مواقف @ سوالف . كووم

**Hyman_Ad** · 01-08-2007, 22:38

هـلأ هـلأ بكـلـے الليـے دشـوو

يـاا مرحـبـأ بكم جمـيع

تفضلووو والله حالف .. اول تتقهوون عنديـے

يا حيـــــــهم والله

خلصـتوووا ! بعد تبـوون زيادة ولا بسـكم !

^_^ الحمدلله .. اصلا القهوه خلصت خخخخخ

ع العمووم بدش الحينه بصلب الموضوع

والله تبون الصـراحه .. انا من زمان خاطري احط هالموضوع

لكني انشغلت عنه وجذي وما حصلت وقت .. واليوم فاضي --> <--

انزين فقلت بحط لكم شي NeW .. مادري يمكن جديم --> بس هب منقول <-- لوول

المهم .. سالفة هالموضوع الله يخليكم ويطول بعماركم (( دش وخلصنا ))

ان كل واحد ايي ويحط سوالفه هنه ..

يعني صار له موقف ..

(( طريف , حزين , صادم , غريب , ظهر لكم يني خخ ))

أي شي اكتبوه هنه .. خلونا نستفيد أو نضحك وياكم

يعني مب " ستار بوكس " .. لا .. بدون اشحالكم وشو مسوين

كل واحد يرد لازم يكتب موقف صار له .. او صار لحد من اهله --> ماعليه هاي بنطوفها <-- خخخخ

اظن كل شي واضح جدامكم ^^

اتريا التفاعل

لو حد رد بدون ما يكتب يا ويله >> خخ متحلف الاخو <<

يالله شربتكم قهوه مب ببلاش .. خخخ بدينا بالمعاير

][ اسمحولي اذا حسيتو اني غريب شويه .. بس ماعرف شو فيه فرحان بزياده اليوم ][

بانتظاركم

**flower.1000k** · 01-08-2007, 22:46

لو حد رد بدون ما يكتب يا ويله >> خخ متحلف الاخو <<

ما برد مزاجي biggrin

ههههههههههه

تحياتي لك بس ما عندي شي اكتبه rolleyes

**Hyman_Ad** · 01-08-2007, 22:56

خخ
تراني مشرف بس مخفي خخ

--------------------------------------------------------------------------------

السلام عليكم ..

اليوم يايب لكم سالفه استوت لما كنت صف ثاني ثانوي ..

طبعا الكل عارف بعد الحصه الثالثه شي بريك .. ونحن كان عدنا دوري فالمدرسه ومباريات الدوري تكون فالبريك ..

احم ..
طبعا نحن كنا متصدرين الدوري والفرق بينا وبين الثاني 6 نقاط اللي هم ثالث ادبي ..

وفي هذا اليوم كان عدنا مباراة مع اول ثنوي .. وطبعا بما أن نحن اقوى فريق فالمدرسه الكل كان يحسب لنا حساب .. فالمقابل نحن ماكنا نحسب لحد حساب ..

المهم بدت المباراة ونحن كنا ظاغطين عليهم وهم مب قادرين يهجمون ولا هجمه .. وكان لعبهم خشن أنا طبعا ماحبيت ألعب معاهم بنفس الاسلوب .. مش لأني ما العب لعب خشن لان ولد عمي كان معاهم .. هع هع

المهم شوي حسيت ان فريقنا التعب مسيطر عليهم .. ما صار خمس دقايق واستوت الخايسه .. ما وعيت الا والكورة فالشبك .. انا حزتها عصبت وقمت اللعب نفس ما هم يلعبون ما يهمني ولد عمي ولا غيره .. وماخليت حد وماكسرته ..

شوي ولا واحد من فريقهم كسر ربيعي عاد ربيعي خال ما يتفاهم وايد .. قام وتظارب وياه عاد انا شفت البكس ناقع على طول فزعت حق ربيعي وشباب صفنا ماقصرو .. والله مساكين حصلو ظرب هع هع ..

وشوي يا استاذ الرياضة اللي هو ولد عمي بعد .. طلعنا برع الصاله وقال انتو ما بتلعبون ولا مباراة فالبطوله .. انا انصدمت كيف جي وبيني وبينكم ولد عمي كان نذل .. والله ذبحونا فالمبارة وما رمس ولا قال شي .. ولما نحن اتظاربنا طلعنا من البطوله .. الله يسامحه بس ..

وبعدها ....

ولا اقولكم خلوها يوم ثاني أحس هالسالفه وايد طويله وتنفع تكون قصة عسب جي بخليها حق بعدين ..

**الالم الابدي** · 01-08-2007, 23:14

السلام عليكم ورحمة الله وبركاته

مشكووووووور اخوي على الموضوع

انا وااايد عندي مواقف cool

بس كلها نسيتها والله dead

ان شاء الله لما اتذكر اكتب rambo

بس ممكن تكمل قصتك biggrin

باين عليها ممتعه

ولك مني جزيل الشكر^^

اختك
الالم الابدي^^

**Hyman_Ad** · 01-08-2007, 23:19

تسلمين اختي ع المرور
يالله ياخي تذكري وحطي من مواقفج
اكملها ايدي تكسرت خخ ان شاء الله بكملها بااجر

**الالم الابدي** · 01-08-2007, 23:21

الرسالة الأصلية كتبت بواسطة وحداوي غامض

تسلمين اختي ع المرور
يالله ياخي تذكري وحطي من مواقفج
اكملها ايدي تكسرت خخ ان شاء الله بكملها بااجر

الله يسلمك

ان شاء الله اتذكر

المشكله اني فاقده الذاكره dead

ههههههههههههههههههههههههههه biggrin

اوكي

باجر اذا ما تكملها يا ويلك rambo

>>>>>>>>ليش منو انتي biggrin

ههههههههههههههه

مع السلامه اخوي^^

ومشكووور على القهوه^^

**Hyman_Ad** · 01-08-2007, 23:23

خخ فاقده الذاكره انرجعلك اياها عادي لوول
خلاص يدتي راح انكملها باجر ماتامرين بشي بعد
مع السلامه خيتو

**الالم الابدي** · 01-08-2007, 23:26

الرسالة الأصلية كتبت بواسطة وحداوي غامض

خخ فاقده الذاكره انرجعلك اياها عادي لوول
خلاص يدتي راح انكملها باجر ماتامرين بشي بعد
مع السلامه خيتو

شلون ترجعها nervous

اذا عمليه ما اريد dead

خليها مفقوده احسن biggrin

ههههههههههههههههههه

لا تسلم

ما يأمر عليك ظالم^^

مع السلامه خيو^^

**Hyman_Ad** · 01-08-2007, 23:29

لا مش عمليه بس فلعه ع راسج وترد الذاكره نفس ماكانت

**الالم الابدي** · 01-08-2007, 23:32

الرسالة الأصلية كتبت بواسطة وحداوي غامض

لا مش عمليه بس فلعه ع راسج وترد الذاكره نفس ماكانت

هههههههههههههههههههههه

لا ما اريد nervous

خليها ترجع من وحدها احسن biggrin

مع السلامه^^

**lo$t iN lOvE** · 02-08-2007, 08:05

LoOoOoOoL

الموضوع فكرته حلوه ^^

وحداوي Complete Ur Story plz

**أنابيلا** · 02-08-2007, 08:23

إنشاء الله فرحان دوووووووم مو يوووووووم ..

والله في مواقف كتييييره .. بس رتب الكلام بعدين راااجعه ..

وياريت تعمل قهوه تانيه << شو مبين الأخت مطوله !!

سلملم يالغالي ... تشااااااااااااااو ...

**Hyman_Ad** · 02-08-2007, 09:39

الرسالة الأصلية كتبت بواسطة lo$t iN lOvE

LoOoOoOoL

الموضوع فكرته حلوه ^^

وحداوي Complete Ur Story plz

تسلمين لوست ع المرور
اوكي راح اكملها اليوم smile

**Hyman_Ad** · 02-08-2007, 09:40

الرسالة الأصلية كتبت بواسطة أنابيلا

إنشاء الله فرحان دوووووووم مو يوووووووم ..

والله في مواقف كتييييره .. بس رتب الكلام بعدين راااجعه ..

وياريت تعمل قهوه تانيه << شو مبين الأخت مطوله !!

سلملم يالغالي ... تشااااااااااااااو ...

يالله ننتظر مواقفج
خلاص خلصت القهوه مافي واحد ثاني rolleyes

**MOoOoON14** · 02-08-2007, 09:43

كشخه الموضوع

يوم بتذكر شي مابقصـر ^.^

**Hyman_Ad** · 02-08-2007, 09:56

وكلكم فاقدين الذاكره
انزين نتريااج لين ماتتذكرين
وتسلمين ع ا لمرور

**MOoOoON14** · 02-08-2007, 10:08

انزين يللا تذكرت موقف مضحك > كنت متذكرتنه >> بس يفشل><

مره كنا فواحد من هالمولات

انا واخوي وبنت عمتي مودين الصغاريا

وكان وقت انه ماشي ناس وايد

قلنا ليش مانغير جو ونركب قطار الموت مالهم > السخيف

!!

ركبنـا

وانا نازله من القطار

علق الكعب اللي كنت لابستنه فالبنطلون > لاني اجفسه ( اطويه ) tongue

من تحت طويل وايد

frown

وتخرطفت وطحت >> يدام بنت عمتي واخوي والفلبيني اللي كان يشتغل هناك

وطبعاً نقعوا من الضحك عليي وانا شوي واصيح

بس سويت عمري كووول > redface

ووقفت وكملت لا وبعد حرجت ع الفلبيني ..
خخخخخخخخخ

biggrin

وبث !

سلام

**Hyman_Ad** · 02-08-2007, 10:54

[b]خخخخ
زين ان مافي ناس واايد ف الموول ولا كان المول كله عرفج لوول
اللحين انتي الي طايحه وتحرجين ع الفلبيني المسكين خخ
وتسلمين ع [/b]المرور

**Hyman_Ad** · 02-08-2007, 11:28

السلام عليكم ..

رجعت عسب أكمل لكم السالفه ..

بعد المباراة من زوود القهر اللي فينا قررنا نسوي إظراب عن الدراسه ههه .. المهم وكان علينا دين نحن يالسين برع عند الصف بس مانبا ندش الصف .. والأستاذ يالس يقولنا تعالوا داخل ونحن كل واحد فينا راكب راسه ومب طايعين ندش الصف ..

شوي ولا الأستاذ عصب قال أنا براويكم .. اللحين بخبر المدير عليكم .. محد سواله سالفه .. ولا واحد من الشباب يقوله خبر الوزير بعد مب المدير ..

مدرينا كان اسمه عاطف .. ونحن كنا ندلعه ونقوله "عط عط" وهو كان ما يحب هالأسم .. المهم أول ما وصل عند الصف الشبيبه محد تم منهم .. أستوى الروغ نحن نركض والمدير ومساعد الدير "اللي هو لد خالي بعد محتلين المدرسه خخخ " يركضون ورانا .. وتمينا نلف فالمدرسه .. والمدير يركض ونحن نركض ..

ولا نحن نغايضه وكل شوي نقوله "عط عط" وهو معصب وشال خيزرانه بيده ويتحلف ويقول " والله لو مسكتكو حأطعكو " ونحن ولا معبرينه ..

لين ماتعب ووقف .. ونحن وقفنا قال ما بدشون الصف .. الكل بصوت واحد لاااا .. قال شو تبون .. قلناله رجعنا للبطوله .. قال هذا الشي مش بيدي بيد استاذ الرياضة .. قلناله كلم استاذ الرياضه عسب يرجعنا .. قال هذا مب شغلي .. قلناله خلاص يوم مب شغلك نحن ما بندرس اليوم ..

قال أوكي كلكم مفصولين .. الكل انصدم .. هو قال مفصولين وعطانا ظهره وسار .. المشكله نحن ما كنا كلنا .. في اربعه انذال دخلو الصف ..
الحصه الخامسه كان علينا انجليزي .. واستاذ الانجليزي كان طيب .. وحصته ما كنا ندرس فيها سوالف وضحك ..

حتى أني دخلت امتحان اخر السنه وكتابي ما دري وينه .. كان يعطينا الامتحان مال التقويم يقول برشموه ودشو الامتحان خخخخ .. عاد انا هاذي كانت شغلتي اسوي براشيم واوزع عالربع .. المهم يوم دخلنا الصف كنا ناوين نظرب الاربعه .. لو شردوا ويانا ما كنا بننفصل .. بس الاستاذ ماخلانا نظربهم .. وطلعنا برع الصف .. قال انا غلطان دخلتكم ..

عاد ذاك اليوم انذلينا ذل .. كنا نلف على المدرسين واحد واحد عسب يتوسطون لنا وماشي فايده .. كل واحد يرد يقول لازم تيبون أولاء أموركم ..

سرنا واجتمعنا ورا المدرسه .. شو نسوي اللحين .. الشباب محد منهم يايب تلفونه .. معدا انا وواحد .. ومحد يبا يتصل بأبوه .. الا واحد قالي هات تلفونك عسب اتصل فابوي .. اتصل فأبوه قاله: ابوي تعال المدرسه يبونك .. قال ليش .. قاله اجتماع مال اولياء أمور ههه .. قاله خلهم يولون مب فاضي وسكر ..

عاد أنا قلت ليش ما اتصل بعمي لأن عمي يعرف المدير .. المهم اتصلت فيه وقلتله تعال المدرسه طالبينك .. قال ليش قلتله فصلوني .. قال ليش .. قلتله مش أنا بروحي الصف كامل .. قال ليش انزين .. قلتله كنا شاردين .. والمدير فصلنا وقال ولا واحد منكم يدش الصف الا ومعاه ولي أمره .. قالي انزين هات ولي امرك ..

قتله وياراسك أنا ماريد اخبر ابويه عسب لا يهزبني تقول هات ولي أمرك ..

قال أوكي عطني خمس دقايق وبرد لك خبر .. قلتله اوكي ..

بعد شوي اتصل قالي خلاص سير البيت الحين وداوم ورا باجر .. انا صدق كنت وايد اشرد بس ما أحب اغيب .. قتله ليش انا باجر ابا اداوم .. قالي لا ماتقدر باجر احسنلك خذلك اجازة .. قلته انزين والشباب .. قالي اي شباب قتله الربع شباب صفي .. قال انا مالي شغل فيهم .. انا انحرجت الصراحه ما عرف شو اقول حقهم ..

شوي قلت يلا شباب ردونا بعد شو تبون >> اقص عليهم .. بس باجر لحد يداوم .. ورا باجر تعالو لأن المدير فصلنا يومين ..

وقبل لا نسير البيت قررنا نسير حق المدير ونستسمح منه .. ويوم سرناله قال ما بكلمهم انا زعلان منهم .. "هو صدق كان المدير عصبي لكنه كان طيب وحبوب" وتمينا واقفين عند باب الاداره لين ما ظهر .. وعطنا ذيج المحاظره .. قال خلاص انا سامحتكم .. بس لاتعيدونها مره ثانية ..

وهو يتكلم انا ضحكني شي واحد فكلامه .. كان يقول "والله انا كنت اقدر اشتكي عليكم فالشرطة بس لأني احبكم ما سويت جي .. انتو تدرون شو سويتو الحين .. انتو سيوتو تجمهر وامتناع عن الدراسه واعتراض على قوانين الدوله وهذا كله يعتبر من انواع الإرهاب " والله العظيم انا ناقع ظحك عليه أقول شو هالمخبل شو يخربط ..

وبعدها طلعنا للبيت قبل الحصة السابعه ..

الله كانت احلى ايام فالدراسه عندي .. ايام ما انساها طول عمري .. فيها وايد مغامرات .. واذا الله احياني بكتبها لكم ..

والسموحه عالإطاله ..

تحياتي.