[ ذكرياتي مع عدستي ]

[Miss warble]

السلام عليكم ورحمة الله وبركاته

كثيراً مانخرج ونسافر الى اماكن عده لكن بعض تلك الاماكن لها طعمها الخاص
ولها ذكرى محببه لفنوسفنا وربما البعض لديه موهبه التصوير فتراه فكل مكان عدسته معه
فليتقط لنا شيئاً من تلك الذكريات ،

هذا الموضوع وضعناه بين ايديكم لنشارك بعض الذكريات ، لا يشترط احترافك بالتصوير
حتى لو تم اخذ الصوره بكاميرة جوال فالذكرى تبقى ذكرى ، اين كان المكان هنا موقع ذكرياتكم ،

إدارة القسم ،

[Miss warble]

، سأكون أول البادئيّن ،

هاذي الصور عِندما سَارفنا إلىَ جنوب المملكه ،
هاذي خرجه خرجتها مع الأهل اذكر يومها كان الجو ضباب خصوصا بقريتنا فهيا تقع فوق جبل
لكن عندما تنزل للأسفل يخف الضباب قليلاً وهذه بعض الصور التي التقطتها ، في الصيف الماضي







إن شآء نسافر لو إسبوع واحد بس
يقولو الربيع هآذي السنه غير

[missme]

وعليكم السلام ورحمة الله وبركاته

وربما البعض لديه موهبه التصوير فتراه فكل مكان عدسته معه
فليتقط لنا شيئاً من تلك الذكريات ،

تدرين مرت علي ايام ... الكيمرا كانت ملزقة في يدي .. 24 ساعه اصور ...

ماشاء الله ..
منظر خيالي

واربلوو .. تعرفين انا الحين شنو بسوي من الفرحة ..
بروح ايمع سي ديات كلها .. وبعور راسج بصوري
لا امزح ..بييب الذكريات ..اللي فعلا فعلا لها طعم حلو
لن لو يبت لج الذكريات العادية ..يمكن اقتل موضوعج بآلاف الصور اللي برفعهم


لي عودة

[Miss warble]

missme

أهلاً بالمصوره والمصممه والكاتبه =)

تدرين مرت علي ايام ... الكيمرا كانت ملزقة في يدي .. 24 ساعه اصور ...

جميل

ماشاء الله ..
منظر خيالي

سُبحان الله ،،
عِندما يكون المنظر في الصوره مختلفا تماماص عن الحقيقه !
تعشرين بمدى المنظر الذي امامك

واربلوو .. تعرفين انا الحين شنو بسوي من الفرحة ..
بروح ايمع سي ديات كلها .. وبعور راسج بصوري
لا امزح ..بييب الذكريات ..اللي فعلا فعلا لها طعم حلو
لن لو يبت لج الذكريات العادية ..يمكن اقتل موضوعج بآلاف الصور اللي برفعهم

ولو ! حياكِ الله دائماً وابداً كم عندنا ميسمووو
>> أكيد وحده ،
ارتسي الموضوع صور حلالك عزيزتي

أنتظر إبداعك =)

[M!ŠŞ Goțhic]

كنت بسوي لي موضوع خاص بس لما شفت هذا قلت ليش ماأظهر إبداعي لكم؟ لي عودة إن شاءالله مع صوري (: تسلمين عالموضوع الفنتك

[فاريهان]

^_^ السلآم عليكم والرحمة ^_^

كيف حآل البطــة وآربل ؟

وحشتيـنآ يا شيخة ,, القسم العآم مشتآق لكِ



الصــورة عجيبـة وربي ,, يعني بالعربي خطـيرون

وصرآحة اللي عجبني بموضوعك إنة لـ الذكريـآت ومو شرط إحترآف التصوير

لأني في بآلي إني أشتري كآميرآ ديجيتآل بس ربي ما كتب ,,

وعشآن كذا أنا عندي جوآلي N76 تصويرة مش بطآل ,,

لكن يسد الحآجة

عشآن كذآ بروح أعدل الصور بـ الفوتوشوب ورآجعة لكِ بأذن الله ,,

وتشكرآتي لـصآحبة الموضوع على اشيك موضوع

:

بــ رب

[Miss warble]

، السَلامُ عليّكم ورحمةُ الله وبركاته ،

Miss Gothic

لا تنسي ان تصوري القوثيك لا بد من وجود ذكريات معهم
أنتظرك عزيزتي


فاريهان

يالهوي !
اين ذهبت عضويتك الأخرى !

