السلام عليكم ..
كيفكم و شلونكم عساااكم بخييييييييير ... ان شاء الله منيحييييييييين ..
شوفو بقول من الحين
اللي فيه نوم يروح وينسدح وينام
واللي يدخل بس كأنه داخل عرض ازياء يحترم نفسه ويخرج احسن
واللي داخل بيقول مشكوور احسن له يخرج >> اجل لا تكتبين و ريحينااا
اليوم جايبه لكم مقتطفاات من ذكرياتي الجميله .. << ما ظنتي..
ترى السالفه فيها خيال شوي وخربطه <<يمديكم انتو بس على خيال ام الفله
ترا من الحين قاعده احذركم .. ترا فيه مشاهد عنيفه وخليعه يعني الي عمره اقل من 18 سنه يتفضل من غير مطروود
المهم ندخل في الذكريات دوووغري ..
في البداية بقولكم عن ألقابي يوم كنت صغيره ..
وهي .. الحلوه .. القمر .. دلوعه ابوهاا .. باربي ..الخ << اقول لا يكثر
بس اليوم بقولكم عن لقبي الي أزعل منه وهي ( شاااربه بحر ) …. لايروح مخكم بعيد ترااه بحر مو شي ثاني
شاااربه بحر هذي لها قصه معي .. وأنا صغيره ماكنت أعرف أسبح ..
كنا رايحين للبحر .. المهم اول ماوصلنا البحر ..
لبست لبس السباحه وهو عباره عن مايوه و انوااع الألوان
وجيتهم طاااااايره ما أشوف أحد من السرعه بين هالعالم أمشي طبلوني .. والعيال يصايحون ويصفرون ..
معذورين مو مصدقين بنت شقراء ع البحر اللي تقول والله أنها أمريكيه
واللي تقول أتحدى والله أنها بنت عائله نيوزلنديه مهجنه .. ههههههههههههههههههههههههههههههههههههههه
والحريم يهاوشون أمي يقولون حسبي الله عليها ماتخاف عليها يعطونها عين أو تنسرق
وما دريت ألا والبحر قدامي .. وأنا الي أصييييح وسع ياولد وسع ياولد .. وأنا الي أطمر وأطب بين الي يسبحون ..
بس المشكله نسيت أني ما أعرف أسبح .. وقعدت أكافخ أدور شي أتمسك فيه ..
وما دريت ألا بذاااكـ الولد الي تقول عباس ابراهيم.. << لاحس مخكـ عباس
المهم الولد طب بثوبه يبي ينقذني .. الله يلوم الي يلووومه ..
وهو الي يسحبني بيدي بقوه حسبي الله ع شيطانه يدي بغت تروح فيهاا
يوم وصلت للشاطىء وفكني .. جت أمي وصرخت في وجهه وش تسوي في بنتي
وأنا الي أطمر .. وقلت لأمي وأنا أبكي أشوااا أنك جيتي تفكيني من هالعيال وحركاتهم ذبحوني
وخذتني أمي وراحت لمظلتنا .. بيني وبينكم شربت نص البحر وأنا غرقانه ..
وما أمداني أقعد في المظله ألا خفر السواحل جايين يدوروني وينها وينها ؟؟ ...
قالت أمي خير خير وش تبون ؟؟ .. قالو بنتكم شربت نص البحر ولازم ترجعه الحين السالفه مو فوضى
قالت أمي وشلون ترجعه .. قالو مو شغلناا والا بنمسكها وندوس في بطنها لين تطلع الماء الي شربته ..
وتجمعو العالم كلهم متفرجين ومثل ما أنتم عارفين ماعلي ألا مايوه و فيه كل الألوان
والتفتت أمي علي وهي معصبه شاربه نص بحرهم يالي ماتستحين على وجهك ..
طيب انا اوريك شغلك عندي .. والله لخليك تندمين .. وجابت الشنطه وأنا أنتفض دريت أني رحت وطي
وفتحت الشنطه .. وأنا أدعي ربي يارب أنها ماجابت الي في بالي يارب ..
يوم فتحتها مافيها ألا مسدس تسعه ملي .. فرحت واستانست الحمدلله أنها ماجابت الي في بالي
المهم طلعت المسدس وحطته على جنب .. وشفتها سحبت السحاب الي في قاع الشنطه ..
صار في الشنطه مخبأ سررري .. فتحت المخبأ ..
يوم فتحته وأنا الي أصيح توبه توبه خلاص خلاص والله ما أتعودها ..
ولكنها أخرجت نعلة النايلو زنوبه مقاس 38 .. و انتو بكرامه
كانت مخبيتها في المخبأ عشان التفتيش ..
وخذت الزنوبه بيدها وأتجهت لي وأنا أصايح خلاص خلاص خلاص توبه والله معاد أشرب بحر أحد ..
يوم شافو خفر السواحل ان السالفه وصلت للزنوبه وشافو صياحي رحموني وقالو لأمي خلاص ما نبي منها شي ..
ولكن أمي مسكت معاها غلط .. وتمسكني بطرف فنيلتي ورفعتني فوق
والجماهير قامو يصايحون يوم شافوني وأغمي على بعضهم ..
وبدت أمي تدور في ظهري مكان فاضي للأرقام الجديدة ..
وما لقت الا عند الرقبه من ورا .. وبدت شغلها والعالم يعدون 38 .. 39 .. 40
وأمي تقول رجعي بحرهم الي شربتيه .. رجعي بحرهم رجعي بحرهم ..
ومن بعدها و هم يقولون لي شاااربه بحر
ما يستفااد من الخرابيط اللي صارت فوق :
× لا تطبون في البحر و انتم ما تعرفون تسبحون
× لا تشربون البحر تراا خفر السواحل يطالبونكم
× تراا طلقه المسدس و لا ضرب الزنوبه
× و الشعر الأشقر مره امي الله يصلحها حطت لي حناء وع ما احبه
بس مغلوب ع امري فبدل ما يصير احمر قلب اشقر
جربو و يمكن يطلع شعركم اشقر
×ترى ماعندي سالفه بس موضوعي وكيفي انا حره<<اقول تلايطي
وسلاااامتكم ...
المفضلات