السلام عليكم ورحمه الله وبركاته
كيف حالكم اخواتي شخباركم
كيف الاجازه معكم
حبيت انزل موضوع اتمنى انه جميع الاطراف المعنية فيه ترد!!
سواءا كنتي ولد او بنت او القليل منهم اي متشبه بالعيال او ولد متشبه بالبنات!! من ناحيه اللبس طبعا
يوصل عمرك 11 او 12 سنه ابوك وامك وامكن اخواتك الكبار يبدأون ينصحونك يقولون لاتمشين مع فلانه لاتروحين هناك انتبهي من هذا ومن ذاك وترى ذا ماينفعك ويا الله على كثر النصائح لو جلستي تقولينها لحمار الحمار بيموت لانه عقله مايتحمل كل النصائح هذه
فبعد كل النصائح نقابل اصحابنا او صاحباتنا
وتشوفين وحده منهم طلعت السيجاره مثلا انتي بتقولين مالي دخل اللي بيدخن انا ولا هي!! ومعاك حق رئته اللي بتنعدم مو انتي
صاحبتك في الجامعه قالت خلينا نخرج لكوفي مثلا ترددتي بس قالت لك انا وفلانه وفلانه وفلانه كلنا خارجين ورحتي معاهم دون علم اهلك ثقتا في صاحبتك انها ماراح تجيب لك مشاكل يوم وصلتوا هناك صاحبتك رمت الطرحه وفكت العبايه طلبت معسل او شيشه وجلست تشيش كمان مالك دخل بس خايفه انه الريحه تجيك وتسبب لك مشاكل في البيت
اليوم الثاني طلعتي مع صاحبتك
شفتي شباب يعاكسوها وانتي ساكته شوي شفتي انها اخذت رقم من ولد وقالت لك لوسمحتي ممكن جوالك بتصل على ابوي واخذت جوالك واتصلت على الولد وجلست تسولف معاه وقالت له هذا جوال صاحبتي ووقفت التاكسي اللي انتم فيه ونزلت للولد وقالت لك روحي لحالك البيت
امكن تقولين ياشيخه هذه صاحبتي ما ابغى ازعل عليها اوكي
شوي يوم ثاني رحتي السوق وكان فيه واحد يشتغل شكله شوي محترم انتي وصاحبتك شوي صاحبتك قالت والله الولد حلو كيف يشتغل هنا انتي ضحكتي وسكتي بس الولد سمعكم وراحت خويتك انتي الي بتشترين مو هي المهم الولد قال ممكن رقمكم عشان نتصل عليكم ونقولكم اذا فيه بضائع جديده
انتي ابوك وامك نبهوك عن ذا الشي وقالوا حطي رقم ابوك مثلا قمتي حطيتي رقم جوالك اتصل عليك الساعه 2 في الليل
ورديتي قال معك المحل الفلاني عندي بضاعه خصيصا لك قلتي ايش هي قال قلبي قفلتي السماعه ورحتي قلتي لصاحبتك صاحبتك قالت اشبك ليش انتي كذه خلينا نفلها شوي واتصلت عليه وجلست تسولف معه وراح يتصل عليك الولد دايم ويوم اتصل وماكنتي فيه ولقافه رد ابوك اللا الولد مشغل اغنيه بعدها قال فين الحلو مايرد مسوي ثقيل ولا خلاص ماعاد اعجبك ابوك طبعا عصب وناداك وامكن ضربك تحاولين تفهمينه قام اتصل على الولد الولد قال لاتسوي محترم علينا انته كمان بنتك هي اللي جايه عندي واعطتني رقمها وهي اللي كانت تغازل مو انا ماضربتها على يدها وكمان هي وصاحبتها قالوا كيف ماتجي الجامعه عندنا نطلع لكوفي ابوك طبعا عصب ورحتي انتي في المشكله وصاحبتك عاد مانقدر نقول انها قليله حيا حرام >>لاياشيخ
احتراما لكم فقط بقول انها جريئه بعض البنات يسمون هذه جراءه حلوه
فسؤالي واتمنى كل الاطراف ترد فيه
-----------
كونك فتاه هل تكفيك نصائح اهلك يعني لو قالت لك امك او ابوك انتبهي من ذا الشي تنتبهين منه ولا تقولين
لازم اجربه واشوف عشان لا اطيح فيه مره ثانيه يعني النصيحه شايفتها غلط او مثلا ظنيتي انه حذر زائد من اهلك
ياكثر النصائح اللي قالها ابوي لي وما انكر طحت في بعضها وندمت
بعض الاحيان اخوك او اختك ولا امك تنصحك نصيحه البعض يدورها بفلوس وهي جتك ببلاش وتمشين وتتركينها عشان صاحبتك فلانه قالت كذه او صاحبتك فلانه عندها جراءه او منفتحه اكثر منك
بعض المواقف اللي اسمعها تكون البنت عارفه ومتاكده انه اللي راح تسويه غلط وخطير ولكن تقول طيب صاحبتي تقولي ماعليك كلها دقايق او صاحبتي تقول قوي قلبك لاتكوني طفله او صاحبتي تقول ذا الشي عادي بس اهلك معقدين
اعرف ناس يسوون الفضائح كلها اللي في العالم واخرتها تقول انا مسكينه ؟؟؟؟؟؟ كيف مسكينه يعني الله ما اعطاك عقل او ما اعطاك لسان تتكلمين به تقوم تقول لا بس انا شفت صاحباتي يقولون ويسوون كذه طيب مو كل صاحباتك عندهم اهل يخافون عليهم بعض البنات اهلهم مايدرون عنهم لو يختفون شهر ويجون
فاتمنى اني اسمع ردكم
في الموضوع
ورؤيتكم في هل النصيحه كافيه ام لازم انه البنت تطيح في الغلط مره وحده عشان تفهم!!
المفضلات