،

وعليكمُ السَلام ورحمةُ اللهِ وبركاته ،
بخير ولله الحمد أيتها الأوزه !

والله أنتو أكثر ، أنا أيضاَ مُشتاقه للقسم العاك كثيراً ،
دخلت اليوم وماعرفتْ بأي موضوع أبدأ
لكن بإِذن الله سأعود إلى العام

بالتأكيد الذكريات اياً كانت فهيا حلوه دائماً
نعم نعم شاهدي تصويري بكاميرا جوال 6681
هوا شقيق N70

أنتظركِ ،

[هزيـم الرعـد]

وعليكم السلام ورحمة الله وبركاته

يعطيك ِ العافية خيتو واربيليتـّا على الموضوع الذي روعة من جد ^^

حتى التصميم بتوقيعك طالع يزنن حيل مرة حاز على اعجابي

اعذرينا ع الرد السريع .. بس ما حبيت امر من غير رد .. ^^

وعد مني بس ارجع الرياض <<يعني بيقول انه مسافر الحين >>

راح احط كل صور الذي انا في صوّر

سلاموز ^^!

[Mr. Who]

السلام عليكم ورحمة الله وبركاته

اول شي شكرا علي الموضوع , والفكرة الكيوت , والصور كتير رروعة طالعين ..

وهاي الصور الحلوة لمن كنا طالعين علي طريق البحر , بتاريخ 24 من شهر 7 الماضي :



تقبلوا تحيتي ^_^

[missme]

ييت ومعاي صورة وحدة


هاي على اياام البرد
كنا رايحين البر .. ^^^

[*Angel Moon*]

يـااااي نايس بالمرة

الموضوع تُحْفَة تسلمين واربل
وان شاء ارجع ومعي صور ^^

[Sandy Allegro]

وعليكم السلام ورحمة الله وبركاته,
أول مشاركة لي في هذا القسم منذ افتتاحه
الكل استغرب , بقدر ما كان في نفسي من حماس ..
سبحان الله ! منذ فكرت أن أشارك هنا اختفت أي رغبة في نفسي ..
بعضكم يعلم الأسباب
فلنترك ذلك جانبـاً

وآربــل ,,
الله يعطيكِ الصحـة والعافية يارب
الموضوع رائـع , وطرحـك أروع
تسلم أناملك يا الدبيااا

للأسف حالياً في الجهاز ما عندي صور كثير ..
كفشت لك صورة " درة العروس " ---> ما أحبها
الصورة قديمة شوية .. بس يومها كان فلة وذكريات جنان
قلت خليني أحطها ^^

ولي عودة بكل تأكيد..
الله يديم الحماس اللي نزل علي فجأة
واربلتي , اتصرفت في البانر تبعك من غير آخد اذنك ^^"
ايوا أدري عادي
في أمان الله ,,

[*Co0oL GIRL*]

.

السلام عليكم ورحمة الله وبركاته

وعليـكم السـلام ورحمــه الله وبركـاته

،’

كثيراً مانخرج ونسافر الى اماكن عده لكن بعض تلك الاماكن لها طعمها الخاص
ولها ذكرى محببه لفنوسفنا وربما البعض لديه موهبه التصوير فتراه فكل مكان عدسته معه
فليتقط لنا شيئاً من تلك الذكريات ،

هذا الموضوع وضعناه بين ايديكم لنشارك بعض الذكريات ، لا يشترط احترافك بالتصوير
حتى لو تم اخذ الصوره بكاميرة جوال فالذكرى تبقى ذكرى ، اين كان المكان هنا موقع ذكرياتكم ،

إدارة القسم ،

يسـلمووو واربل ع المـوضوع الفللللللللله ..

من شفت صورة الكاميرا بـ توقيعج الروعه على طول تحمست

وقلت إلا اطلع كل الصـور الـي عندي

.. ولحسن الحظ توني راجعه من مصـر قبل اسبوعين تقريباً ^^!
والكاميرا كانت كل الوقت في يدي ما بقى شي هناك كل شي صورته مع إنـي مب محترفه فـ الصوير

:: المهم ::

هذي صـور صورتها خارج المتحف المصـري لأن داخل المتحف ممنوع التصوير

<-- تهاوشت مع الشرطي الي ما خلاني آخذ الكاميرا معاي






.
.
.

ثانياً [ الملاهـيييييي ]

ما خليت لعبه إلا وركبتـها .. وعجبني تصميم المبانـي والألعـاب هنـاك ..








وصوركم حلوة ما شاء الله

و

بـرب لـي عـودة . . .

^__^


.

[Rama Primavera]

السلام عليكم ورحمة الله وبركاته

كيف حالك واربلو ؟ عساك بخير وصحة ؟ يعطيكِ ويعطي الإدارة العافيه إن شاء الله على الموضوع ..
فكره حلوة .. وناجحة .. وعاد يامكثر ذكريات العدسات بالذات .. أوكـي .. الصورة الي جيبتها معاي منجد
يعني ذكريتها فله صحيح الوقت ماكان حلو لانه كان اسبوع إستعدادت للإختبارات العام الترم الأول وسبحان الله
كان في عز الظهر .. وسبحان الله كمان إن حر المدينة حر وبردها برد مافي وسط ياكذا ياكذا على قد البرد إلي
كنا حاسين فيه في الفتره هذيك على قد ماحنا حننشوي حر الأيام هذي .. الله يصبرنا ونكسب أجر تحمل جوها

Cold Sun



لنـا عودة إن شاء الله

فمان الباري l الحمدلله على كل حال

[هزيـم الرعـد]

مرحبا اقين ^^

اخر سفرة لي رجعت منها يوم امس .. كانت لجدة ولمكة
يحسبوني جاي من المريخ .. شغلتي امشي واصور .. ما خليت شي



هذي في الرياض .. يوم وصلنا المطار ..
تقريبا ً اول صورة صورتها قبل الرحلة ^^


هذا الجامع اللي سكنا جنبه في جدة
"سبحان الله اسم الجامع بالضبط نفس اسم جامعنا في الرياض" ^^!


هذي مكة من برى !


مكة من داخل ^^"


وانا اخذ القيلولة الصباحية داخل الحرم .. فاضي واوسوس
طلعت الـ هذا وبديت اصور اللي حولي


في الحارة الضيقة .. قدام ايس كريم العاصمة


سووووقووووي :| !! .. مرة فانتاستك هالمجمع
حتى من داخل طالع يزنن حيل ..

------

هذا ملف مضغوط فيه كم صورة من داخل الحرم صورتها ^^"
بعضهم ماشي حالها وبعضهم مش حلوه لان تصويري ع السريع
حسبت الشغلة سهله طلعت اصعب من الغطس

http://www.b7nan.net/uploaded-3/0_1186228440.rar

راح ارفع الباقي على ملفات مضغوطة لانها كثيرة ^^"
والى هذا الشسمه هذاك لي عودة

[Miss warble]

لقد عُدت ،
وعليكم السلام ورحمة الله وبركاته

هزيـم الرعـد

الحُمدلله على السلامه ،
مَاشاء الله باركَ الله تمشيتو كويس =)
إحنا يمكن نسافر يوم الخميس ويمكن لا

وآو ماشاء الله ،
الجو مغيــّم ماشاء الله يِفتح النفس =)

وآآآآآه هادى الجمآآع أعرفو بس يمكن مآآيطلع هوا نفسو
هوا جمبو سوق ؟ ^^

يآآآي مكه الله يرزقنا بزيآآره لبيته ،
من زمآآن مره عن مكه نفسي اروحها ، بس إن شاء الله قريب

خخخخخ الله يرج أبليسك هززوم فيه صورة حوورمه بالصوره

الحمدلله اهم شئ اتهنيتو ،
الله يديم فرحتكم ان شاء الله ،
امتعتنا هزوم كان نفسي اعلق على كل صوره بس الشعب الماسنجري


Mr. Who

العفو ،
وآآآآآو الصوره صرآآحه ماشاء الله تهبل
والجو مغيم سُبحان الله المنظر رهيب ، الرمل مع البحر يآآآآآي

فين دا المكان >>>> تحمست


missme


تعرفي ايس يبغالك
الحين وين الصور ديك كلها
>>> سويتي لي ازعآآج

الصوره صغرتيها مره ><"
بس نــآيس المنظر ماشاء الله ،
الي بالصوره جبل ولا تلال رمل ؟


*Angel moon*

أنتظرك دبيه

[Mr. Who]

