يوم لك و عشرة عليك
السلام عليكم و رحمة الله و بركاته .................
ها أنا ذا أقدم لكم إحدى بناتي بمناسبة إنضمامي لكم في هذا المنتدى الرائع على أمل أن تحوز على إعجابكم , وأتمنى منك أيها القارء العزيز أن تقيم هذه الرواية .......
وشكرا لكم: (أحلام نيران)
::الشخصيات الأساسية::
# عائلة أبو خالد/
الأبسعد) رجل أعمال يهتم بشغله بشكل كبير ويعتقد أن واجبه تجاه أولاده المصروف بس ,عمره(49)سنة.
الأم
(خالد) الإبن الأكبر عمره(25)سنة ,متوظف بشركة أبوه ,يقوم بدور الأب أللي غايب عن عياله , تميز بحبه لأخته الوحيدة (سهاد).
(فيصل) شخصية غامضة عمره(24)سنة.
(ماجد)في ثالث جامعة عمره(23)سنة ,له معزة خاصة عند أمه ويعتبر صندوق أسرارها.
(سهاد) البنت الوحيدة عمرها (21)سنة ,نتعرف عليها من خلال الرواية.
# عائلة أبو فايز/
الأب: (فهد) أخو (أبو خالد) ,عكس أخوه تماما رجال مكافح ينشد فيه الظهر ,عمره(52)سنة.
الأم
(فايز)الولد الوحيد وسند لأبوه في الشركة ,عمره(23)سنة.
(هند) عمرها(21)سنة ,اللي يشوفها يقول هذا صبي بسبب قصة شعرها وطريقة لبسها حتي بعض المرات ينادونها أهلها (مهند) !!!!
(سارة) عمرها(18)سنة ,تهتم في نفسها بشكل كبير ,تحاول تصير صديقة سهاد بنت عمها لأنها أكثر واحدة تعبرها لأن جماعتهم أغلبهم صبيان .
# عائلة حمد/
الأب (حمد)يشتغل بأمريكا يدير أعمال زوجته ,عمره(47)سنة.
الأم (هيام) سورية تعرفت على حمد أيام الدراسة ,عمرها (39)سنة.
(سحر)البنت الكبيرة عمرها (24)سنة ,تدرس هندسة ديكور.
(طلال)عمره(23)سنة , يعاني من مرض القلب من كان صغير -الله يشافيه إنشاءالله-
(شيماء)أصغر عيالهم عمرها(19)سنة ,تتمنى تصير مصممة أزياء.
...............................
فاطمة : وين أختكم للحين ماقعدت ؟؟
خالد: ييتها قبل شوي لقيتها تلبس وألحين جايه.
فيصل: هالبنت كلش تسهر علأفلام وآخر السنة تطلع الأولى شي يحير والله !!
فاطمة: أذكر ربك قول ماشاء الله هاي أختك الوحيدة الله يخليها لنا.
سهاد اللي توها نازلة: هاه وشفيها سهاد؟
فيصل باستهبال: صباح الخير أيتها الأميرة .
سهاد: عن المسخرة وقول وشفيها سهاد؟
فاطمة: ليش توج تصحين يمه مايمديج عالمراجعة.
سهاد-تاخذ كوب الحليب-: واله أمس يابو فيلم للسهرة خوش فيلم يينن >> (يجنن).
خالد -يضرب إيده بالطاولة-: يوووه ... قهررر فاتني شفت الإعلان شكله حلو.
سهاد: بس حلوو .. إلاقول رووعة .. - تشربشوي من الحليب - صدق قصته ما تصلح حق سهرة لكنه خوش فيلم.
خالد: قولي قصة الفيلم عفية عليج.
فيصل: شكلكم مطولين القعدة ,أنا ماشي للدوام تامريني شي يالغالية؟؟
فاطمة: روح ربي يوفقك إنشاءالله ويحميك.
سهاد: يقولك ياطويل العمر فيه عائلة حالتهم المادية متوسطة والله يستر من الدنيا إنقلبت عليهم وصاروا ما يلقون حق يومهم وتعب الأب من الديون وبعدين قال للأم إنهم لازم يعلمون البنت بحقيقتها إنها لقيطة و ...
فاطمة تقاطعها :سهاد الله يهداج لا تشوفين هالقصص والخرابيط.
خالد:كملي يا سهاد.
سهاد: المهم علموا البنت عن قصتها ويا حرام تعبت نفسيتها وراحت تدور على أهلهه إلين لقتهم ,صراحة أحلى مشهد يوم إلتقت بأهلها كان يحزن واايد.
خالد: والله مسكينة هالبنات كلش ما يتحملون حق هالسوالف
سهاد: تأثرت بشكلها وهي تصيح ,أنا لو إني بمكانها كان مت من الصدمة ألحين أهلي طول عمري عايشة معهم وبالأخير مايصيرون أهلي !!
الأم بعصبية: يالله عاد كملي ريوقج ألحين تأخرين عالإختبار وبسج أفلام الدراسة أهم.
خالد: عن إذنكم ألحين تامروني شي؟؟
سهاد: لحظة ... لحظة ... أبيك توصلني حق الجامعة.
خالد: ما أقدر ,وبعدين الباص ليش مو ياي؟؟
سهاد: ماأحب الباص أبي أروح بالسيارة الله يخليك..
خالد يأشر عالدرج: كاهو مجود نزل إتعلقي فيه سلاااام..
سهاد بملل: هاه وشقلت توديني ؟؟
ماجد: اليوم تطلع السيارة من الوكالة باتشر أوديج وعد مني.
فاطمة: بالراحة على أخوتج خليه يتريق هو.
سهاد: كاهو شرف الباص بلا منت أحد ,يالله مع السلامة أدعولي أحل زين.
فاطمة: الله يوفقكم جميع .
ماجد: آآآمين . إلا أبوي للحين ما يا منطلعته أمس؟!!
فاطمه بحسرة: إييييه .. أهو من متى رد مبجر وحس إنه وراه بيت ومسؤولية.
ماجد يهدي أمه: الله يهداج يالغالية إدعيله بصلاتج مافي شي صعب عليه سبحانه.
فاطمه: سبحانه . ياولدي أناقررت إني أتطلق من أبوك ,أول كنت خايفه عليكم لأنكم يهال ,اليوم ماشاءالله رياييل ينشد فيكم الظهر.
ماجد: وأنتي ماقلتي لأخواني عالموضوع؟؟
فاطمه: لا والله ماقلت لأحد غيرك وإذا كلشي صار قلت لهم.
ماجد: أنتي مافهمتيني أنا أقصد السالفة القديمة هذيك .
فاطمة تحاول تذكر: أممم ..إييه تذكرت .. لابعدني ماقلتلهم أبشاور حمد أول عن سالفة الطلاق بعدين أسأله إنكان أقولهم ألحين أو لا.
دخل سعد: صببا..ااا..ااح الخخيررر ..وشعنندكم مجتمعين تؤامرون علي صح!!
ماجد اللي تضايق من أبوه: صبحك الله بالنور .. وبعين لا تراك
أبوي وشلون أتآمر عليك!!
سعد: أععرفها النسرة هذي كللللش ما تحب أحد.
فاطمه بينها وبين نفسها تقول: ومين اللي يحبك مسود الويه.
ماجد يجلس أبوه:ألحين إصحى وبعدين يصير خير.
سعد: أخخوك رااح للششركه؟
ماجد: إيه من بدري.
سعد: ولييه ماخذاني .. أعرفه هالنحس يبي يصير الكل بالكل في الشركة .. ياليته يمسك الششركه كان أفضى حق ربعي .. وناااسة -قام وراح لداره-
....................................
(الساعة 12 الظهر):
سهاد: يوووه الباص ليش تأخر؟
صديقتها عنود: أكيد زي كل مره خربان ولافيه شي من هالسوالف.
مشاعل وهي جايه صوبهم: ياا بنااات الباص خربان دورولكم أحد يوديكم.
سهاد معصبه: وأنتي وشلون دريتي؟
مشاعل: تو كلمت السايق وقالي .. بس ألحين وشنسوي!!
سهاد تفتح الموبايل: أبي أكلم أحد ياخذني بعد وشأسوي ....... أووه خويلد موبايله مغلق أشوف فيصل ........... هه والثاني مايرد وشهالحالة ؟!!
نهلة وهي تفكر: أممم لقيتها نشوف تاكسي مافيها شي كلنا سوى.
مشاعل تأيدها: صج وشلون طافت علي!
سهاد: ما بعد عفت عمري لو درى أبوي شال رقيتي وعلقها على باب الجمعة وكتب بالعريض (عظة لمن لم يعتبر).
عنوم وهي تخيل شكلها: هههههه حلووه هذي ... طيب وشتسوين ماكو غير هالحل.
هند: أهلين سعاد وشلونج؟
سهاد اللي مبوزة: بخير.
هند اللي ضحكت على شكلها: هههه وشفيج مبوزة الأسئلة وايد صعبة؟
سهاد:أكو غير هالباص .. كل يوم مقالب .. قال إيش؟؟ خربان .
هند تطق عصدرها: أفا عليج وين رحت؟
سهاد: ماأبي أعبل عليكم.
هند: طع هذي .. هه كاهي السيارة يالله سلملم يا شبااب.
نهله: كم مرة قلتلج ما تقولين شباب؟!!
فواز اللي نزل م السيارة: تو الناس بدري قعدي شوي بعد!
هند: بسم الله أذكر أبوي قال إنه بيي مو أنت؟
فواز: والفرق؟
هند تمسك إيد سهاد: عالعموم أبيك توصل بنتعمي لبيتهم.
فواز مو مصدق: هلا بالغالية وشلونج؟
سهاد اللي وجهها تشنه طماط: الحمدلله.
هند: يالله ركبي.
صوت فيصل يوقفهم: هلا فواز شعندكم ماخذين إختي!
فواز: ياهلا بالفيصل عاش من شافك.
فيصل: ما رديت على سؤالي؟
سهاد: الباص عطلان وهند ما قصرت طلبت توصلني.
فيصل: أمي تحاتيج ليش ما قلتيلها؟
هند: ماعطيتها فرصة تكلم بعد ماشفت اللي قافل موبايله والثاني مايرد ,ماادري وشحق هالموبايلات!!
فواز: تكلمي عدل مع الريال ,ماأدري متى بتصيرين بنت زي إختج ساره.
هند:ماعليك .. هذا فصولي ولد عمي فيها شي؟
سهاد: أقول فيصل تأخرنا على أمي تلقاها تحاتي ألحين.
فيصل: معاج حق يالله سلام.
فواز أول ما ركب السيارة: قهررر .. كان نفسي أوصلها لبيتهم .. أقول هنوده .. هنوده أحاتيج أنا ليش ماتردين!!
هند باستغراب: تكلمني؟
فواز : لا اللي وراج .. إيه أنتي أكو غيرج !
هند: أنا اللي اعرفه و الكل يناديني هند ومرات مهند أما هذي هنودة ماأعرفها يديدة!!
فواز: تكفين قوليلها تذاكر عندنا وياج كلكم نفس السنه حبوبة اختي عفيه .
هند: طع هذا .. أقول إختبار نهائي يالأخو إصحى وشفيك متنح!
(أول ما دشوا البيت) هند: خلاااص بسك عاد أقولها بس ريحني عورت راسي ماتمل من الحنة طول الطريق!!
فايز وهو يمسك إيد أمه: آآآآه يمه لو تدرين وشصاير .. الصبح بعد مانزلت هند شفت سهاد وهي تنزل من الباص وقبل شوي كنت أبوصله لدارهم .. أنا بحلم ولابعلم!
حصه تسحب إيدها منه: خوفتني على بالي فيكم شي والنهايه تشذي ممصخك ياهل أنت؟
فهد: الغدا برد يالله بعدين الحتشي.
ساره: أكيد يسولف عن الساندريلا سهاد ..مين قده أكيد شافها.
......................................
............ يتبع ............
اضافة رد مع اقتباس
هاد أول رد ليش بخلانين بردودكن .. بدي حماس بليييييز
المفضلات