: شوفوا يا بنات ابراج الرياجيل : بالعراقي
هلو
شلونكم ؟ شخباركم ؟
من زمان محطيت موضوع بقسم الاصدقاء والمرح
صراحة هذا الموضوع جاني على الايميل
وحبيت انقللكم اياه
شوووووفووووووااا يابنات ابراج الرياجيل
الحمل
يوديج للشط يرجعج عطشانه مامه شجابرج؟؟؟
كل الي تريده الروح ما يلفي يمك والما تريده الروح كرب لنه يمك
برج الثور
بنتي هذا واحد ابو فليس شنو الي موازيج؟ لو بس اعرف
تدايني يتونس تداعي مفلس تتركي مغلس
برج الجوزاء
لحكي روحج وفكري الف مره قبل الزواج تره رح يرجعج للقرون الوسطى ويصير حالج
شجابني على الضيم جنت مدلله جنت البس الكابوي واكل نستله
شجابني على الضيم
برج السرطان
خلص ماماتي اتورطتي بعد يكون يطلع رجال بس مدي ايدج على الله اقرب
اريد امشي للعباس وابجي بضريحه ينطيني حلو الطول كبل الفضيحه
برج الاسد
بس ساكت ومطنش ومغلس وانتي مجلبه بي اي قابل حظرته جون ترافولته؟؟؟
من السكوتي موتي من الورواري خلي وفوتي
برج العذراء
المشكله ان الاخ شايف روحه دون جوان زمانه يعني مو بس انتي الدعوه عامه للجميع
لتعاشر البذات والماله تالي
برج الميزان
هاي تاليها تصومين تصومين وتفطرين على بصلايه؟؟ اي ادري هو شكل قيافه تالي وياج بنيتي
دكي الحجر بالحجر يطلع شرار ونار لاكي النهر بالنهر تلكي قوي التيار وانت معاشره بشر جن لاكيا كوم حجار
برج العقرب
حبيبتي عقرب واسمه عليه لا وجماله غريب الزمي درب الطفره كوني بالهزيمة كالغزال
الغريب ذيب وعضته متطيب
برج القوس
سيرتج صارت على كل لسان ورسايلج الي دازتهن منشوره بالمنطقه وجنابج بعدج ممرغله روحج
ليش انت هيجي وياي ليش انت هيجي جيف اني هيج وياك صرت انت هيجي؟
برج الجدي
اربع سنين وهو وياج والحجه مالته ديبني مستقبله اي لو ديبني الجنائن المعلقه هم جان خلصهن
صوجي كلها من اديه انتظاري عم عليه
برج الدلو
عيوني السياره تره مأجرها صدكتي حضرته مهندس بابه هذا ابتدائيه ممخلص
من فوك هالله هالله من جوه يعلم الله
برج الحوت
هو يكلج اني رجل اعمال وانتي مصدكه مو بابا ابو حلاق وامه خبازه والبيك مطيرجي
هم حزن هم فراك هم قسمه سوده وحظ يمشي بالمكلوب واعمه الي يكوده
منقول من النت
تحياتي
عيون بغداد
اضافة رد مع اقتباس
المفضلات