السلام عليكم ورحمه الله ..
السبت:-
ترغب عبير في الانضمام إليك هل تود استضافتها ؟
الدلخ :الله يهلك من كمبيوتر ما قلتلك أي بنت اقبلها وأنت مغمض يالله انك تحييها يا هلا ومرحبا أعوذ بالله قحط فى هالماسنجر ولا بنت يلله نقبل عشان نشوف منهى (مسوى ثقل قدام نفسى )
الأحد:-
طول اليوم شابك على المسنجر ابشوف منهى ( انعمت عيونى من الشاشه )
وبعد خمس ساعات : قامت عبير بتسجيل الدخول
والدلخ مسوي ثقل وهو يحترق يبغى يشوف منهى وكم عمرها ومن وين وووو ؟؟؟؟؟؟؟؟؟؟
عبير : سلااااااااااام
الدلخ :هلاااااااا
عبير : كيفك
الدلخ : كيفك أنتي
عبير : (كيفك انتى ) حركات على بالك لبناني
الدلخ : أنا أحلى من اللبنانيين لا تحقريني
عبير : لا يا شيخ من تشبه
الدلخ : أشبه الشمس في عز الظهر وأشبه القمر ليلة اربع تعش
عبير : أقول يالدلخ
الدلخ : يا عيون الدلخ
عبير : ليش أنت بطئ ما ترد بسرعة معاك أحد غيري ؟؟
الدلخ :لا لا لا والله محد معاي
عبير : ترى بسكر المسنجر
الدلخ : لا تكفين شوى بس شوى خلى نسولف ( ما صدقنا على الله بوحدة تبي تسكر )
عبير : طيب قولي نكتة
الدلخ : تبين نكتة عن باسكال مشعلاني
عبير : وسخه ولا زينه
الدلخ : يعنى وسط
عبير : لااا ابي نكتة غيرها لأن باسكال تقهرني بدلعها ما احبها
الدلخ : طيب فيه واحد نذل دايم يجى لبيتهم متأخر وطرده أبوه من البيت
راح وكتب على البيت لوحه : سكن أمريكان علشان يفجرونه
عبير : لوووووووووووووووووووووووول
يا حبي لك يالدلخ أنا أموت فيك ..يا خفك
الدلخ : شنو تقولين؟
عبير : قصدي يا خف دمك
الدلخ : اشوه عبالي تقولين شي ثاني
عبير : حبيبي ممكن بوسه
الدلخ : عبير مو على طول يا بعد عمري
عبير : اوكى بس بكرة تعطيني بوسة ؟
الدلخ : ولا يهمك
الدلخ : آه آه آه
عبير : شفيك سلامات
الدلخ : قلبي قلبي يا عبير بدى يحب
عبير افاااااااااا بس توه بدا يحب
الدلخ : توه دل دربه بس
عبير : أنت شفيك تتأخر في الرد ؟
الدلخ : تونى متعلم الكتابة و اكتب بإصبع واحد كني القطو رز مزة هندية
ألي كان بعشرة ريال غلا و صار 45 ريال عبير : بعد ما شاء الله تناقش الأسعار !!
الدلخ : لا مالنا ومال السياسة من قال أسعار الله يهديك بس !!
عبير : ما علينا بس اشوى احسبك مشبك مع وحده ثانيه وقاعد تكلمها
الدلخ : تطمنى كان عندي ثنتين من شهر أكلمهم وحدة ملت مني تقول بطئ
والثانية قالت لي: يا ثقل دمك ما عندك ذوق لأني قلت لها يا دبه
وقالت تراني أحذف اسمك من المسنجر لانك ما عندك ولا كلمه حلوه تخليني انجذب لك وقالت بعد اسمك الشين يفشلني عند رفيقاتي
و رازة اسمك قدام خواتي بالماسنجر مثل المنظر!!
عبير : خلاص أنا زعلانه منك ليش كلمت غيري
الدلخ : يعنى أنتي اللي ما كلمتي
عبير : أنا كنت اكلم عشره مو واحد
الدلخ : عشره وأنا معهم ولا تسعه وأنا العاشر
عبير : ياخى يا غبيك( كل الأعداد اللي تقولهم مجموعهم عشره )
الدلخ : قصدي عشره ولا حدعش يعنى
عبير : ممكن تغير الموضوع ياخى
الدلخ : و الحين كم تكلمين ؟
عبير : واحد يحبني واااااايد و يموت فيني
والثاني غبي وااااااااايد بس خفيف دم
الدلخ : أنا الأول ولا الثاني أنا مشبه على الأول بس حاس أني الثاني ومتأكد أني الأول
اللي تحبينه وااااايد ودي أقول أني الثاني علشان تقولين صح
عبير : دلخوه تراك ضيعتني
أنت شفيك ما تعرف تجمع و لا شنو ؟
الدلخ : اه بس اه
عبير : سلامتك من الاه
الدلخ : ياشين الحب
عبير : ليش شين؟
الدلخ : يضرب الحب شو بيذل ؟
عبير : حبيبي أنا استأذن
الدلخ : افاااا بدري ما اتفقنا على كذا
عبير : يا عمري أمي فوق راسى تبيني افصل
عبير : باااااااي جا (يا) اخوي الكبير
الدلخ : يا سفابك والله حسافه !!
عبير : بكره نفس الوقت هذا بااااااااي عمري
ومن بكره اللي يوافق يوم السبت
عبير : مرحبا
الدلخ : مراحب ياهلا هلااااااااااااااا
عبير : عمري وشلونك
الدلخ :هلا والله ومسهلا
عبير : أنا زعلانه عليك
الدلخ : ليش بس شنو سويت أنا ؟
عبير : غن لي أغنيه عشان أرضى عليك ممكن بس لحضه ابي احط التحدث وتغنى لي ..
الدلخ : لالا صعبه والله صوتي مو حلو
عبير : لا والله صوتك حلو بس بس يالله غنى لي وترى ماراح أسمعك صوتي الين تغنى !!
الدلخ : اه بس امرنا لله ( وحطينا التحدث )
وقلت لها ممكن بس أسمعك تقولين حبيبي .
وكتبت لي لالا مو ممكن !!
وكتبت لي يالله غنى أي أغنيه ..
الدلخ : يبدا يصدح بالصوت العذب ..
هيلي يا رمانة …... هيلي يا رمانة
والحلوى زعلانه والحلوى زعلانه
مين يراضيها مين يراضيها
أنا أراضيها وبروحي افديها
بس ما لاقيها فى يوم زعلانه
ياروحى ياعمرى يا حبى العذري
مليت من صبري والروح ولهانه
والروح ولهااااااااااااااااااااااانه ..
عبير : تسلم يا بعد كل الدنيا
الدلخ الله يسلمك بس تكفين ودي اسمع صوتك ..ممكن !!
عبير : مره ثانيه أنا عندي أخوي الصغير وما اقدر أتكلم بس اكتب لك
الدلخ : يعنى أخوك الصغير سمع صوتي
عبير : أيه سامع صوتك وأنت تغنى يقول صوته حلو يحسبه مسجل يقول عيدي الشريط !!
الدلخ : الله يعافيه اللي مدح صوتي .
عبير ممكن تغنى لي ويلي مالت راشد الماجد
الدلخ : ما تلاحظين ياعمرى أني عطيتك وجه !!
عبير : نعم نعم عن الغلط بس
الدلخ : اتغشمر اتغشمر و الله اتغشمر لا تزعلين
عبير : أنا فرحانة انك تغنى لي وأنت تهزئني صحيح انك دلخ ما تصبر
مثل ما قالت أختي اللي أعطتني الماسنجر مالك
الدلخ : آسف والله آسف يالله أغنيها لك عشان ما تزعلين
ويللى ياويلى ويلى ياويلى اه ياويلى اه ياويلى
مالي فى هلدنيا سواك مالى في هلدنيا سواك
كفاية جروح يروح الروح كفاية جروح
حبه ابى يا ناس ابى قربه وبروحي اشتريه
آسف والله ترى ما حفضتها كلها
الدلخ : أقول صلاة الفجر الحين شرايك بكره قبل موعد اليوم بشوي
عبير : لالا نتواعد أنا وياك نتغدى مع بعض بكرة
الدلخ : لالالا ما يصير مو معقول الكلام هذا ....... حلفي انك صادقة !!
عبير : والله اتغدى أنا وياك والوالدة مع بعض
أصلا كل يوم اتغدى أنا وياك مع بعض
الدلخ : يا ويحا قلبي ... من معي
عبير : أنا أخوك الصغير يا غبى
والله لاعلم أمي عليك
وتحول الحلم إلى سراب وتحول الفرح إلى قهر وتهديد من صغير ..وتحول وجه الدلخ إلى ( خبزه محترقة ) سواد
الموضوع ملطوش لطشه محترما^^
منقول^^
مع تحياتي"{اي}"^^
سلام^^
اضافة رد مع اقتباس
المفضلات