أنا راح أعيدها لكم مع التغييرات..
أوكي؟
محد يعلق بعدين...
أول شي.. يكون شاروخان (اسم غبي) قاعد يسولف مع ساكيرو (بعد غبي)..
وبعدين.. يقعدون يلعبون شوي ويجرون ورا بعض<<< جهال
وبعدين يجي واحد متلثم راكب خيل.. ويخطف ساكورا..
ينصدم شاوران ويقعد يطالع وهو مو مصدق.. بعدين تدمع عينه لكن ما تنزل دموعه<<< رجال يا عيني..
يجي روجو ويحط يده على كتف شاوران ويقول له لا تزعل.. الصياح ما راح يفيد، يلا نروح نجيبها.. وفي الطريق يلقون واحد شايب منتهي..
مسوي روحه حكيم زمانه.. يقول لنا أن هذا الخاطف يختار كل 5سنين أحلى بنت ويحطها في السجن فوق الجبل..>>> قمت أخرف..
ويقول لهم أنهم لازم يجيبون 3بلورات (حمرا وزرقا وخضرا).. ويحطونها في الحفر اللي على جدار السجن..
ويروحون الاثنين يدورون على البلورات.. في الطريق يسمعون صراخ>>> هذي شغلة الحريم..
ويروحون يشوفون شو السالفه يلقون عمرهم قدام قصر كبييييير مرررره.. يدخلون يلقون ليلي (نداء) قاعده تبكي بكي.. يسألونها عن السبب فتقول لهم أن أختها الصغيره بيبي (ريا) طاحت في قبو القصر..
فيروحون يلقون رجلها عالقه في ما اعرف شو>> ما عندي خيال..
المهم يساعدونها ويقولون لها عن قصتهم.. فتقول الخويتين أنهم يعرفون مكان البلورات.. ويقولون لنا انهم راح يجون يراوونا مكان ثنتين من البلورات.. أما الثالثه فما يعرفون مكانها..
يمشون الأربعه يلقون صاحينا كومار (الفتى الغامض) وتقول الاختين أنه يملك البلوره.. لكن يوم نسأله يقول لنا أننا لازم نتسابق معه وإذا فزنا راح نحصل البلوره>>> أنتوا اختارو في شو نتسابق..
وبعدين نفوز ونحصل البلوره الزرقا.. ونكمل مشي ونلقى بنوته صغيره..
ويقولون لنا الاختين أنها تملك البلوره الحمرا.. ويوم نسألها تقول لنا أننا لازم نجيب النبته اللي فوق الجبل لأنها راح تصنع منها دوا لأبوها المسكين.. وتعرفون يعني لازم تصير قصص حب في الفلم.. فأخونا روجو يقع في حب البنوته الصغيره>>> يا عم خل عنك هالخرابيط
المهم أنهم يوافقون ويصعدون الجبل الكبير.. ويقعد روجو يغني>> عشان خاطر أخونا بلاك غوست
وبعدين يجيبون النبته ويعطونها البنت.. وياخذون البلوره الحمرا..
وهنا تعتذر الاختين عن التكمله.. لأنهم ما يقدرون يروحون بعيد أكثر..
لكنهم يدلونا على الطريق.. يقولون لنا لازم ندخل كهف الظلام..
وبعدين يروحون الأختين ويكمل شاوران مع روجو.. ويدخلون الكهف..
والتكمله هي نفس ما قال بلاك غوست.. يعني راح يتضاربون مع ذاك فينست.. وبعدين يصير مثل ما يصير.. ويحصلون البلوره الخضرا..
والتكمله أخليها لسترينج لأنها صاحبة الموضوع..
آاااااااااخ مخي بينفجر..
قعدت أألف على الماشي أي كلام.. يعني محد يعلق..
وإذا مو عاجبك أختي سترينج.. غيري بروحك
أنا تعبااااااااااااااااااان مرررررررررررره
وشكراً
المفضلات