هل الماسنجر مفيد؟ هل الماسنجر سيجعلك سعيد؟ "موضوع للنقاش"

[omnimon]

Angel Face

السلام عليكم اخوي معاذ

يسرني ان ارد على موضوعك

وعليكم السلام اختي وجه الملاك وانا يشرفني اتكونين احد الرادين على موضوعي البسيط

فانا مدمنه ماسنجر

اوكي نجي نجاوب على اسئلتك

مدمنه ماسنجر خخخخ لا تخافين معاي الحل <<< لالا اتكلم جد


اختي وجه الملاك لما قريت ردج عرفت انج تستعملين الماسنجر بطريقه سليمه


وعدد الاشخاص الي معاج بالماسنجر عدد لا باس فيه وغير كبير ابدا وغير صغير هم بعد


يعني هذا العدد معقول وشي زين ان اغلب الاشخاص معاج اهلج واقربائج


حتى تتطمني عليهم وما اعتقد ان صديقاتج بيضرونج ان شاء الله لكن

ادخل الماسنجر يوميا واتركه شغال.. يعني اذا مش موجوده احط عا الخارج واذا مشغوله بزي و هكذا

في نقطة سلبية في تعاملج مع الماسنجر يعني نصيحه من اخوج معاذ يوم تطلعين


وما تستخدمين الماسنجر سوي Sign Out تسجيل خروج تقولين ليش يا معاذ


اقولج شيئين رقم واحد انه الطرف الثاني يوم يشوفج غير موجوده يتضايق بعضهم ما عندهم صبر


لا تفكرين اني اقصد شيء بس مو كل اصابع يدج وحده ويمكن يتمللون يشوفونج مشغوله يوميا


هذاك كان رقم واحد رقم اثنين وهو الاهم احتمال يتنقل لج فايروس او سبايوير او حتى بقز او ورمز


عبر مرر النقل الموجود بالماسنجر يعني يمكن لا سمح الله يتطفلون على كمبيوترج وياخذون


معلوماتج الشخصيه فاتمنى منج الحذر واخذ الحيطه والله يوفقج يا اختي


وشيء مهم وعجبني فيج يا اختي وجه الملاك انج يوم تتكلمين تتكلمين بطريقه واقعيه


وتتغشمرين وتسولفين ع حسب الوضع هذا شيء حلو وكونج عادي يجعدون اهلج جمبج


يدل على انج انسانه سليمه وماشيه صح يعني ماكو شيء تقلقين عليه

نعم.. وأتأكد بعدها من هويته.. ان كان شابا لا أعرفه (بلوك على طول) واذا بنت احاول اتعرف عليها.. واذا شفتها اخلاقها مو لهناك (بلوك على طول)

هذي النقطه مهمه خاصه حال الاخوات لازم ما تضيفون احد ما تعرفونه حتى لو تبون تتاكدون من الشخص اللي ضافكم


تقولين ليش يا معاذ <<< توك كل سطرين تعيد هذي الجملة


لا لا انا اتكلم جد .. لانج ما تعرفين اذا كان الشخص صادق او كاذب .. الشرطه يشوفون الشخص


ويستجوبونه ومع هذا ما يعرفون احيانا اذا كان كاذب او صادق .. فما بالج انج ما تشوفين الشخص ؟؟؟


يعني يمكن تمثل انها بنت زينه وطيبه لكن هي عكس وتدريجيا تضرج بدون ما تشعرين الله لا يبلاج


وحتى امكن يكون ولد ويحاول يخدعج على انه بنت .. الله لا يبلانا بهذول المنحرفين .. فعشان كذا لا تضيفين


احد الا الي تعرفينهم عدل والي خبروج قبل انهم صديقاتج او اقرابج

استفدت... اقدر اكلم اللي ابي اي وقت ابي واشوفهم واستانس معاهم.. واكلم اقاربي المسافرين وانقل الملفات بسرعه ... اللي ضرني اني صرت بيتوتيه ... ما اطلع كثير ...

ما يضر ع البنوتات يكونون بيوتات خخخخ احسنلهم عشان يعرفون يطبخون عدل ويغسلون هدومنا


لالا انا اتكلم جد حاولي بين فتره وفتره تغيرين الجو مثلا زيارة اهلج ع الواقع او تروحين مع صديقاتج


تشوفون Shrek The Third او مسرحيه او اي مكان تروحي عن حالج بعيد عن النت


ومع هذا اشوف انج يا اختي انسانه فاهمه كيف تستعملين النت واقيمج >>> طبعا عندج نقط سلبية شويه


التقييم النهائي لاستعمالج الماسنجر = 83%

وشكرا اخوي عا الموضوع

سلام ^ ^

العفو اختي ومشكوره ع الرد الحلو وان شاء الله عجبج الموضوع


مع السلامه


.. .. .. ..


مشكورين والله يا اخواني واخواتي ع الردود الحلوه والطيبه


وبرد عليكم بكره عشاني تعبان وابي انام السموحه


بس كتب هذي الاسطر عشان اخبركم وما تزعلون اني اتاخر ارد عليكم


يالله تصبحون ع خير واشوفكم بكره واعطيكم التقييم


اخوكم معاذ

[دلع 3]

ثانكيو بس كثر ما تقولون لي عن أضراه بدشه

[omnimon]

*Co0oL GIRL*

السـ لآم عليكم ورحمه اللــه وبركـاته ..

اخوي يعطيك العافيه ع الموضوع

من شفته قلت بشارك فيه لأنـي مدمنه ماسن ..

وعليكم السلام اختي البنيه البارده والله يعافيج

خخخخ ما عليه معاج المنقذ <<< مصدق عمره الولد

- كم عدد الاشخاص بماسنجرك؟

91 تقريباً

بل بل بل 91 شخص معاج بالماسنجر عدد كبير وانا متاكد ان اكثر من نصهم ما تكلمينهم


فيحتاج لج وقت تنظيف الماسنجر .. مع انه يكون صعب احيانا وياخذ وقت للتاكد


ما معقول يعني لو جمعنا 40 و 2 و 10 يعطي = 52 وين البقيه


لايكونون اعداء .. لا انا اتكلم جد كيف اخبرج الطريقه الصحيحه وانت ما خبرتيني الصراحه !!

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟

والله ما احسب

ومرات ما ادخلـه .. بس على حسب الشخص اذا كنت اريد اتكلم معاه .. الوقت يمر وما انتبه

لا تزعلين اختي انا ابي مصلحتج الوقت مهم ولازم تستعملينه في اشياء مفيده .. وقتج يمر بتضيع


وقت ع الماسنجر او النت بعد اقولج الصراحه امكن النت والماسنجر يفيدونج لكن بشي قليل


وحياتج الواقعيه هي مستقبلج فلا تضيعنها وتتندمي ع الوقت الضايع الي ما استفدتي منه


فاحسبي الوقت وحاول من الحين تضبطين وقتج ساعه ساعتين حتى لو ثلاثه ما هي مشكله


في البدايه ادري انه صعب بس مع الوقت بتنحل المشكله بارادة الله .. او حطي ساعة منبه في


اقرب غرفه وضبطيها بعد ساعتين يوم يرن تضطرين تسيرين تسكرينه بس لا ترجعين


وشي زين انج ما تدشينه واني ع المنتدى عشان تاخذين راحتج بالرد وما احد يتضايق لتاخرج عليه


وزين انج تتكلمين بشكل واقعي عشان يعرف الشخص طبعج ويتفهم طريقتج

8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟

اقول كل شي لكن ع حسب الي اكلمه

مرات اكون جاده ومرات اهستر واضحك واحط ابتسامات واترس الصفحه كلام << اذا كانت فيني طاقه زايده فـ افجرهـا بالماسن ..

جيد انج تشوفين الوضع وتتعامين معها ما انج تشوفين واحده زعلانه تحطين او وحده فرحانه


تحطين كذي خخخخ لكن الله ستر الماسنجر مجهز باحسن الاجهزه وما انفجر للحين

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟

اي الوالد دايمـا يقعد وراي على كرسيه المفضل

لأن النت حاطينه فـ الميلس والكل يشوفنـي ..

وكونج ما تخافين احد ييلس وياج يعني انج واثقه انج تسوين صح

10- هل عملك يتطلب انك تستعمل الماسنجر؟

امممم انا طالبه فـ الثانويه فـ احتاج إني اكلم صديقاتي عن البحوث والبروجكترات ..

صراحتن استعمالج لماسنجر في هذي الطريقه ممتازه

11- لو احد ضافك او وحده ضافتك وانت ما تعرفها تضيفها؟

اي اضيف وبعدين اشوف منـو ها الشخص اذا قال اسم غريب وما اعرفه على طول بلوك ودليت

وطبعاً أي ولد يضيفنـي على طول بلوك ودليت ..

كما قلت لاختج وجه الملاك .. لا يجب ع الاخوات اضافة احد بدون تاكد مسبق


فبعض الشباب الطائش عندهم وسائل واساليب يستدرجون الاخوات فاتمنى منج الحذر وعدم اضافة


من ما تعرفينهم والله يحفظج ويوفقج .. وممتاز انج ما تخبرين امورج لاحد غير اهلج


فانتي ما تعرفين من ع الماسنجر لو كان من المنتديات او النت

13- شنو استفدت من الماسنجر والي ضرك؟

استفدت منه إني اطرش ملفات واقدر اكلم اهلي الي بالخارج وتعرفت على ناس صدق اخلاقهم حلـوة

ومنهم البنت الـي فوقي Angel face << اول بنت تعرفت عليهـا ..

وانضريت من الماسن وايد .. صرت ما احب اطلع من البيت واكون فـ عالم ثاني .. اذا حد يكلمني ما اسمعه

لأني دايمـا حاطه المايك وتصيدني مشاكل مع الـي اكلمهم واقعد طول الوقت معصبه ..

وبعد نظري صار ضعيف زياده عن اللزوم ..

الحمدلله انج استفدتي من الماسنجر اشياء حلوه وناس اخلاقهم حلوه مثل اختج وجه الملاك


لكن عليج تغيير الجو من فتره لاخر .. ومثل ما قلت ان النت والماسنجر ما يفيدج في حياتج الواقعيه


والعمليه فعليج اتخاذ الحذر وانتبهي للشاشة وحاولي انج تشترين شاشه غير اشعاعيه عشان ما ياثر ع


نظرج وحاولي ما تضعين مايك لانه مو بس الناس ما تسمعينهم .. لكن هم بعد ياثر ع اذنج وخاصه اليمين


وانتبهي انج تجعدين وظهرج بحاله صحيحه ورقبتج لان الجلوس ساعات ياثر ع العمود الفقري


ولا تحاوين تعصبين فانج تعصبين ع كلام مكتوب ما يفيدج ويضر حالتج النفسيه فاتمنى انج تتجاهلين من


يحاول يعصبج وان شاء الله كل شيء يصير تمام


التقييم النهائي لاستعمالج الماسنجر = 77%


وهذي نسبه زينه بس بعض الامور عليج انج تراجعينها وكل شيء بيصير عدل فلا تقلقين

يسلمـوو اخوي .. ومشكور ع الموضوع الروعه .. استمتعت وانا اجاوب ع الاسئله

،’

الله يسلمج اختي البنيه البارده وعفوا والموضوع روعه بمرورج الحلو والي استمتعت وانا ارد عليه


