الصفحة رقم 1 من 2 12 الأخيرةالأخيرة
مشاهدة النتائج 1 الى 20 من 24
  1. #1

    وبعد طول انتظار ... حــ ل ــم مــراهــق ===> Completed

    [CENTER]
    وبـ ع ـد طول انتـ ظ ـار ... حــ ل ــم مــراهــق ===> Completed

    سلام علاااكم

    أخبارك شباب ..

    والله زمان عنكم ...

    على العموم

    أنا عارف إني مصختها وهي ماصخة

    بس وش نسوي لازم نكمل

    اليوم

    فيه ملف بالمرفقات ..

    فيه كل فصول الروايه ..

    من 1 إلى 7

    بس أعذروني

    السابع مخلص منه تقريباً 90%

    على العموم

    بحط لكم السابع هنا ..

    والباقي الفصول << للي نسانا

    بالمرفقات

    أوتسيه ..

    بسم الله نبتدي ...

    ==================================

    السلام عليكم

    <<داري إني بتكفخ ..بس سامحوني>>

    المهم

    كيفكم يا أحلى أعضاء ...
    أخيراً اليوم بكتب لكم أخر فصل من هالقصة ..
    اللي الصراحة ما توقعت إنها توصل لهالدرجة من أعجابكم ..

    سوري طولت عليكم بهالفصل
    بس والله لو تعرفوا ظروفي كان عذرتوني
    سامحوني سامحوني سامحوني
    يا
    ( الزعيمات & زياد & الساحرة & دحوووم & الذيب الأزرق & miss X & Abduaziz & لون عيونك & غزالة ما تنصاد & الهلالي 20 & sm_uae & ووووو إلخ)
    << ترى الأعضاء من عدة منتديات مو بس هالمنتدى >>
    عاد تصدقون اني تعودت عليكم؟؟
    ما صرت أتخيل إني ما راح أكتب !!
    ولا راح تستنوا الفصل الجديد ويمتلي الصندوق الوارد بالرسايل !!
    هع هع

    الفصل هذا بيكون أطول ( أدسم ) فصل في الرواية
    فجبت عدتي المعروفه
    ( علبتين ريد بول و4 حبات توكس ) <<بياخة زيادة وإلا ؟؟
    هع هع
    وقعدت أكمل باقي الرواية < مسوي أسلوب
    لووووووووووووووول
    بسم الله
    3

    2

    1
    ============================================

    للي نسى الرواية ..
    هذا لف مضغوط (Zip) فيه كل فصول الرواية ..

    تذكر اللي نسيته وتعال كمل الباقي هنا ...

    وخلينا الحين
    نسترجع الأحداث مع الأخذ بالإعتبار بأن
    نورة < & > الجوهرة
    (أخوات) << توضيح للخطأ الملموس بالجزء السابق

    منى(وهي تبكي): أنا آسفه (رهيف) بس لا تددق علي مره ثانية

    رهيف: نعم ؟!؟!؟!؟ ما أدق عليك !! ليه انشاء الله

    منى :عشاني عشاني .......

    رهيف : نعم ؟؟؟؟؟ وشو ..... من جدك انتي؟؟

    .....= كلام مشفر

    ----------------------------------------------
    عنوان هذا الفصل
    >> نهاية الرواية <<
    تعالوا نفك تشفير الكلام مع بعض

    منى(وهي تبكي): أنا آسفه (رهيف) بس لا تددق علي مره ثانية

    رهيف: نعم ؟!؟!؟!؟ ما أدق عليك !! ليه انشاء الله

    منى :عشاني ... عشاني ... انخطبت

    رهيف : نعم ؟!؟!؟ وشو انخطبت من جدك انتي؟؟

    منى : (رهيف) سامحني بس والله مظطره أنساك

    رهيف : مظطره !!! أقول لا تكون وحده من نكتك البايخة , ترى والله مالي خلق

    منى : نكته .... آآآه ياليتها تكون نكته ... كان أنا أول وحدة تكذبها .. بس هذي الحقيقة .. سامحني
    رهيف أنا اعتبرتك ( أبوي , أخوي , خالي , عمي ) اعتبرتك كل شي بحياتي
    وما أخبي عليك إني كنت مرات اعتبرك (توأم روحي)
    إيه (توأم روحي) تصدق ؟؟
    كنت بالنسبة لي أكثر من غالي
    كنت الهوا اللي أتنفسه
    وإذا كنت عطشانه
    كانت شوفتك هي اللي ترويني
    بس وش أسوي؟؟
    الفاس وقع في الراس يا (رهيف)
    جا (منصور) أول ما سافرت للكويت
    وخطبني من خالي << اللي هو خاله بعد >>
    وخالي وافق وما أخذ رأيي
    وقالي هذي أمنية أمك الله يرحمها قبل ما تموت بالمستشفى << يوم الحادث (راجع الفصل الثالث لمعرفة التفاصيل) >>
    انك تاخذي ولد خالتك (منصور)
    وأنا الصراحة ما أقدر أرفض أمنية لأمي
    صحيح إني ما قد حسيت بحنانها قبل
    بس وش أسوي ؟؟ قولي وش أسوي؟؟
    أنا الحين واقعه بين نارين

    رهيف : طيب وأحلامنا ... طيب ووعودنا .. وإلا كلش راح

    منى : قلت لك آسفه

    رهيف : آسفة !! وين أصرفها هذي ؟
    الله يذكرك بالخير يمه
    يوم كانت تقولي ما عليك منها
    هذي ما تنفعلك
    لكن أنا الحمار اللي دافعت عنك
    وخلي منصوروه يفيدك
    ...قفلت الخط...

    منى(بصوت حزين) : ليش يا ربي يصير معي كذا
    ليه ؟؟... ليه ؟؟ .. والله أحبه أحبه ؟؟

    أنا طبعاً جتني حالة شبه انهيار
    وقعدت أفكر وأردد
    رهيف : منى راحت ... منى راحت ... حلم حياتي راح .. منى راحت
    تدخل الملقوف بالسالفة
    << إلا هو ميدو ما في غيره >>
    ميدو : منى راحت؟؟ ليه هيا تيها (ضايعة) لا سمح الله ؟؟

    رهيف(بصوت مرتفع) : أقولك منى راحت يا ميدو ... راحت مني ...

    ميدو : بسم الله الرحمن الرحيم ... إيه مالك يا رهيف ..وليه عيونك بتدمع .. هيا مين (منى) دي الللي بتزعل رهيف بس ؟؟ انتا بس دلني على مكنها وأنا حشرب من دمها دي اللي ما تتسماش

    رهيف : كان زين أقدر .. بس أنا أحبها .. أحبها يا ناس ياعالم أنا أحب (منى) .. أحبها مووت

    ميدو : انت باين لك حكايه طويييله .. يلا يا عم أحكيلي شنو حكايتك

    رهيف : شنو ؟؟؟ يا ولد والله وصاير تتكلم خليجي << تغير المزاج دايركت ..

    ميدو : أيوا أملإيه أنا يا حبيبي برطم لبناني برضو .. بس انت قوم دالوأتي وأغسل وشك (وجهك) لغاية ما أزبط لك كبايتين شاي ونقعد ندردش شوي بحكاية (منى) دي أوكيه << مصري بدمه اللقافة >>

    يتبع ...
    الملفات المرفقة الملفات المرفقة
    اخر تعديل كان بواسطة » يونـا في يوم » 09-05-2007 عند الساعة » 17:15


  2. ...

