مرحبــااا .. وش الاخبار؟!! .. مشتااقه لكل وحده فيكم تدرون عاد ..
المهم خلصنا اختبارات وبعدنا عن الشر .. الشر مايجينا انشاء الله ..
لكن من بعد الاختبارات آخر يوم تشوفين فيها صديقاتك وبعد كم شهر بترجعين ..
بنفس الفصل او غيره المهم بترجعين بتشوفينهم ..
لكن ماحال البنت اللي آخر يوم عندها بالمدرسه خلاص اختبارات الثانويه العامه ..
طيب اكيد بتقولين للسواق تعال اخذني من المدرسه الساعه عشره او اكثر ..
اللي بتعمل لها حفله صغنونه في فصلها عشان تبقى الذكرى فيه ..
او بعضهم يتفقون يرحون يجتمعون عند وحده منهم ..
انا يوم كذا حالتي يرثى لها .. اخر يوم في اختبارات الثانويه العامه كان عندنا حديث
طيب وقبل اخر يوم كان عندنا ادب .. وشفنا وداع بنات متوسط لانهم خلصوا قبلنا ..
وصديقتي كانت تودع بنات كانت تعرفهم من متوسط .. وياكثر الهدايا اللي جات لها ..
من ضمنهم سله من زهور الريف كل شي تبينه فيها ..
جاتني جلست جنبي .. وانا كنت بطلع السياره جات ..
قالت: ياربي مادري
قلت: وش فيك ساره وجهك منصفق ( يعني متغير )
قالت: ساره مو مصدقه انا بطلع من المدرسه <<< ترى اسامينا متشابهه ساره وساره
( احنا مدرستنا ملوطه متوسط وثانوي .. فابالنسبه لي عشت فيها 6 سنين من اول متوسط لثالث ثانوي )
قلت: خلاص لازم شي مجبور علينا
وتروح تحط كفينها على وجها وتنهد صياح ,, انا لاول مره اشوف صديقتي تصيح بصياح متعوده عليها البنت مفرفشه حدها ..
انا خلاص .. وانا مشكلتي مااعرف اهدأ احد يصيح في وجهي
قلت: خلاص لاتصيحين ترى انا متوقله خاشه دموعي لبكره لاتصيحين ..
والبنت مازالت .. بس بعد غضون دقيقه او دقيقه ونص
رفعت وجهها والكحل الازرق السايل عليها <<
قالت: ساره عندك نشاف
قلت:لا والله ماعندي وصرت انادي صديقتي اللي قدام هيا عندك نشاف
عطيته لها ومسحت الدمع . وحدي مو عارفه وشلون ابدأ احاكيها ,, الا هي بدات وتكلمت وصارت تضحك
رد روعي شوي ,,
المهم,,, رحت البيت النوم ماجاني داخله البيت من الساعه 9 وماجاني النوم الا عند اذان الظهر
حسيت ان جسمي في حاله ارتجاف ماني عارفه وشلون ..
نمت وبالموت ذاكرت الحديث .. وحدي خايفه وكل ماتجي الساعه خمسه او سته الصباح عشان بروح المدرسه أزيد ..
رحت المدرسه انا من عادتي من اروح اراجع لكن هالمره ماراجعت .. تمشيت وسوالف لين صعدنا فوق للقاعه امتحنا ولله الحمد بس ماطلعت الا متاخره على ان كلن طلع بدري ..بس تدرون من الرجف بالموت حليت
سالتني صديقتي ... متى بتروحين ؟؟!!
قلت: الساعه عشره
قالت: اي احسن مثلي عشان يمديني اودعك ..
زين ومازلنا مستانسين كل وحده جابت جهاز الثانيه ونتبادل بالبلوتوث والصور والضحكات تعلو وتعلو
زين صعدت فوق اصور فصلي والحمام اكرمتوا .. كل شي صورته ماخليته .. وعالقريب اوريكم الصور
بعدها حان الفراق مشيت لقيتها ماخذه عباتها وشنطتها
قلت: وين بتروحين توا الناس هالحين الساعه 9 ونص وانتي قايله عشره
قالت: يأست من القعده قلت اروح
هي قالت كذا وانا وقف في محلي مااصدق خلاص بروح ماراح اشوفها .. وجاتني وضمتني على طول
وانا حدي مو مصدقه .. وجلست تقولي كلااام وربي خلاااني ارتجف
ورحت لصديقتي طوطو الثانيه ضميتها .. عاد هاذي في رجب بتتزوج ... حظها ..
وجاتني فطووم من بعيد .. ساره وتطيح ضم الثانيه ..
وهيله مشغووله مع الابله اللي تحبها وسلام وضم وحاله .. .. يعني من هالنوع ..
جات سيارتي وودعت اغلى ربعي اللي بتروح مكه واللي ماراح اشوفها بتروح تدرس بالرياض
ودعتهم ومشيت .. وقبل مااطلع من الباب جاتني صديقتي سهى من وراي
قالت: لاتروحين قعدي شوي ابي اشوفك
قلت: خلاص سيارتي جات من زمان
وجاتني وانا بعباتي ضمتني ... والحاله وهي ميته صيااح .. وانا من النوع اللي يصيح بسرعه بس في هاليوم ماصحت مادري ليه اعتقد هرمونات الدموع عندي خرباانه
وتفارقنا وصار الودااااااع ..
شلون تتحملون هالموقف .. وشلون بتعيشون حياتكم .. وشلون بتفارقون مدرسه عشت معها 6 سنين
واحلى الصديقات عشت معهم احلى الساعات واللحظات ..
ناس بشوفهم في الجامعه وناس بيصيرون بالكليه واللي بتدرس غير الشرقيه ..
وحده صار لها موقف الوداع .. تعلمني وش صار ؟؟ وشلون تحملت اللي صار ؟؟
واذا كانت بالجامعه هي وبعد مضي السنين عليها حست بالشعور نفسه يوم كانت بالمدرسه .. ؟؟
انتظر ردودكم ..
تحيتي .. رقيقه المشاعر
المفضلات