مشاهدة النتائج 1 الى 15 من 15
  1. #1

    رائع متى البنت تقول ياليتني ولد ؟؟!

    بصراحة في موضوع يشغل بال اغلب البنات
    والأكيد ان هذا الموضوع نتيجة لأمور كثيرة تواجه المجتمع النسائي .....ولو نخصصة نقول المجتمع البناتي
    والموضوع يتلخص بعبارة تلقاها مثل التنفيس اللي يلجأ له
    (ياليتني ولد)
    لما يكون في عزيمة ...والكل مستعد وتجهز....ويطلعون برا وينادون السايق....وأخيرا يلقون السايق مو موجود
    وبعد جوله على جوالات الاخوان.... وتسيرة على جوال الابو
    ويأس من ظهور السايق
    وبعد جملة مافيه روحة ارقوا غيروا
    تلاقي صرخة تسبق هالجملة وتعبر عن الموقف بقوة
    (ياليتني ولد )



    والا بجمعة عائليه ...وتخيم حلو بالربيع
    العيال مجتمعين يلعبون بالبقي والدبابات
    وبعضهم معه جمس والا جيب
    والباقين باللوت والمنيبولي
    وضحك وبسطة
    والبنات اللي معهم جوالات ويروح رجاها بالهوا
    والثانيه واقفة تترجى اخوها ...بدون فايدة
    والثالثة بعد مايأست رجعت لسواليف الحريم المملة والكيئبه
    مع ان طلباتهم ماتعدت دورة بالجيب بين هالرمل
    والا دورة بالبقي
    والا حتى يمكن شريط بسيارتهم بس ماأحد راضي يعطيها المفتاح
    والنهاية
    (ياليتني ولد )



    وأحيانا تعزم صديقاتها
    وتقولهم بكل الفخر
    العشا على ...لا ومن وين من الريف الايطالي ......طلبيه عشان خاطر عيونكم
    هم ماعندهم سايق
    لأن الاب يقول عندكم 5 اخوان
    (حنا مانحتاج سايق البيت كله شباب)
    وإذا كانوا هالشباب
    واحد قافل جواله
    والثاني بالبر مايوصله الارسال
    والثالث نايم بالملحق ولا في امل يصحى
    والرابع بالغرفة ...وقافل على نفسه الباب ...ويقول لااحد يزعجني
    والخامس مع عيال أخواله عندهم دورية


    والعشا يتفركش
    والاعذار تتسكت بوجبات( بتوصيل منزلي) من هرفي
    واول مايطلعون
    تسمع صرخة بالحوش
    (ياليتني ولد)



    كل شيء يهون بس اللي مايهون ايام العطل
    قبل العطلة يمكن بشهر
    البنات حول الابو وتسمعه يترجون من قلب<<<<<<<<مساكين يكسرون الخاطر
    يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
    نبي نسافر هالسنة

    لا وانا ابوكم هالسنة مشغول
    عندي انتداب عمل
    ويمكن عمل اجباري
    هالسنة امكم والده
    وين ناخذ بزر بالشهور معنا
    وأخوكم مهند
    توه يمشي
    تبونه يشغلنا اذا سافرنا والا يضيع من بين ايدينا
    تدرون
    تبون جدة والا الشرقيه ...يالله اختاروا ...
    والا وش رايكم نروح عند اهلكم بالعيينه
    بنفس هالوقت يدخل فيصل
    يبه عن إذنك ترا اليوم رحلتي مع محمد وتركي وخالد ولد عمتي
    بنروح مصر ام الدنيا كم يوم ونجي
    عاد زي ماقلتلك يمكن نمر شرم الشيخ
    هاه خواتي ياحلوين تامرون على شيء قبل ماأروح
    إيه
    سموا
    تبادل
    ايش
    (ياليتنا أولاد)



    ولما تكونين جالسة على اللاب توب
    وتو النت شابك
    (تم تسجيل دخولك الى شبكة الاتصال )
    وتوك فاتحة على المفضلة تبين تشيكين على الموقع اللي تبي تدخلينه
    الا اللي فوق راسك
    ومن صار ...اليكر ...نواف ....حبيب البيت ......وبرا البيت

    ايي اخوج يقولج قفلي النت
    ليش؟؟؟؟؟
    ابي التلفون ....وثاني مرة لا تشبكين فاهمة !!!!اوكي
    وليش ما أشبك
    اولا صرف ....ثانيا بنت ....ثالثا وحق شنو تشبكين ...وشنو الفايدة...؟؟؟؟ماله داعي
    !!!!
    لاأحد يرفع السماعة اوكي......
    (ياليتني ولد)



    طبعا صايرة كلمة للعائلات فقط تستفز شريحة كبيرة من الشباب هنا
    اضف الموضوعات الصحفيه المنتشرة بخصوص هالموضوع
    طبعا هالافته بقدر ماهي مزعجة
    بقدر ماتخليك تفكر وتمعن فيها
    الكل مع الشباب المعارضين لها
    لان المحطات الترفيهية لهم قليلة
    لكن ،،،لما يجون يقارنونها بالبنات .......هنا نوقف شوي
    أغلب المجتمعات النسائيه كيئبة ومملة بشكل كبيييييييير
    والسواليف أغلبها تقتصر على
    لبست...شرت ...انخطبت ...تزوجت....حملت....سافرت
    وتلاقي درجة الغلينا عند البنات من هالسواليف توصل 100درجة مئويه
    الطلعات برا و مع الصديقات....أغلب العوائل محدودة
    والبقيه مابين حريه مطلقة....الى منع مطلق ...فالبيت هو المنتزه الموجود المشترك
    وش في هالمنتزه ؟؟؟؟؟؟؟؟؟؟؟؟؟؟؟؟


    مثلا تلفون
    أغلب العبارات التي تنقال على اللي تكلم
    ايه تلفون 24 ساعة انتي ماتملين
    بالله عليكم وش تقولون كل هالوقت

    منهي ذي ؟؟؟؟ هذي تغريد....هماك توك شايفتها بالجامعة

    قفلي التلفون .....ليش؟؟؟؟؟؟؟بس موب الزم كل ذي الهذرة-

    من بتكلمين نهى ...مو لازم بكرة بتشوفينها بالعزيمة ألحين انتظر تلفون من أختك ببريطانيا _

    من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك


    ************

    طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل

    طيب اروح عند التلفزيون ....لا لا لا
    مستحيل التليفزون انقلب الى أداة لترويج المنكر ...كله استعرض للبنات ....وهو خراب لعقولنا يالبنات
    أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
    غير البرامج والسخافات و و و و و و و...............
    وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    مافي قدامي غير غرفتي .....تدرون وش ابسوي فيها
    -
    -
    -
    -
    -
    -
    -
    -
    -
    -
    -
    -
    -
    -
    -
    -
    -
    -
    (ااذاكر)
    !!!!!!عرفتوا ليه البنات اشطر من الاولاد ...........استوعبتوا السر ؟؟؟؟<<<<<<<<واحنا طايحين قز بالمجمعات

    طبعا في اشياء ثانيه موجودة
    بس هذي اهم الاشياء
    وأول ماتفتح الكتاب وتمسك القلم
    (اففففففففففففففففففففففففففففففففففففففففففففف(يا ليتني ولد


    لو أني ولد ...
    أول شيء اسويه اروح أخذ امي واخوتي وامشيهم بشوراع جده
    ونروح نشرب لنا قهوة من بارنيز
    ولا نمر على ملك المانجو وناخذلنا كوكتيل
    والا نروح عم حمزه واعشيهم على حسابي
    والا أفاجئهم واقولهم يالله ناخذ لنا عمرة
    (او ناخذهم ونروح لاي مكان مكتوب فيه (للعائلات فقط وادخـــــــــــــــــــــــــــــــــــــــــــله
    معقوله هذا اللي الشباب يتذمرون منه......اثاري دخوله سهل خخخخخخ


  2. ...

  3. #2
    والله مدري ايش اقول nervous

    يعني بالنسبه لي عالنت والتليفوون عادي ما احد يتدخل فيني gooood

    واغلب الأشياء اعملها يعني مثل روحة عند صديقاتي و........

    بس الشي اللي احس فيه اني اتمنى لو كنت ولد

    هو السهر بالليل بره البيت

    مشكورة عالموضوع.....gooood
    The Only Thing That Would Hurt Me , is If You Weren't Here

  4. #3
    السلام عليكِ أختي ^^

    تسلمين على الموضوع ^^

    وبالنسبة لي .. الحمدلله إني بنت ^^

    أولاً .. ما عندي أخوان أكبر مني عشان يتشرطون علي ^^

    ثانياً .. المفروض تفتخرين إنك بنت وما تكتبين هالموضوع >>> عشان ما تخلين الأولاد يتفاخرون بردودهم اللي تبي تجي بعد شوي dead

    ثالثاً .. البنت فيها أشياء مميزة .. والولد فيه أشياء مميزة .. يعني مثلاً ^^

    البنت .. المدرسات والمعلمات ما يتجرؤون ويضربونها في المدرسة ^^

    الولد .. ضرب باللي أو العصا .. يوجــ....ــع .. ما أدري كيف يتحملون dead

    البنت .. تروح المدرسة وهي مرتاحة .. أبوها أو أخوها أو السواق هو اللي يوديها ^^

    الولد .. يقوم من النوم وإلى أبوه فوق راسه يصارخ عليه .. قم يا ولد لك 12 ساعة نايم وما شبعت للحين .. قم ود أخواتك للمدرسة >>> مسكين .. أكيد ماله خلق يودي أخواته في الصبح dead

    البنت .. طيبة .. هادية .. رقيقة .. نعومة ومن هالكلام ^^

    الولد .. طيب بعض الأحيان وبعض الأحيان dead .. مو هادي ولا رقيق .. جلف بعض الشيء ^^"

    آسفة أختي على الإزعاج nervous

    جانا ^^


    سبحـان الله وبحمدهـ .. سبحـان الله العظيمـ


  5. #4
    مساكيييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ين

    تبو تسير اولاد لا مافي لالا روحو بعيد يلا مافي لالا ما اخليكم

    هههههههههههههههههههههههههههههههههههههههههههههههههه هه

    بس صراحه موضوعك فللللللللللللللللللللللللللللللللللللللللللللله

    والله السواقه متعبه في جده

    والمشاوير حقت الاسواق اااااااااااااااااااااااخ منها

    تعبونا الاهل

    ياريتهم كلهم اولاد ونفتك

    يسلموووووووووووووووووووووووووووووووووووووووو

    سلااااااااااااااااااااااااام
    attachment

  6. #5
    لالالا خليني بنت أرحم
    ناقصني ؟
    بس ضحكني الموضوع
    ههههههههههههههههههههههههههه
    يسلمووو
    ec1c90debbd790bace232a4676285aa3

  7. #6

  8. #7
    انا ابغى اكون ولد لسببين
    لأني امووووووووووووووووووووت في التفحيط
    و السعودية يمنعون قيادة المرأة فأغلب الحريم يسوقون بالبر
    و انا امنيتي اسوق سيارة ددسن >>> وانيت
    و لا همر
    و افححححححححححححححححححححححححط فيه حتى ادوخ
    و الأمنية الثانية اني ابغى اكون ولد عشان اطلع مع الربع في الليل و اروح وين ما ابغى بدون رقيب او حسيب asian

    و مشكووووووورة عالموضوع مرة حلو تسلمين ما قصرتي smile

  9. #8

  10. #9
    السلام عليكم

    انا الحمد لله راضية بحالي
    هو في كم شغلة نحنا ما فينا نعملهم لكن عادي
    و هما كمان ما فيهم يعملو شغلات نحنا بنعملها
    و غير هيك هاد واقع ما فينا نغيريه

    بالنسبة للسواقة الامارات بتعطي ليسن للبنات
    و انا بس اخلص توجيهي باخد الليسن ان شاء الله و من اول مرة انا مختارة سيارتي المستقبلية ان شاء الله اجيبها

    يسلمو على الموضوع

    سلام
    .No pain No game.

    cool

  11. #10
    هههههههههههههههههه صراحهـ ردودكم مادري من ويين تجيبونها خخخخخ

    العفوو ... مشكورين عالردود الكول

  12. #11

  13. #12
    >>>كلامك ..ميه ميه ...صححح...!!!!

    في محله ..ايه ..والله اقول ..لو انا ولد ..يعني انا مع اصحابي ..وهياصه في السياره ..ووناسسسسسسسسسه ..^^

    بس في نفس الوقت اقول ..الحمد الله على كل حال ..^^

    يعني البنت ..لها ايجابيات وسلبيات..والود كذالك ..والحمد الله ربي

    والسلااااااااااااااااام ...خير الختام ...وسوري لو طولت عليكي
    attachment

  14. #13

  15. #14
    انا مبسوطة لاني بنت

    والي يخليني نفسي اكون ولد

    انو نفسي اسافر برة ولا احد يقلي عيب لازم محرم

    ونفسي اسهر واروح المولات واقلبها فلة

    بس برضوا فرحانة وكل شي ابغى راح يسير قريب

    وتسلمي عالموضوع الكووووول

  16. #15

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter