مشاهدة النتائج 1 الى 7 من 7

المواضيع: العزبة scho0ol

  1. #1

    Talking العزبة scho0ol

    السلام عليكم

    شحالكم .. كلن بحاله .. ؟

    لعـــــزبة sChoOL ^__^ قصه تجتل من الضحك,,,وان شاء الله تعيبكم

    بو كرشة:دلوءتي قودامي بنسير عند المدير، المصخرة دي ما تمشيشي عندنا في

    العزبه هنا هو .

    عند المدير << -- متفيزر ع حصير تحت الغافه وفارش مواعينه وقراطيسه.


    ودخل الاستاذ بو كرشه ساحب وياه صنقور وبلال. <--انتوا طاعوا الاسامي بس كم

    تسوا

    بو كرشه : اندوك هايلا مش عاوزهم في كلاسي .. يتكافخون بالتكي، وجلعوا

    البنكه
    وجبوا غوري الزعتر وخيسوا لاب توبي عصير جت وشعير، وعندهم شيط ميط

    وفلعوني


    بالتيله ع مناخيري، ما يصحش الكلام دا .. دول بيخربوا اثاث العزبه.


    وقرر المدير معاقبتهم بأنهم يصطنون ع العرقوب وتصقعهم الشمس ويرفعون

    ايديهم

    ويلبسون سويتر، ويوقفون ع ريل وحده ويعلقون يونية بصل في اذنيهم لين صلاة الفير.

    لكن هيهات هيهات .. صنقور وبلال ما يازتلهم الرمسه.

    بطوفهم مباراة محضة وحتا اللي في ليوا، ووراهم خط من سويحان لين ليوا ..

    بلال: يا ريال حرقتني الرمضه ورويلاتي عورني

    صنقور: خلني افكر في حركة حنيشية عشان نشرد و نتلاحق المباراة.

    بلال: الله ياخذ بليسي نسيت سالفة المباراة.


    صنقور: ابويه شغل هاليحه ابركلك وفكر ويايه.

    طوطـيـنـــــــــــــ ــــــــــــــــــــ ــــــــــ
    ــق


    بلال: انزين مب نحن نبى سيارة ؟؟


    صنقور: يس يس


    بلال: شو رايك نهف سيارة المدير اليديدة عشان يتادب مره ثانيه ما يوقفنا في

    الشمس ..بنسرح بها وبنردها قبل صلاة الفير وبنرد نصطن ع العرقوب ولا جنه

    استوي شي


    صنقور: انته عنز ولا عنز ، شقا نسرق السيارة، دايركت بيعرفون انه نحن لانه ما

    بنكون

    موجودين .. بلاك مستوي ذكي ؟!


    بلال: جوف يا صنقور .. بنقلص صخلتين من درس العزبه

    وبنلبسهن كناديرنا << اسميهن بيعيّدن..

    وبنعلق يواني البصل في اذنيهن ..

    لكن المشكلة شقا نتفجج من بو كرشه النشبه ... !!!!!

    صنقور: عادي بنشغل له حسين الجسمي ( ايه يعني غرامك ودعني ) بيستلبس ولا

    بيدري بالدنيا اسميه بيتعذب بيتذكر مُهقه.

    وتمت الخطة بنجاح .. وضربوا خط لين ليوا

    وخلصت المباراة بعد فوز حتا ع محضة صفر صفر ..

    اسميهم رشوهم رش .. واستوت ضرابة خاري بين مشجعين حتا ومحضة وقاموا ي

    يتفالعون بغراش الماي والفراخ .. و صنقور وبلال يلقطون الفراخ المتنثر اونه

    مؤونه حق الدرب ..

    في الدرب .. بلال قام ينود ويشوح ويلات بالسيارة مره يمين ومره ريوسي ومره

    عكاسي و صنقور متيبس في محله وميود السيت لين ما نشع السيت من محله ..

    حرج صنقور وقال وراسك خلني اسوق انا عنك وانته انقز ارقد في الكرّيل .. و

    قبض السكان يتحسب عمره يلعب بالسوني ..

    ويعطيه فول ريس والقيج وصل 240 ...و لا يدري انه الرادار يصوره عسب يحط عليه

    مخالفات .. يتحراه كيمره تصوره عشان يسووله يواز ..

