مشاهدة النتائج 1 الى 9 من 9
  1. #1

    Talking اي نوع من الأطفال كنت..؟؟؟

    يختلف الاطفال في سلوكهم وتصرفاتهم ونفسيتهم ..


    لذلك .. هناك نماذج مختلفه من الأطفال كنا في يوم من الأيام مثلهم ..


    الطفل البريء

    في المنزل تجده حبوووب وطبيعي 100 %

    لكن مع دخوله المدرسة .. ( تنمحي ) شخصيته ..

    فتكثر الاصابات في وجهه .. لأنه مايدافع عن نفسه ..



    الطفل العنيد
    يطبق نظام البيت بالعكس .. يسوي اللي براسه ..

    مايخاف من الأب أو الأم .. لو قلت له هذا خطر لاتقربه .. عناد فيك يسويه ..

    يُــضرب كثيراً في طفولته .. ومع ذلك عنيد مايغير رايه ..



    الطفل الحنّـان
    يستخدم وسيلة الحنة لتلبية رغباته

    له نغمه خاصه في المنزل ..

    تلبى رغباته كـُرهاً .. يعانون اهله من الصداع المستمر ..



    الطفل المادي

    هذا الطفل مايرد السلام الا ( بفلوس ) ..

    تعامله مع اهل المنزل .. مادي بحت ..

    يستخدمونه لتوصيل طلبات المنزل .. ونقل السوالف.. وكل شي بحسابه ..



    الطفل الفتّــان

    تجد عند هذا النوع جميع اخبار المنزل ..

    يجد المتعه في اذلال غيره بالفتنه عليه .. ماله خاتمه ..

    هذا الطفل حتى لو شريت سكوته بفلوس ..

    توقع تلقى اخبارك ثاني يوم في الصفحه الرئيسية .. في الجريدة الرسمية ..




    الطفل الدلوع

    هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

    تلبى رغباته قبل ليطلبها .. شخصيته اتكاليه جداً ..




    الطفل العله

    يزعجك بأسئلته الي ماتنتهي .. يستفسر من كل شي .. حتى لو عطست ..

    قالك شلون عطست .. وليش عطست .. وشلون تكونت العطسه ..

    يحرجك احياناً .. ويمكن دائماً بأسئلته .. مره تجاوب عليه ومره تسفهه ..

    واكثر الاوقات ماتلقى اجابه لاسئلته .. لانك في الحقيقه تجهلها ..



    الطفل المتشرد
    هذا الطفل مستحيل يجلس في المنزل ..


    يعيش في الشارع اكثر من بيته .. خبره ودليل في كل ممر وطريق ..


    يعرف طول الشارع بالسنتيمتر .. من الممكن ان يصبح اذا كبر مهندس طرق ..




    الطفل الصريح

    يستانسون اهله على سوالفه .. فصيح جداً ..

    ويلقط العبارات والمفردات بسرعة مذهله ..

    يسبب احراج دائم لأهله .. من الممكن ان يقول كلمة بالغلط للضيوف او الاقارب ..

    يتميز احياناً بقلة الذووق والوقاحة اذا انفعل ..

    لاينصح بأستفزازه ابداً ..




    الطفل اللزقه

    تلقاه مسنتر عند باب البيت .. محد يطلع الا وهو لازق معاه ..

    حتى الضيوف من الممكن تلقاه يلزق فيهم ويطلع معاهم ..

    يـُـضرب كثيراً .. وخاصه من اخوانه اللي اكبر منه .. او خواته ..

    لانه عباره عن رادار على طلعاتهم ..

    احياناً يضطرون يطلعون من نافذة المنزل للهروب منه ..

    ولكن للأسف يجدونه بانتظارهم في السيارة ..ويسألهم ليش تأخرتوا عليّ ..




    الطفل الهادي

    هذا الطفل ماله صوت ابد .. وين ماتحطه تلقاه ..

    احياناً يهملونه اهله .. لانهم ناسينه ..

    واحياناً يلقى اهتمام زائد من اهله ..

    لو يموت من الجوع ماتكلم ..

    في كثير من الاحيان تلقى اهله ناسينه بالسوق او عند الاقارب اثناء الزيارات ..



    الطفل القوي

    اهله دائماً في احراج و مشاكل مع الناس ..

    هرمون الاجرام مرتفع بنسبة عالية في جسمه ..

    في كل جبهة طفل في ( منطقتهم ) تلقى له أثر وتوقيع ..

    يمثل القائد والفتوه .. يهابونه الاطفال ..

    يتقرب منه الكبار ويتوددون له حفاظاً على سلامة اطفالهم ..



    ياترى انتوا من أي نوع اذا تذكرون؟؟
    e4336caa09


  2. ...

  3. #2
    السلام عليكم

    مشكوره على الموضوع

    اممممممممم

    كانت شخصينتي ممزوجه بين

    الهاديه و البريئه



    يلا سلملم
    سبحانك اللهم وبحمدك أشهد الا إله إلا أنت استغفرك وأتوب إليك

    دعاء الكفارة لاي شخص اغتبته خلال اقامتي بينكم. في أمان الله

  4. #3
    لحـظة اسال امي

    اي نوع كنت منهمـ .. biggrin

    لأنـي ما اتذكر طفولتي جيدا ً ..^^

  5. #4
    تقريبا هادئة لكن كنت كله أيلس بروحي عرايسي...تسلمين عالموضوع الحلو ^^
    attachment

    attachment

    أشكركم ياأحلى أعضاء في أحلى منتدى عرفته!....crycrycry

  6. #5
    انا كنت من النوع الهادئ ولله أفضل الحمد
    لكن الحين اووووووه مشاغبة يطونة البيت هههههههههه
    يسلموووو على الموضوع النايس
    اختج
    الجاسوسة 222
    xXx

  7. #6
    اما انا كنت من النوع الفوضوي واللي يطبق اي شي في الكارتون يعني قوم كبتن ماجد وربعه
    بس الحين وايد احسن هاديه بس الفوضا في دمي واحب اعيش قصة هاري بوتر يعني مااتغيرت
    sigpic137688_1جوفنتس +برشلونه +الارسنال= يعني بالعربي ملكت العالم

  8. #7
    انا الطفل الدلوع وللحين اذا سويت مشكله اطلع منها واتكل على غيري
    من اهلي طبعا
    تسلمين عالموضوع الحلو
    attachment


    اعجز عن شكرك حبيبة قلبي فتاة كرتونيه : فيس خانقته العبره :

  9. #8
    مشكووووووووووووووووووورة أختي على الموضوع الحلو مثلك ...

    أنا كنت الطفل العله !! يا حرااااااااااااااااااااااااااااااااااااااااااام ..

  10. #9
    الطفل الهادي

    هذا الطفل ماله صوت ابد .. وين ماتحطه تلقاه ..
    فعلاااا

    احياناً يهملونه اهله .. لانهم ناسينه ..
    لاابداا

    واحياناً يلقى اهتمام زائد من اهله ..
    صحيحـ

    لو يموت من الجوع ماتكلم ..
    مب لهدرجه عاااد

    في كثير من الاحيان تلقى اهله ناسينه بالسوق او عند الاقارب اثناء الزيارات
    والله ماصارت


    يعطيكـ الف عافيه على المووضوع مرره حلووو

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter