السلام عليكم ..
ادري اني انا توني جديد عندكم ..
بس ودي اشوف تجاوفكم من قصتي الخياليه
أول شي إذا أنت ما عندك وقت الحين تقرأ لمدة عشر دقائق فقفل هالموضوع وافتحه بعدين هذي مذكرات المنسسسسسسسسسسسسسسم اسلوبه مخروش خفيف دم من جد بس اسمعوا يبيلكم تقرونها وكذا انتم انواع ابو ابو ابو الفضاوه ومروقين شغل السريع سريع ما ينفع ...
يوم كنا صغار ، نشتري ببسي بريال يقولون ليييييه ورا ماجبت العائلي ..نشتري خروف يقولون ليييييي ورا ماجبت اكبر ... نشتري تفاح بالكيلو يقولون لييييييه ورا ما جبت كرتون .. نشتري كامري يقولون لييييييه وراك ما شريت جمس .. اللي فهمته إن الكبير أزين من الصغير وان المتين أزين من النحيف .. نعم أنا ضحية رسائل مرروها أهلي لعقلي طوال عقدين من الزمان ...
فتيات أحلامي ... زي كل شاب لازم أمر بفترة المراهقة وكل الناس كذا باستثناء أمي وأبوي يقولون إنهم كانوا أطفال وكبروا وصاروا راشدين على طول ما مروا بفترة مراهقة طبعاً يؤسفني إني أقول إن أهلي كذابين نعم أهلي كذابين وأنا ولدهم فأكيد إني أنا برضه كذاب .. إلا في شي واحد عشقي للسمينات والمتينات وادوخ ايما دوخه عند المربربات هذا صدق ما فيه جدال..
زمااان أيام ما كان محمد عبده طاق تسعة ازارير في الياقة وشعر منصور مفتاح كنه قشعه كانوا أبناء جيلي مفتونين بعلا رامي وأختها بسحر وشريهان وأنا الوحيد اللي شايل صورة وفاء مكي قسم بالله اهل وفاء مكي ما شالوا صورتها وانا شلتها .. ويوم دخلت وفاء مكي السجن فكرت اشيل القضيه عنها واروح للنائب العام في دمنهور واعترف ... لحمه بيضا اختصاراً للوقت .. حرمه صدقيه ..
عندي اعتقاد الى درجة اليقين ان الحرمه ما تكتمل أنوثتها إلا إذا صارت زنودها مثل زنود محمد علي كلاي تملا حياتي وتملا بيتي وتملا السرير .. تحس معاها انك مع حرمه اكره النحيفات احب الحرمه اللي جسمها مثل الطماطه الخربانه مثل مسحب الدجاج لو تحط إصبعك في بطنها طلع مع ظهرها ما فيها عظام .. حرمه وأنت معاها سكرت باب الشرع وكأنك ماخذ اربع..
أما النحيفة اللي مثل شايب .. كلها عظام وعروق ماباها ماباها ..ويوم طحنا في الدشوش انهبلوا العالم عند هيفاء واليسا و.. و .. وانا كان يغمى علي يوم شفت كلوديا الشمالي خصوصاً اذا كشفت عن كتوفها وقالت طلبت الألب عطيتك ألبي .. لكن ما فيه قناه إلا وحاربتني عليها واختفت والله عوضني خير وجاءت عنق الفقمة وحفيد سيد قشطه ... ديانا كرزون .. صوّت لها لين بغيت ادخل السجن من الديون .. وبكيت أكثر من امها يوم فازت ولأني من فئة (انزه في روض المحاسن مقلتي ... وامنع نفسي أن تنال محرما) قررت اعرس.
ي ت ب ع
المفضلات