اخوج معاذ

[wish night]

السلام عليكم ورحمة الله وبركاته

و عليكم السلام و رحمة الله و بركاته

أعجبني الموضوع

أتقدم بالشكر لك أخي على الموضوع

و سوف أجيب على أسئلتك:

1- كم عدد الاشخاص بماسنجرك؟

25 شخصا

2- كم هم اقربائك في الماسنجر ؟

23 شخصا

3- كم هم اصدقائك في حياتك اليوميه في الماسنجر؟

شخصان فقط

4- كم شخص تعرفت عليه من المنتديات والمواقع ومن النت على الماسنجر؟

0 شخص أي nobody

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟

ساعتان تقريبا في اليوم

6- كم مره تدخل الماسنجر في اليوم؟ في الاسبوع؟ في الشهر؟

في اليوم مرة واحدة فقط

7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟

طريقتي في الكلام تتوقف على نوع الشخص و الموضوع الذي نتحدث فيه

و في العادة أكون واقعية

8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟

أبدا و نادرا ما أضع ابتسامات

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟

طبعا عادي لانه لا يوجد اي شيء أخفيه عنهم

10- هل عملك يتطلب انك تستعمل الماسنجر؟

لا

11- لو احد ضافك او وحده ضافتك وانت ما تعرفها تضيفها؟

لم يحدث هذا لي من قبل

لكن بالتأكيد لن أضيفها

12- هل تقول امورك الخاصه لاحد غير قريب او صديق في الماسنجر؟

أقول بعض الامور التي احتاج فيها الى النصح للأشخاص الذين أعرفهم معرفة حقيقية و أعرف أنهم لن يفشوا أسراري

13- شنو استفدت من الماسنجر والي ضرك؟

ما استفدته هو التواصل مع الاهل و الاصدقاء خاصة و انني متغربة عن بلدي
أما الاضرار فانه لم يضرني بشيء لانني استخدمه بشكل سليم

دمت في حفظ الرحمن

[*Co0oL GIRL*]

،’

عشان اشوف ردكـ علي

بل بل بل 91 شخص معاج بالماسنجر عدد كبير وانا متاكد ان اكثر من نصهم ما تكلمينهم


فيحتاج لج وقت تنظيف الماسنجر .. مع انه يكون صعب احيانا وياخذ وقت للتاكد


ما معقول يعني لو جمعنا 40 و 2 و 10 يعطي = 52 وين البقيه


لايكونون اعداء .. لا انا اتكلم جد كيف اخبرج الطريقه الصحيحه وانت ما خبرتيني الصراحه !!

الحين بقولك شلون يا طويل العمـر ..

بنت عمتـي عندهـا 10 ايميلات بالضبط وكلهم فـ ايميلي وعشان جي زاد العدد وكل بنت عندها ايميلين

أو ثلاثه .. فـ اذا جمعتهم كلهم راح يصيرون 91 ..

بس الاصل والفصل الي انت جمعتهم .. 52

لا تزعلين اختي انا ابي مصلحتج الوقت مهم ولازم تستعملينه في اشياء مفيده .. وقتج يمر بتضيع


وقت ع الماسنجر او النت بعد اقولج الصراحه امكن النت والماسنجر يفيدونج لكن بشي قليل


وحياتج الواقعيه هي مستقبلج فلا تضيعنها وتتندمي ع الوقت الضايع الي ما استفدتي منه


فاحسبي الوقت وحاول من الحين تضبطين وقتج ساعه ساعتين حتى لو ثلاثه ما هي مشكله


في البدايه ادري انه صعب بس مع الوقت بتنحل المشكله بارادة الله .. او حطي ساعة منبه في


اقرب غرفه وضبطيها بعد ساعتين يوم يرن تضطرين تسيرين تسكرينه بس لا ترجعين


وشي زين انج ما تدشينه واني ع المنتدى عشان تاخذين راحتج بالرد وما احد يتضايق لتاخرج عليه


وزين انج تتكلمين بشكل واقعي عشان يعرف الشخص طبعج ويتفهم طريقتج

لا لا وليش ازعـل .. بالعكس انا ها الموضوع بالذات احب اتناقش فيه عشان اعرف اخطائي ..

ومشكور ع النصائح مع انهـا صعبه شوي وخاصه سالفه المنبه بـس مع مرور الوقت راح اتعود

،’

لحمدلله انج استفدتي من الماسنجر اشياء حلوه وناس اخلاقهم حلوه مثل اختج وجه الملاك


لكن عليج تغيير الجو من فتره لاخر .. ومثل ما قلت ان النت والماسنجر ما يفيدج في حياتج الواقعيه


والعمليه فعليج اتخاذ الحذر وانتبهي لانج شاشة غير اشعاعيه عشان ما ياثر ع نظرج


وحاولي ما تضعين مايك لانه مو بس الناس ما تسمعينهم .. لكن هم بعد ياثر ع اذنج وخاصه اليمين


وانتبهي انج تجعدين وظهرج بحاله صحيحه ورقبتج لان الجلوس ساعات ياثر ع العمود الفقري


ولا تحاوين تعصبين فانج تعصبين ع كلام مكتوب ما يفيدج ويضر حالتج النفسيه فاتمنى انج تتجاهلين من


يحاول يعصبج وان شاء الله كل شيء يصير تمام


التقييم النهائي لاستعمالج الماسنجر = 77%


وهذي نسبه زينه بس بعض الامور عليج انج تراجعينها وكل شيء بيصير عدل فلا تقلقين

كلامك صحيـــــــح الف بالميه ..

كل الي قلته صحيح ما شاء الله عليك وراح آخذ بنصيتك ان شاء اللــه ..