السلام عليكم ورحمة الله وبركاته

Mr. Who

العفو ،
وآآآآآو الصوره صرآآحه ماشاء الله تهبل
والجو مغيم سُبحان الله المنظر رهيب ، الرمل مع البحر يآآآآآي

شكرا اختي علي الاطراء الجميل

فين دا المكان >>>> تحمست

بقطاع غزة علي الساحل , بس في انوا مكان بالضبط نسيت
يمكن بالشيج عجلين او بعد ,,يومها كنا طالعين سياحة بما انه المعابر
مغلقة وما في سفرات علي مصر ولا سوريا ولا اردن حتي
فقلنا لازم نعمل سياحة هون , ونروّج للسياحة بنشر الصور علي النت

اهلا وسهلا فيكي اختي , اكيد راح تعيشي بجو اكشن لو اجيتي




هاي الصور اعجبتني كتير اخ هزيم الرعد

احترامي للجميع

[Emily Rashy]

السلام عليكم و رحمة الله و بركاته

أهلين أختي واربـل ، كيفك وكيف الإجازة معاك ِ
الموضوع والله شي أنا مثل ساندي هذي أول مشاركة لي في القسم من يوم ينفتح ، شفتِ كيف موضوعك يغري دخلته دغري قلت لازم أشارك مهما تنح الملقم و تعذبت و أنا أرفع هالصور
اكتشفت موضوعك من توقيعك في قسم التحميل بموضوعي الخاص ويوم شفت الصور الساطورية هذي تحمست والله أطلع اللي عندي مس مشكلتي ما أصور مناظر و معالم من دون أوادم ما أستظرفها علشان كذا ما أحتفظ فيها و بالقوة طلعت 10 صور بعد التقطيع و التظليل <--- قناة السعودية على غفلة ههه
بس لو إنك بكرتِ شوي في الموضوع و خليته قبل 5 أسابيع علشان أحط بالي وأصور صور تصلح في الأماكن اللي مريت فيها الأيام اللي طافت كمان أغلب صور الذكريات القديمة عند أختي وهي مسافرة الحين <--- كنها طالت السالفة

المهم ...

بفرجيكم عشرة صور من أماكن و أوقات مختلفة ، أتمنى تنال على إعجابكم
وبصراحة أنا مو حريفة تصوير ولا هاوية بس مشاركتكم في الذكريات تسعد ^^


- امتداد الصور ( الصيغة ) : JPEG
- مساحة الصور: 600 × 450 بيكسل

- ملاحظة: الصور الظاهرة مصغرة حتى ( 250 × 188 ) لسهولة التصفح ، فأرجو الضغط على الصور لمشاهدتهم بالحجم الكبير!



الصورة الأولى

"كاسة شربات"



مشروب توت سوري كان في الصيف الماضي قبل سنة جانا من مزرعة في سوريا عصير توت مركز زي فمتو رمضان وأحلى بعد ..... بالأخير خرب في الثلاجة لأن محد يحبه إلا أنا
تدرون ! مدري وشلون صورت هالصورة كنت جالسة قدام الـ تلف-الزيون وعجبني شكل الكاس من الزاوية هذي و تشك تشك ^_*




الصورة الثانية

"أجواء هندية"



هذي الصورة بالضبط كانت في أيام القمة تذكرونها يا محلاها من أيام منجد كان لها نكهة غير
مرينا عالخبر وتعشينا من أحد مطاعمها وهذي كانت من الصور "أبوي إذا شخّص ودانا المطاعم الهندية "




الصورة الثالثة

"أبي أشبح من دون لاشتك"



هذي الصورة التقطتها في جدة بـ شاليهات النورس موفنبيك ، كانت في صيف العام الماضي


_______________


متحف البحرين

تقريباً في إجازة ربيع ألفين و ستة رحنا للبحرين ، وأهم المعالم اللي زرناها فيها متحفهم الوطني الشعبي
اللي عجبني فيهم إنهم كانوا يسمحون بالكاميرات وما يمنعون التصوير على غير عادة المتاحف ، وبصراحة كان المتحف رووعة والأشياء المعروضة فيه من مجسمات تجسد ماضي البحرين و تراثهم العريق ومن بعض الصور و الوثائق ، متحف يزخر بالمعلومات عن هذا البلد الشقيق
حتى كان فيه العديد من الأجانب
وبالكــاد لقيت كم صورة ما فيها إحنا طالعين^^"...