  3. #2

    رهيف: تصدق .. ماأدري كيف كنت مو معبرك .. صدق والله ما قالوا:
    >>ياما خلف السواهي دواهي<<
    هع هع
    بس والله انك غيرت علي جــوي البايخ
    طيب طيب يا معلم
    أنا دالوأتي حقوم أغسل وشي (وجهي) بس عايز الشاي من اللي يحبه قلبك...

    ميدو : يحبه قلبك ؟!؟!؟!؟ إيه هيا دي (يحبوا قلبك) ؟؟؟ هيا حاقة كويسة ؟؟ شكلك كدا بتضحك عليا ..

    رهيف : ايوا ايوا كويسة بس يلا قم سو لنا شاي أخلص

    ميدو : طيب طيب ما تزأئش (لا تدف) ... كبايتين شاي يا معلم وصلحه لسيد المعلمين.
    والله مدري كيف مستحمل مجنون زيه على العموم جاب لنا لشاي اللي من جد أحلى شاي شربته
    << بعد شاي الوالدة طبعاً
    هع هع
    وقلت له القصة من طأطأ لسلام عليكم
    وبعد ما قلت له...
    ميدو : اها .. بقى دي حكيتك ... أمممممم .. طيب اسمع اللي بقولك عليه
    وعايزك تنفذه بالحرف الواحد مفهوم ؟؟

    رهيف : شورتك وهداية الله يلا قول ... سمعنا ؟؟
    قالي على كل شي << طبعاً بتعرفوا كل شي بوقته
    عددت الليلة على خير الحمد لله من دون ما تدق (منى) ولا مرة
    قومت الصباح رحت لي مشوار صغير وبعدها دايركت (مباشرة) على غرفة (ليل جي) وقلت له
    رهيف : لولو ترى برجع السعودية تبي شي من هناك ؟؟

    ليل جي : السعودية ؟؟؟ ليه يا شيخ عسى ما شر ؟؟؟ الوالد صاير فيه شي ؟؟

    رهيف : لالا الله لا يقوله .. بس برجع عندي شي ضروري لازم أصلحه
    ويمكن أرجع بعد ما أخلص

    ليل جي : طيب والجامعة ؟؟

    رهيف : قبل شوي كنت عند المدير وقلت له إنو الوالده بتموت وعطاني اضطراري فهمت ؟؟

    ليل جي : هي صدق بتموت ؟؟؟

    رهيف : فال الله ولا فالك بسم الله على أمي
    على العموم ولد عمي بيمرني عشان أروح أحجز للرياض
    المدير قال إنو الاضطراري بدفعه من جيبي
    وأنا ما قلت لأ

    ليل جي : طيب طيب تروح وترجع بالسلامة بس سلم لي على باقي الشلة

    رهيف : أنا فاضيلك وفاضي لشلتك ؟؟؟ أقول لك شي ضروري أهم منك انت وشلتك

    ليل جي : أفاا .. وش فيها تغير الأخلاق ؟؟

    رهيف : لالا ولا شي بس المهم حبيت أخبرك أوكي

    ليل جي : اوكي حبيبي تروح وترجع بالسلامة... بس حلفت عليك بكرة تجي في حفلة ببيت (مايكل) .. والله الرجال قال لي إني أخبرك وهذاني خبرتك وصل ؟؟

    رهيف : ايه ايه وصل بس والله ما أدري على حسب إذا بلاقي حجز بكرة فاسمحلي أما إذا بعدين ما في مشكلة

    ليل جي : يارب ما تلاقي حجز عشان تروح معاي
    أنا أستحي لحالي...

    رهيف : في عينك ما ألاقي حجز على العموم يصير خير
    دقيت على ولد عمي وجا أخذني << سواق ابوي هع هع >> بس والله انو يعجبكم
    المهم
    رحنا لمكتب حجز ولقيت لي حجز بعد بكرة (العصر)
    قلت تم
    دفعنا الحساب وأخذت التذكره
    واحنا بالطريق
    << طبعاً مترجمة على طريقتي الخاصة >>
    زاك : رهيف ... يعني بتتركنا ؟؟؟انا ما شبعت منك .. ما قعت عندنا بالبيت إلا 5 ساعات تقريباً و ثلاث أرباعها كنت نايم ؟؟

    رهيف : والله أعذرني بس والله مضطر .. انشاء الله الجايات

    زاك : جايات ؟؟ أي جايات ؟؟ انت شكلك بتروح ولا عاد ترجع أنا ما صدقت اشوف ولد عمي الوحيد اللي من لحمي ودمي اللي ما قد شوفته بحياتي , كنت أبغى أحس بإنو عندي عائلة عندي واحد أشرح له همومي ويشرحلي همومه , كفايا انو ما عندي ولد خاله , خبرك أمي مقطوعه من شجرة على ما تقولوا بالسعودية , بس للاسف أنا عارف حظي زفت دايما

    رهيف : والله كسرت خاطري , أوكي ولا يهمك وش رايك إذا قلت لك بقعد معك ببيتكم إلين أسافر؟؟

    زاك : والله !!!! بتقعد عندنا اليوم ؟؟؟

    رهيف : وش مو مصدق << كبر راسي

    زاك : يا سلااام يعني بعرفك على أصحابي (شلتي) جاك , ليندا , مالكم , إيفرل ووو
    أخيراً بشخْص انو عندي ولد عم زي (جاك) يا حظي

    رهيف : انشاء الله ولا يصير خاطرك إلا طيب يا ولد العم (ابشر بسعدك)

    زاك : ياحبي لك رورو

    رهيف : رورو ؟؟؟

    زاك : هذا دلعك وش رايك؟؟

    رهيف : أمحق من دلع .... قصدي حلو حلو مثل صاحبه
    << الحمد لله ما كان يعرف وش معنى أمحق وإلا كان تحطم >>
    وأخذتنا السواليف إلين وصلنا للبيتهم
    ومر الوقت وأنا مع (زاك) في بيتهم
    ماتركنا شيء إلا وسويناه لعبنا (بلاي ستيشن)و (مونوبولي)
    <<حتى أذكر اننا قعدنا نلعب فيها مدة 5 ساعات تقريباً وما خلصت مرة أنا أصير غني ومره أروح فيها>>
    وطبعاً ما نيست أعلمه أحسن لعبة عندنا اللي هي (البلوت) ههههه
    الصراحة أعجبته بس للأسف ما غلبني ولا مرة

    رحنا نلعب سنوكر << لعبت زاك المفضلة >> صكني 4 مرات مقابل لا شيء هع هع
    وعدا هاليوم على خير الحمد لله

    يتبع ....

  4. #3
    قمنا صباح اليوم الثاني
    طبعاً الفطور جماعي كالعادة عندهم
    << موب زينا ما نقوم إلا الظهر وزين إذا قومنا هع هع>>
    صار فيه حوار بسيط بين العائلة المحترمة
    سارة : يــبــه (أبي) دريت إنو (رهيف) راجع للسعودية ؟؟

    الأب : راجع !!! ليه عسى ما شر أبوك فيه شي ؟؟؟

    رهيف : الشر ما يجيك انشاء الله , لا بس الوالدة تعبانه شوي والظاهر إنها تودع ولازم أكون معها بهالوقت

    الأم : أمك صاير فيها شيء ؟؟؟

    رهيف : انشاء الله ما فيها إلا العافية لا تحاتي بس.
    والنشبة (سارة)من أول ما قعدنا وهي تدق فيني تبيني أتكلم أخرتها قالت
    سارة : رهيف .. ما ودك تقول شي لأبوي ؟؟

    رهيف : لا

    سارة : لا كني شايفتك متردد بتقول شيء

    الأب : خير (رهيف) في شي ؟؟

    رهيف : لا سلامتك بس حبيت أستأذنك ودي آخذ (سارة) معي للسعودية إذا تسمح ؟؟ الصراحة قالتلي انها ودها تروح هناك وتشوف العالم كيف عايشين وتشوف أعمامها وجماعتها وكذا يعني

    الأب : أمممممممم
    والله مدري وش أقول لك بس..
    أفكر وأرد لك خبر

    سارة : يــبــه (أبي) رهيف بيسافر بكرة
    متى يمديك تفكر
    أصلاً ما يبغالها تفكير
    يبه بليز وافق ودي أروح
    ودي أشوف المكان اللي كل صاحباتي يحشوني فيه

    الأب : أمممممم
    طيب على شرط !!

    سارة & رهيف : وشو ؟؟

    الأب : تاخذوا (زاك) معاكم ما يقعد هنا لحاله

    سارة(بتمتمه): يووووه هذا ناشب لي ناشب لي ييعني ؟؟

    رهيف : أبشر من عيوني أنا موافق
    بس بسألك سؤال ؟؟

    عمي انت فكرت بجامعته ؟؟؟
    الولد بآخر سنه بالجامعة وإذا رجعنا للسعودية يمكن نتأخر
    فالقرار قرارك
    تبيني أخذه أخذته
    ما تبي بكيفك ...

    الأب : (رهيف) تصدق المفروض يختاروك بدال (كونداليزا رايس<< وزيرة الخارجية الأمريكية)
    مشاء الله عليك عندك أسلوب
    على العموم
    خلاص أنا موافق
    << يا حظهم ما عندهم أم ترفض هع هع >>

    سارة : صدق ... أنت موافق ... تصدق أنا بطير من الفرحة .. أنا أحبك يا يبه (أبي) بروح أحظر أغراضي
    باخذ معي كل ملابسي وباخذ كل عطوري و ... وش كمان ؟؟؟
    أيوا وباخذ أهم شي بحياتي حبيبتي (سويتي) ....

    رهيف : سويتي ؟!؟!؟

    الأم : ايوا (سويتي) هذي دميتها اللي تموت فيها من وهي صغيرة

    سارة : يووووه يا (رهيف) لا تقول لي ما عندكم دمى بالسعودية ؟؟

    رهيف : عندنا وعندكم خير انت بس أطلعي جهزي أغراضك وبعدين نتفاهم

    سارة : طيب طيب الحين بروح هوى << يعني بسرعة زي الهوى
    ...وبعد ما راحت سارة...
    الأب : (رهيف) أنا والله مدري كيف أشكرك على الحركة اللي سويتها
    الصراحة أنا وعمتك من زمان ندور على شي يخليها تفرح مثل هالفرحة
    ما توقعنا إنها تبي تفرح إذا راحت للسعودية
    على العموم
    عطني رقم احجز خليني أحجز لها معك
    بس لا وصيك عليها
    ترى والله من غلاتك عندي وإلا كان ما وافقت لها

    رهيف : بعيوني والله بس لو تتكلم بالإنجليزي عشان أمها تفهم وش قاعدين نقول أنا وانت يكون أحسن

    الأب : هههههههههههههههههه

    رهيف : على العموم موعدنا بكرة أوكي
    يلا (زاك) ورانا جامعه نلحق عليها

    زاك : طيب

    الأم : (رهيف) لا تنسى تسلم لي على أمك وتقولها تقوم بالسلامه

    رهيف :يوصل يوصل.
    طلعنا من البيت ورحنا للجامعة
    أنا طبعاً أول جامعة وهو أخر سنه بالجامعة
    يعني كل واحد بجهة
    المهم
    دخلت على طوول على درس الحاسب << هذا جدولي
    حضرت آخر محاضرة لي بهالجامعة
    ودعت الدكتور اللي ودعني بحرارة بعد معرفة دامت بيننا لمدة 3 أيام بس...
    خلصت المحاضرة الساعة 3 جرينتش << بالتوقيت العالمي هع هع
    وبعدها رحت لغرفتي وشريكي (ميدو)

    ميدو : هاه (رهيف) بشرني عنك .. عملت اللي ألتلك عليه ؟؟

    رهيف : أول شي قول السلام عليكم

    ميدو : أنا اللي أسلم وإلا انتا !!! انتا اللي داخل عليا مش أنا

    رهيف : طيب طيب السلام عليكم خلاص ارتحت ؟؟
    على العموم
    سويت اللي قلت لي عليه بالحرف الواحد
    والخطه ماشيه تمام التمام

    ميدو : والله إني فرحان عشانك
    طيب دالوأتي خد راحتك إلين موعد سفرك
    إلا بزمتك إمتى موعد سفرك ؟؟؟

    رهيف : بكرى ... مالقيت غير بكرة

    ميدو : حلو حلو ... أوكي دالوأتي عندي محاضرة
    لازم امشي ...

    رهيف : أي والله تكون سويت خير عشان أنا نعسان من بعد المحاضرة والفيلم الخليجي اللي سواه الدكتور لوداعي

    ميدو : طب فتك بعافية << معناها / أتركك بعافية >>

    رهيف : الله معك حبيبي....
    خمدتها نومه من الساعة 4 إلى تقريباٌ حول الـ 7 << طبعاً تخللها الصلوات << لا تحسبوني تركتها

    ^
    ^
    ^
    {{ رهيف ... رهيف ... يلا قوم تأخرنا على الجماعة }}

    رهيف : مين ... ليل جي ؟؟؟

    ليل جي : ايه ليل جي من غيري يعني ..

    رهيف : هلا ليل جي مساء الخير أي جماعة اللي تأخرنا عليهم ؟؟

    ليل جي : أووب .. أمداك تنسى ؟؟
    نسيت إنو (مايكل) عازمنا على بارتي (حفلة) عنهم بالبيت عشان عيد ميلاد أخته

    رهيف : عيد ميلاد؟؟؟ ماقلتلي كذا أول ...
    على العموم
    ماني رايح

    ليل جي : منت رايح ؟!؟!؟ ليه

    رهيف : نسيت إنو احنا مسلمين ؟؟؟
    وماعندنا شي اسمه (عيد ميلاد)
    وإلا دينك تركته بمطار السعودية ؟؟؟
    ياخي انت شكلك ما تخرجت من ثالث ثانوي
    فيه درس بالتفسير اسمه (موالاة الكفار) << داافووورهههههه
    ياخي استح على وجهك

    ليل جي : ول ول ول
    مشاء الله عليك حتى هالدرس متذكره ؟؟
    لكن تصدق أنا غلطان اللي جيت كلمتك وإلا دعيتك
    أنا رايح ما علي منك
    سلام

    يتبع ....

  5. #4
    رهيف : تعال تعال ..
    خلاص خلاص بروح بس لاتزعل
    بس ياخي
    أنا خايف على نفسي يمكن أشرب حرام وإلا شي
    وأجرح إسلامي هناك ....

    ليل جي : تكفى يا (توم كروز)
    أقول اخلص انت بتجي وإلا لأ ؟؟

    رهيف : طيب انت اسبقني للسيارة وأنا بأغير وألحقك

    ليل جي : بس لا تتأخر
    تحط (ميك آب) وهالخرابيط
    ترى مايكل ماراح يستنا

    رهيف : ليه شايفني (ليل جي) ؟؟
    طيب ضف وجهك خليني أغير

    ليل جي : أوكي أنا استناك
    المهم وصلنا لبيتها
    دخلنا نسلم عليهم
    استقبلنا أبو (مايكل) وأمه الطيبين حييل
    الصراحة ما توقعت طيبين كذا
    جلسونا وقدموا لنا ....
    ^
    ^
    قدموا لنا ...
    ^
    ^
    ^
    القــهوة العربية !!!

