اليكم برنامج لتشغيل العاب ps2 عل الكمبيوتر.........(ارجو التثبيت) لأهمية الموضوع....
بسم الله الرحمن الرحيم
يا جماعة دى أول موضوع ليه فى المنتدى وأرجو ان تكون مثمرة انا والحمد لله وصلت لحل لبرنامج تشغيل PS2 على الكمبيوتر والبرنامج ده متجرب وشغال بس فيه مشكلتين صغيرين الأولى خاصة بالصوت والمشكله دى بتجعل الصوت مش ماشى مع الصوره فى بعض الألعاب الخاصه ب PS2 بس موجوده فى اللعب الكبيره جدا من حيث أمكانيات الجرافيك ذى لعبة TEKKEN 4 والمشكله التانيه خاصه بنوع اللعبه يعنى العاب PS2 خمس انواع هى كالأتى INGAME-INTRO-NOTHING-MUNE-PLAYABLE) والسؤال هنا هى ايه اهمية معرفه الخمس انواع دول وزاى اعرف نوع اللعبه الجواب :موجود فى الشرح وحقول لكم دلوقت حاجة بسيطه عن الانواع الخمس دول ، إن برنامج PCSX2 0.9.1 بيشغل الألعاب من نوع INGAME بنفس قدرة PS2 و بالنسبه للجرفك فانه حيشتغل مع الصوت زى PS2 بالضبط بس حيحتاج جهاز كمبيوتر امكنياته عليه جدا و ميقلش الجهاز عن المواصفات الأتيه عشان يشتغل كويس اما بالنسبه للأنواع الأخرى قد يكون فيها مشاكل خاصه بالصوت وقد تم تعديل المشكله دى فى الأصدار الأخير و النهائى من البرنامج وأصبح البرنامج بيشغل PS2 بالضبط ذى ما يكون عندك PS2والبرنامج أصبح أسمه PCSX2 0.9.2 وعشان تنزل البرنامج من الموقع لازم تكتب فيه PASSWORD وطبعا دى مشكله كبيره انا مش عارف أحلها وعلى العموم ديه مواصفات الجهاز المناسب لتشغيل برنامج PCSX2 0.9.1 و PCSX2 0.9.2
Pentium D INTEL 3.4G (cash: 4M): PROCESSOR- و يفضل ان يكون AMD64 X2 4400+ @ 2.2GHz لان فيها خاصية ((3D Now وهي مسؤله عن معاجة الجرفيك زى ال GPU الموجود فى كرت الشاشه بالضبط وبالشكل ده حيكون عندك معالجه مضاعفه للجرفيكس بعكس معالج Intel كما أن مصممي برنامج PCSX2 أكتشفوا ان BIOS الخاص ب PS2 بيتعامل مع ال PROCESSOR الخاص بPS2 أكتر من ال VGA وبالشكل ده عشان اللعب تشتغل تمام لازم يكون ال PROCESSOR بتاع الكمبيوتر يصل الى 4G أو 5G وده رقم عالى جدا ومفيش PROCESSOR فى الوقت الحالى بالقوه دى بس فى دلوقت MOTER BOARD ليها مكانين لل PROCESSOR وممكن توصل القيمة ل 4G أو 5G أو 6 كمان بس السعر حيبقى نار لأنك حتشترى 2 PROCESSOR مش 1
-اما بالنسبه لل RAM: 1G كفايه فى حالة عندك جهاز فى 2 PROCESSOR ولو عندك 1PROCESSOR من النوعين السابقين يبقى لازم تكون ال :RAM 2G
:VGA-(NVIDIA GEFORCE 6600 GT (RAM:256 كرت الشاشه دى من نوع PCI-E مش AGP يعني محتاجة Mother Board من نوع LGA وده النوع الجديد من ال mother board الموجود فيها Slot الخاص ب PCI-E وموجود أيضا ال Slotالخاص ب PCI-E ً فى ال mother board الي فيها مكانين لل PROCESSOR
الأمكنيات دى عليا زى منتو شيفين وسعر الجهاز بالمواصفات دى حيتجاوز بكتير سعر PS2 بس ده ميمنعشى اننا منشغلش PS2 على الكمبيوتر وذلك للأمكنيات الموجوده فى البرنامج والمش موجوده فى PS2 ذى عمل تخزين مؤقت وإلتقاط صورمن اللعبه و تخزين الألعاب على الهرد وفى حاجه تانيه مهمه إن الأمكنيات دى حتشغل ألعاب XBOXو ألعاب GAMECUBE و ألعاب PSP و ألعاب الكمبيوتر بكفائه عليه جدا جدا تكفيك لخمس سنين قدام
اما بالنسبه للأجهزه التى اقل من الأمكنيات السابقه مش حتشغل الكثير من الألعاب
بنفس قدرة PS2 بس حتشغل بعض اللعب بنفس قدرة PS2 وده امل جيد لمواصلة الحديث
والمواصفات التى حكتبه دى تعتبر المرحلة التانيه من الأجهزه :
PROCESSOR: P4 INTEL 2.4G OR AMD64 3200+ @ 2.2GHz
RAM: 1GB OR 768MB OR 512MB وعلى فكره معظم ألعاب PS2 بتحتاج GB1 RAM:
NVIDIA GEFORCE FX5200 OR ATI RADEON 9250
أو اى كرت شاشه فيه SHADER 2
ولو محتجين تعرفوا امكنيات الجهازالمناسب لكل لعبه ادخلوا على الموقع ده
ونبدا بسم الله شرح طريقة تشغيل البرنامج :
أولا : لازم تحول DRIVE C:الموجود عليه نظام الويندوز من نظام FAT 32 الى NTFS وكذلك تحويل ال DRIVE الذى سوف تقوم بتنزيل الألعاب عليه بالطريقه الأتيه :
ادخل على امر RUN ثم اكتب CMD وبعدين OK ستفتح لنا نافذة الدوس نكتب فيها الامر : ( مع مراعاة المسافات )
convert c: /fs:ntfs ثم نضغط ENTER حيطلب بعد كده اسم ال DRIVE
حنكتبه ثم اضغط ENTER ثم بعد ذلك قم بعمل RESRART للجهاز
ثاتياُ: يفضل ان يكون عندك على الكمبيوتر WINDOWS XP PROFESSIONAL SP2 عشان تشغل خاصيه VM الموجوده فى برنامج PCSX2 0.9.1 والخاصيه دى خاصه بسرعه نقل البيانات من ال HARD DISC الى ال MOTHER BOARD حسب سرعه ال HARD DISC وبتفرق بشكل كبير فى تحميل اللعبه LOADING))
ثالثاُ: برنامج تشغيل PS2 وهو PCSX2 0.9.1 وموقع البرنامج قوم بتنزيل البرنامج من الموقع وعلى فكره فى يا جماعه ثلاث برامج بس بيشغلو PS2 على الكمبيوتروبرنامج PCSX2 من ضمنهم ويعتبر أقواهم والبرنامجين التانين ضعاف جدا مقارنه بالبرنامج ده
رابعأ: بعد تنزيل البرنامج من الموقع قم بعمل SETUP للبرنامج وستجد ملفات البرنامج كما فى (الصورة رقم 1)
خامساً: ستلاحظ انه لا يوجد ملفات( البيوس BIOS) قم بالبحث عنها فى موقع وهم ثلاث انواع أمريكي وأوربي و ياباني وستجد ايضا لكل نوع من البيوس اصدرين (v01-v02) حاول تنزل v02 وده الأصدار الجديد من البيوس ثم قم بعمل COPY للملفات دى وPASTE فى FOLDER ال BIOS
ومعنى كلمة bios : نظام ادخال واخراج البيانات الخاصه ب PS2و من الاّخر البيوس هو الكل فى الكل وهو مختلف عن ال BIOS الخاص بأجهزه الكمبيوتر حيث أكتر تعقيد منه
- بعد كده ادخل على البرنامج ثم اختار من القائمه امر CONFIG ثم اختار CONFIGURE ستظهر لك هذة النافذه وفى الأخر ستجد ملفات البيوس
التى وضعتها فى ملف ال BIOS
(الصوره رقم 2)
(الصوره رقم 3)
نلاحظ ان نوع البيوس مكتوب (امريكى- أوربى- ياباني) وكذلك نوع الأصدار (v1-v2 ) وكذلك تاريخ الأصدار
السؤال هنا :كيف اختار ال BIOS المناسب للعبه . . . . ؟
سادساً: ادخل على ملف compat_list وهو موجود فى ملفات البرنامج
ستظهر لك صفحة الإنترنت دى
(الصوره رقم 4)
والسؤال التانى : لو تم أختيار ال BIOS خطأ إيه الى حيحصل؟
يبقى فى الحاله دى اللعبه مش حتشتغل وده يفسر للبعض عدم اشتغال بعض اللعب من خلال البرنامج وبالنسبه الأصدارالأخير من البرنامج (PCSX2 0.9.2) فإن المشكله دى تم حلها وبالتالى أى BIOS حيشغل اى لعبه بس فين الأصدار الأخير!
سابعاً:
Plugins: وهو عباره عن جميع المتعلقات بالبرنامج من (خصائص الصوت وخصائص الصورة وأدوات التحكم game pad) وشرح كلاً منهم كالأتى:
- خصائص الصورة:
ادخل على config ثم configure ثم اختار أول أختيار وهو خاص بالجرفيك
حتلاقى فيه اربع اختيارات :
(الصوره رقم 5)
رقم 1 و2 خاص بكروت الشاشه الضعيفه اللى مفيهاش خاصيه تنعيم الحواف
Anti-aliasing AA)) ودى بعض الأنواع اللى مفيهاش الخاصيه ديه (geforc fx5200 ram 128- ATI radeon ram 128 - واى كروت شاشه فيها 2 SHADER بس)
طب الواحد يعرف إزاى إن كرت الشاشه فيه خاصيه تنعيم الحواف AA و خاصيه ال SHADER 2
الجواب موجود على ظهر العلبة الخاصه بال VGA واحد يقولى العلبه مش موجوده (اترمة فى الزبالة) أو مش مكتوب عليها التفصيل دى حقوله يخى توّكه وديلهٌ البرنامج ده aida32 والموجود فى المرفقات وحتلاقى كل التفاصيل بتاعة الVGA
- بعد الدخول على البرنامج ادخل على DISPLAY ثم أختار GPU حتظهر الشاشه دى
(الصوره رقم 6)
بعد ما تعرف الإصدار الخاص بال SHADERS لازم تعرف خاصيه تانيه ويفضل انها تكون فى جهازك و الخاصيه دى أسمها SEE2 وديه موجودة فى المعالج الأساسى PROCESSOR مش معالج ال VGA والخاصيه ديه أيضاً بتفرق بين الأختيارين الأول GSDx9(MSVC 1400.SEE2)0.9.0 والتانى GSDx9(MSVC 1400)0.9.0 وبتفرق أيضا بين الأختيارين الثالث ZeroGS SEE2 0.93.1 والرابع ZeroGS 0.93.1
- بعد الدخول على البرنامج أدخل على MOTHER BOARD ثم أدخل على CPUD حتظهر الشاشه دي
(الصوره رقم 7)
يتبع................
المفضلات