الصورة الرابعة

"دار زمان أول"



هذي الصورة تبين طريقة المنزل البحريني القديم ، والظاهر هذول الهاي كلاس زمانهم لأن لو تلاحظون الدار فيه كم غرفة و حوش وفيه بئر بالوسط و القطوة تسرح و تمرح مبين إنها شبعانة و الطفلين جالسين يلعبون يالله من فضلك مين يلقى هالعيشة زمان أول ^^"




الصورة الخامسة

"مجلس مبارك"



هذي الصورة من مجسمات للأسرة البحرينية قديماً ، فكل أفراد الدار أمامه مصحف يقرأ بتمعن و خشوع الكتاب الغظيم ( القرآن )




الصورة السادسة

"سفينة راسية على الخليج"



مجسم لسفينة مدري وش قصتها بس لها قاعدة كبيرة أول ما ترقون للدور الثاني من المتحف
والصور كلها أخذتها من الدور الثاني بس




الصورة السابعة

"جلسة حريم"



دكة عربية على بساط بسيط ، للنساء فقط ، نرى من خلالها أزياء وطريقة لباس نساء البحرين


_______________


الصورة الثامنة

"القلعة الصخرية"



مدخل لقصر جوات مزرعة من مزارع المملكة النائية بالشمال
كانت في الإجازة الصيفية الماضية 2006




الصورة التاسعة

"زاوية مظلمة"



هذي صورة للقصر من برا من الخلف وهذا مكاني المفضل إذا جيت أكلم بالجوال هههه عااد أنواع الرومانسية مع زقزقات الذواطير و هديل الصوارير <--- الله يحوم كبدك




الصورة العاشرة

"استاد الملك فهد من فوق فوق"



يوم الجمعة الماضي قبيل الغروب كنت جاية لمطار الملك خالد في الرياض ، فجأة وأنا قاعدة أطل من الشباك شفت معالم الرياض واضحة ومنها الناطحتين بس ما أمداني أصورهم ولحقت على استاد الملك فهد

[Emily Rashy]

(( تعليقاتي على صور اللي قبلي ))

تحسب نفسها صاحبة الموضوع


Ms.warble

ياااي صورك تشهي مرة واربل البرد و الضباب أكثر شي أحبهم في الأحوال الجوية <--- نقص
بس هذي الصور وين بالضبط من مدن جنوب المملكة؟ أبها - خميس مشيط - فيفاء - الباحة - بلجرشي - النماص - الرس <--- خرفت
أرجح ( الباحة - أو - النماص ) لأن كذا تضاريسهم و أجواءهم جبال وعرة و ضباب كثيييف ^^




Sandra Bullock

يااي ساندي صورتك حلوة طالعة كنها رسوم متحركة أو ذيك ثلاثي الأبعاد هههه ما شاء الله حتى تصميمك و الإطار تبعك حق الصورة خورافي يا كشخة
درة العروس قد سمعت فيها بس ما عمري شفتها مدري هي في الطائف أو جدة




Mr. Who

صورتك خطيرة والله عالبحر أكثر شي أحبه أجمع أصداف ^_^
نبي كمان صور كثيرة عن غزة خيو لو كان عندك من هيك صور مستر هو




*Co0oL GIRL*

الصور حقتك خورافية بجد والألوان زاهية مرة
وعادي ترا شي من عجايب الدنيا السبعة لو وافقوا في المتاحف تدخلين كاميرا أو أكل معاك




missme

ننتظر صورك الواجدة ، شوقتينااا




Anita

وسبحان الله كمان إن حر المدينة حر وبردها برد مافي وسط ياكذا ياكذا على قد البرد إلي
كنا حاسين فيه في الفتره هذيك على قد ماحنا حننشوي حر الأيام هذي

آخ بس لا تفقعين المواجع الحال من بعضه >_< بس أهم شي يمدحون تمورنا وأنا أختس




هزيـم الرعـد

بصراحة الصور خاصتك حلوة

بس يا راي ما تلاحظ شي ناقص في مجموعتك؟ ثالث شي يخطر بالبال لا ذكروا الحجاز ماش ماش ياخي وين صور البيك و بن داوود ؟ هذي من أهم معالم الحجاز ترا هههه