    رهيف& ليل جي : قهوه ؟!؟!؟

    أبو مايكل : يس القهوه .... عشانكم سعوديين فقلنا لازم نضييفهم قهوه
    أنا عارف إنا مو قد المقام بس وش نسوي ؟؟؟

    ليل جي : طيب كيف سويتوها !!! أصلاً كيف عرفتوا الطريقة ؟!؟!؟

    أم مايكل : قبل 10 سنوات كان زوجي يشتغل عندكم بالسعودية بشركة نسيت اسمها
    وكان عندهم (قهوجي) وتعلم منه وبس

    رهيف : والله هالمصادفة ... طيب تعرف تتكلم عربي

    أبو مايكل : للأسف لأ
    بس أعرف (تسيف الحال) (علومكم يالربع) (تقهوا)
    بس...

    ليل جي(بالعربي) : اخص يعرف (بدوي)
    يمكن يكون من جماعتكم (رهيف)

    رهيف(بالعربي) : على تبن .. البدو تاج راسك فاهم....

    أبو مايكل : شكراً لكم يا (رهيف) و(ليل جي) على حضور حفلة بنتي (كاسي)

    ليل جي(بالعربي) : كاسي وإلا كاسك خخخخخخخخخخ

    رهيف(بالعربي) : ياخي استحي على دمك الرجال ماقصر معنا وضيفنا ضيافة سعودية وانت قاعد تتمصخر
    صحيح الهيل موب زين بس على الأقل عبر خشتك ...

    ليل جي(بالعربي) : طيب آسف عمي (رهيف) والله ما أعيدها

    أم مايكل : (ابو مايكل) وش قاعدين يقولوا بحكم معرفتك البسيطه باللغة العربية ؟؟

    أبو مايكل : على ما أظن انهم يشكرونا على هالضيافة << والله ما عندك سالفة

    ليل جي(فاطس من الضحك) : هههههههههههههههه
    رهيف سامع وش يقول هالشيبه

    رهيف(فاطس من الضحك) : سامع
    قال قاعدين نشكرهم قال
    هههههههههههههههههههههه

    مايكل : يلا شباب اتركوا أمي وأبوي يرتاحوا و تعالوا للصالة عشان نشارك الباقي بالحفلة

    ليل جي : طيب.

    نزلنا للصالة..
    وإلا هي (فــل)
    أغلبهم أخويا (مايكل)
    رهيف: لولو .. أخبرك قلتلي الحفلة تبع (أخت مايكل) موب (مايكل)

    ليل جي : يمكن هذا عندهم بأمريكا إنو الحفلات تكون جماعية

    مايكل : أختي قالتلي أعزم العزيزين علي
    عزمت 14 واحد غيركم بس

    رهيف(باستهزاء) : بس 14.. قليل

    مايكل : ايوا عارف قليل بس وش أسوي هذا اللي قدرت عليه

    .... : (رهيف) هنا !!!

    رهيف : مين ؟؟

    لورا : هذي أنا (لورا) وش نسيت ؟؟؟

    رهيف : (لورا) .. مر علي هالاسم بس وين

    ليل جي : بالمطعم يا غبي ما تذكر ؟؟

    لورا : (ريد روز)

    رهيف : ايوا ايوا تذكرت هلا (لورا) أقدر أخدمك بشي ؟؟

    لورا : أكيد تقدر تعال معي خلينا نسولف<< من متى المعرفه ؟؟

    رهيف : نسولف ؟؟؟

    ليل جي(بالعربي) : مين قدك يا عم

    رهيف(بالعربي) : يوووه منك ليل جي
    هذا اللي خايف منه من أول

    لورا : تعااااااااااال بس

    مايكل : (لورا) وين (ميشيل) ؟؟

    لورا : مدري .. يمكن مع (كاسي)

    مايكل : طيب اتركي مع (رهيف) وأنا و(ليل جي) بنروح نشوف اختي وش مسويه

    لورا : حلوو

    رهيف : لالالالا (لولو) خذني معك تكفى

    ليل جي(باستهزاء) : لا ياخي بروح أعيد على أخت (مايكل) هههههههههههه

    رهيف : طيب تعال خذني معك...

    لورا : وش اللي تعال... انت ما تبي تسولف معي ؟؟

    رهيف : لا القصة مو كذا

    لورا : أجل وش ؟؟ قولي اياها الحين سولفلي عن هالقصة ؟؟

    رهيف(بالعربي وبنفسي) : يخرب بيتك يا (ليل جي)

    لورا : طيب مادامنا سوا ليه ما تشرب معي عصير

    رهيف : طيب اللي تشوفيه.
    صبت لي عصير وقدمته لي

    رهيف : وشو هذا شمبانيا (خمر) << طبعاً التفكير سعودي

    لورا : خمر ؟!؟!؟ لا هذا عصير (خوخ) ليه فكرته (خمر)

    رهيف : لا بالعادة عندكم بالحفلات خمور

    لورا : وكيف عرفت ؟؟

    رهيف : بالأفلام طبعاً

    لورا : (رهيف)
    الأفلام غير .. والواقع غير
    احنا هنا ماعندنا هالخربيط
    احنا ناس محترمين
    أنا اصلاً ما عمري شربت (خمر) تصدق
    من يوم أنا صغيره وأبوي يمنعني عشان يحميني
    في الأفلام يبينولك إنو الأمريكيات كلهم ساقطات
    لا يا حبيبي ...
    على العموم
    حبيت أسألك
    قد مره حبيت ؟؟

    رهيف(ارتباك) : حبــ .. حبيت ؟؟

    لورا : أيوا حبيت يعني أغرمت بوحدة

    رهيف : آه يالحب معذبني

    لورا : ومن هي سعيدة الحظ ؟؟؟

    رهيف : للأسف ما صار فيه سعيدة حظ

    لورا : باين انو قصتك قصه سمعني

    وأنا أقولها كانت طول الوقت تتأمل فيني
    بنظرات كنت أحس إنها تسحب همومي كلها من داخلي وترميها بعيد
    مع كل كلمة وكلمه كانت تناقشني فيها
    يعني تفاعلت معي بشكل مو طبيعي
    << وبعد ما قلتلها القصة >>

    لورا : دلخة اللي تشوف مثلك وتتركك << والله لو اني (توم كورز) على قولت (ليل جي)

    رهيف : شايفه ... ومدري الحين وش اسوي




    << في الجانب الآخر من البارتي>>

    مايكل : (كاسي) هذا (ليل جي) صديقي وشريكي بالجامعة جا يبارك لك

    كاسي : ياهلا

    .......................l.......................... ......................
    تعريف بـ(كاسي) / كاسي أخت مايكل الكبيرة , تبلع من العمر الـ 26 سنه
    بس مشكلتها الحجم , وزنها يساوي تقريبا 110 << على كلام ليل جي
    .................................................. .....................

    يتبع ...

  6. #5
    ليل جي : مرحبا ..

    كاسي : مراحب مشكور على تلبيت الدعوة

    ليل جي : هذا واجبي اتجاه صديقي (مايكل)

    كاسي : يلا تعال معي نقطع الكيكة

    مايكل : وأنا ؟؟

    كاسي : وانت كمان ولا تزعل تعال




    << نرجع لجانبنا >>
    لورا : سمعت عن مغني اسمه (مساري)

    رهيف : (مساري) ؟!؟!؟

    لورا : ايوا (مساري) اللبناني الكندي ...

    رهيف : الأقرع ؟؟

    لورا : ايوا عليك لايت (لمبة) الأقرع ما غيره
    عنده أغنية أموووت أنا عليها
    اسمها
    )Real Love(
    تعرفها ؟؟؟

    رهيف : تستهبلي ؟؟ ومين ما يعرفها ؟؟
    أنا كمان أحبها

    لورا : أجل خلاص اقبلها مني هدية كعربون صداقه

    رهيف : للاسف ما اقدر

    لورا : ما تقدر ؟؟ ليه ؟؟

    رهيف : (لورا) أنا طيارتي بكرى العصر
    ويمكن ما أرجع هنا
    لورا(وعيونها تدمع) : ما ترجع .... ليه يا (رهيف) ؟؟؟ ليه ما تسافر وتتركني
    أنا وش سويت لك ... أنا لو بغيت عمري فديتك
    ليه حظي دائماً زفت كذا
    God(الله)

    رهيف : مظطر صدقيني مظطر وإلا ماكان سافرت بهالسرعة
    وانتي ما جا منك إلا كل خير والله
    الود ودي ما أسافر بس وش أسوي < كذاااب

    لورا(بنظرات حزن) : مظطر ...

    وتركتني وطلعت برى الحفلة
    رهيف : تعالي .. لورا تعالي ما كنت أقصد أزعجك .. لورا
    يووووووووووووووه أنا وش سويت ؟؟ أنا وش سويت ؟؟؟


    === بهاللحظة ===

    كاسي : تسمعوني ....
    ون تو ثري
    ايوا كذا كويس
    أول شي حبيت اشكركم على حضور حفلة عيد ميلادي المتواضعة
    شكراً ألف شكر لكم
    والحين بقطع هالكيكة << ما صدقت على الله
    << بعد قطع الكيكة >>

    كاسي : (مايكل) مين هذاك اللي هناك بالزاوية اللي شكله موب عندنا بالحفلة ؟؟

    مايكل : هذاك (رهيف) صديق (ليل جي) من السعودية دعيته مع (ليل جي)

    كاسي : بروح أكلمه أشوف وش فيه شكله موب مبسوط بحفلتي

    مايكل : خذي راحتك << خووش مافي غييرة على أخته
    جت لي بنت الناس وقالت :

    كاسي : (رهيف)

    رهيف : هاه .. أي خدمة

    كاسي(ضاحكة) : ههههههههههههه لا بس حبيت اعرف وش اللي شاغل بالك عن حفلتي ولا جيت باركت لي
    وإلا احنا ما نستاهل ؟؟؟

    كاسي : لالا بس فيه كم شي شاغل بالي
    لا تهتمي
    على العموم
    آنا أسف وحقك علي
    وهابي كريسمس << فضيـــحة

    كاسي :
    ههههههههههههههههههههههههه
    يا حلوك ...
    الكريسمس هذا مولد المسيح موب أنا
    لالا عادي ماصار شي
    بس تصدق انت الوحيد اللي لفت انتباهي بهالحفلة

    رهيف : انا ؟؟

    كاسي : ايوا انت من أول وأنا اراقبك ..
    إلا صحيح سمعت من (مايكل) إنك بتسافر بكرى للسعودية
    صحيح ؟؟

    رهيف : ايوا صحيح
    على العموم
    أنا برجع للبيت حاس نفسي تعبان
    باي

    كاسي : طيب كيف بترجع وأخوي ناوي يسهر الليلة عندنا ؟؟

    رهيف : التكاسي مالية البلد

    كاسي : تكاسي الساعة 1 الفجر
    لالالا تكسي لا
    أنا بوصلك

    رهيف : انتي ؟!؟!؟ طيب وحفلتكي؟؟

    كاسي : كلها خمس دقايق اللي بغيبها بس مافي مشكلة
    يلا مشينا << أخت بدوى هع هع

    رهيف : شكرا ..

    كاسي : العفو
    << وبعد ما وصلتني لسكن الجامعة >>

    كاسي : (رهيف)
    Nice To Meet U
    (سررت لقائك)

    رهيف : وأنا أيضاَ

    كاسي : طابت ليلتك ...

    رهيف : طابت ليلتك
    دخلت وأنا مشغول بالي باللي صار
    وأقول في نفسي

    رهيف : أنا وش اللي بلاني بهالبلوى
    أنا أصلاً وش اللي خلاني أتعرف على (منى) وأحبها
    وليش أنا جاي هنا
    أنا جاي عشان أدرس مو عشان الحب وهالخرابيط
    بس والله كسرت خاطري (لورا)
    مسكينه ما تستحق كل هذا
    يا رب أنا أبي أرووح عن نفسي مع واحد بس كيف؟؟
    وكل اللي يكلموني (بنات)...
    يا رب ابي على الأقل أكون مرتاح نفسياً عشان أكمل دراستي
    مابي شي يشغلني
    أقول خليني أصلي (ركعتين) وأحط راسي وأنام احسن لي


    ^
    ^
    ^
    {{ هيي ياااااو رهيف قوم يلا }}

    رهيف : مين...

    سارة : مين يعني ؟؟ ما عرفتني ؟؟ أنا (سارة)

    رهيف : هلا سارة

    زاك : يلا قوم بلا كسل يلا وراك رحلة طويله

    سارة : يلا رهيف قووم بسررعة بنروح للسعوية << طايره من الفرحة

    رهيف : طيب طيب ليش جاي بدري يا (زاك) ؟؟

    زاك : والله (سارة) من امس ما نامت من الفرحة ذبحتني كل شوي مقوميتني تقول يلا خلينا نروح

    رهيف : يا حليلها .. طيب طيب انتي جاهزه ؟؟

    سارة : ايوا أكييد وشنطتي بالسيارة

    زاك : وين شنطك ؟؟

    رهيف : للأسف ما أمداني أرتب اغراضي

    سارة : ما أمداك ؟؟؟ طيب ليه ؟؟؟

    زاك : (سارة) بلا لقافة وخليه يرتب أغراضه الحين واحنا بنروح نفطر

    رهيف : لالا استنى أنا بروح كمان بفطر معكم وبعدها أبي أروح للحلاق

    زاك : طيب مو مشكلة يلا غيير وتعال احنا بالسيارة قبل ما يجي خويك اللي بغرفة ويفضحنا

    أفطرنا وخلصنا ووداني للحلاق شلت الدقن وحددت الـ(سكسوكة) كالعادة << سعودي مو ..

    ورجعنا للسكن وقعدت أرتب أغراضي وقرابيعي
    سارة : انت ما قلتلي إنو فيه واحد معك بالغرفة مصري اسمه (ميدو) وينه ؟؟

    رهيف : والله مدري عنه ؟؟ أكيد ما باقي مصاريا الجامعة يدشر معهم...

    سارة : اها... طيب على العموم أنا و(زاك) بالسيارة إذا خلصت تعال

    رهيف : أوكي اسبقوني .. عشر دقايق وأنا جاي

    زاك : أوكي
    << طلعوا... >>

    رهيف : الحمد لله خلاصت تضبيب أغراضي وأخيراً برجع حبيبتي الرياض
    يا بعدهم والله
    وحشتني الرياض حيييل
    على الأقل هناك مافي هم ولا غم مثل اللي هنا
    أنا قلت يمكن أغيير جو هنا
    بس للأسف
    على العموم
    ربك ييسر....

    {{ طق طق طق<<< الباب }}



    مين يا ترى جايني هالحزة ؟؟
    تابعوني بالفصل الجاي

    اللي بعنوان
    >> وداعاً أمريكا <<



    بس لا تخافوا
    ماراح أذلكم شهر


    بس فاصل ونواصل .....
    << استراحة بين الشوطين >>
    هع هع

    (سنعود بعد الفاصل .........)

    :::::::::::::::::::::::::::::::::::::::::::::::
    الإعلانات التجارية

    تن تن تن
    ::::::::::::::::::::::::::::::::::::::::::::
    هذه الرواية برعاية



    بيبسي ... خليك قدها



    توكس ... لواحد مش لتنين



    ريد بوول ... بيعطيك جناوح


    ::::::::::::::::::::::::::::::::::::::::::::

    عدنا .....

    عنوان الفصل
    >> وداعاً أمريكا <<

    :: نسترجع الأحداث ::

    وحشتني الرياض حيييل
    على الأقل هناك مافي هم ولا غم مثل اللي هنا
    أنا قلت يمكن أغيير جو هنا
    بس للأسف
    على العموم
    ربك ييسر....

    {{ طق طق طق<<< الباب }}

    رهيف : الباب مفتوح ..

    لورا : هاااي رهيف

    رهيف : لورا !!!!

    لورا : آسفة على اللي صار أمس
    سامحني
    بس كانت أعصابي تعبانه شوي

    رهيف : لا ما عليكي
    ما صار شي

    لورا : رهيف انت من جد بتسافر ...

    رهيف : وش رايك ... منتي شايفه هالعفش هذا ..

    لورا : طيب بترجع ؟؟

    رهيف : ما أعتقد ذلك

    لورا : يعني ما في أمل أشوفك مرة ثاني ..

    رهيف : تشوفيني ؟؟؟ ليه ؟؟؟ تبين مني شي .. آمري ..

    لورا : لا بس حبيت السواليف معك ...
    على العموم بعطيك تذكار ...
    خذ هذا الـ(جيتار) ...

    رهيف : جيتار ؟!؟!؟

    لورا : أيوا جيتار أجل وش شايف قدامك
    هههههههههههه
    طيب وانت ما ودك تعطيني تذكار وإلا شي ؟؟

    رهيف : أمممممممممممم
    إلا أكيد أكيد
    <<وش هالنشبة هذي>>
    أممممممممممممم
    دقيقة أطلعلك اياه من الشنطة.

    لورا : خذ راحتك .
    انا مدري وش أعطيها
    قلبت شنطتي على شي ينعطى
    بس للأسف ما طلع معاي إلا
    >> !!! جوالي !!! <<
    أي نعم جوالي << طبعاً بالشريحة الأمريكية
    والله الصراحة الموقف اللي كنت فيه موب هوين
    على العموم

    لورا : جوالك ؟!؟!؟
    (رهيف) بس هذا كثييير

    رهيف : لا كثير ولا شي انتي تستاهلي أكثر

    لورا : طيب كيف بتاخذ جوال ثاني ...

    رهيف : وش هاللسؤال الغبي ؟؟ يوم أوصل الرياض أروح لأي محل واشتريلي أجدد نوع ما فرقت ...

    لورا : واو يعني عندكم بالسعودية أي واحد يقدر يشتري أجدد نوع ؟؟

    رهيف : ليه حرام هنا ؟؟

    لورا : لا مو حرام بس هنا أسعار الأجهزة غاليه

    رهيف : اها المهم رقمي السعودي بتلاقيه مخزن بالجوال
    أي شي تبيه دقي علي أنا حاضر

    لورا : مرسي باكو (رهيف)

    رهيف : العفو ..
    يلا باقي على طيارتي ساعتين
    لازم الحق الطيارة
    إلى اللقاء ..

    لورا : إلى اللقاء (رهيف)
    ما راح أنسى أدق عليك كل ما احتجت شي ,,
    إلى اللقاء.

    طلعت (لورا) وأنا شلت شنطتي ورحت للسيارة وحملتها ورحنا للمطار
    رحت أقطع الباسبورت (كرت صعود الطائرة)
    وخليت (سارة) مع (زاك) يستنوني
    ودار بينهم هالحوار..

    زاك : تصدقي يا أختي ...
    هذي أول مرة راح نفترق ....
    مدري كيف بصبر على بعدك ...

    سارة : آآآآه يا خوي
    لذي الدرجة راح أوحشك
    ولا يهمك
    انت بس جيب شهادة ترفع راس (أبونا)
    وتعال على طول لنا

    زاك : يووه يعني بنتظر إلين تخلص السنه
    على العموم
    تروحي وترجعي بالسلامة
    << بعد هالبربرة >>
    ودعت ولد عمي (زاك)
    وركبنا الطيارة ورجعنا للسعودية

    يتبع ....

  7. #6
    طبعاً طول الرحلة ما تقفل فم (ساره) أبد
    كله أساله

    كيف الجو عندكم هنا حر وإلا برد ؟؟؟
    طيب عندكم كوفي شوبات وإلا لأ ؟؟ << شف التفكير
    إلا صحيح انتوا سكنين بخيام وإلامثلنا بفلل خشب وإلا وش ؟؟

    المشكلة كل سؤال بجهه
    يعني ولا واحد يقرب للثاني بشي ....
    وطبعاً انا على نياتي أجاوبها وأنا ساكت << كيف تجي ...
    بس كنت أحسها فرحانه من قلبها على السفره للسعودية
    ما ألومها والله
    وصلنا المطار بالسلامة بعد رحلة طويلة بالنسبة لي والعكس بالنسبة لـ(سارة)
    وقبل ما ننزل من الطيارة...

    رهيف : (سارة) اسمعيني زين...
    بعد ما نطلع من المطار إذا كلمنا أي واحد .. إذا كلموكي أصلاً .. ابيكي تقوليله إنك أختي أو زوجتي
    أوكي

    ساره : زوجتك ؟!؟!؟
    تستهبل ؟؟
    أنا أكبر منك بكثيير وأكون زوجتك ؟؟

    رهيف : لا يا هبله
    ما بالحقيقة
    طيب خلاص خلاص قوليلهم إنك اختي وبس

    ساره : طيب ليه ؟؟

    رهيف : ليه الله مير يسلمك في عندنا ناس يسمونهم الهيئة ..

    سارة : الهيئة ؟!؟!؟
    من هم الهيئة ؟؟؟

    رهيف : يوووه مشواار والله اشرحلك
    <<والله توني أعرف قيمتهم الله يجزاهم بالخير بس >>
    انتي بس قولي انك اختي ويصير خير ..

    سارة : من عيوني يا أحلى ابن عم بالدنيا

    رهيف : ساره ... وش قلنا ...

    سارة : أوه آسفه ...
    يا أحلى أخو بالدنيا

    رهيف : ايوا عفيه عليكي
    يلا مشينا
    بس تعالي انتي معاكي عباية ؟؟

    ساره : وش عباية ؟؟
    قصدك هذا الشي الأسود اللي يلبسونه عندكم ؟؟؟

    رهيف : ايوا هذا هو
    معاكي ؟؟

    ساره : ومن وين لي يا حسرة

    رهيف : طيب وش بنسوي الحين
    من وين بندور لك عباية ؟؟

    ساره : أنا عندي فكرة ؟؟
    ثواني بس

    وراحت لحرمة قاعدة جنبنا

    سارة : اكس كيوزمي مس
    أنا ساره وحدة من السعوديات العايشات بأمريكا طول حياتهم << قصة حياتها ...
    وما عندي عباية
    فإذا عندك وحدة إضافية
    ممكن تعطيني اياها وأدفعلك السعر اللي تبغيه ؟؟

    << من حسن حظها إنها طلعت عجيز >>

    العجيز : والله يا بنيتي ما أعرف وش تقولين بالضبط بس الظاهر ناسيه عابيتك هناك
    على العموم
    عندي وحدة زايدة بالكيس اللي معي تفضلي ...

    ساره : واااااااااااااااو
    ثانكيو فيري ماتش

    العجيز : وجع حتى كلمة شكرا ً ما تقولها
    يلا على رأي المثل
    " خير تزرع شر تلقى "

    لبستها العباية والطرحة والحركات

    سارة : هاه ... كيف ؟؟
    طالعة قمر وإلا ؟؟

    رهيف : 14 بعد يلا نزلنا

    وبعد ما نزلنا وأخذنا شنطنا
    وأنا طالع ....مسكت يدي سارة وأشرت على شخص

    سارة : (رهيف) هذا مو ... مو ..

    رهيف : إلا هو بس وش جابه لمطار الرياض و كيف عرفتيه أصلاً ؟؟

    سارة : تحسبني ما أتابع أخبار السعودية ؟؟؟

    رهيف : طيب وش اسمه ؟؟؟

    سارة : اسمه ....

    (سنعود بعد الفاصل .........)

    :::::::::::::::::::::::::::::::::::::::::::::::
    الإعلانات التجارية

    تن تن تن
    ::::::::::::::::::::::::::::::::::::::::::::
    هذه الرواية برعاية



    بيبسي ... خليك قدها



    توكس ... لواحد مش لتنين



    ريد بوول ... بيعطيك جناوح

    ::::::::::::::::::::::::::::::::::::::::::::

    عدنا .....

    ساره : على ما أظن يــاسر الكهتاني << قصدها ياسر القحطاني

    رهيف(فاطس من الضحك) : الكهتاني
    خخخخخخخخخخخخخخخخخخخخخخخخخ
    لا يسمعونك بس يا بنت وإلا كان رحنا وطي عند العربان

    سارة : (رهيف) ما همني عربانك هذولي أنا بروح أكلمه ..

    رهيف : وين وين تحسبين نفسك بأمريكا الوضع فري ؟؟
    هنا يا حبيبتي ما عندنا بنات يكلمون رجال
    حتى لو كانوا معجبين ...
    على العموم
    بتشوفيه كثيير ما عليكي
    احنا بس خلينا نطلع ونروح البيت وبعدين يصير خير

    سارة : يووووووووه يا (رهيف)
    خلاص خلاص

    رحنا للمواقف .. ونركب سيارتي (البي إم) << تذكرونها

    سارة : واااااااااااو
    Bmw
    كيووووت تصدق أول مرة أركب (بي إم)
    (رهيف) بلييييز أبي أسوقها وانت دلني على بيتكم ..

    رهيف : تسوقين .. هذا اللي ناقص ..
    سوري با بنت عمي بس سيارتي ما يسوقها أحد غيري .. هذا شي ..
    الشي الثاني .. ممنوع سواقت البنات عندنا هنا ..

    سارة : طب ليه ؟؟

    رهيف : تبين تعرفين يعني ..
    أوكي
    بطلعكي مرة ندور بالرياض ..
    وبعدي بتعرفين ليه ؟؟

    سارة : يووووه منك بس ..


    يتبع ..

  8. #7

    ^
    ^
    ^
    ^
    >> عمي ... وحشتني مووووت <<

    الوالد : مين سارة ...

    سارة : ايوا سارة دلوعتك نسيت ؟؟

    رهيف : دلوعته .. هذا اللي ناقص ..<< الغيرة...

    سارة : ايوا عندك مانع ..

    الوالد : (رهيف) وش رجعك .. لا تقولي انفصلت ؟؟

    رهيف : قصة طوييلة بعدين أقول لك ..
    سارة : إلا صح عمي .. وين عمتي ؟؟

    الوالد : بالغرفة ... رح سلم على امك .. لها يومين وهي تقول ولدي بيرجع .. تقول حلمت فيك ..

    رهيف : يسعدكي يا أمي .. وربي وحشتني موووت
    يمااااااااا .. يمااااااااااا

    الوالدة : رهيف ..
    رهيف هذا انت ... الحمد لله .. الحمد لله على سلامتك حبيبي .. تعال تعال يا روح أمك ..

    رهيف(يبكي) : يماااا ... يماااا .. وحشتيني يماااا ..

    الوالدة : وانا أكثر والله ... كيف كانت سفرتك حبيبي إنشاء الله خير ..
    عندي لك بشارة ...

    رهيف : وشي ؟؟

    الوالدة : أنا .. أنا ... حــ .. حامل ...

    رهيف : حامل .. والله .. يعني بيصير عندي أخو ...

    سارة :بيبي .... ألف مبروك (رهيف) بيصير عندك اخو أو أخت الله أعلم ..

    الوالدة : مين ؟؟؟ شكيرا ؟!؟!؟
    << شافت الشعر الأشقر .. وهي ما تعرف غير شكيرا من الغرب...>>
    آفااا .. هذي أخرت تربيتي لك يا ولدي
    تروح أمريكا وتتزوج هناك وما تقولي ..
    وتترك بنات بلدك هنا ..
    وما لقيت غير هالساقطة ..

    رهيف : يما هذي موب شكيرا ً...
    هذي بنت (راشد) (سارة)

    الوالدة : بنت (سندي) ؟؟ مشاء الله .. آسفة يا بنتي ما عرفتك ..
    معذورة .. آخر مرة شوفتك فيها كان عمرك يا دووووب 6 شهور ..

    سارة : (رهيف) !! وش تقول أمك .. أنا ما افهم عربي ..

    رهيف : تقول أخر مرة شافتكي فيها كان عمرك 6 شهور .. وما توقعتك بهالحلاوة ..
    حتى شبهتكي بـ(شكيرا)

    سارة : ما حصل لـ(شكيرا) أصلاً .. يكفيني إني سعودية ..

    الوالدة : (رهيف) .. وش تقول هذي ؟؟

    رهيف : أنا بشتغل مترجم لكم .. يماا هذي تقول ما حصل لشكيرا هالحلاوة ..

    الوالدة : إيه بالله ما قالت شي غلط ..

    رهيف : يماا وين جوالي ..

    الوالدة : شوفه بغرفتك على الشاحن ...
    حاطيته على الصامت من يوم رجعت من جدة ولا مسكته من ذاك اليوم ...
    (سارة) يا بنتي اقعدي معي شوي بسولف معك..

    رهيف : باللهي عليكي كيف بتفهميها ؟؟

    الوالدة : أنا وهي نتفاهم انت بس رح خذ جوالك وشف شغلك وأنا بقعد معاها ..
    تعرف كلام كبار ما ينفع لك .. << صريحة

    رهيف : أفاا هذي اخرتها يماا

    سارة : الحين فهمني وش قاعدين تقولون ..

    رهيف : سلامتك انتي اقعدي هنا وأنا عندي كم شغلة بخلصهم وارجعلك ..

    سارة : أوكي بس لا تتاخر .. أبيك توريني باقي غرف قصركم .

    رهيف : قصر ؟!؟!؟
    هذي فلة يا دلخة مو قصر ..
    على العموم
    يصير خير ..

    يتبع ..

  9. #8
    ^
    ^
    ^
    ^
    رهيف : ألو السلام عليكم ..

    ؟؟؟ : وعليكم السلام .. هلا والله (رهيف)

    رهيف : هذا موبايل منى ؟؟ ممكن أكلمها ..

    ؟؟؟؟ : ايه جوالها .. انا بنت خالتها (ريم) ..
    وإذا كنت تبي (منى) كلمها على تلفون المستشفى

    رهيف / مستشفى !!!!

    ريم : إيه مستشفى .. ليه ما تدري ؟؟

    رهيف : أكيد تمزحين .. يلا بلا مزح وعطيني (منى)
    أنا عارف غنها قالتلي لا تدق على جوالي مرة ثانية ..
    بس ولهت عليها وش أسوي ..

    ريم : (رهيف) ياقلبي (منى) بالمستشفى ..
    بالعناية المركز بعد ..

    رهيف : أكيد تستهبلين ... وين بس وين ..

    ريم : خذ العنوان ...

    رهيف(منفجع) : ريم واللي يرحملك والدينك .. قوليلي وش فيها ...
    خوفتيني ..

    ريم(بصوت حزين) : سرطان ..!!!!
    (رهيف) (منى) فيها سرطان رئة ..

    رهيف : أنا قايل فيها شي ... مو معقوله تقولي هالكلام ..
    ثواني بس وأكون بالمستشفى ..

    ريم : (رهيف) باللهي لا تسرع ... تراها بخير .. وربي بخير ..

    رهيف : بعد هالكلام كله وتقوليلي بخير ...
    ماراح أطمن ليه اشوفها ,,,

    ريم : أصيل والله .... يا حظك يا منى ..

    رهيف : >سكر الخط بوجه (ريم)<

    بعد هالكلام .. على طول على الباب .. وعلى طريقي مفتاح الددسن ..
    <<مالقيت غيره وبذاك الوقت ما كنت اشوف قدامي شي ..>>

    على الكراج ... على السيارة ... على السويتش ... على الـ الآر<< الجير

    وأنا طالع ...

    سارة : (رهيف) وين رايح ؟؟

    رهيف : ............

    سارة : مايهم أنا جايه معك ؟؟

    رهيف : وربي مو فاضيلك .. أبي اقعد لحالي.. انزلي ..

    سارة : (رهيف) قولي وش فيك .. شكلك مو عاجبني ...
    وجهك أحمر زي (الطماطه)
    وعيونك تدمع ..
    قولي بس وش فيك ..

    رهيف : أركبي وبالطريق أقولك ..

    والله وركبت بنت الناس ... ما صدقت خبر ..

    ^
    ^
    ^
    ^
    ^
    ^
    ^

    سارة : وش ريحة البعارين هذي ...
    وعععع قرف ...

    رهيف : قرف ؟؟؟
    وش دراكي عن الدنيا ...

    >> الجوال <<

    رهيف :..........

    ريم : قوه رهيف .. وش فيك ما تحكي ..
    على العموم
    خالي بيجي بعد ساعة كذا للمستشفى ..
    يعني عندك مدة ساعة تقدر تقابل فيها (منى)
    بسرررعة لا يشوفك خالي .. وبعدها يسويلنا مصيبه ..

    رهيف : أنا بس ثانية تكفيني ....
    مابي غيرها شي ..
    ماقصرتي ريمووه ..

    ريم : العفو اخوي ..

    سارة : رهيف .. مين هذي ؟؟

    رهيف : بعدين .. بعدين مو الحين ..

    سارة : يوووووه

    وصلنا المستشفى ...
    رحنا عند الإستقبال ..

    رهيف : أخوي ممكن لو سمحت تشوفلي (منى محمد الـ .... )

    الإستقبال : دقيقة شوي ...
    منى .. طلعت من العناية .. غرفة 111

    رهيف : اوكي اخوي يعطيك العافية ..

    واحنا بالممرات ..

    سارة : (رهيف) شوف فيه مرضى كثاااار ..

    رهيف : وش رايك يعني ؟؟
    احنا بمستشفى وش متوقعه نشوف ..

    سارة : رهيف وش فيك تكلمني كذا ..

    رهيف : سارة أتركي رهيف باللي هو فيه الحين ...

    ^
    ^
    ^
    ^
    ^
    ^
    ^

    السكيورتي : وين يالطيب ..

    رهيف : غرفة 111

    السيكورتي : انتهى وقت الزيارة .. من ربع ساعة تقريباً ..

    رهيف : يرحملي والدينك .. بس خمس دقايق ..
    توني داي من سفر وابي أشوف أختي ...

    السكيورتي : والله ودي .. لكن هذا النظام...

    رهيف : ابوس راسك ... دقيقة بس ..

    السكيورتي : اسمحلي ما أقدر ..

    تدخلت سارة ....

    سارة (بوجه يكسر الخاطر) : بليز .. بليز ..
    ماي سيستير ويل بي دايد ..
    بليز .. ليت أص تو سي هير
    جست ون مينت ...
    << + دمعتين على الخد >>
    الترجمة / أرجوك أرجوك
    أختي بتموت الحين ..
    أرجوك .. خلينا نشوفها
    بس دقيقة وحدة...

    السكيورتي : خلاص خلاص بدخلكم ..
    كسرتوا خاطري ..
    الحمد لله على سلامتكم ويلا ادخلوا ..
    بس بسرعة ..

    سارة : ثانكس ...
    يو آر قود قاي
    الترجمة / شكراً
    انت ولد كويس << ابوك يالترجمة

    ساره : يلا رهيف روح ..

    رهيف : شكراً ..

    وصلنا الغرفة ..

    دخلنا الغرفة ...

    رهيف : -------


    (سنعود بعد الفاصل .........)

    :::::::::::::::::::::::::::::::::::::::::::::::
    الإعلانات التجارية

    تن تن تن
    ::::::::::::::::::::::::::::::::::::::::::::
    هذه الرواية برعاية



    بيبسي ... خليك قدها



    توكس ... لواحد مش لتنين



    ريد بوول ... بيعطيك جناوح

    ::::::::::::::::::::::::::::::::::::::::::::

    عدنا .....


    وصلنا الغرفة ..

    دخلنا الغرفة ...


    هذا آخر ما كتبه رحمه الله biggrin
    ==================================

    هاه وش رايكم ..

    على العموم

    أوعدكم التكمله قريب



    إيميل المعجبين ...

    أي استفسار أي شي ...

    Just Add Me

    Rhif-alehsas@hotmail.com


    أو ببرنامج Skype (السكاي بي)

    على الحساب التالي :

    Music4araB

    تحياتي..

    تشاوتشاو

  10. #9
    مشكور خيوووو على التكملة الروووعه

    وزي ما وعدت رهيف اني راح ارد اول واحد

    وشكرا

    وانتظر الباقي
    اخر تعديل كان بواسطة » A.M Leader في يوم » 09-05-2007 عند الساعة » 17:48

  11. #10
    ثااااااانكس أخوي ع التكملة ..<<<<طلعت روحنا عليهاermm
    بس عاذرينك ..smile

    وانشالله نشوف التكملة جريييب<<<<بعد 6-7 شهووورانشاللهbiggrin
    attachment

  12. #11
    صراحة ماصدقت انك كملتها بس مشكور ولا تعيدها مره ثانية
    attachment

  13. #12
    شكراا شكرراا وايد وايد كتير كتير الوت الوت ^ـــــــــــــــــــــــــــــ^
    aba4903645

  14. #13

  15. #14

  16. #15

  17. #16

  18. #17
    واو القصة روعة وانا اول مرة اقراها واول شي قريت الفصول القديمة وكملت هذي الفصول ننتضر التكملة رجاءا انزليها باسرع ما عندك ^_^
    e98cffeb34b1820b74582a8ebe23a115
    Click here to feed me a Star Fruit!
    اطعمو بوكيموني الصغير لحتى يكبر بليز اضغطو اللينك ومشكورة^^
    stuwp4lryf6l

  19. #18
    بلــــــــــــــــــــيز كمل القصة..

    مشكور على التوقيـــع الرائع من الاخ المبدع (saher)..
    انتظروا يوميات شله الزاحفات

  20. #19
    اقوووووووووووووووووووووول ما صارت قصه
    عجلك شوي

  21. #20
    لو سمحت نبي تكمله القصه بلييييييييييييييييز..

الصفحة رقم 1 من 2 12 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter