الصفحة رقم 1 من 31 12311 ... الأخيرةالأخيرة
مشاهدة النتائج 1 الى 20 من 609
  1. #1

    غرور وكبرياء (قصه سعوديه) تجنن بمعنى الكلمة


    هلابكم جميعا


    قصة شفتها
    حبيت انقلها لكم هنا


    اسمها غرور وكبرياء
    وهي عبارة عن اجزاء لكن فعلا قصة جدا جدا روعة


    اذا حبيتوا انزلها لكم انا مستعد




    بانتظاركم





    تحياتي لكم


    $..قارا..$

    67661d84294dfc37d8302ac50b2d3565


  2. ...

  3. #2
    ابعطيكم نبذة عن ابطال القصة

    عائلة ابو فهد {سليمان}
    ام فهد..{هيــــــــــــــــا}
    فهد:عمره32 سنه متزوج من بنت خالته هنوف وعمرها 27سنه وعندهم ولد اسمه سليمان عمره 4 سنوات وبنت اسمها شهد عمرها سنتين وهو يشتغل مه ابوه في الشركه---
    لمى:عمرها 27 سنه متزوجه محمد ولد خالتها وعندها بنت عمرها 6سنوات اسمها نجود وولد عمره 4 سنوات واسمه نواف وهي حامل في الشهر الرابع-----
    فيصل:عمره 26 سنه وعلا قته مع ابوه قويه... وهو يشتغل مع ابوه -----
    رغد:عمرها 22 سنه تدرس في الجامعه ---
    فواز : عمره 21سنه يدرس في الكليه العسكريه وهو شخصيه مرحه---
    عنود:عمرها 18 سنه وهي عي ثالث ثانوي علمي ----
    ___________________________
    عائلة ابو راشد ---{عبد الله}
    ام راشد --- {منيره}
    راشد:عمره 30 سنه متزوج بنت خالته عبير وعنده ولدين واحد اسمه عبد الله عمره3 سنوات وولد عمره 8شهور واسمه احمد---
    مشعل : عمره22 سنه يشتغل في احد الشركات في منصب مهم------
    مشاري :عمره 22 سنه يدرس قانون -----
    نجلاء: عمرها 20 سنه تدرس علم نفس وهي البنت الوحيده يعني اكيد مدلعه ----
    *************************
    اولا ... احب اوضح لكم ان ابو راشد كان مسافر للكويت من يوم عياله صغار.. ولسى راجع للسعوديه من فتره .. عشان كذا كانت علاقته هو واخوه ابوفهد موقويه..
    ________________________



  4. #3

  5. #4
    مرحبا اخوي
    تدري اني من زمااااااااااااااااااااااااااااااااااااان أدور هذي القصة!!!!
    بليييييييييييييييييز نزلها و مشكوووور ألف مررررة


    تحياتي

  6. #5
    اخوي شكل القصه خطيرره

    ممكن تكمل تنزيلها ..؟

    ومشكور على المجهود
    If now my wish reaches you,
    Before my body vanishes
    Hold me tightly once more.
    attachment

