السلام عليكم ورحمة الله وبركاته
هذي قصه بنت اسمها سارا مدمنه على النت وكانت ماتسكر النت إلا الساعة 1 بالليل
في يوم من الأيام أضافها واحد ومسمي حاله ( الامبرطور ) المهم مر أسبوع وهي ودها تعرف مين هذا
بعد ثلاثة أيام دخل هو الماسنجر وشافته طبعا انبسطت عشان بتفتح تحقيق
هو : الإمبراطور :
هاي
سوسو :
من أنت
سوسو ::
ومن وين عرفت ايميلي وش حقه أضفتني ومين أعطاك الايميل...الخ
الإمبراطور ::
بسم الله شوي شوي علي
سوسو :
سلامتك ماني صارعتك بس يالله بسرعة جاوب
الإمبراطور :
ليش أنتي بنت
سوسو :
أي اذا ما عندك مانع
الإمبراطور :
لا بس أنا غلطان أختي لأني كنت بضيف صديقي وطلع الايميل غلط
سوسو :
وليش تغلط عمي ماتشوف
الإمبراطور :
أختي قلنا آسف ,, عن الغلط من البداية ماسكتها تحقيق معي
سوسو :
اجل تضيف بنات الناس وما تبغا حد يحقق معك والله شباب فاضي ماعندة سالفة
الإمبراطور :
أقول أختي فرصه سعيدة وآسف مرة ثانيه وممكن انك تحذفيني أو تحضريني إذا مش عاجبك الوضع
سوسو :
يعني ايش تقصد ؟؟
الإمبراطور :
اقصد مع ألف سلامه ..
سوسو :
ليش ما اعتقد كلامي يزعل ؟؟
الإمبراطور :
لا بس أنا مشغول شوي باي
سوسو :
لحظه لحظه
الإمبراطور :
هلا تآمرين بشي ؟؟؟
سوسو :
لا سلامتك بس ماقلتلي ايش اسمك
الإمبراطور :
هههه ليش مهم
سوسو :
وليش الضحكة ما اعتقد كلامي يضحك
الإمبراطور :
لا أبدا لكن كلامك بالبداية غير والحين غير
سوسو :
طيب آسفة على السؤال باي
الإمبراطور :
باي
**
وضلت سارا حاقدة عليه لأنه استفزها وما أعطاها وجه
ومر يومين وماشافته بالنت طبعا مدة طويلة لوحدة طول وقتها بالنت
المهم لما دخل على الماسنجر على طول هي إلي بدت الكلام
سوسو :
مرحبا ...
الإمبراطور :
مراحب
سوسو :
كيف الحال ؟
الإمبراطور :
بخير
وبعد صمت طويل
سوسو :
آسفة الظاهر انك مشغول وأنا عطلتك
الإمبراطور :
لا أبدا حبي ,, لكن أنا اشتغل على البحث حقي وما ادخل الماسنجر كثير
سوسو :
وشو حبك حبتك القرادة قول إنشاء الله
الإمبراطور :
وش فيك انقلبتي
سوسو :
بس بأي صفه تقول حبي
سوسو :
الشرهة على إلي يكلمك مش عليك
الإمبراطور :
سوري آنا آسف وحقك علي
سوسو :
سوري ولا لبناني مايهم وهذي آخر مرة تقول ذا الكلام
الإمبراطور :
طيب ياصاحبه السمو أوعدك ما أعيدها
سوسو :
الـــله عجبتني كلمه صاحبه السمو كذا الكلام وإلا بلا
الإمبراطور :
خلاص من اليوم ورايح راح أناديك صاحبه السمو وش تبغين أكثر من كذا
سوسو :
طيب إنا ايش أناديك
الإمبراطور :
هههههه
حلو ذكائك , أنا ناديني باسمي خالد
سوسو :
واااو اسمك جنان حلو مرره حلو مش مثلي طاح حظي
الإمبراطور :
كل واحد اسمه حلو ولايق عليه
سوسو :
ليش مش حاب تعرف ايش اسمي
الإمبراطور :
على راحتك إذا حابه تقولي قولي وإذا مش حابه اكتفي بصاحبه السمو
سوسو :
طيب كم عمرك شكلك مش كبير
الإمبراطور :
عمري 25 سنه
سوسو :
العمر كله بس صغير
سوسو :
على فكرة أنا اسمي سارا وعمري 18
سوسو :
أقول وش رأيك أنا معي شله بنات نضيفهم بالمحادثة وندردش
الإمبراطور :
لالا أنا مثل ماقلتلك عندي بحث ولازم أخلصه
الإمبراطور :
باي
سوسو :
براحتك باي
وصارت سارا دوم تفكر فيه وبعدها ظل لمدة ثلاثة شهور مايدخل النت
البنت جنت وقالت أكيد شافله شوفه ثانيه
وضلت تفكر فيه لأكنها كانت تقول دوم هو غير الشباب إلي بالنت هو غيرهم كلهم واحد ثقيل
مايهمه البنات كثير
وبعد أسبوع.