.. امممممم بس المشكله انا مو بس مدمنه نت وماسنجر .. انا مدمنه انمي

فـ اقعد احمل حلقات واشوفهـا بالساعات وخاصه فـ العطله يعني اشوف 10 حلقات أو اكثر ..

وبعدين ادخل الماسنجر واتناقش مع صديقاتي عن الي شفته

مشكله ثانيه :: الكثير من الاعضاء الي ما اعرفهم يطرشون لي رساله خاصه

ويطلبون فيهـا ايميلي .. انا ما احب هالتصرف حتى لو كانت بنت !

الا اذا كنت اعـرفهـا عدل واقرب وحدة لي بالمنتدى ..
في ها الحاله شو اسوي ..

والسموحه ع الازعـآآآج اخوي .. وافضل انك ترد على الاعضاء بالاول وبعدين خل ردي آخر شي

،’

[فارس البوابة]

اخى انا ليس معك انت تعمل زى الناس التى يقولن يوغى حرام وهم ميعرفوش حاجة ؟
فالشات انا لد40 شخص على الاميل فهو مفيد جيدا ::::::::::::::::::::ولكن فى ناس يستعملونة غلط

[omnimon]

[COLOR="SeaGreen"] blue....dunc

هلا اختي
كيفك عساك بخير
نبدا الاسئله

انا ولد وكاتب في النهايه اخوكم معاذ


هذا يدل انج ما قريتي الموضوع كامل بس ما عليه لكل شخص عذره


اهلين اختي دي يو ان سي الزرقاء انا بخير وعساج انج هم تكونين بخير


يالله نبدا

1- كم عدد الاشخاص بماسنجرك؟
8 وكانو اصلا 38

كونج حذفتي الاشخاص بقائمتج في الماسنجر ما يعني دايما صح


يا اختي انتي حذفتي اهلج ع حساب صديقاتج من المنتديات الثمانيه !!


معقوله بس يبان انج ما اجتماعيه وما حابه حياتج الواقعيه


او امكن ما توفقتي في تعاملج معاهم وفضلتي حياة النت الحياه الوهميه


الحياه الي ما تغنيج ولا تسمنج من جوع .. فاتمنى انج تراجعين نفسج وتاحولين انج تزورين


وتجتمعين مع اهلج حتى لو ما على الماسنجر فهو الافضل لكن ما عندج صديقات


من المدرسه او من اماكن ثانيه هذه شيء محير ما اعتقد انج هاديه لذيج الدرجه


او انج ما تقدرين تكونين صديقات وصداقات وزين انج واقعيه وهذا شيء جميل


لكن عليج انج تحسبين الوقت فلا تخلين عمرج يروح ع الفاضي وانا اعرف انج انسانه تقدر


تطور عمرها في حياتها الواقعيه والعمليه وقت الجد جد والهستر هستره هم بعد جيد

امي ايه
بس حاليا لا
لانها منعتني من المسن
وانا ادخل من وراها

مدري شقول لكن امج يعطيها الله طولة العمر تعرف الكمبيوتر ؟؟ ..


يعني انتي تدرين ان امج تبي مصلحتج وما تبيج تضيعين وقتج


واحتراما حالها وتقديرا لازم تسمعين كلامها فاتمنى انج


تنفذين كلام امج فهي ما منعتج من الماسنجر الا في سبب


انتي ادرى ورضا الله من رضا الوالدين في النهايه


خخخخ ما تشتغلين <<< اسكت كانك انت الي يشتغل


لكن انتي قلتي عندج 8 صديقات من النت والمنتديات صح


فما يتطلب منج انج تقولين امورج الخاصه لهم انتي ما تعرفينهم


الا من الكلام وما دايما الكلام يكون صحيح لانج ما شفتيهم فاتمنى انج تاخذين خذرج


وع فكره لازم تراجعين صديقاتج بعد .. ما قصدي شيء لكن امكن ياثرون عليج


وما اعتقد ان الايجابيات الي حصلتيهم من الماسنجر صحيحه


فاتمنى لا تنخدعين بكلام لا يفيد وامكن يضر واذا كانت معاج محنه حاولي تتقربي


لامج او اخواتج او خالاتج وبناتهم هم الي يقدروا يساعدونج ما احد غريب ع الماسنجر !!


اتمنى لا تزعلين فهذا الكلام عشانج ولازم تعرفين مصلحتج .. والتقييم من صراحتج


التقييم النهائي لاستعمالج الماسنجر = 59%


صح ان عندج اخطاء وسلبيات في طريقة تعاملج مع الماسنجر لكن لا تخافين ركزي ع الي قلته


وراجعي نفسج وكل شيء راح يصير زين وازين ان شاء الله واكثر شيء عجبني في طريقتج الماسنجريه


هو انج ما تضيفين احد ما تعرفينه الله يوفقج اختي ونجوفج بخير

وشكرا على الموضوع

عفوا ومشكوره ع المرور والرد الجميل


اخوج في الله معاذ

[آي هايبر]

الســلام عليكم ..

شكرا على الموضوع ^^

1- كم عدد الاشخاص بماسنجرك؟

اغلب ربعي عندهم اكثر من ايميل يعني يمكن عندي 40 وحدة لكن ثلاث أربعاهم مختفيات -_-

2- كم هم اقربائك في الماسنجر ؟

16

3- كم هم اصدقائك في حياتك اليوميه في الماسنجر؟

يعني أصدقاء الأصدقاء ام زملاء الصف

اذا كان اصدقاء اصدقاء فلا احد -_- لكن ربعي بالصف 23

4- كم شخص تعرفت عليه من المنتديات والمواقع ومن النت على الماسنجر؟

متعايزة اعدهم

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟

على النت تقريبا وايد لاني كله احمل 24 ساعة لكن على المسن قليل جدا جدا

6- كم مره تدخل الماسنجر في اليوم؟ في الاسبوع؟ في الشهر؟

في الآونه الاخيرة ما قمت ادخله ابدا واذا دخلته يمكن تكون ربع ساعة واطلع

7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟

انا طبعا اتكلم بشخصيتي لكن على حسب حالتي النفسية .. اذا كانت في الحضيض

اغير من شخصيتي واصير فكاهية ومرحة حتى ما يلاحظ حد

8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟

نادر ما تكلم بمصخرة .. يوم اكون في محداثة جماعية مع ربعي المختفيين -_-

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟

عادي وش يعني .. ما فيها شيء .. وانا ما اسوي شيء خطا اخاف منه

10- هل عملك يتطلب انك تستعمل الماسنجر؟

لا

11- لو احد ضافك او وحده ضافتك وانت ما تعرفها تضيفها؟

اضيف .. اذا عرفت انها بنت ممكن اخليها .. لكن اذا ولد استسمح منه واسوي له دليت ..

12- هل تقول امورك الخاصه لاحد غير قريب او صديق في الماسنجر؟

نادرا

13- شنو استفدت من الماسنجر والي ضرك؟

الماسنجر استفدت منه وايد وتعلمت\ت فيه وايد وعرفت حقيقه الناس من حولي ..

اما عن الضرر امم ممكن واجهت بعض المشاكل من المسن لكن هذا كان بالماضي



ســــــــــــــــــــــــــلامي ^^

[[القائد]

السلام عليكم ..


كيف حالك اخي معاذ


في البداية .. اشكرك على الموضوع


:
:
:

كم سنه وانت كنت اخو او اخت استعملت الماسنجر؟ سنه سنتين 60 سنه هذا انت شيبه خخخخ

اقل من سنه

- كم عدد الاشخاص بماسنجرك؟

52 .. مع وجود اشخاص مكررين باكثر من ايميل

2- كم هم اقربائك في الماسنجر ؟

1

3- كم هم اصدقائك في حياتك اليوميه في الماسنجر؟

5

4- كم شخص تعرفت عليه من المنتديات والمواقع ومن النت على الماسنجر؟

تقريبا 40 او 38 تعرفت عليهم
وهناك مجموعة اضافوني دون ان اعرفهم ، ولم اقابلهم يوما !!

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟

لم احسب .. لكن قليل

6- كم مره تدخل الماسنجر في اليوم؟ في الاسبوع؟ في الشهر؟

مره كل يوم او يومين

7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟

واقعي

8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟

طبيعي جدا

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟

عادي جدا
لست افعل شيئا خاطئا

10- هل عملك يتطلب انك تستعمل الماسنجر؟

الدراسة .. احيانا

11- لو احد ضافك او وحده ضافتك وانت ما تعرفها تضيفها؟

اضافه .. ثم ان اكتشفت انه ( شخص فارغ يضيف ايميلات الاشخاص دون ان يعرفهم )
فـ بلوك .. ثم ديليت !!

12- هل تقول امورك الخاصه لاحد غير قريب او صديق في الماسنجر؟

لا .. او .. حسب الثقة

13- شنو استفدت من الماسنجر والي ضرك؟

كل شخص يستطيع تحديد ان كان الامر سيضره او ينفعه بنفسه

لم يضرني الماسنجر يوما .. انتقي الاشخاص الذين اضيفهم بعناية


=======================


مشكور مرة اخرى على الموضوع

يعني ما توقعت احد راح ينتبه حالي او يثبت مواضيعي يثبت موضوع واحد عمره 12 سنه

لكل مجتهد نصيب .. لا نهتم للعمر انما لروعة الكتابة

مشكورين يا اداره المنتدى العام ع تشجيعكم وتواصلكم مع الاعضاء بشكل طيب واوعدك اني .. ..


بسوي مواضيع وردود حلوه عشانكم ربي يحفظكم ويسعدكم مثل ما اسعدتموني

اذا .. نحن بانتظار ابداعاتك



:
:

وشكرا ..

اخوكم في الله

:
:
:

[Mi$$ Rap]

أنــا مجموع اللي عنـدي في المسنجــر تقريبــا 300

بس 50% بلوك وديليـــت << مزاجيــة .. هههههههه ...


وشكرا على الموضوع .. الفللة

[genoo]

السلام عليكم ورحمة الله وبركاته
موضوع رائع جدا ومشكوررررررر عليه وسأبدأ الآن فى الأسئله

1- كم عدد الاشخاص بماسنجرك؟
6 أشخاص

2- كم هم اقربائك في الماسنجر ؟
2 (شخصين )

3- كم هم اصدقائك في حياتك اليوميه في الماسنجر؟
واحده فقط

4- كم شخص تعرفت عليه من المنتديات والمواقع ومن النت على الماسنجر؟
4 أشخاص وكلهم من مكسات

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟
على النت والمنتديات ممكن طوال اليوم بسكل يومى أما فى
الدراسه يومين فى الأسبوع فقط أما الماسينجر مره او مرتين
فى الشهر


6- كم مره تدخل الماسنجر في اليوم؟ في الاسبوع؟ في الشهر؟
مرتين فى الشهر

7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟
بالعكس طبيعيه جدا وبشخصيتى الحقيقيه حتى مع أصدقائى
من المنتدى

8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟
إطلاقا أنا بتكلم مع أصدقائى وليسوا مع أعدائى لكى اسخر
منهم وغير أننا نكون اصدقاء بجد ونتكلم فى مواضيع مهمه خاصه
بالدراسه أو بأحوالنا مع أقربائى و الباقى مع طريقة حياة بلدهم
وأحوالهم وليس للهو او الخروج عن الخط الأحمر المسموح لدى
ديننا الحبيب

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟
الآن نعم حتى أن بجعل ابى يشاهد بعض المواضيع واسأله عن
رائيه به وهكذا أخى ولكن ليس كثيرا لأننا بنتحدى بعضنا فى
مهارات الكمبيوتر

10- هل عملك يتطلب انك تستعمل الماسنجر؟
إطلاقا

11- لو احد ضافك او وحده ضافتك وانت ما تعرفها تضيفها؟
لم يسبق لى أن أحد أضافنى دون أن أعرفه ولكن حتى لو أحد
أضافنى أنا لن أضيفه لأن كده ولا كده لن أتكلم معه

12- هل تقول امورك الخاصه لاحد غير قريب او صديق في الماسنجر؟
أنا ولا بقول أمورى الخاصه أو العامه لشخص قريب ولا حتى بعيد
ولا يوجد احد يعرف أمورى الخاصه غير اثنين فقط ولكن ليس كل
من فى الماسينجر بعيد عننا لأن فى منهم شخص من بين
الأثنين الذين يعرفوا كل شئ

13- شنو استفدت من الماسنجر والي ضرك؟
تقربت من شخصيه لم أكن فى حياتى أجد مثلها والصداقه مع
هذه الشخصيه رائعه جدا غير الصداقات الاخرى وتقابل الدروس
مع صديقتى والتواصل مع أقربائى
الحمد لله لم يضرنى فى شئ ولا اعتقد انه ممكن يضرنى
إلا فى أنه يضيع وقتى

[gogoo]

شكرا على الموضوع
أنا لست مدمن يعني أقل من ساعة في اليوم
بس نادر أكلم حد كل الأشخاص مو موجودين
25 شخص 8أقارب
17 صديق وولا وحد من النترنت
كلهم جيران وأصدقاء متعرف عليهم في الطبيعة
وباقي الأسئلة مالها داعي

[عهد]

هههههههههههههههههههههه


والله موضوع رائع وعلى فكرة كل اللى بيستخدم الماسنجر à للاشياء المضر ة والمفيدة ç

ها>ة ا>ا كانت فى امور مضرة


هههههههههههههه تتحسسنى اخوى 0الشيطان الصغير9

انك ناقل الموضوع من كتاب الاول متوسط او ثانوى مدرى بالتحديد

بس مشكور ويعطيك العافية

ملوحضة نكك0الشيطان الصغير9 اكبر مضرة ههههههههههه امزح حبيبى

يعطيك الف عافية ومازولا كمان عشان لاتزعل

[غدير المملوحة]

السلام عليكم..
ثاكس على الموضوع..
امم احاول اجاوب على الاسئلة..^^

- كم عدد الاشخاص بماسنجرك؟
48 شخص..
حاليا 3 منهم متصل و40 غير متصل..



2- كم هم اقربائك في الماسنجر ؟
وااااايد..يمكن 10..تقريبا اذا مو اكثر..


3- كم هم اصدقائك في حياتك اليوميه في الماسنجر؟
20 تقريبا


4- كم شخص تعرفت عليه من المنتديات والمواقع ومن النت على الماسنجر؟الباقي من المنتديات..
اممم يمكن يطلع 10..او 15..


5- كم الوقت الي تجعد على النت وكم الوقت تجعد على الماسنجر؟ او انك ما تحسب؟
اممممم انا اقعد على النت اكثر من الماسنجر..ما احب ادخل الماسنجر وااايد..


6- كم مره تدخل الماسنجر في اليوم؟ في الاسبوع؟ في الشهر؟
اممم يمكن كل يومين او ثلاث ايام مرة..


7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟
واقعية مثل ما انا الحين بالمنتدى..اسولف..


8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟
خخخخخخ لا عادي على حسب السالفة اللي نتكلم عنها..


9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟
اي عاااادي..ما اضيف عندي الا بنات..فسوالفنا عاادية..وعن الصبيان بس عيال خواتي واخواني اللي شباب..الباقي كلهم بنات..


10- هل عملك يتطلب انك تستعمل الماسنجر؟
لا..


11- لو احد ضافك او وحده ضافتك وانت ما تعرفها تضيفها؟
لاا..
حتى اذكر مرة ..جاي ولد اختي يقول لي غدير ليش معطتني حضر..؟؟
اقوله انا ؟؟؟؟
استغربت بعدين اكتشفت انه ضايفني من غير ما يقولي..وانا من اشووف ايميل احد..ضايفني من غير ما ادري..بلوك ..على طوول هه ما اتفاهم..


12- هل تقول امورك الخاصه لاحد غير قريب او صديق في الماسنجر؟
يمكن ااييي..


13- شنو استفدت من الماسنجر والي ضرك؟
استفدت من الماسنجر..انه قوا علاقاتي بوايد من صديقاتي خصوصا من المنتدى..
جنى وروز وسراب و سلحوفه وصديقاتي من الكلية ..وبنت اختي..
ثانكس على الموضوع مرة ثاانية^^

[Red Fox]

- كم عدد الاشخاص بماسنجرك؟
100 شخص

2- كم هم اقربائك في الماسنجر ؟
23

3- كم هم اصدقائك في حياتك اليوميه في الماسنجر؟
15

4- كم شخص تعرفت عليه من المنتديات والمواقع ومن النت على الماسنجر؟
اممم تقريبا 6 يس مو متأكد
الباقي ما دري من وين جوا لا تسئلني

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟
تقريبا 3 ساعات ادا كان ما في احد يستاهل
اما ادا كان في احد يستاهل اووووووووووه ما اقوم الا وقت الصلاه و ارجع بعدها بعد

6- كم مره تدخل الماسنجر في اليوم؟ في الاسبوع؟ في الشهر؟
مرتين في اليوم ( مره في الصباحه و مره في الليل )
بس اكتر شي في الليل ،، يعني ساعه في الصباح و ساعتين في الليل

7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟
على حسب الشخص الا اكلمه ادا كان اول مره اكلمه و ما اعرفه عدل ما ابين اله شخصيتي الحقيقيه و اكلمه على حسب ما يرتاح هو

8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟
ادا اول مره اكلمه بمسخره و كله ضحك و ابتسامات
بس من اتعود عليه اقلب معاه جد وكله مضاربات <--- لاني اكون عرفت الاشي الا تزعله

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟
نوووووووو
مو لاني اسوي شي غلط ،، بس انا مررره متكنم و ما احب احد يعرف ايش اسوي
يعني خد مثلا هدا الرد ما فيه شي غلط بس بو اعرف ان احد من الا اعرفهم راح يشوفه ما كتبته من الاساس <--- متكتم بالقوه

10- هل عملك يتطلب انك تستعمل الماسنجر؟
لا

11- لو احد ضافك او وحده ضافتك وانت ما تعرفها تضيفها؟
يس عادي
بس يعرف انهي اول مره و اخر مره اكلمه
لاني دايما اطنش

12- هل تقول امورك الخاصه لاحد غير قريب او صديق في الماسنجر؟
ههههههه
انا غير الناس في هدا الشي ،، يعني ادا اكلم واحد توني اكلمه اقوله على كلشي و عن اشي تخصني لاني عارف انه ما يعرفني ولا يقدر يفضحني
بس ادا انسان اعرفه حتى اسمي ما اقوله اله لاني اعرف حركات الاولاد

13- شنو استفدت من الماسنجر والي ضرك؟
استفد تضيع الوقت

ام الضرر <<< خليها مستوره احسن

[EKINEM]

سلام . موضوع رائع بالفعل
لكن اذا كنت تتحدث عن الماسنجر
عندنا كخليجيين فانا أقولك انه
نسبه كبيره من مستخدمي الماستجر ماخذين الشغله لعب وطقطقه
لكن لما نفكر في الغرب مثلا فهم ماخذينه فايده أكثر من اللعب
بس ما يعني هذا انو كلهم فاهمين بس نسبه ضئيله جدا ماخذينه لعب وكسب مادي
وانا رائيي بصراحه .... ما أؤيد الماسنجر خارج نطاق العائله
لانو ما منه فايده ....
أما بين العائله فهو مفيد جداااااا
ويا ليت الكثير مننا يتعقلون ويأخذون الأمور بشكل مفيد لهم

[*Co0oL GAL*]

شكرا على الموضوع الحلوو


وايد عجبني

------------------------

1- كم عدد الاشخاص بماسنجرك؟

62 شخص

كانوا أكثر بس أنا كل مرة اعمل دورية و احذف الاشخاص الا ما اعرفهم

2- كم هم اقربائك في الماسنجر ؟

28 شخص


3- كم هم اصدقائك في حياتك اليوميه في الماسنجر؟

2 قريبتان جدا لي
10 صديقات اخريات



4- كم شخص تعرفت عليه من المنتديات والمواقع ومن النت على الماسنجر؟

الكثر الكثر يمكن 100 او أكثر

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟

انا لا احسب خخخخ

6- كم مره تدخل الماسنجر في اليوم؟ في الاسبوع؟ في الشهر؟

3 مرات في اليوم او اربع



7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟

خليط بين الاثنين



8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟


يعتمد على الحالة النفسية

لكن انا من الاشخاص الا ردهم قصير و دائما يحط ابتسامات


9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟

ليس في جميع الاوقات


10- هل عملك يتطلب انك تستعمل الماسنجر؟

نعم


11- لو احد ضافك او وحده ضافتك وانت ما تعرفها تضيفها؟

اضيفه لأتأكد انه شخص اعرفه

واذا كنت لا اعرفه بلوك+دليت


12- هل تقول امورك الخاصه لاحد غير قريب او صديق في الماسنجر؟

لا


13- شنو استفدت من الماسنجر والي ضرك؟

استفدت انه سهل علي الاتصال بصديقاتي

و ارسل لهم ملفات خاصة بالدراسة


اما عن الاشياء الضارة

تضيع الوقت

الصراعات الدائمة

مصائب لا تذكر




شكرا على الاسئلة

فعلاً استمتعت وانا اجاوب

^-^

[لي-سان]

شكراا اخوي موضوعك جميل

[The X Detective]

شكراً لك أخي على هذا الموضوع النقاشي الرائع ..

والله يوفقك

..

1- كم عدد الاشخاص بماسنجرك؟

تجاوز الـ 600 شخص .

2- كم هم اقربائك في الماسنجر ؟

15 شخص .

3- كم هم اصدقائك في حياتك اليوميه في الماسنجر؟

40 شخص تقريباً

4- كم شخص تعرفت عليه من المنتديات والمواقع ومن النت على الماسنجر؟

كثير .. ربما 300 أو أكثر

5- كم الوقت الي تجعد على النت وكم الوقت تجعد على الماسنجر؟ او انك ما تحسب؟

لما أدخل على النت غالباً أفتح الماسنجر .. بس ما أفتح ماسنجر لوحده

6- كم مره تدخل الماسنجر في اليوم؟ في الاسبوع؟ في الشهر؟

تقريباً يومياً ..

7- طريقتك في الكلام في الماسنجر طريقه تمثيليه (انك تمثل غير شخصيتك) او انك واقعي (شخصيتك )؟

هذا أنا .. في البيت أو المدرسة في النت والماسنجر ..

8- تتكلم بمصخره؟ تتكلم بهستره؟ تتكلم وكل ثانيه خخخخخخ وتحط ابتسامات؟

أتكلم عادي ..
قاعدين ننكت أنكت ..
قاعدين نتناقش أتناقش ..
قاعدين ساكتين أسكت

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟

ما تفرق معايا ..

10- هل عملك يتطلب انك تستعمل الماسنجر؟

عملي .. أنا طالب .. وأي عمل يقتضي إستعمال الماسنجر ..

11- لو احد ضافك او وحده ضافتك وانت ما تعرفها تضيفها؟

طبعاً أقبل الإضافة ..

12- هل تقول امورك الخاصه لاحد غير قريب او صديق في الماسنجر؟

لا طبعاً .. هناك أمور لا تقال للغرباء ..

13- شنو استفدت من الماسنجر والي ضرك؟

كسبت أصدقاء .. هذا ما أكسبه ..
أصل أقاربي ..

أما أضرار فلا أذكر .. لأن السيئين دائماً أحظرهم .. والهكرز أستطيع التعامل معهم ..

[omnimon]

Cold As Ice


تفضلي اختي جاوبي بعدين اكتبي رايج وان شاء الله يكون زين


عدد الاشخاص 53 عدد زين ومعقول وعدد اقربائج بس 6 امكن ما كلهم يحبون


يستعملون النت مو جذي ولكن الي عجبني عدد الاصدقاء الي في حياتج اليوميه 33


هذا يدل انج انسانه اجتماعيه يا اختي ما شاء الله عليج

4- كم شخص تعرفت عليه من المنتديات والمواقع ومن النت على الماسنجر؟

6- 33 = 27

خخخخ السموحه ما قصدي الاسخريه لكن مو جذي يحسبون


كذاك يحسبون 6 + 33 = 39 بعدين تطرحين هذا من المجموع الكلي 53 - 39 = 14


وهم بعد 14 عدد زين ومعقول فلا تخافين لكن .. لكن .. لكن .. 15 ساااعه ع النت معقوله


يعني اكثر من نص يومج ع النت مدري شقولج لكن والله حرام الله يحاسب الانسان


في شنو استعمل وقته .. ان شاء الله تقللي الوقت التي تجعدين ع النت والماسنجر


ولا واقعيه = واقعيه .. وشي زين تتكلمين بطريقه واقعيه عشان


الي تكلمينهم يعرفون شخصيتج ويتعاملون وياج بطريقه زينه


وتحطين ابتسامات عشان محد يعصب هذا شيء طيب منج وبروحها الابتسامات تلطف الجو

9- عادي اخوك او اختك او امك او ابوك يجلس جنباك لما تدخل الماسنجر؟ واذا ممكن ليش؟

انا عادي عندي .. بس ما فيه شئ لو تكلمت جدامهم .. الا احياناً ..

وهذا الامر عادي وما فيها مشكله اكيد كل واحد احيانا عنده اموره الشخصيه او انج تخجلين من الامور الي


تسوينها ؟؟ واتمنى انها تكون امور سليمه .. وانا متاكد انج فاهمه وتعرفين تميزين بين الصح والخطاء


فلا تستغلين الماسنجر في اشياء ما تنفعج وامكن بل عكس تضرج


المفروض ما تخبرين كل امورج الخاصه كما قلت انتي ما تضمنين وما تعرفين الشخص


ميه بالميه فاتمنى انج تنتبهين ولا تعلمين امورج الخاصه لاحد غريب

11- لو احد ضافك او وحده ضافتك وانت ما تعرفها تضيفها؟

لا ..

احسنتي

مادري .. يمكن احب اتكلم وياهم و بعد يوم اكون متضايقه الفليل او زعلانه او متحيره اكلمهم ..
و اللي ضرني ماشئ من الناحيه الاخلاقيه بس يمكن مضيعه للوقت
بس انا بعد ترا ايلس على النت ..
الماسنجر مثل ما قلت احياناً يكون زين و احياناً لا ..
يتعمد على طريقه استخدامه ..
و انا شخصياً اهلي ما يحبون ان ايلس على الماسنجر
.. مادري ليش ..
بس انا اوريدي سويتلي ايميل
بس يوم سافرت اختي عشان اكلمها و جيه ..
بعدين تطور الى المنتديات و اكلم بنات ثانيات ..

اختي في طرق ثانيه الضيق او الزعل وغيرها .. مو شرط الماسنجر


والحمدلله ما تضررتي لكن حاولي تنتبهين حال الوقت يعني مثل ما قلت


انتي تستخدمين النت والماسنجر وقت طويل وكل شيء زاد عن حده انقلب ضده


وانا اتفهم ان اهلج ما يحبون الماسنجر .. لكن انتبهي من البنيات الثانيات ما اخوفج بس خذي حذرج


التقييم النهائي لاستعمالج الماسنجر = 65%


طبعا تسالين معاذ ليش 65 وانا ما عندي ذيج السلبيات


اقولج صح كلامج لكن 15 ساعه للنت و8 للماسنجر = 15 + 8 = 23 نقصتج 23% والباقي 12% للامور الثانيه


وهي صراحتن ما نسبه زينه لذا حاولي انج تنظمين وقتج وتقللين استخدامج للنت


وحظج انها مشكله وقت وانتي انسانه اكيد عندج الاراده والتصميم وتقدرين ترتبين وقتج واتمنى لج التوفيق

مادري بعد شو اقولكـ ..
يعطيكـ العافيه ..
و تسلمـ عل الطرح المميز ..
شكراً .. السموحهـ ..

لا عادي اختي بارده مثل الثلج واجدين كذاك يزيدون استعمال الماسنجر والنت وخاصتن اليدد .. فلا تخافين وحاولي التنظيم والله يساعدك


والله يعافيج واله يسلمج ع المرور الحلو وعفوا وماكو داعي للسموحه


اخوج في الله معاذ