السلاااااااااااااااااااااام
كيف الحال انشاء الله تمام ...؟؟
حياكم الله في الجزء الثاني من سوالف القايله >> عاشت الاسامي خخخ
خل اسولف عليكم شوي
هذا ياطويلين العمر والسلامه
انا واخوي الحفله لما كنا في مكه صايرين مثل توم وجيري
نتهاوش بس مانصلح بدون بعض >> مايمديكم على الأخوه
و حنا جالسين بالفندق ( الأوتيل >> بتسوي فيها كشخه ) قام الاخ وقعد يغني ويتغزل بعيوني
>> عاد من زين الصوت إلي كنه بشير شنان خخخخ
بس انا طبعا ما صدقت احد يتغزل فيني و قلت دام السالفه كذا خل انتهز الفرصه و اطلب منه يوديني السوق
لان خبركم الشايب إلي هو ابوي طبعا يخاف علي اطلع بلحالي يزخوني إيرانيين خبركم الايرانيين بمكه كل شي قدامهم يشيلونه
المهم ...
وافق اخوي ينزل معي السوق بعد انواع الطراره من ابوي وتمطخ الراس بالبوس لين سالت السعابيل و قام ابوي يمسح ما قام يفرق
بين ال5 ريال و ال 500 طبعا هذا إلي نبيه و عطانا المقسوم >> تحسون من جد اسلوب طراره
و بعد مانزلنا السوق بخمس دقايق بدا الدق والنحز بيني وبين اخوي و انواع العناد انا ابيه يدخل محلات البنات و هو يبي يدخلني
محلات البلايستيشن >> عسى السبيلنق عدل يا بلو خخخ
القشطه ...
افترقنا >> تحسون انها اغنيه
كل واحد راح بجهه انا طبعا انبسطت و جلست اتمشى ولا على بالي شوي إلا الشايب يدق علي و اقوله اني ضيعت اخوي >> و الله من النصب فيه اختراع اسمه جوال
طبعا ابوي من الروعه فز من مكانه و قال لا تتحركين و ينك هالحين جايك ؟؟؟
انا قمت اصارخ واقول : لا لا لا يبه تكفى لا تعني عمرك انا جايه بأسرع وقت هالدقيقه
طبعا اختكم خافت ان الشايب يجي يراكض و يزخها قدام العالم من الروعه ماله داعي انواع الاحراج و الافلام الهنديه
>> لاحضو ان اخوها هو الضايع و الوالد الله يحفظه ما جاب خبر
عاد في طريق الرجعه لفيت على نص المحلات ابي احلل الطلعه
و انا داخله الفندق إلا و اشوف لكم ذاك القطو إلي ينابح هوهو قلت له خير يابو الشباب إلتفت علي و خزني بنظرة إزدراء
طفشااااان عندك مانع اقول روحي قبل لا يطلع عليك الشايب >> صاروخ
اول مادخلت الشقه إلا وامي تصارخ وتمسكني تحقيق و انواع شد الشعر بم طقش كراخ >> و خذلك انواع التكفيخ
اجل احد يضيع اخوه طبعا امي ما فكرت فيني و في الايرانيين إلي ممكن يختطفوني >> ما صارت
المهم ...
دخل اخوي بكل برود و معاه باسكن روبنز وانا ناشف ريقي و عيوني طايره
و امي انواع التبويس في اخوي والتهميز وتقول عسى ما تعبت يا وليدي من الدواره في السوق
طبعا هو عارف نقطة ضعف امي و جالس يتمسكن : تخيلي يا امي طاح على الآيس كريم في الطريق واضطريت اني ارجع اجيب ثاني >> ياحياتي
اقول بس آآآآآآآآآآه ياقلبي ماحد معطينا وجه >> الله يخلف
و سلااااااااااااامتكم >> الاخت قايله قصيده
المفضلات