اعارض على زواج المسيار اعراض تام و مغلظ أيضا
حتى ان كان حلالا... وانا اعتبره من اجتهاد العلماء.. والا لكان موجودا في عهد الرسول صلى الله عليه و سلم
ليش المرأه تتنازل عن حق من حقوقها او حتى كل حقوقها؟
ليش ان شاء الله؟ ناقصها شي ولا هي عميا ولا عرجا عشان ترضى بها الذل
وما شاء الله.. يأتيها وقت ما يريد!!! ::
يعني غير النفقه اللي بتتنازل عنها بعد يأتيها وقت ما ..... ::
ان شاء الله المرأه مجرد آله لهو عشان ترضى بها الذل و الهوان؟
والادهى من ذلك.. يكون سري عن اهل الزوج...
ما شاء الله .. يا حلاتهم و الله.. تجيب عيال و بعد ما يتوفى الزوج.. اهل الزوج يكتشفون ان ولدهم عنده عيال ثانين ما كانو يدرون عنهم
اصلا ها الزواج ما بيستمر... لأنه مبني على خطأ... الزوج عفى نفسه عن اقل المسؤوليات... من يشبع منها يطلقها
لي بنت عمه... وهي في الثلاثينيات.. عمرها بالتحديد 35
تقدمولها ناس طبعا لزواج المسيار و رفضت رفض تام... و قالت اما الزواج العادي او ابدا بلا زواج :جيد:
وبالاخير تزوجت واحد عزابي دكتور في الجامعه وملتزم واكبر عنها بسنه :جيد:.. وملكتها كانت قبل 3 شهور
لاتقولون بنت وصلت الثلاثين ترضى بها الذل...
اللي راضيه بها الذل لنفسها شي راجع لها
اما البنت اللي لها كرامه لا هي بترضاها على نفسها ولا أهلها...
وبنت الاصول ما بتسوي شي يحط من كرامتها....
والله ثم والله ما ارضى بها الذل والانحطاط لنفسي
ها اللي بقا...
قال زواج المسيار قال..
برايي هو حاله حال اي مسمى ثاني يطلعونه بين الحين و الحين.. مسيار.. مصياف.. مسفار
كله عنبر اخو بلال... نفس الشي و البيت ما ينبني عليه ابدا و مهدوم من البدايه.
سوري عا الاطاله و السموحه اذا لفظت ألفاظ مش ولا بد
وشكرا عا الموضوع أخوي
المفضلات