الحرم على كثر ما نشوفه إلا إن القلب يفز لا شفناه في كل مرة سبحان الله ، الصور جاية حلوة خصوصاً إذا جيت من زاوية تحت لفوق ، والمجمع شكله يجنن لحد الآن ما شفته وهو مخلص آخر مرة شفته وهو قاعد ينبني في شهر ذي الحجة الماضي ، شكله فخم و واجهته حلوة ^_^
وحق الجامع غريب ما عمري شفته على كثر روحاتنا لجدة ، إيش اسمه؟ الأسماء كثير مشتركة بيننا وجدة مثل شارع التحلية ، فيه جامع شكله حلو بغرب جدة على البحر أذكر عجبني بس مدري شسمه
أما الصور اللي في الملف غومين ما شفتها عندي مشكلة بالتحميل ><

* بصراحة مكسات طفشني هاليومين عجزت أرفع الصور فيه فلطشت رابط المركز اللي حملت منه وأحلى شي في المركز كلمتهم ( مدى الحياة )



تسلم إدارة القسم و تسلمين مس واربل ^_^

[Cole Sprouse]

الســلام عليكم

أهلاً واربو.. اليوم دخلت بالعافيــه.. ((وإذا..

ما قدرت أمســك نفسي عن الموضوع..

هذي ذكرياتي .. مع لبنـــان .. --بس هالمره ما طولنا --

نبدأ بأول وحده .. مرح أحطها بالترتيب ..



هذي وحنا في المطعم .. طلعت التشيك وخذيت شيك شيكات ..

..معلومــات عن الصوره..

الوضعيــه :عرضـي.

الوقـت : 3.56 عصراً

المكـان : لبنان ..جونيه .. مطعم ناسي أسمه



وهذي .. وحده من الشيك شيكات اللي في المطعم ..

نفس معلومات الصوره السابقه..



وهذي وحنا رايحين نمر على البيت نسلم عليه خخ.. أعجبني منظر الغروب وعلى طول تشيك..

..معلومات عن الصوره..

الوضعيـه:لقطات سريعه .. لأننا بالسياره ومشالله على الوالد

الوقت: 6.00

المكـــان: لبنان..عاليــه



وهذي بعد بالغروب شيك..

نفس معلومات الصوره السابقه مع إختلاف الوقت ..6.01



هذي صخــرة الروشه قدام الفندق .. نزلت للكورنيش وشيك ..

..معلومات عن الصوره..

الوضعيه: تخصيص

المكان: شارع الروشه الكورنيش

عاد باقي الصور كلها صورتها بوضعيــة التسارع..أرتحت عليها..تثيت الصوره صح..



وهذي وحنا رايحين لجعيتا .. ماقدرت أصور جواتها .. ممنوع ..!! قمت صورت الكرسي ..



عشانه ممنوع .. مابقى صوره ألا وصورتها برا هذا مدخل المغاره من برا .. حسيتهم بيغتالوني لما شافوني أصوره خخ..



هذي النبته أعجبتني قاعده لحاله .. وحنا في جعيتا..



هذا أسمه الحارس بس نسيت الأسم الكامل .. المهم الناس كانو متجمعين يصورونه فصورته ..

ماحبيت أطل وجهه .. مادري ليش بس..



وهذي وحنا ننتظر القطار..حبيت أصوره ..



هذي وحنا رايحين للسياره .. صورتها من اللقافه اللي فيني .. وطبعاً بعد هذي الصوره أندبغت ((مصطلح بمعني رحت فيها) من قبل أبوي ..



بعد ماطلعنــا .. كنا ميتين جوع .. رحنا للمطعم .. الوالده طلبت مويه .. وأعجبني إنعكاس الشمس على الكاس .. ومافوت الفرصه..



وهذي في يوم جديد وزحمة السيارات على الكورنيش..طلعت الكميرا أعجبتني النخله..وتشيك



وهذي بعد ماصعدنا ..لجونيه.. شفت طياره حلوه فكرتها .. سوت جدل في العائله الكريمه عشاني صورتها ..
اللي يقول بيت ناس ساكنين فيه واللي يقول طياره حطوها هنا واللي يقول مصنعه .. صار الجدل بين ثلاث أطراف...



هذي مجموعة ناس من عدة دول سووا أعمال .. قعدت أدور على السعوديه مالقيت..كل اللي لقيته الكويت ولبنان واليابان والصين والفلبين .. ودول ثانيــه..هذي من لبنان على ما أظن ..



هذي صوره أخيره من جونيــه..

باقي صور كثيـــره بس العجز .. وشكراً على الموضوع.. ويله ألحق على عمري أطلع قبل لا أنطق..

ســـلام