  7. #6
    أكيد نزلها .. بإنتظارها gooood
    attachment

    attachment


    FaceBook-icon Twitter-icon

  8. #7

  9. #8

  10. #9
    الجزء الاول


    فواز :يمه.. يمـه ..يمــه .. عنود عنـــــــــــود عنـــــــــــــــــــود بسم الله وين راحوا يالله ---
    راح للمطبخ يسال يمكن يلقى احد لقى وحده من الخدم وسئلها
    الخدامه :ماما روح مستشفى--
    فواز وملامح الخوف على وجهه: ليش ماما فيه تعبان
    الخدامه : لا بابا سليمان فيه تعبان
    فيصل : السلام عليكم
    فواز:فيصل وش فيه ابوي
    فيصل:طاح علينا ووديناه المستشفى بس الحين الحمد الله عدت على خير وانا جاي اجيب له اغراض
    فواز:بروح معك
    ********************
    وفي بيت ابو راشد كانت الدنيا مقلوبه...
    مشاري: والله العظيم لو ماطلعتي جوالي ياويلك يانجيل والله تندمين ..
    نجلاء:كم مره قلت لك مدري عنه انا حتى جوالي مدري وينه..
    مشاري:انا عارفك ياسوسه اكيد انك خاشته....
    نجلاء:الشرهه على اللي يجلس معك..بروح لغرفتي احسن.....
    نجلاء:ههههههههههههههههههههه.....
    مشاري: خير ان شاء ليش الضحك....
    نجلاء وهي ميته من الضحك وتاشر على عبدالله ....
    مشاري:عبيـــــد ماشاء الله عليك لي ساعه ادوره وهو معك...
    نجلاء: لاوبعد جوالي....
    *********************
    فهد:ها دكتور طمني عن حال الوالد...
    الدكتور:الحمدالله حالته الحين مستقره .. اليوم يمكن نقدر نطلعه من الملاحظه
    وننقله لغرفه عاديه....
    فهد:طيب اقدر اشوفه ...
    الدكتور:اليوم لابس بكره ان شاء الله الزياره مسموحه بس حاولوا ماترهقونه....
    *********************
    فيصل:خلاص يمه ابوي مافيه الاالعافيه....
    فواز:يمه وبعدين ترى بصيح....
    فيصل:هافهد طمني وشلون صحة ابوي.....
    فهد:الحمدالله حالته مستقره ..واليوم يمكن يحطونه في غرفه بس الزياره اليوم ممنوعه...
    فيصل:خلاص اجل يمه قومي اوديك للبيت ....
    ***********************
    مشعل:مشااااااااااااااااااري قم الساعه 7ونص قم لاتتاخر عن الجامعه ...
    مشاري:يامزعج خلني انوم ماعليك مني ...
    مشعل :مشااااااااااااااااااااااااااااري قم...وداخل قانون بعد....
    نجلاء وهي نازله:لاتحاول لوتكسر الباب ماينفع مع هذا شى اذا كان نايم...
    مشعل :يالله يامشاااري ..كيفك ان شاء الله عمرك ماقمت..
    مشعل ونجلاء:صباح الخير ..
    ابوراشد:صباح النور ..وين مشااااااااااااري
    مشعل :والله عجزت معه ماقدرت اقعده....
    ابوراشد:يا ام راشد اخلصي ماصار فطور...
    ام راشد:طيب ..طيب..
    ************************
    في المستشفى ......
    ابوفهد:فهد تعال ياوليدي ابيك شوي..
    فهد:سم يبه...
    ابوفهد:فهدعمك داري عني؟
    فهد:لا والله نسينا نقوله..
    ابوفهد:الله يهديكم المفروض هواول من يدري ذا اخوي موغريب وبيزعل اذا احد قاله غيرنا ....
    فهد :ماصار الاالخير بروح اتصل عليه الحين.......
    ------
    فهد:الو
    --:الو
    فهد:السلام عليكم ..من معي
    راشد:وعليكم السلام..معك راشد
    فهد:هلا راشد معك فهد ولد عمك..
    راشد:هلا فهد كيف الحال...
    فهد:الحمد الله ..انت بشر...
    راشد:يسرك الحال...
    فهد:راشد اذا ماعليك امر عمي عبدالله ابي اكلمه...
    راشد:لحظه...
    ابو راشد:هلا ولدي فهد..
    فهد:هلافيك عمي بشرني عنك...
    ابوراشد:بخير ياوليدي انت عساك بخير..وابوك واخوانك..
    فهد:بخير ياعم.. بس الوالد لك عليه شوي...
    ابوراشد :وش فيه اخوي ..
    راشد:مافيه الاكل خير ان شاء الله بس الوالد تعب شوي ووديناه للمستشفى...
    *****************
    فواز:مسكتك من تكلم ..
    فهد:والله انك فاضي..
    ----
    ابو فهد:ها وش سويت ياوليدي عساك كلمته..
    فهد:ايه كلمته..وبيجي اليوم ان شاء الله...
    فواز:مسكتكم وش تقولون...يالله اعترفوا بسرعه...
    فيصل:وانت وش دخلك فيهم..
    وبعد فتره يدخل عليهم ابو راشد....قاموا العيال يسلمون على عمهم ..
    ابوراشد:ماتشوف شر يابوفهد...
    ابوفهد:الشر مايجيك..والله ياخوي راح الكثير ومابقى الاالقليل ..وودي نرجع مثل اول والواحد مايحس بقيمة اهله الا اذا تعب ...
    ابوراشد:بعد عمر طويل ..والله يقومك لنا بسلامه..
    ****************
    وفي مكان ثاني .....
    فيصل:هابشر كيف حالة الوالد....
    الدكتور :الحمد الله في تحسن في حالته ..بس اهم شى راحته النفسيه...
    فيصل: متى بيطلع من المستشفى..
    الدكتور:بعد كم يوم ان شاء الله..اذا تمت حالته مستقره..
    فيصل :مشكور دكتور تعبناك معنا ..
    الدكتور:ماسويت الا واجبي ...
    ******************
    مرت اسبوعين على خروج ابوفهد من المستشفى ......
    فيصل:ها وشلون الغاليه اليوم...
    ام فهد:...................
    فيصل:وش فيك علينا ...
    ام فهد:مافيني شى .. كم الساعه..
    فيصل :الساعه2وربع..
    ام فهد وهي تتحلطم على عمرها: ياربيه وين راحت ...
    فيصل : اشوف الغاليه تتحلطم على عمرها وش تقولين ...
    ام فهد : والله اختك المفروض من الساعه 12 وهي في البيت ولين الحين ماجت ...
    فيصل:مين عنود والا رغد....
    فيصل:دقيتي عليها ...
    ام فهد:من الصبح وانا ادق عليها وجوالها مقفل ...
    ام فهد:ياربيه يابنيتي اكيد فيه شى ولا كان ماتاخرت هالوقت كله..
    فيصل: تعوذي من الشيطان ..مافيها الى العافيه بس يمكن عندها محاضره ونست تقولك ..الايمه ابوي يدري...
    ام فهد:لا ماقلت له خفت عليه ..وشلون نسيت نوف معها في الجامعه بروح ادق عليها...
    فواز:اعوذ بالله من ذا اللي يصارخ داخل....
    ودخل فواز البيت بشوي شوي علشان مااحد يحس فيه......
    فيصل وهو معصب :والله ان تندمين يارغد انتي بس تعالي ويصير خير .....
    فواز:اعوذ بالله معصب .. انا وش يفكني الحين ..يالله واحد اثنين ثلاثه.. السلام عليكم ..اوه الاخ الاستاذ فيصل على سن ورمح هنا يامرحبا يامرحبا...
    فيصل يطالع فواز بنظره استحقار من فوق لين تحت...
    فواز:خير ياخوي سارقين حلالك وحنا ماندري ..
    فيصل: والله لو تكرمنا بسكوتك يكون احسن.....
    فواز:لا لا جد وش فيك...
    فيصل: ومن غيرها الست رغد لين الحين ماشرفت وجوالها مقفل ..بالله قلي وش لون نوصل لها الحين....
    فواز:طيب امي وين ...
    فيصل: راحت تدق على بنت خالتك تسالها عن رغد..
    فواز:انا بروح لها ..
    فيصل :اوف ..لين متى يعني الساعه 3متى بتشرف الاخت فواز فواااااااز..
    فواز :طلبتني يااخ فيصل ..
    فيصل:نعم طلبتك يا استاذ فواز ..ممكن تعطيني رقم السواق
    ام فهد:فواز متى جيت ....
    فواز :من نص ساعه..
    فيصل : كلمتي نوف وش تقول .....
    ام فهد:ايه كلمتها وقالت لي ان رغد من الساعه 11وهي في البيت ودخلت عليها ولقيتها نايمه ورحمتها..
    فواز:ههههههههههههههههههههههههههه..
    فيصل:وهي الاخت ماتعرف تقول انها في البيت .. والا لازم تحرق اعصابنا..
    فواز وهو ميت من الضحك:وانتم ماتعرفون تدورون في البيت ...
    فيصل:اه ..اوف راسي صدع منك انت واختك..
    فواز:وانا وش دخلني ..
    ابوفهد: السلام عليكم ...
    فواز وفيصل وام فهد: وعليكم السلام..
    ابو فهد:تعال ياوليدي ابيك في موضوع ..
    فيصل:ان شاء الله..














    يتبع



  11. #10
    تسلم على المجهود وتسلم يدك

    بس بسرعه لو سمحت نبغى الجزء الثاني

    والقصه مشوقه وتشدك لها كانها تقول اقرا الى النهايه

    احنا بنتظار الاجزاء الباقيه واتمنى ماطول علينا
    اخر تعديل كان بواسطة » ღĻ7η في يوم » 24-05-2007 عند الساعة » 13:21
    انسان بلا هدف مثل سفينه بلا ماء

    ...

    كلاهما سينتهي به الامر على الصخور }~

  12. #11
    إقتباس الرسالة الأصلية كتبت بواسطة ][سآلي][ مشاهدة المشاركة
    تسلم على المجهود وتسلم يدك

    بس بسرعه لو سمحت نبغى الجزء الثاني

    والقصه مشوقه وتشدك لها كانها تقول اقرا الى النهايه

    احنا بنتظار الاجزاء الباقيه واتمنى ماطول علينا
    ان شاء الله بكملها
    بس بعد ما ألقى خمس ردود على الأقل >>>نذالهbiggrin
    شكرا أختي على هيك مرور وردsmile

  13. #12
    ممكن التكميله لو سمحت ومشكور على القصهsmoker

    العالم لا يمكن أن يتغير بالكلمات الجميله وحدها !

  14. #13
    إقتباس الرسالة الأصلية كتبت بواسطة الظلام الداكن مشاهدة المشاركة
    ممكن التكميله لو سمحت ومشكور على القصهsmoker
    عفواsmile



    ودحين بنزل الجزء الثاني مع إني المفروض أستنى خمس ردود لاكن بمشيها هذي
    المرة
    cool

  15. #14
    الجزء الثاني







    أبو راشد : هلا والله هلا بنور البيت
    مشاري : احم احم نحن هنا
    راشد :مشاري أنت ما سمعت باللي يقول إذا حظر الماء بطل التيمم
    نجلاء :أعوذ بالله من الغيرة طلعت بليس من الجنة
    مشعل إلا أقول يبه وش إخبار عمي سليمان
    أبو راشد :الحمد الله أحسن من أول
    أم راشد :إلا يا أبو راشد وري ما تعزم أخوك
    نجلاء :إيه يا بابا الله يخليك أبي أتعرف على العنود أكثر أحس أنها حبوبه
    مشاري وهو يتهزى بنجلاء:أي بابا الله يخليك أبي أتعرف على الشباب
    أبو راشد : تم مدام شيخه البنات قالت بعزمهم نعزمهم
    *********************

    ابوفهد: ياوليدي انت حاط عينك على احد ..قلي ياوليدي وابشر .
    فيصل : لا مافيه احد معين ...بس يبه أنا الحين ما استعديت للزواج
    أبو فهد : بس يا وليدي هاذي بنت عمك وماابيها تروح لغيرك وبعدين ابي علاقتي تقوا مع اخوي ..
    فيصل :خلاص إلي تشوفه ..
    أبو فهد :والله يا ولدي ضني فيك ما خاب وانا عارف انك منت رادني.
    وييقطع عليهم صوت جوال أبو فهد
    أبو فهد الطيب عند ذكره:الو السلام عليكم
    أبو راشد : وعليكم السلام ها وش أخبارك اليوم
    أبو فهد :والله الحمد الله أحسن ..
    أبو راشد : والله يا وخيي داقن اعزمكم بكرة على العشاء كان ما عندكم شي
    أبو فهد: إلا وري موب انتم اللي تجوون عندنا
    أبو راشد :والله مافي فرق عندنا واللي عندك بس ذي المرة أنا والمرة الجايه أتنم .
    أبو فهد :خلاص اجل بكرة بعد الصلاة العشاء أنا عندكم ..

    ********************
    أم فهد : إلا اجل وين رجلك.. ورى ما جاء معك ..
    لمى : عنده شغل ..
    فيصل : هلا والله لمى
    لمى:هلا فيك ..وشلونك..
    فيصل:يسرك الحال ..الاوين القمر ماشوفها..
    لمى تأشر لفيصل ...
    فيصل وهو يلتفت على ورى وشاف نجود. : هلا والله .. هلا بقمرهم .. وشلونك .
    نجود : أنا طيبه ..
    ونزل نجود وجلس مع أمه ولمى ..
    نجود تمسك فيصل مع يده وتسحبه : خالي فصول تعال أبيك شوي ..
    لمى : نجيد خليه يجلس معنا ..
    فيصل : ما عليك منها ... يالله نجود ..
    فواز: الله يافيصل لو تحبني ربع حبك لذا البزر ...
    فيصل :والله عشنا وشفنا تقارن نفسك فيها..
    نجود:خالو ياللــــــــه..
    *************************

    نوف : والله ما تدرين يا سارة وش قد مشتا قتله ..
    ساره :مسكينة يا نوف أنتي تشتاقين وهو نايم في العسل ..
    نوف :وهذا إلي ذابحني ..
    ساره : من زمان وأنا أقولك بينيله..
    نوف : صعبه أقول له تعال يا فيصل أنا احبك ..
    ساره : خليك كذا..تقولي صعبه لحد ما تاخذه غيرك ..
    نوف : فيصل ياخذ غيري .. لا ما تسويها خالتي ..
    ساره : وليش ما تسويها ..
    نوف : أقول ساره أكلمك بعدين أمي تبيني ..

    ************************

    نجلاء : يالله عبير بسرعه ايش رايك .. الاحمر والا الوردي ..
    عبير : والله مدري كلها حلوه .. وانتي ما شاء الله كل شي يطلع عليك حلو ..
    نجلاء :يااالله يا عبير صار لك ساعتين وانتي تقولين نفس الكلام ...
    عبير :ههههههههه ..طيب وش اسوي لك البسي اللي تبين..
    نجلاء : خلاص راح البس الوردي..

    ****************************

    أبو راشد : يا حياالله من جانا تو ما أنور البيت ..
    أبو فهد : الله يحيك البيت منور بهله ..
    أبو راشد : والله العيال كبروا اجل من يصدق إن فيصل ومشعل ذولي هم نفسهم اللي كانوا يتطاقون وهم صغار ..
    ابوفهد: ايه والله 15 سنه مهيب سهله ..
    أبو راشد: ايه والله صدقت ...

    ***************************

    فواز : إلا أقول يا مشاري ما تشوف اليوم فيصل كاشخ كأنه معرس ...
    فيصل: اصلاً أنا من يومي كشخه ..
    فواز : لا بس اليوم غير ..
    مشاري : ها فيصل اعترف وش عندك ...
    مشعل : ما أردى منك إلا هو .. وش عليكم منه ..
    فيصل : ايه والله الله يخليك فكني منهم ..
    مشعل : لا عاد مشاري ولقى له خوي الله يعينا ..
    فواز : أقول مشاري كنا انسبينا ..
    مشاري : يا شيخ روح هاذولي لو يطيرون ما قونا ..
    مشعل : الله يعين شكلهم انقلبوا علينا .

    ************************
    رغد : يا الله شوفي وشلون تتكلم .. مغروره بشكل .
    لمى : هههه حرام عليك
    رغد : ولي قاهرني أنا وهي في بيت واحد بنكون..
    لمى : والله شكلها حبوبه .. ياحظ اخوي فيها والله تهبل ...
    رغد : اووف فيصل وهضمناه لكن هو ونجلاء أعوذ بالله ..
    لمى : وجع هذا وهو أخوك ..والله فيصل مافيه مثله ..
    أم راشد : إلا وشلونك يا لمى مع الحمل عسى ما أتعبك ..
    لمى : الحمد لله أحس انه أهون من حملي بنواف ..
    العنود : وش ناويه تسمينه ..
    أم فهد : بدري تو الناس خليها تولد أول بالسلامه ..
    لمى : والله إذا بنت بسميها نجلاء لعل وعسى تصير مثل نجلاء تهبل.. وإذا ولد أكيد فيصل على اخوي ..
    نجلاء : مشكوره حبيبتي إذا أمها لمى أكيد بتصير حلوه ..
    الهنوف تهمس لخالتها : والله يا خالتي نجلاء تستاهل عسى يكون فيه نصيب .
    ام فهد : إن شاء الله .. يارب الله يسمع منك..

    *******************************

    ابوفهد : والله ما ادري وشلون افاتحك بالموضوع ..
    ابو راشد : تفضل .
    أبو فهد :والله يا ابو راشد أنا ما اعرف للمقدمات ..وبقول لك الموضوع على طول ..ابي اخطب نجلاء لولدي فيصل .. ها وش قلت ..
    ابو راشد : والله فيصل رجال ينشد به الظهر ..بس لازم نشاور نجلاء ..
    ابو فهد :خذ راحتك ..والله يكتب اللي فيه خير ..
    فواز : فيـــــــــــــــــصل .. فيصل .. فيــــــــــــصل ....
    فيصل : خير وش فيك تصارخ .. فجرت أذني ..
    مشاري :واضح من الصبح وهو ينادي .. الي ماخذ عقلك ..
    فواز : أنا قايل الرجال اليوم مو طبيعي .. وش فيك .
    فهد : أنت وش فيك عليه .. خله في حاله لا يقلب عليك وأنت تعرف فيصل إذا قلب ..
    راشد : اجل تخوف يا فيصل ..
    فيصل : وش دعوه .. واحد يقول تخوف والثاني يقول إلي ما خذ عقلك والثالث يقول أنت مو طبيعي إلا أقول كيف الحال ..
    أبو فهد :يالله مشينا يا عيال ..
    أبو راشد : وين تو الناس ..
    أبو فهد : والله مجلسك ما ينمل بس تعرف بكره جمعه وأنا ما أحب السهر ..
    فهد : تامر شي ياعمي ..
    أبو راشد : سلامتك ..
    مشعل : أجل اجلسوا يا عيال تو الناس بدري ..
    فيصل : لا وش نجلس يالله مشينا .
    فواز : أنا أقول مو طبيعي بس انتم ما تصدقون ... يؤ يؤ أبوي راح من أروح معه ..
    فيصل : تعال معي فسيارتي ..
    فواز : أح اح ...
    فيصل : يالله في أمان الله ..
    راشد : في أمان الكريم ..

    *****************************

    نجلاء : والله بنات عمي ينحبون .. ويدخلون القلب على طول ..
    عبير : ايه والله
    ام راشد : أنا أعجبتني رغد ..
    نجلاء :---------------
    عبير : ايه مره حلوه باين أنا رزه وتحب الكشخه ....

    ****************************

    فيصل :ألحين ما تقولي وش ذا التعليقات السخيفه ...
    فواز : أنا ... وش قلت ما قلت شي ..
    فيصل : فواز ..
    فواز : وش تبي يا أخ فيصل ...
    فيضل : فواز انزل بسرعه ..
    فواز :----------------
    فيصل : انزل بسرعه ..
    فواز : مهبول أنت انزل في نص الشارع حرام عليك ياخي ما تسوى كلمه قلناها خلاص أنت طبيعي اليوم وأنت ماكشخت ولا أنت معرس وش تبي بعد ...
    فيصل: فواز الحين عرفت انزل..
    فواز : خلاص خلاص يا جعل نجلاء توافق تتزوجك ..
    فيصل في نفسه اسم يبشرببدايه حلوه ..
    فواز : وين سرحان يا أبو الشباب ...
    فيصل : أقول ممكن تقدر تمسك لسانك لين نروح البيت ..
    فواز : أحاول بس ما أوعدك ..
    فيصل :ههههههههههه
    فواز : إذا قلت إن محد يقدر يفهمك لا احد يلومني ..

    ******************************

    أبو راشد : السلام عليكم .. وش أخبار ضيوفكم ...
    أم راشد : وعليكم السلام .. ما عليهم والله...
    أبو راشد : إلا أقول يا أم راشد .. ..
    أم راشد : خير إن شاء الله ..
    أبو راشد : خير ..اليوم أبو فهد فتح معي موضوع ..
    كان يبي نجلاء لفيصل ..وش قلتي .
    أم راشد : والله أنت تعرف فيصل أكثر مني وأهله ناس أجاويد ..
    أبو راشد : والله فيصل رجال والنعم فيه ...
    أم راشد :بس مدري عن نجلاء..
    ابو راشد:شاوريها وشفي وش تقول ...والله يكتب اللي فيه الخير..
    ام راشد:ان شاء الله.






















    يتبع


  16. #15
    إقتباس الرسالة الأصلية كتبت بواسطة $..قارا..$ مشاهدة المشاركة
    عفواsmile



    ودحين بنزل الجزء الثاني مع إني المفروض أستنى خمس ردود لاكن بمشيها هذي
    المرة
    cool
    وهذا
    رد مع انه من نفس الشخصbiggrin
    كمل اخوي والي مايقراها ابله ودلخ وكمخه وضيع نص عمرهbiggrin tongue

  17. #16
    إقتباس الرسالة الأصلية كتبت بواسطة ][سآلي][ مشاهدة المشاركة
    وهذا
    رد مع انه من نفس الشخصbiggrin
    كمل اخوي والي مايقراها ابله ودلخ وكمخه وضيع نص عمرهbiggrin tongue
    شكرا أختي والله إني الحين طاير من الفرحة لأنها عجبتكمasian
    بس ثلاث أجزاء في يوم واحد ما يسير biggrin

  18. #17
    أبو راشد : خير ..اليوم أبو فهد فتح معي موضوع ..
    كان يبي نجلاء لفيصل ..وش قلتي .
    أم راشد : والله أنت تعرف فيصل أكثر مني وأهله ناس أجاويد ..
    أبو راشد : والله فيصل رجال والنعم فيه ...
    أم راشد :بس مدري عن نجلاء..
    ابو راشد:شاوريها وشفي وش تقول ...والله يكتب اللي فيه الخير..
    ام راشد:ان شاء الله.
    كمل يا مال بس مني قايله

    انت ما توقف الا في جزء مشوق والله بجد نذل هههههههbiggrin
    يعطيك العافيه
    بس بسال القصه كم جزء؟؟؟؟؟؟؟؟؟؟؟؟؟



    شكرا أختي والله إني الحين طاير من الفرحة لأنها عجبتكم
    بس ثلاث أجزاء في يوم واحد ما يسير

    يوووووو انا يمكن مادخل المنتدىبكرهcry

    بس عادي الله يعطيك العافيهgooood
    اخر تعديل كان بواسطة » ღĻ7η في يوم » 24-05-2007 عند الساعة » 14:07

  19. #18
    يلى بحط ثلاث أجزاء بما إن القصة طويلة وفوق الثلاثين جزء
    وبعض الأجزاء مقسمة لفصلينsmile
    لاكن بشرط إني ألقى ردين على الأقل حتى لو كان من نفس الشخص
    gooood

  20. #19
    إقتباس الرسالة الأصلية كتبت بواسطة ][سآلي][ مشاهدة المشاركة

    كمل يا مال بس مني قايله


    انت ما توقف الا في جزء مشوق والله بجد نذل هههههههbiggrin
    يعطيك العافيه
    بس بسال القصه كم جزء؟؟؟؟؟؟؟؟؟؟؟؟؟
    يمكن تكون فوق ال50 لأنها لسع ما كملت عنديbiggrin
    بس لازم أوقف في الجزء المشوق عشان تكون احلىcool


  21. #20
    إقتباس الرسالة الأصلية كتبت بواسطة ][سآلي][ مشاهدة المشاركة

    كمل يا مال بس مني قايله


    انت ما توقف الا في جزء مشوق والله بجد نذل هههههههbiggrin
    يعطيك العافيه
    بس بسال القصه كم جزء؟؟؟؟؟؟؟؟؟؟؟؟؟






    يوووووو انا يمكن مادخل المنتدىبكرهcry

    بس عادي الله يعطيك العافيهgooood
    لا خلاص بحطها بما إنو الإختبارات قربتgooood
    إحتمال أحط 10أجزاء اليومbiggrin

الصفحة رقم 1 من 31 12311 ... الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter