طلبتكم اللي خلص سايلنت هيل 4 يساعدني ضروري ابغى اكمل اللعبة

**ملكة الرومانسية** · 27-06-2007, 09:37

عارفة انوا الموضوع مو مكانوا هنا بس لو سمحتوا خلوه لين الاعضاء مايردو عليا ابغى الحل ضروري

السلام عليكم ورحمة الله وبركاته

كيفكم

انا وصلت في سايلنت هيل 4 في سجن الماء عند الباب حق المطبخ اللي اشيل منو شي اصفر

المهم شيلتو بعدين يقولي مو شايف اللوحة حقت الارقام فماني قادرة اكمل اللعبة

كيف اجيب نور ماني عارفة وعالقة هنا من زمان ساعدوني

كيف يشوف اللوحة عشان يصير المشهد مع اني ترى متبعة الحل خطوة خطوة

ساعدوني بسرعة الله يخليكم

disappointed

**amir12** · 27-06-2007, 09:59

السلام عليكم
مشكلة بسيطة تحتاج إلى الضوء
كيف نحصل على الضوء
هذا سهل
لتعلم أنه يوجد حفر في الزنازن عليك أن تجعلها متساوية واحدة أسفل أخرى
كيف
عندما تنزل إلى أسفل إصعد السلم الذي يؤدي إلى f2و f3
في هذين الطابقين وهما للمراقبة ستجد عجلتين قم بعملية الدوران بهذا الترتيب
في f2 دورتين لليمين
فيf3 ثلاثة دورات لليمين

**ѡ ά ʟ т ɛ я** · 27-06-2007, 10:02

انا خلصته...

اطلعي من الغرفه الي هي المطبخ...

على يسار هينري بييج سلم...

وروحي عند السلم الي يوديج فوق...

واركبي لين ماتوصلين الدور الي فيه شي مثل السكان...( مقود السياره) وحركيه

وبعد روحي الدور الي فوقه بييج نفس الشي...حركيه وحاولي وكل مره تحركينه روحي حق الارقام...

لانج اذا حركتي السكان تولع بعض الاضواء...

وحاولي لين مايولع الضوء على الارقام وكتبي الرقم الي ياج في الرساله...

ودخلي بتلقين الريال الي في الدور محبوس ميت ومكتوب عليه رقم قبره...

وبعدها تخلصين هاذي المرحله...

اتمنى اني اكون افدتج بهاذي المعلومه...

واذا صار ارجو انج تبلغيني...

Walter

**ملكة الرومانسية** · 27-06-2007, 10:23

مرة تسلموووووو ودحين احاول اسوي اللي قلتوا عليه ومرة شكرا على الردود

**ѡ ά ʟ т ɛ я** · 27-06-2007, 10:42

هذا واجبنا اختي...

انتي الحين في الدور الثالث...

يعني تو الناس عليج...انتظري البلاوي ترى هي واايد...

وباقولج عن شي بييج في الشقة الي ساكن فيها هينري...

يمكن في يوم اذا رجعتي شقة هينري تسمعين صوت اليهال...يصيح..

روحي فتحي الثلاجه..تلقين دجاجه او ماشابه...خلي الثلاجه مفتوحه وتمي راقبيها...

بتذوب الدجاجه...وبعد كل ماترجعين الشقة فتحي الراديو تسمعين اخبار عن نمرين انولدوا في الحديقة..

وبعد في دور اذا رجعتي الشقة ينزل لج راس من السقف...ومعاج ايلين..يكلمج..وبعدها تلقين فاس..

روحي بين غرفة هينري..وبين الله يعزج الحمام و كسري الجدار...وبتلقين جثة والتر الحقيقه...

واذا ماعرفتي وشو اتسوين بلغيني...

Walter