الإمبراطور:
يامساء الخير والإحساس والطيبة
سوسو :
آهلين وينك يالقاطع
الإمبراطور :
سلامتك لاكن الاختبارات ماترحم وهذي آخر سنه لي
سوسو :
الله يوفقك
الإمبراطور :
وحشتيني موت
سوسو :
أنت أكثر
الإمبراطور :
صدق تتكلمين ؟ ما اعتقد
سوسو :
والله ما اقدر على فرقاك جد أتكلم شوفلك صرفه
الإمبراطور :
خلاص أنا عند حل يرضي كلا الطرفين
سوسو :
ايش هو ؟
الإمبراطور :
ايش رأيك أعطيك رقم جوالي وإذا حبيتي تشوفيني بالنت أو وحشتك مثل ماتقولين أرسلي بس رسالة لي
سوسو :
نعم نعم نعم لا منت صاحي ولا تفكر بيوم أني مثل البنات الي أنت تكلمهم أنا بنت ناس ومتربية وو .....
الإمبراطور :
والنعم لاكن أنا ماقلت بكلمك قلت أرسلي رسالة و يصير خير
سوسو :
خلاص غير الموضوع بسرعة
الإمبراطور :
اوكي لا كن هذا رقمي إذا حبيتي تشوفيني مرة ثانيه بالنت أرسلي بس رسالة ××××××××
سوسو :
طيب باي
الإمبراطور :
باي
×
طبعا سارا أخذت موقف من خالد لأكنها ولشدة فضولها سجلت الرقم
المهم بعد كم يوم اشتاقت تكلمه أو بالأخص عندها موضوع حبت تقوله عنه
فكرت وفكرت ايش تسوي أو كيف تشوفه بالنت
فقالت لنفسها : ليش ما أرسله رسالة مثل ماقال هو مابيكلمني ولا أنا راح اكلمه
المهم كتبت برسالتها (( خالد معليش لو سمحت تدخل النت ضروري))
المشكلة انه مارد عليها
مرت نص ساعة على ذا الوضع
انقهرت البنت وأرسلت رسالة ثانيه (( معليش آسفة على الإزعاج))
وكرهت نفسها بعد هذا الموقف أنها تصورت انه مطنشها
وبعد أيام (( شافته بالنت ولا كلمته وظلت على هذا الوضع ربع ساعة))
ملت وتنازلت أنها هي الي تبدأ بالكلام
×××××××
سوسو :
السلام عليكم
الإمبراطور :
هلا والله
سوسو :
لو سمحت احذفني من عندك وما عاد أشوف رقعت وجهك بالماسنجر
الإمبراطور :
اللهم سكنهم ايش الي صار
سوسو :
بعد الحركة الي سويتها معي ماودي أكلمك أو حتى أشوفك بالقروب حقي
الإمبراطور :
ليش لاسمح الله أنا ايش سويت
سوسو :
لا أنت برئ ماتسوي شي
سوسو :
بس طنشتني وأنا كنت محتاجه لك ذاك اليوم
الإمبراطور :
أي يوم
سوسو :
اقصد الرسايل الي أرسلتها لك لاتستهبل خويلد
الإمبراطور :
آآآة تقصدين حقت النت
سوسو :
أي هي ليش مادخلت النت أو حتى قلت انك مشغول
الإمبراطور :
لا عمري أنتي فهمتي غلط أنا افتكرته واحد من الربع مطلع رقم جديد
سوسو :
لا بس أنا آسفة وهذي آخر مرة كانت لحظه طيش
الإمبراطور :
عمري لاتقولي هذا الكلام وثاني شي أنتي قلتي انك ماتبغين الرقم آخر مرة شفتك فيها
سوسو :
طيب قلتلك إنسى الموضوع
الإمبراطور :
طيب ايش هو الموضوع المهم الي كنتي تبغين تقولينه
سوسو :
خلاص ماله داعي
الإمبراطور :
بتقولين ولا كيف ؟؟؟؟ تراني عصبت
سوسو :
كل مافي الموضوع إن أنا خطبني محمد ولد عمي طيب وأنا ما أحبه ولا أطيق أشوف رقعت وجهه
وأهلي موافقين كلهم وأخاف ارفض وعمي يزعل من بابا
الإمبراطور :
والمطلوب
سوسو :
انصحني
الإمبراطور :
شوفي أنا ماني سريع بالكتابة
يعني راح اتصل عليكي وأقولك رأيي لان الموضوع باين عليه طويل
سوسو :
لااااااااا مجنون أنت
الإمبراطور :
يابنت الناس ماني مآكلك وثاني شي أنتي لاتتكلمين أنا بس الي راح أتكلم اوكي
سوسو : وبعد تفكير
طيب لكن أنا مابقول ولا كلمه
الإمبراطور :
اوكي
××××××××
بعد ثواني
تررررن نغمه راشد
خالد : الوو مرحبا
سارا :.. (صامته البنت تستحي(
خالد : طيب قولي مرحبا أنا كذا ما اعرف أكلمك وأنتي ساكتة يعني كأني مجنون اكلم نفسي
سارا : (( بلا شعور )) لا سلامتك
خالد : الله يسلملي هالصوت الحلو
سارا : (( لاتعليق ((
خالد : اوكي ماراح أطول عليكي أنتي قلتي انك ماتحبينه ممكن اعرف السبب
سارا : ضروري تعرف
خالد : أكيد عشان أقولك رأيي
سارا :
)) سارا طبعا بلا شعور لأنه واحد معقد وتافهة وماعندة سالفة ))
خالد : يمه منك كذا على طول خليتيه معقد ؟ أكيد في سبب
سارا : لا بس من طريقه كلامه وأسلوبه وثاني شي شايف عمرة مدري على ايش كأنه مافي حد درس جامعه غيرة
خالد : يعني المثقف عندك معقد أو مغرور
خالد : أنا طيب مهتم بدراستي فوق ماتتصورين
سارا : لاااااا عاد أنت غير
خالد : من أي ناحية
سارا : كلك على بعضك حلو
خالد : احم احم
خالد : كله من ذوقك يا عسل
سارا : تسلم)قالتها بكل خجل (
خالد : المهم إذا كنتي لهذي الدرجة ماتحبينه خلاص ارفضي والي يصير يصير
سارا : طيب ممكن طلب
خالد : آمري
سارا : ممكن ترسلي صورتك
خالد :هههههه لا طبعا
سارا : طيب آسفة
خالد : لا عمري لاتزعلين لاكن أنا من جد مش وسيم وأخاف تنصدمين
سارا :طيب اوصفلي نفسك
خالد : احم احم طبعا أنا قصير اسمر شعري كشه على قولكم انتوا البنات
سارا :ههههههههه ايش دعوة
خالد :طيب هذا ابن عمك حلو
سارا : ياي يجنن تخيل طويل وابيض عيونه عسلية وشعرة ناعم مثل جواد العلي
خالد : هههههه هذا الي قاطع قالبكم يالبنات جواد وطقته
سارا : لا بس ماشاء الله عليه كثير وسيم يمكن أحلى مني بعد
خالد :ليش أنتي مش حلوة
سارا : لا قمر وأحلى من القمر بعد لكن أنا متواضعة
خالد : هههههه واضح متواضعة ...
