تبدأ اللعبة بعرض سنيمائي يوضح شخص لابس واقي مطر أسود ماشي فوق أحد الجسور المعلقة .. وهو ماشي الا شوي يرمي السيجارة اللي بيده ويجري بسرعة ويرمي واقي المطر .. الشخص هذا طلع بطلنا سوليد سنيك اللي قام بتشغلي جهاز التخفي .. المهم زي عادة سنيك لازم يستعرض شوي يقوم ينط من فوق الجسر على طريقة اللي يقفزوا بالبانجي ويتشقلب شوية وينزل على ظهر السفينة .. مع الاسف قوة السقطة خربت جهاز التخفي الا ما راح تصير له فايدة .. المهم يبدأ يكلم أتوكان "هال إمريك" صديقه العزيز اللي قابله في الجزء الأول بالنانوكومنكيشن اللي هو الجهاز المغروز بالجسم يصير محد يسمع المتحدث غيرك ، طبعا الكلام كله كان يدور حول ميتل جير راي وان المارينز صنعوه وبس المطلوب من سنيك كم صورة للميتل جير راي وبس ؟؟؟
طبعا لو كانت القصة بس كذا كان شفنا كوجيما يشحت بالشارع .. المهم وشوي والا سنيك يسمع صوت مروحيات "هيلكوبتر" عاد يطالع ويشوف عالم وامم نازلة منها وتبدا تسيطر على السفينة .. عاد سنيك قال خير يا طير وين قاعدين وشوي والا يشوف واحد الظاهر انه قائدهم عاد من الشعر الغبي عرف انه روسي
واسمه جريكوليف شي زي كذا المهم اتوكن يقول له لا تحتك فيهم وركز على الهدف الاساسي وتبدا اللعب طبعا اللعب خيالي ما راح اتكلم عنه حاليا الا لو تبغوني اقول لكم الطريقة ولا كيف ممكن احطه بفقرة ثانية المهم وتمشي باللعبة طبعا وتشوف أولجا بنت الجنرال جريكوليف وتكون تكلم ابوها ويحاول يقنعها ترجع وما تكمل مضاربه لأنها حامل المهم شوي طبعا سنيك يكلمها شوي ارفعي يدك القي سلاحك ومن هالكلام واخر شي تنجح بالتقاط مسدسها الثاني "الأول رمته" وتبدا تحارب سنيك .. طبعا سنيك ما معه الا مسدس التخدير وشوية قنابل ضوئية ومشوشة لازم تحاربها بمسدس التخدير وبعدين راح تعرف ليه .. المهم عشر طلقات وتقتلها ويجي عرض تاخذ فيه مسدسها ويشوفك سايبر اللي هو كاميرا تطير .. المهم تكمل اللعب لين توصل الى قاعات المارينز العالم قاعدين يسمعون محاضرة الجنرال دولف جاكسون وعاد انت لازم تعدي منهم بدون ما يشوفونك وبدون ما تقتلهم وبدون ما يجي ظلك على الشاشات .. لين توصل للميتل جير وشكله طالع رهيب لازم تصوره اربع صور من الامام والجنب الامامي الايمن والجنب الامامي الايسر وشعار المارينز وبعدها ترسلها لأتوكن خلال مدة محددة قبل لا يخلص الجنرال كلامه ويشوفك .. بعد ما ترسل الصور وتطلع حلوة بيجي عرض سنيمائي يوضح ان الجنرال خلص قرقرة وكلام كثير وبيسمع صوت تصفيق المهم يطالع والا مين .. ما عرفت .. طلع شالشاسكا حبيبنا اللي هو ريفولفر اسولت بس جاي بيدين بعدين اقول لك كيف .. المهم يجي ويجر الجنود ويخش جريكولف ويحتجز الجنرال دولف المهم كلام من هنا وهناك وانت تبغى تسرق الميتل جير قال لا انا جاي استرجعه وكيف وما كيف وجريكوليف يقول انا ابي اخذه عشان ارجع لروسيا عظمتها يقول له ريفولفر والله انك منسم .. مصدق اني بعطيك الميتل جير تراه ما يكفي الا الا لواحد وهذا اكيد بيكون انا انت اقعد هنا ومت مع بنتك .. عاد يحقد جريلوكيف وينطل دولف عليه بس هنا يجي ريفولفر ويرمي البالطو ويطلق طلقتين وحدة بدولف والثانية بجريلوكيف وكم وحدة بجنود جريلوكيف ويطلع جهاز يقول ترى المدينة قريبة اللي يبغى يهرب بسرعة يسبح لأني بفجر السفينة ويضغط الزر وتنفجر شوية قنابل ويحاول الجنود يطلقون عليه بس ولا رصاصة تجيه صدق انهم غشما المهم خوينا سنيك يجي ويقول وين يا عم هو خروج الحمام زي دخوله المهم وشوي والا يد ريفولفر اليمين "اللي انقطعت اول" تتحرك وتحسه يتعذب .. بعدين يتغير صوته ويقول سنيك من انت
يقول له ما عرفتني ؟ يقول له لكويد ؟؟ المهم وينحاش ريفولفر او لكويد تراه خبصنا بالميتل جير راي وطبعا يضرب معه كم واحد وينحاش وتنفجر السفينة ... كذا خلصت نص اللعبة ..
وبعد سنتين يجيبون عرض شوي والا مين يتكلم .. روي كامل وسنيك .. ولو ان سنيك صاير صوته غير يتكلمون يقولون تتذكر الحادثة اللي قبل سنتين حقت الناقلة و و و و المهم انت مهمتك تنقذ الرئيس المختطف وبنغير لك اسمك من سنيك الى رايدن .. ليه وما ليه رايدن له رنين موسيقي اكثر .. المهم وتطلع بنفس اللبس اللي بدأت فيه الجزء الاول حق الغوص وبالقناع وبتبدا تمشي بسنيك اللي سموه رايدن المهم شوي وتلقى جندي طايح ويكلم روي يقول غريبة فيه واحد هنا ويمشي ويشوف اثنين غيرهم ويطالع ويجيبون مشهد لظهر واحد يشبه سنيك ؟؟؟ الحين مادام ذا سنيك انا قاعد العب بمن؟ ويكلم روي يقول الحين تراني شفت سنيك ما هو مات ؟ يقول له روي الا وجثته شفناها وانتشلناها وفحصنا الدي ان اي والمعروف انه مستحيييييييييل يتشابه الدي ان اي لشخصين المهم وتمشي شوي وتطلع المصعد ويجي رايدن يشيل القناع .. ويطلع ماهو سنيك خوينا الا سنيك ثاني تقليد بس شعره ابيض وطويل وابيض المهم يمشي شوي والا تسمع صراخ ورشاشات طبعا عرض سنمائي ويجيبون هالعالم يطلقون بالسقف وتحت فوق وواحد يحوس فيهم وماهو باين شكله المهم وشوي وواحد منهم ينقتل والثاني يلحقه يجي الثالث يطالع يشوف واحد نازل من السقف كأنه دراكولا ويطالع فيه بحقد المهم يجي يطلق عليه يجي هالدراكولا يدور ويتفادى رصاص الرشاش ويمسكه من ورى ويذبحه .. عاد رايدن يخش يلقاه قاعد يمص دمه يقوم رايدن يطالع فيه وينتبه له فامب يقوم يجرح صدره جرح يقول هذا هو السادس ويطلع اسمه فامب "VAMP" المهم وشوي ينط هالفامب ورى رايدن اللي منهدش .. و يجي واحد يقول جيت داون يعني وط راسك ولا انزل تحت المهم رايدن ما يصدق خبر والا الثاني مطلق 736 رصاصة تقريبا وفامب ينحاش لفوق وينزل ويطلع ويروح يجرح يد ابو رشاش ويمسكه ويرفعه .. بعدين يشمشم فيه ويقول له ريحتك غريبة المهم يجي رايدن ياخذ الرشاش ويطلق على فامب بس خوينا هج ويجيه اتصال يقول خلاص يا ملكتي الحين جاي ويناقز فوق وتحت وينحاش يجي رايدن يقول للجندي عرف عن نفسك يطلع اسمه الليوتانيت "ملازم يعني" فلان بن فلان بلسكن ويقول له فامب هذا روماني وسو عليه تجارب وهو زي الزومبي الحين المهم يقوم بلسكن يعطي رايدن مسدس ويقول له خذ وصرف نفسك وكلام كثير كثير بس ناسيه لأني مخلص اللعبة من زمان المهم وتمشي شوية وتلقى زي اللمبة ورى واحد من الدواليب ما عليك منها ويمشي شوي والا يشوف بوحدة من الغرف واحد عبد يجي يقول له دونت شوت وانا معكم يجي بلسكن يقول ايه هذا ستيلمان خبير قنابل وعلى مستوى المهم قرقر يمين قرقر شمال ويقول ترى فيه واحد هنا اسمه فات مان وهو خبير قنابل وانا علمته يوم كان طيب وهو زارع كم قنبلة سي فور هنا وبيفجرها لذا خذوا هالبخاخات جمدوها عشان لا تنفجر طبعا انت تمشي وتجمد القنابل وكل شوي تكلم ستيلمان اللي يقول احس انه فيه قنبلة اكبر قريبة مني وطبعا تكلم روي كامبل وروز صديقة رايدن اللي شغالة مع روي و و و بعدين يجي ستيالمان يدق عليك بعد ما تخلص من القنبلة قبل الاخيرة ويحدد لك مكان القنبلة قبل الاخيرة ويقول لك انه فاتمان مرسل له قنبلة بتفجر المكان اللي هو فيه كله ويدق على بلسكن يقول له اطلع من المكان يجي يقول له طيب يا عم حط رجلك وانحاش يقول باقي 30 ثانية شوي والا بووووم المهم تجي انت تروح توقف اخر قنبلة اللي تكون بمكان البداية شوي وانت راجع والا تشوف واحد جاي من المصعد والا بنت معها مدفع رمضان .. سلاح كبير مين يا عمة الا تطلع فورتشن المهم تحس انها تبغى تنقتم منك عاد انت تطلق عليها الرصاص يوخر عنها .. اف ساحرة ذي المهم وشوي وتطاق معها ويكلمك روي يقول ترى فاتمان يقول لازم تروح له ولا بيفجر اكبر قنبلة ويدمر المكان كله بعدين يجي واحد ثاني من المصعد .. افااا جا فامب .. رحنا في ابو زعبل .. المهم يكلم فورتشن شوي والا تطلع انت .. طاق طوق .. طلقتين على فورتشن بس الرصاص يوخر عنها وتجي وحدة براس فامب والثانية ببطنه ويموت .. افففف موتة غبية عاد فورتشن اللي هي تحبه تبكي عليه وكلام كثير عاد انت تطلع شوي والا فامب يتنفس ويقول لها .. خخخخ انا ميت اصلا كيف اموت مرتين تراني ما مت .. المهم تكمل لعب انت وتطلع لمكان وتشوف قنبلة تروح توقفها والا يجي فاتمان .. تقول دب قطبي لابس بالطو لا ويتزلج على باتيناج بعد المهم يمين يسار تطاق معه ويموت ويقول اف الله يهديك الحين خربت بدلتي كيف اروح الحفلة ويطلع زر ويضغطه يجي رايدن يقول وش ذا يقول له اخر قنبلة عندي واقواها يلا دبر عمرك عاد يبلش رايدن المهم طلعت القنبلة تحت فاتمان .. تطفيها وتنزل تحت عاد يكلمك بلسكن يقول لك انه نجى من الانفجار .. المهم شوي والا يجي النينجا .. الحين ذا ما مات اول .. عاد المهم يعطيه شوي معلومات عن مكان الرئيس المحتجز ويعطيك لبس الحراس و و و قرقر كثير .. المهم تروح للمكان وروي يقول لك انه فيه عميل سري للاستخبارات بين الرهائن كلمه قال كيف اعرفه قال قلبه ضعيف .. المهم تشوف من اللي قلبه ضعيف ويكلمك عن الرئيس وانه لازم ينقذه قبل ما يعطيهم الكود السري اللي يشغل القنابل النووية و و و ووالميتل جير و يعطيك كرت المهم يشوف ريفولفر انه قاعد يكلمك يجي ويقول له تعال ليه تكلمه وشوي والا يحقد رجل الاستخبارات "إيمس" ويجي يقول انت خدعتني المهم تجيه نوبة قلبية ويموت يجي ريفولفر يقول من انت شل قناعك والا يطلع رايدن المهم ينزل النينجا بيقطع يد ريفولفر بس ذا يوخر ويساعد النينجا رايدن و يحميه من رصاص الاعداء المهم تمشي شوي الا يكلمك بلسكن ويقول انه لقى طيارة هيلكوبتر كازاكا وقاعد سوقها خويه ... اتوكان ؟؟؟؟ .. المهم يدق رايدن على روي ويقول وش اتوكان ذا اخبره صديق سنيك يقول له روي لالا ترى سنيك مات لا تتوقع ان بلسكن هو سنيك شوي ويجي عرض بلسكن بالكازاكا مع اتوكان يلوح لرايدن ويمشي .. المهم يطالع رايدن والا فيه واحد شكله رهيب واقف عند الباب .. من يا اخي شكلك الرئيس هنا ويرد لا انا مو بس الرئيس هنا انا البيج بوس نفسه انا سوليد سنيك عاد يجي سنيك معصب .. لا انت منت سوليد سنيك ويرد المجهول ذاك .. يقول اخيرا طلعت .. يا اخوي .. اخوي ؟؟ وين يا عم لكويد مات بالفوكس داي وشلون يقول ذا اخوي اما ذبة وجه غير طبيعية شوي ويطلق بلسكن اللي اكتشفنا انه سوليد سنيك على قنبلة ورى المجهول وتحرق الحرملة اللي عليه ويبقى لباسه الحديدي وعليه شعار سونس اوف ليبرتي .. المهم يطلع ان ذا هو سوليدوس سنيك عاد يطلق سنيك كم طلقة يصدها سوليدوس بيده بعدين ينفخ نفسه ويوخر عن قذائف سنيك المهم شوي ويطيح يحسبونه مات والا يطلع فامب راكب طيارة حربية "هارير" وسوليدوس واقف فوقها .. المهم سنيك يقول لك ما اقدر احاربها بالهيلكوبتر ويعطيك قاذفة صورايخ وتحاربها المهم بعدها عين سوليدوس تنصاب ويصير بعين سليمة وحدة المهم وهو طايح خلاص الطيارة بتنفجر ينط ميتل جير راي ويمسك الطيارة وينزل شوي والا سوليدوس يقول لفامب روح .. يجي ينط فامب ويجري فوق الموية بدون ما يغرق "يجري مو يسبح" ويجري على عامود ويطلع لفوق بشكل غريب .. المهم يهرب راي وسوليدوس وفامب يروح يكلم رايدن سنيك ويقول له انت سنيك يقول له ايه يقول له ذاك طيب انت ما مت يقولون لقو جثتك يرد عليه لا هذيك جثة لكويد حطياناها عشان يظنون انه انا .. المهم وكلام كثير وليه تحارب الحين وانت تقدر تعيش حاية رغدة .. المهم تروح تدور على الرئيس وتلقى اولجا تكلم واحد وتقول خلاص انا ساعدتكم ابي فلوس و و و و وتشغل كهرب عند الرئيس عشان لا يطلع ولا احد يدخل له .. المهم بقائفة النيكيتا تعطل المولد وتخش للرئيس تكلمه ويكلمك عن انه خلاص قال لسوليدوس على الكلمة السرية لأنه طفش لأنه ما هو رئيس اصلا
اضافة رد مع اقتباس
مشكووووور على الشرح والقصة يا holly_smoke ،،
المفضلات