يقول الشاعر

الدنيا كيف صبات المطر
تصب في وطن عن ثاني تغيب
ايمر يوم ماتسبح كدر
ويجي يوم كل منا عطيب
اتشوف اشكال من جنس البشر
تشوف البات وتشوف الربيب
تشوف العفن بالعفنة ايكر
ما يرتد عن فعلة العيب
وبن لجواد لو ريتى ايصر
اللى زعلان في غيضة ايعيب
وامعاة شباب في ساعة الزر
يجو سباق للى فية شيب
تريس اجواد ما يهابوا خطر
ايهدوا وين مايشيط اللهيب
واكسابين لكحيلة البر
ام ضروع مليانة حليب
اوسكانين لبيوت الشعر
اوعمرا الزاد عنهم ما يغيب
او ركابين بو راس اغر
اللى فاللون من دمة قريب
حجل ثلاث والرابع حدر
اعماهن لون كي لون السبيب
والهم زينات في لونا اشقر
اومنهن ياس تمالى صحيب
اوننصح كل من خش بحر
الصوب اودارفي وسطا حبيب
ايسيب الصوب يبعدعن الشر
الدنيا حظ واقسام اونصيب


ارجوا ان يعجبكم