مشاهدة النتائج 1 الى 4 من 4

المواضيع: وش ذنبي آني حلو

  1. #1

    Unhappy وش ذنبي آني حلو

    ساحكي لكم كسة واكعيه من وهم الحياة المتغلبه....<== سوداني على شوي هندي ..
    خ خ خ خ خ ..

    في يوم من الايام اتجهت الى السوق ...الوكاد....اني دخلت وانا متسكب بلحالي مترزز وش حليلي الوكاد ....دخلت وانا ناوي اخذ غرض واطلع من هالسوق اللي مافيه الا القهر......as soon as i can ...كخخخخخخ...الوكاد



    دخلت لمحل عطور....ناوي اشتري عطر....كخخخخخ(ومناك ملطف عرق)...المهم لما دخلت قعدة اسولف مع اللي في المحل هو يحاول يقنعني وانا متزمت ياينزل لي في السعر يا ابعطيه ركبه على خشته الين ما ينزل في السعر هالهندي




    الوكاد مع محاولة الشد والجذب بيني وبينه....شوي الا اربع بنات دخلو علينا في المحل....كل وحده تقول نعنبوك يالقمر انزل وابنصير محلك



    طبعا انا ماشفت الا هالعبايات الجديده....وهالريحه اللي تطلع البنكرياس وتقوله شم عساك الماحي ....وهالعيون اللي تقول فناجيل دله مبهره بهيل مخلوط مع قهوة هرري .....



    يالله وش ذا الزين......نعنبوك سبحان اللي خلقكم وسماكم بني ادم وسمى هاللوح اللي قدامي راعي المحل بني ادم سبحان اللي جمعهم بصفة الانسانيه



    ......المهم لايغركم الوصف......




    طبعا انا طبقة اول نظره لك والثانيه للشيطان وخليتها قزه وحده يعني تكحيله كامله كخخخخخخخخخخ

    شوي طالعوا وش اللي صار

    خلاص بعد ماناظرتهم صديت عنهم.....طبعا انا ثقيل...كخخخخخخخخ...ولا عاد يهموني......قمت وبعدة في طرف المحل....شوي الا كل مالهم يقربون وانا ابعد الين ما حشروني في زاويه تقول بس ....




    قامت الطويله وقالت لي وش هالثقل ...طبعا هم 2 طوال ووحده متوسطة الطول ووحده دبدوبه كخخخخخ...ما رديت عليها.....شوي الا الا الدبدوبه تقول تكفى بس نظره....وانا ولا كن قدامك احد...


    طبعا شاب طموح ...الا وش دخل ام الطموح بهالسالفه....الوكاد ...سويت نفسي ما اسمع....لان مافيه في المحل الا انا وهالقرد اللي تقول داحشينه معدته موز..ومعلقينه في شجرة كنار مع حواجبه من كبرها(راعي المحل) ...شوي الا اللي ماهي طويله تقول لي ممكن لو سمحت واطالع الا معاها ورقه


    قلت وش ذا....قالت رقمي ..كخخخخخخخخخخخخ.....قلت لها اسف....شوي الا الطويله الثانيه قالت ممكن استخدم جوالك ......قلت يالله اجر نعطيها الجوال يمكن تكلم خيها ولا بيها يجي ياخذهم من السوق .....ابد خذته دقيقه ورجعته لي الا لاقيتها مخزنه رقمها ...كخخخخخ قلت لها nice try ....وحذفت رقمها كخخخخخخخخخخ مانفعت محاولتهم مع واحد ثقيل زيي ....كخخخخخخخخ



    حاولوا وحاولوا....ولا فيه فائده.......انا ما كنت افكر فيهم انا كنت افكر وشلون اكسر خشت راعي المحل واخليه ينزل في سعر العطر




    المهم لم نتفق انا والقرد اللي في المحل.....لما جيت ابطلع قاموا البنات وتقاطوا علشان يشترون لي العطر اللي كنت ابغاه... كخخخخخخخخخخخ



    قلت لهم لو سمحتوا خليكم في حالكم ....انا ما طلبت صدقه منكم...شديد والهواء ضده في الشوط الاول بس يمكن ينقلب الحال في الشوط الثاني



    طلعت من المحل وقلت اللي اولها كذا ينعاف تاليها....خلاص ابطلع من السوق احسن....رحت لسيارتي.....ولما وصلت للسياره لقيتهم يمشون وراي ...اعجبني فيهم روح الاصرار والكفاح على ايصال الهدف المنشود خ خ خ خ خ
    المهم تذكرت اني ناسي المفاتيح عند راعي المحل....رجعت الا الدبدوبه كانت من ناحيتي وقالت علي الطلاق بالثلاث الا تأخذ رقمي لاتكسحني قدامهم...تكفى والله ماني بسهل ....قلت والله اسف....لو سمحتي روحي بطريقك.....رجعت للمحل.....وخذيت مفاتيحي




    لما رجعت لسيارتي لقيت البنات يبكون على الكبوت ...والدموع اربع اربع....حسيت بذيك اللحظه اني انسان قاسي القلب ...قمت وقربت من البنات وفتحت الكبوت .....وخليتهم يصبون دموعهم في الرديتر...لان ما فيه مويا ...وانتم تعرفون هالايام حر لازم ماء الرديتر يكون فل ..




    وخرتهم عن الكبوت وشغلة السياره.....ومشيت وانا اشعر بالنصر ...ومشيت شوي الين ما وصلت المحطه اللي هي محطة التسهيلات علشان اعبي بنزين........شوي الا لقيت الدبدوبه متعلقه فوق التنده وهي تقول......اما كذا ولا فلا




    لاحظوووووا نحنا دخلنا 2008 وكل شي يمكن يحدث خ خ خ خ ..


  2. ...

  3. #2
    ههههههههههههههه يسلمو على الموضوع

    بس ماكنك بدلت ترى الاولاد هم الي يلحقون البنات بس يمكن تصير

    بس من جد يضحك

    سي يو

  4. #3

  5. #4
    مشكور
    مافهمت الا في النهايه
    ههههههههههه

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter