مشاهدة النتائج 1 الى 4 من 4
  1. #1

    ابتسامه اختبار سيدتي موضوع جميل جدا

    السلام عليكمgooood

    شوفوا

    هذا اختبار لكم ....

    يعني اعتبروا نفسكم انكم بتقروا مجلة سيدتي

    ووصلتوا للصفحة اللي فيها تختبري نفسك ...

    اللي هيا انك تجاوبي على 6 او 7 أسئلة وتشوفي انتي ايش بالزبط

    أنا اختصرت الموضوع

    يعني بدال ما تقروا المجلة كوووووووووووولها

    تعالوا هنا وجاوبوا الأسئلة دي وريحوا راسكم من وجع الدماغ

    خخخخخخخخ

    بس جاوبوا وبعدين اقروا التشخيص

    يعني لا تغشوا

    ترى مكفوشييييييييييييييين ...اييييييييييييييييوا

    يالله

    1- لمن تحسي بالإعجاب لأحد الأشخاص فإنتي :

    أ-تحاولي تخليه يعجب بيكي عيني عينك.

    ب-ما تخليه يحس انك معجبة بيه .

    ج-تخليه يحس انك معجبة بيه.

    2-الرجال اللي يعجبك هوا:

    أ- اللي يتهم بيكيِ اهتمام خاص.

    ب- اللي يغرقك هدايا الين لمن تموتي .

    ج- اللي يغرقك بالزهور والبطاقات الفلللة.

    3-أكثر ما يدغدغ مشاعرك في الطرف التاني هوا:

    أ-لطفه.

    ب-قوته ورجولته.

    ج-نقاط ضعفه.

    4- لمن تتضاربوا فكيف يكون رد فعلكِ..((ملاحظة إذا كنتِ منتي متزوجة أو مخطوبة فلا تجاوبي على السؤال بأي نقطة))

    أ- تتفاهمي معاه عالمشكلة وتشوفي ايش الحل.

    ب- تخليه يحس أنه جرح كرامتك وتخليه يندم على اللي سواه.

    ج- تحسي انك مسكينة وما تتكلمي ابدن.

    5-النجاح في العمل من وجهة نظرك يعتمدعلى:

    أ-الثقة بالنفس.

    ب-القوة والسرعة في اتخاذ ردود الأفعال في المواقف المختلفة.

    ج-أي عمل تقصد.

    6-قد عمرك أجلتي أشغالك عشان تسويها بعدين ..يعني قلتي في نفسك ( يا شيخة ... بكرة اسويها دحين ما فيا )

    أ- دايما.

    ب- نادرا.

    ج-أحيانا.


    7-من وجهة نظرك .. ايش حيكون رأيك لمن تستولي على مركز رئيسك في العمل .. :


    أ-عمل ما منه فايدة ولا يستحق انك تحاولي.

    ب- حاجة ضرورية جندن جندن جندن وهو القاعدة الأساسية للعبة.

    ج-عمل لا يعبر عن انوثتك .


    8- تحبي تكتبي بأي قلم :


    أ-بقلم جاف.

    ب-بقلم حبر سائل.

    ج-بقلم رصاص.


    9-أنتي تفضلي انه :

    أ- الناس يحبوكي

    ب- الناس يخافوا منك مووووت.

    ج-الناس يكونوا معجبين بيكي .

    10- لمن تشوفي انو في شي صعب انتي منتي قادرة تسويه .. هذا الشي :

    أ- يحبطك ويخليك ضعيفة.ِ

    ب-يخليكي تتحمسي وتحاولي انك تخلصي الشغلة هذي بكل حماس.

    ج-يخليكي تقولي في نفسك ( والله مو شغلتي شغلة اختي ) .

    11-أنتي ليش عايشة :

    أ- عشان الحياة نفسها.

    ب- عشان تلهطي فلوس بس .

    ج- عشان أولادك .


    «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®»«®


    ودحين أجمعوا الإجابات وشوفوا انتوا كيف


    فإذا كان معظم إجاباتك من الفئة (أ) فأنت إنسانة شمســــــية <<<ما ادري ليش


    طبيعتك :شمسية.

    اغلى صفة عندك أنك :قـويـة وهـادئة.. وتتميزي بالنضـارة والسـكون <<< يا واااااااد

    أنت عندك كل المميزات التي تأهلك لكأس العالم ..خخخخخ امزح اللي

    تأهلك انك تكوني رمز للأنوثة الأبدية <<< يا هوهوهووووووووي...وخاصة

    انك عندك مزيج من القوة والعطف..رغم انك واثقة مرة بقوتكِ بس أنتي

    نادراً ما تلجئي لإستخدام قوتك لأنك مقتنعة بأنه الفوز عل الناس ما يجي

    بإلحاق الضرر بيهوم..بس ممكن كل شي يصير بالهدوء والعقل والمنطق

    بدون زعيق أو صراخ انك تجيبي شهود ..وانتي مقتنعة كمان أنو الحرمة

    الشمسية هي حاجة مكتسبة وهي صفة لا تتولدي بيها إنما لازم تسعى

    لها بكل قوتك..وأهم شئ بالنسبة لك هو الحب بكل أشكاله فهوا اللي

    يغذيك ويمدك بهذي الطاقة والقوة اللي تعكسيها بدورك نور ودفى على

    الناس التانيين ..

    «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®»«®


    وإذا كانت معظم إجاباتك من الفئة(ب) فأنتِ قمــــــرية

    طبيعتك : معدنية <<< يعني حاولي تبعدي عن المغناطيس لا تلصقي فيه ..خخخخخخ

    الصفة الغالبة فيكي أنك : حرمة مسترجلة وعلاجك في يدك..

    صحيح أنك خسرتي حرمة تقدر تقوم بعمليات التخطيط والتفكير

    والتدقيق..وإنك من بشكة ((النساء الخارقات)).. اللي عندهم كل

    المقومات التي تخليهم يسيطروا على الأمور وأنت كمان من النوع اللي ما

    يهتم بنقد الآخرين وتكملي طريقك بطريقتك الخاصة ومفاهيمك

    الشخصية..أنت من النوع اللي يمكن الاعتماد عليه رغم أنك ما تحاولي

    أبداً انك تعتمدي على غيرك..أنت برضو تناضلي بقوة عشان الناس وهذا

    الشي يخليهم يطنشوا عجرفتك ..ومن الناحية العاطفية..بعض الأحيان

    تلاقي نفسك انثى زيادة عن اللزوم بس انتي تحتمي من الأنوثة هذي ورا

    درع ((رجولتك)) أو ((استرجالك))..ووبعض الأحيان تحصلي نفسك

    مضطرة انك توقفي مع شريكك في لحظات ضعفه بشرط انه ما يكثر من

    حزنه. عشانك ما تستحملي الضعف..وكمان انت شديدة مع الناس زي ما

    انتي شديدة مع نفسك.

    «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®»«®


    إذا كانت معظم إجاباتك من الفئة (ج) فأنتِ نبـــــاتـية

    طبيعتك : نباتية <<<<< طيب يا فيجتيريين انتي

    الصفة الغالبة فيكي أنك : هادية مرررررررررة ...

    وحاجتين في الدنيا هذي اللي ممكن تحركك :الهدوء والاستقرار..وهذي

    الحاجتين هما اللي يقولولك كيف تتصرفي وتختاري وحتى ردود أفعالك

    يتحكموا فيها ...وأنت أم من مافي ... يعني مرررررة مثالية لأبعد

    درجة ..مصحصحة .. متوازنة..تموووووووتي في الأطفال .. تحبي تهتمي

    في تفاصيل أي حاجة حتى لو كانت صغيرة وتافهة ..

    بيتك هو رمز للجمال والتجانس والهدوء..أنت تتجنبي انك تخشي في

    علاقات تعتمد على القوة والسلطة..وكمان ما تحبي تخشي متاهات مع

    الناس..ولمن تحصلي نفسك محشورة في موقف تبدأي تحرشي الطرف

    التاني إنه يقر انه غلطان وانه الغلط راكبه من فوق لتحت رغم انه

    مسكين ..وأنت حساااااااااااااااسة مرة .. والحساسية هذي تخليكي دايما

    تزعقي في وجه غيرك وتعاتبيه وتطلعيه غلطان زي ما قلنا .. اما

    عاطفيا ..فأنت حرمة على هيئة طفلة فيها أرق الأحاسيس والمشاعر..

    تحتاجين دعم ورعاية الناس عشان تحسي أنك تمام وودايما تحسي

    بالندم على أنك ما عاصرتي أيام زمان الحلوة من وجهة نظرك لمن كانت

    الحرمة قبل أي شي أم وربة بيت ولمن كان كل جنس يعرف بالزبط دوره

    في الحياة.


    هااااااااااااا

    المفروض ما اشوف اقل من 15 رد

    لأنه الموضوع يخص البنات والاولاد

    بس اذا بتشاركوا يا عيال ترى عااااااااااااااااااااااااادي

    خلاص
    اخر تعديل كان بواسطة » USUMAKI NARUT0 في يوم » 08-07-2007 عند الساعة » 00:03


  2. ...

  3. #2
    مشكووووووور على الاختبار


    واااايد حلووو
    http://www.formspring.me/F6emo

  4. #3
    ههههههههههههههههههههه


    موتني ظحك ياولد

    انت الي مالفها

    من جد رهيبه ليتك حطيتها في قسم الفله

    8_8
    الشرف العربي وين
    وين وين وين الدم العربي وين
    وين المالين عن غزه ويييييين

  5. #4
    هههههههه حلووو الاختبااار

    بس زي ماقال عااشق شكلك مألفهــا بس مره نااايس

    ^_^

    يسلموووو >_^
    .. [ Let's Start a RIOT ogre

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter