إلسلام عليكم...
ما أعرف إذا سبق و ناقشتو هلموضوع...قصدي هلمصيبه .
إلمهم...
بغيت أعرف آرائكم في موضوع إلأنيمي في الخليج.
مو معقوله يا ناس, ما عدنا محل أنيمي واحد فلخليج بطوله وعرضه
في دول فلعالم عمري ما سمعت عنها فيها محال مو بس محل واحد, مختص بلأنيمي ولمانجا.
أمريكا سابقه دول إلعالم في هلموضوع بعد دول شرق آسيا طبعاً, ما تتخيلون في سنه بس كم محل أنيمي فتح في أمريكا, كل مدينه فيها كم محل, زائد إلمحلات إلكبرى إلي باديه تبيع لأنيمي ولمانجا.
وحنا كيف إنحصل الأنيمي؟
بهلتنزيل من إلكازا وهلمواقع...
وفبلاد برع إيحصلون 10 حلقات بـ 28 دولار بس.
أو
إذا سافرنا خارج إلدوله ولي ما يحصل إلا مره فلسنه
أو
نشتريها عبر إلإنترنت, ولي معضمنا ما نقدر عليه لأنا معضمنا من الـ 17 و تحت و ما نملك ماستر كارد أو أي بطاقه
لاتقولون قنواتنا تعرض الأنيمي, معضم الأنيمي من سنه شي و ثمانين
ولو كان جديد...يعرضون حلقه فلإسبوع...ويعيدونها طول إلأسبوع إلباقي
و طبعاً إلترجمه من أولها إلى آخرها غلط في غلط, مافي داعي أقول أكثر في إلترجمه
إحنا بنتم على هلحاله
إلا إذا حد إنتبه و شاف إنا إحنا محتاجين هلنوع من إلمحلات, و أكيد بيربح أرباح خياليه لأنَ محبي لأنيمي إلصراحه إيزيدون كل يوم و أكيد وصلو بلملاين بس فلخليج
هاه شو رايكم؟
غلطانه ولا شي؟
عندكم رأي ثاني؟
يا ريت إتشاركوني في آرائكم ...
المفضلات