" بحبك موت وحشتيني " "لسة حبايب " "بحبك أكرهك" و غيرها من الأغاني اللي بنسمعها كل يوم في الإذاعة و التلفزون و يا سلام لو كانوا عايشين دورين حب .. و علشان يثبت الشاب حبه لها يحفر كلمات حب على أشجار الحدائق العامة او على شط البحر و يرسم قلوب و دبدوب و سهام كمان .
لكن محمد (مش انا) وجد طريقة أحسن يعبر بها عن حبه لأسماء و هي كتابة الأغاني على لوحات الإعلانات في الطرق و الشوارع و في الجامعات.
إسماعيل كتب بحب وحشتيني يا نسمة على كراسي الميكروباص أو القطار و كمان قطع جلد الكرسي حول الجملة علشان محدش يكتب عليها.
و يا سلام على احمد كتب بكرهك بشدة يا دنيا على القميص و التي شيرت و البنطلون اللي لبسه و كمان رسم دموع و اهات تثبت كرهيته لدنيا.
و منة لقت افضل طريقة تعبر بها عن كرهها لمصطفى ان تسجل في المنتدى المفضل ليه و تشتمه هناك و تأخذ وقف مدى الحياة .
و خديجة نكشت شعرها و لبست اسود و رسمت جمجمة و شالت لوحة تقول فيها " يارب تموت يا خالد " علشان تريح كل البنات من غدرك.
و سلوى كتبت اسم حسن حبيبها على شنطتها و جيبتها حتى على شرابها (لامؤخذة) جابت حرف الاتش عليه
و في النهاية , لكل واحد طريقته في التعبير عن حبه أو كرهه لشريك حياته انت بقى طريقتك ايه ؟؟
اضافة رد مع اقتباس
.
المفضلات