    وصلوا سويحان قبل لا يقول الديج كوكوكوكو .. صفوا السياره تحت الغافه

    وتلثموا بالسفره وربعوا صوب العرقوب وينقزلهم بو كرشه وهو لابس صروال مخطط

    ويا جاكيت برتقالي وكافخ اب هالحزام عشان ايود هالكرشه ..

    و ايير الحزام عشان يشلخبه ابهم ..

    واذا بي

    طاحت الكرشه .. ويتوهق بو كرشه ..

    انها فرصه ليس كمثلها فرصة ..

    وغبروا عليه عطوها شرده .. << -- الشرده نص المريله

    ورقوا العرقوب..

    وقف صنقور يراقب و بلال سار يلقط حنظل عشان بيبدون الحرب ..

    لحقهم المصري بو كرشه .. لكن ما رام يرقى العرقوب .. كل ساعه يطيح ع خشمه


    قالوله : تبى تزخنا.. اول تلعب ويانا حرب بالحنظل انته ومديرك هذا بو الفول ..

    واذا نحن فزنا انتوا تصطنون بدالنا وتلبسون سويتر وترفعون ايدكم وتعلقون يونية بصل في اذنيكم.


    بو كرشة:حاضريين حاضريين .. اروح اناديه دلوءتي


    صنقور:اقولك .. ع دربك هاتلي عصير بيبسي وانته بلال شو تبى ..<-عصير بيبسي

    اونه

    بلال:ابى عصير جوكليت ..<--ها متطور

    وتيمعوا المصاروه ع راس عرقوب .. والشباب ع راس عرقوب ثاني ..

    وكل فريق مزر يوانيه حنظل وكنكري ..

    وبدت الحرب .. اول حنيظله << -- تصغير ويراد به للتقرب والتحبب ..

    رست ع قرعة بو الفول ..

    فوّل بو الشباب وقال الا افلعهم مثل ما فلعوني و ارد الصاع صاعين .. ويسحبله

    حنيظله .. ويريوس ويريوس ويريوس اونه يبى يصوب .. وبعد يريوس ويريوس

    واذا بي ..

    يندبغ ع راسه ويدربح من فوق العرقوب لين تحت .. وتستوي بلاوي زرقا في

    قرعته .. عراقيب وعرايين وخس ورويد شرا اللي يبيعونه ع درب راس الخيمه

    وهذا اول انتصار للشباب .. افتكوا من واحد وباقي واحد ..

    تبريد بو كرشه في محله وتم يتنافض من الزياغ ..

    و صنقور قابض الشيط ميط ويفلع بو كرشه بالحنظل ع كرشته لين ما استوت

    هريسه

    وبلال يصفق << -- العنز عنز لو قالت ميااو

    وطاح بو كرشه ع خشمه متأثرآ بجراحه والحفر اللي استوت في كرشته ..

    وفاز فريق قوم صنقور وبلال ..

    وعقب الحرب ..

    صنقور ويّه صوب بو الفول وسحبه من اذنيه .. وهو يغني ..

    "مصيرك يا طير توقع في الشبك وتطلب الغفران مني وذا محال"

    ويحطه في درس الهوش ويصك عليه الشبج ..

    وبلال سحب بو كرشه من كرشته وربطه تحت الغافه عشان يلقط سماسيم

    ويعاريف ..

    و فسدوا تواير البيك اب x5 ..

    وكل واحد سحبله عنز وركبها وعطووه ويييل

    وشغلوا المسجل وجااان يبغم ميــحد ويقول :

    صوب دار الخل انويت السفر ..
    __________________
    [url=http://www.l22l.com]abdb40fa81[/url

    o_mjno0on_o@hotmail.com


  2. ...

  3. #2
    هههههههههههههههه مشكوووووور عالقصة المضحكة الصراحة
    جتلتني من الضحك
    ويعطيك الله العافيه

  4. #3
    إقتباس الرسالة الأصلية كتبت بواسطة سيد الموج مشاهدة المشاركة
    هههههههههههههههه مشكوووووور عالقصة المضحكة الصراحة
    جتلتني من الضحك
    ويعطيك الله العافيه

    مشكور على المرور

  5. #4
    خخخخخخخخخخ
    و الله صناقير هذولا جنهم أولاد عمتي خخخخخخخخ
    53e0426901c103cf5d6623121546c6a9
    a5321b598d6df0d043faf48ec4975fcf

  6. #5

  7. #6
    شكرا على المرووووووووووور يا جماعة

  8. #7

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter