هلا ،،
شلونكمـ،، اخباركمـ،،
هذا اول موضوع لي
اولا : مبرووووووووك عالنجاح لكل الناجحين وخيرها بغيرها للراسبين
موضوعي عن يوم كامل بالمدرسه وشنو يسير بمدارس البنات؟؟
اولا :
النوع الاول الصبح اول ماتوصل البنت المدرسه قبل لاتحط الشنطه تقول من حاله الواجب الفلاني وتبدأ تنقله
بعدها تتعدل وتطلع تتمشى >>>هههه رايحه مجمع ... يرن الجرس وقت الطابور الكل يركض عالصف عشان
يحطون الاكسسوارات ويمسحون الكحل ويشيلون المخالف عشان محد ياخذه ويروحون الطابور..
اما النوع الثاني يوصلون لما الطابور يبدأ او بعد الطابور و أول ماتنزل من السياره سوالف ولازم فيدها شي تاكله
نشااااط من الصبح وصراخ..حتى المدرسه مره قالتلي شنو ماتسكتين من الصبح صرااخ
ثانيا:
تبدأ الحصه الاولى النوع الاول توصل الصف ترجع تلبس اكسسواراتها والمدرسه تنتظر لان محد منتبه وياها
والكل منشغل بلبس الاكسسوارت والتعدل ويتذكرون شنو اللي نسوه بالبيت مثلا مريله او كراسه رسم..الخ
النوع الثاني تاخذ راحتها وتتمشى ربع ساعه لي الصف عشان المدرسه لي قالت لها ليش متأخره تقول توني جايه
من البيت توصل الصف تفصخ العبايه وتضبط الشعر وتحل الناقص من الواجبات وتسولف تقول شسار بالسياره..
طبعا بالحالتين المدرسه صاحبة الحصه الاولى هي الضحيه..
ثالثا :
يرن الجرس النوع الاول تطلع المنظره وتتعدل وتطلع شوي شوي تتمشى على ابطئ مايمكن عشان البنات يشوفونها..
اما النوع الثاني مايرن الجرس ماتشوفون الاغبارها تروح تقعد عالكرسي اللي بالساحه عشان تسولف سالفتين مع ربعها اللي بالصف الثاني..
الحصه الثانيه هدووء وملل والكل نعسان ينتظر الجرس
رابعا:
رن الجرس وسار نفس اللي سار قبل بالخمس دقايق .. تبدأ الحصه الثالثه..
النوع الاول : تفكر شلون تتعدل ومع من تمشي بالفسحه.
النوع الثاني:تفكر بالاكل وشنو تاكل ومن وين تشتريه ويين تروح تاكله ويمديها تدرس للتطبيق اللي بالحصه الرابعه او بعدها..
خامسا:
تبدأ الحصه الرابعه والكل مشغول ينظف الاكل اللي بين اسنانه والازعاج يكملون سوالفهم والتأخير ..
سادسا :
تبدأ الحصه الخامسه والسادسه نفس الشي حصه ثقيله وماتخلص والكل مكتئب وسرحان,,
سابعا:
تبدأ الحصه السابعه الكل مستعد يطلع ومصكرين الشنطه حتى الكتاب مايطلعونه الحصه السابعه..
ثامنا:
رن الجرس النوع الاول تطلع العده وتتمكيج وتكشخ وتتمشى شوي شوي وتطلع..
النوع الثاني : يرن الجرس على طووول شلت شنطتها وطلعت ووصلت البيت ههههههههههه
ملاحظه:
النوع الاول :دايما سرحانين ومايدرون عن شي..
النوع الثاني:دايما يكونون نشيطين طول اليوم ومايسرحون بس يسولفون وايد..
طبعا هذي الاغلبيه في بنات غير
هذي اليوميات عندنا ممكن نعرف يومياتكم..
و شـ ك ـرا عالردود مقدماً..
المفضلات