفسك في محلي
بنت مثلي خارجه من بيت اهلها وش عذرها
لو قدرت اليوم اجي والقى عذر مقنع وحلي
مامعي في كل يوم حجه لهلي ابتكرها
جادل من نسل شيخ لايهاب ولايذلي
فاتنه وأجمل بنات الكون ماتسوى ظفرها
وجه مثل الصبح يتنفس بنور مستهلي
والرموش الليل عسعس ليلة محلى سمرها
طرفها في حد ذات الطرف عالم مستقلي
به نهار وليل به بحر وسما داخل حورها
جيدها الفتان نوراً من زجاج مستجلي
لو لمسه أبهامها بصمته تبقى في بشرها
من شفافيه جسدها والنعومه والتجلي
أي شياً تشربه ينشاف نازل من نحرها
ظامها شلال دهن العود بالجيد امتدلي
الوحيد أللي جبرها تنفعل محد جبرها
صار يتمرد يعذبها تلمه ثم تفلي
ثم ترجع تلفحه ويعود مايسمع لمرها
ابتسامتها وميض البرق في نوٍ مطلي
والشفايف كنها قوس قزح لونه غمرها
ضحكها معزفةٍ يطرب لها قلبٍ يولي
وامنياتي ماجنه ترقص علي نغمه وترها
ان حكت نفثاً من السحر الحلال ولا يحلي
تستميل اقلوب من يسمع كلام من درره
لادنت مني تبعثرني على غنجٍ ودلي
وانصهر بنفاسها وإحساسي المرهف صهرها
عينها مستسلمه والرمش طايح مستذلي
طابح طيحة فارسٍ رمحه بعدونه كسرها
والله إن أللي ببالك يامحمد ماحصل لي
ذبت وأروتني عفاف وكل مافيني شكرها
مامنعني غير طيب أصلي ولي قدر أمتعلي
واللي أدهى من كذا خفت اني انزل من نظرها
قمت أودعها وانا شوقي يزيد ولا يقلي
لحظهٍ هدت فرح ساعه وبالكود أفتكرها
اوجبت غسلاً على عيني بدمعٍ مسفهلي
قبل تبلغ حلمها والرشد واتمتع بصرها
بعدما عاهدتها بالله حرمت التغلي
توبه أتغلى ونار أفراقها مقوى سقرها
استنى ردودكم الخطييييييييييييييييييييييييييييييرة
لوكاس بدولسكي ![]()
![]()






اضافة رد مع اقتباس





المفضلات