سارا : اووو خالد الساعة 2 الوقت سرقنا وأنا عندي بكرة مدرسه
خالد : اوكي عمري ما أطول عليك لكن بكرة بس اجلس الصباح راح أدق عليكي اوكي
سارا : اوكي مع السلامة
خالد : تصبحين على خير
×××××××
جلست سارا الصبا ح وهي متأخرة على الدوام
وطبعا أعطوها حرمان من الحصة الأولى
جلست بالساحه تفكر بخالد وفجأة رن الجوال ( نغمه راشد )
خالد : الو
سارا : الوووو
خالد : يسعد لي هالصباح
سارا : هلا والله الطيب عند ذكره
خالد : مشاء الله كنتي تفكرين فيني ولا كلام بس
سارا : أنت ايش شايف
خالد : ماقلتيلي ماعندك كلاس الحين
سارا : لا عندي بس حرموني منها لأني رحت متأخر
خالد : اوووف ماعاش من يزعل عمري
وظلت سارا وخالد على هذا الحال كل يوم تكلمه ولاتفوت أي شي إلا وتقوله له
ورجع في يوم من الأيام ولد عمها وتقدم لها للخطبة
لا كن أهلها هذي المرة غصبوها على الموافقة
ووافقت بعد تردد وتفكير طويل
واتصل خالد :
الوووو
عمري كيف الحال
سارا : هلا حياتي كيفك
خالد : تمام
سارا : خالد بقولك على شي متعبني
خالد : ايش هو لايكون تعبانه أو مريضه
سارا :
لا حياتي لكن ولد عمي رجع خطبني مرة ثانيه وأهلي غصبوني عليه
خالد : طيب ( يعني ايش (
سارا : يعني أنا وافقت عليه وصار خطيبي وبعد أسبوع كتب كتابي عليه
خالد : طيب تحبين أخطبك
سارا : أنت تتمسخر ( تقولها وهي تبكي )
خالد : لاعمري لكن ليه تبكين
سارا : لأنك آخر واحد فكرت انه يتمسخر علي
خالد : طيب أقولك على سري الي ماقلته لحد قبلك
سارا : ايش هو
خالد : أنا كمان خاطب بنت قرايبنا
سارا : ايش وليه ماقلتلي لهذي الدرجة أنا رخيصة ووو...
خالد : أنتي وش فيك صبر علي
خالد : آه وعلى فكرة اسمها سارا وعمرها 18 وهي بنت ولا كل البنات
سارا : ايش تقصد ؟
خالد : اقصد ياعمرى أنا اسمي محمد ولسه متخرج وخاطب بنت عمي سوسو
سارا : (بدون شعور سكرت بوجهه السماعه )
المهم بعد ماعقد قرانهم أجا عشان يشوفها ويجلس معها
هي كانت تبكي وتقوله ليش سويت كذا فيني حرام عليك
قالها لأنك كنتي ماتحبيني وخليتك تحبيني غصب صح
قالتله : صح
وتبادلو الضحكات
وعاشوا حياة سعيدة
القصة حقيقية وبس ...
مع تحياتـ كايتو كيد ـي
اضافة رد مع اقتباس
[/URL[/IMG]
المفضلات