مشاهدة النتائج 1 الى 2 من 2

المواضيع: المعانات

  1. #1

    Thumbs down المعانات

    هاي............
    شوفو معانات الطالبات مع المعلمات.....



    ول ما تبدا الحصه
    (((( استاذة ما فهمت الدرس ))))
    اكيد ما فهمتيه هدا من الهذرة والسوالف والبرم والسرحان والضحك بالحصة


    (((( استاذه .... ممكن اروح الحمام ؟؟؟؟؟))))
    يعني ما افتكرتي الروحة الا الحين ........ بعد الحصة روحي .. انتم زي الاطفال رايحين جايين على الحمام


    (((( استاذة ممكن تعيدين اللي قلتيه ما سمعته ))))
    اكيد ما سمعتي ..... انتي وصحباتك بس بتسولفون ...... شلون بتسمعون ؟


    ((((استاذة ممكن اشرب ماي ؟))))
    يعني ما صرتي عطشانة الا الحين ... احسن خلك عطشانة علشان ما تسولفن وتتكلمين


    (( استاذة منهجنا صعب ...... خططيلنا على الكتاب))
    من قبل المعلمة 3 ردور
    اول شي ؟؟؟؟؟؟؟؟؟؟ اخططلكم ؟؟؟ اطفال انتم ؟؟؟؟؟
    ثاني شي انتم صرتوا كبار ........ بصف (...) لازم تخططين بنفسكم
    ثالث شي ما في تخطيط .... كل شي معكم احفظوا



    (((( استاذة دفتري ضايع ....وش اسوي ؟؟؟))))
    في هاي الحاله المعلمة ترد عليها
    الرد الاول : هاه ... نعم ؟؟؟ وش تسوين ؟؟؟ ايش رايك اروح بيتكم و ادور عليه ؟؟؟ الا انتي دوري علية وانا شو ذنبي ان ضاع ؟؟؟ انا الي ضيعته ؟؟؟
    الرد الثاني : لالا ... الحمد لله ... ما عندي دفاتر بمكتبتي انا ارسلتلكم كل الدفاتر ذيك المره
    الرد الثالث : ترى ان ما لقيتي دفترك ... راح تعيدينه كله من اول كامل


    ((( بنت تمسح اللوح .. وبعد ما خلصت ....استاذة ممكن اغسل ايدي )))
    انا اعرفكم يا بنات ....تبون تتهربوا من الحصة لا يا حبيبتي ما في طلعه خذيلك منديل


    (((( استاذة ... الجو حار شوب ما نقدر نستوعب ..... المكيف خربان))))
    شو شايفيني انا المصلح اللي يصلحلكم المكيف ؟؟؟ روحوا الادارة وقولولهم ...يلا لا تضيعي حصتنا


    (((( استاذة في نمله تحت الدرج )))
    اصلا النمله تخاف منكم ... يلا بلا تضيع وقت .. خلونا نكمل شرحنا ..بس علشان نمله صغيره مسويين قصة


    ((استاذه الجو حلو ممكن تفتح الشبابيك ))
    انتم ما تفتحون الشبابيك الا علشان تتفرجوا على الرايح ولي جاي ما راح نفتح


    ((( استاذة ... الشمس على عيوني ممكن نسكر الستاير؟)))
    لا خلوها احسنلكم الشمس مفيده لكم


    (( استاذه ... صراحة .... الامتحان كان كثير صعب))
    سكتووووووووووا ما في حدا طلب رايكم


    ((( في حصة فراغ ))) استاذة الله يخليج .. طلعينا بره
    مجننونة انا اطلعكم ؟؟؟ عشان تسوون ازعاج تزعجون الصفوف بعدين المدير ما يرضى


    ((( استاذة انا تعبانه .. وديني على المشرفه )))
    معليش ... لاتشاركين معانا ... بس استمعي او حطي راسك على الدرج وخدي غفوه وانامي
    الطالبه بتسئل سؤال بسيط ميس ندرس من الدفتر ولا من الكتاب؟؟؟
    تتحول ملامحها المعلمة الى شر وتقول من الاتنين


    (((استاذة ممكن نفتح الباب ؟؟؟))
    لا عشان تتفرجو ا على صحباتكم خلي مسكر عشان تتنتبهوا للدرس

    ولله ان اني اقول مو معاناة البنات مع المدرسات
    الا معناة المدرسات مع البنات ههههههههههه

    ............................

    قوانين المدرسةسنة2020!!

    هـذي القوانيــن حاليـا ما راح تتطبـق إلا عـلــى الخليـج و إذا نجحــت راح يطبقونهـا
    عـلــى العـالم العربي ويمكــن أمريكــا تاخذ هالقوانين وتتطبقها على مدارسها
    القوانين الخاصه بالطلبه هي :


    1 :: لا يحـق لمديـر المدرسـة إيقـاف أي طالــب إلا بعـد موافقـة الطالـب و بقية الشله .

    2 :: المـــواد الدراسيـــه المهمــة هي فن ورياضة و الــي يرســب فيهـا يعيـد السنـه

    3 :: تبـدأ الدراسـه من الساعـه 9:00 ص حتـى الـ 12:00 م

    4 :: لا يحـق للطــالب التوقـف عـن الأكـل في الحصـة إلا إذا كـان صائـم لوووووول

    5 :: يحـق للطــالب الخـروج في أي وقــت و الدخـول في أي وقـت أثنـاء الحصـة

    6 :: يحـق للطــالب أن يطــالب بدرجــة أعـلـى خصوصـاً إذا كـان فوضـوي او فاشل

    7 :: عـلـى الأستــاذ أن يحضـر معـه عـدة ولاعـات إذ أنه من الممكن أن لا يكون

    بحــوزة الطــالب المدخــن ولاعة >> مايبون مشاكل مع الطلاب وهذا هو المطلوب من المدرسين توفير جو مناسب للطلاب وبالاخص حصه الفن كونها تحتاج الى تشغيل مخ

    8 :: أثنــاء الإختبــارات يقــوم المعلــم بإيصــال أوراق الطـلاب المتفوقين لمنازلهم حفاظا على سلامتهم من العين من
    بقية الطلبه الفاشلين هذا إن حصلو بالأساسا طلبه متوفقين

    القوانيـــن الخاصـة بالطالبات :

    1 :: يحـق للطــالبــة عــدم الإلتــزام بالزي الرسمي و لبس ما شاءت .

    2 :: عـلـى كل طاولــة هنـاك منظــرة " لتعديل المكياج و الشيلـة "

    3 :: يحـق للطالبـــة أن ترفـــض إنــزال قدمهـا عن القـدم الأخـرى رفضـاً تامــاً

    4 :: عمل رحلات ميدانيه لتعريف فتيات المستقبل بأماكن وأسماء المشاغل النسائيه وأيهما الافضل


    5 :: يحق للطالبه حمل الهاتف النقال معها للمدرسه.وكما يحق لها التحدث بالهاتف اثناء الحصص

    .......





    الله يلعن هذاك اليوم اللي بتطبق فيه هالقوانين

    احنا الحين والحالة عويصه

    ونلعن الزمن مو بعد بهالقوانين

    اشوه انها قوانين خيالية
    اصلا لو يطبقونه محد غاب عن المدرسه..


  2. ...

  3. #2
    شكرا اختي عالموضوع

    لكن الموضوع ليس في مكانه الصحيح

    تحيتي لكِ...

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter