مشاهدة النتائج 1 الى 7 من 7
  1. #1

    Talking يوميـــــــــات <<<<3>>>> محششـــــــــــــــات

    بسم الله الرحمن الرحيم


    الى اعضاء مكسات الحلوين


    اببدأ معكم قصتي اللي الفتها وعساها تعجبكم وتحوز على رضاكم


    اتمنى تقولون رايكم فيها بصراحه عااااااااااادي ما ازعل


    يلا نبدأ ؟؟


    على فكره ترا بعض الاحداث اخذتها من حياتي واضفتها وهل البنات كلهم حقيقيات



    يلا اقرو


    ديم : لي لي روحي دقي على اسيل يمكنها قامت من النوم
    ليان : اقول قومي دقي انتي
    ديم : افففففففف منك اعوذ بالله
    تقوم ديم وتروح عند الجوال وتدق على اسيل
    اسيل: هلا وغلا
    ديم: هلا عمري كيفك؟
    اسيل : بخير الحمد لله انتي كيفك؟
    ديم بخير بنشكر الله
    اسيل : احس وراك شي وش عندك ؟
    ديم : افا عليك الشره مو عليك علي انا ادق
    اسيل : اسمعي عمري لي سنين معك واعرفك اكثر من نفسك ومافي احد يدق العصر الا صار معه شي يلا هاتي مين ؟
    ديم : اعوذ بالله لقطيتها مني
    اسيل : ها بشري بنت ولا ولد ؟؟؟
    ديم الاثنين مين تبين ابدا ؟
    اسيل: اممممممم هاتي البنت
    ديم : تذكرين صديقتي روان ابشرك تزاعلنا انا وياها
    اسيل : افا ليش ؟
    ديم : تعرفينها نفسها خايسه وما تعرف تتكلم
    اسيل : يلا عادي الف وحده تتمناك
    ديم : تسلمين يا قلبي
    اسيل : طيب والولد ؟؟
    ديم : هههههه هذا الي همك
    اسيل : ههههههههههههههههههه
    ديم : ابد دخلت اليوم على الايميل ولقيت رساله من فارس
    اسيل : يووووووه ذا للحين عايش
    ديم : حرام عليك والله كان حبوب
    اسيل : ادري بس لكم شهور ما تكلمتو
    ديم :الشكوى لله يا عبد الله
    اسيل: طيب وغيره؟؟
    ديم : تذكرين عزوز؟؟
    اسيل : ايييييييه وشبه ؟
    ديم :امممممم ما رح اقولك
    اسيل يالدبه قولي
    ديم لا بس لقيته ما سنجر وقعدت اسولف معاه تصدقين شكلي ابحط عليه بلوك
    اسيل : حرام عليك
    ديم : بكيفي يا شيخه
    اسيل : تصطفلي
    ديم : نجي للزبده
    اسل : وشو ؟
    ديم فتحت ايميلك
    اسيل: اييييييييييييييييييه ها بشري
    ديم : [ تضحك ] اسول امي تبيني ابروح
    اسيل : يا خراطه ما سمعت امك تنادي بس تبين تحرقين اعصابي
    ديم : ههههههههههههه
    اسيل: ديموووووو قولي وش صار
    ديم : اف طيب لقيت رساله من
    اسيل من مين ؟
    ديم : حزري
    اسيل: وجع قولي
    ديم :هههههههه طيب يمه لا تذبحيني لقيت رساله من ريان
    اسيل : [شهقه قوووووووووووويه]
    ديم :اسم الله عليك هدي هدي
    اسيل : ايوه وش كان مكتوب فيها ؟؟؟؟
    ديم : بس هلا عمري هلا قلبي
    اسيل: قولي وش كان مكتوب بالتفصيل الممل
    ديم: لا ابقوله اذا جيت عندكم
    اسيل [ شهقه قويه كمان ] ابتجين عندنا ؟
    ديم :ايوه بابا وافق اني اجي عندكم بس بكره عشان استعد واضب شنطتي عشان السفر
    اسيل : كوييييييييس مره عشان نفلها مع بعض
    ديم : هههههههههههه
    اسيل : طيب قولي وش كان مكتوب بالرساله
    ديم: لالالا اذا جيت عندك اقول
    اسيل: لا اعصابي ما تتحمل
    ديم :هههههههههههههههه
    اسيل: ديم والله ازعل عليك
    ديم : قلبك ما يقوى
    اسيل: جربي
    ديم: ههههههه خلاص ابقول
    اسيل: اف منك الكلام منك بالقطاره
    ديم: طيب كان كاتب هلا عمري وينك ما عاد سمعنا لك حس تراي احبك ومن هل الكلام اللي يقولونه العيال
    اسيل : بكره اذا وصلتوا عندنا بالسلامه ابطلع الكلام من عيونك
    ديم : بكره يصير خير
    اسيل : متى بكره بس
    ديم: اسيلوه انا وراي صلاة وضب الشنط واضب فضايحي وقرابيعي فلازم اسكر عشان يمديني احط قصص بالشنطه واجيب الفضايح والهوايل معي
    اسيل: طيب تبين شي قلبي
    ديم :لا سلامتك يلا عاد سي يو
    وقفلت ديم السماعه وراحت توضب شنطتها
    ديم : ليان قومي ضبي شنطتك بنسافر بكره عند اسيل
    ليان : اف مو اللحين خليني اكمل قصتي
    ديم : طول عمرك بعد شوي خلاص لا تقومين انا اسويها افففففف
    ليان : مرسي كتير
    وعندما طلع الصبح ركبوا السياره مع الوالد وراحو عند ال ........ المهم ولما وصلو نزلت ديم العفش ومعها ليان
    ودخلو عند بيت اسيل وطبعا مو لازم اقول كيف تقابلوا تعرفون شلون اذا البنات شافو بعض عقب الفراق
    صراخ ودموع وفضايح تنحكى
    دخلت ديم وليان وسلموا على خالتهم وراحوا غرفه اسيل
    اسيل: واخيرا جيتوا ما بغيتوا
    ديم ههههه احمدي ربك جينا
    ليان : اسيل انا عطشانه ابي مويه
    اسيل: من عيوني
    اسيل : تصرخ وتنادي الشغاله ادنا جيبي مووووويه
    ديم :اذني ابيها
    اسيل: يا ربي لا تقطعين علينا
    ليان :ههههههه انا ادري لو تشوفينها بالبيت وهي تصرخ كنها ولد مو بنت واللحين تتدلع
    اسيل :تقولي لي اعرف عنها كل شي
    ديم: هي تراي هنا لا تحشون قدامي
    اسيل : اسمعوا بنات جبت لكم طريقه تسكرين فيها
    ديم: [ تشهق ] خافي ربك وش سكر
    ليان : وشي هي ؟؟
    اسيل: مو سكر سكر يعني شبه سكر
    ديم لا يا شيخه
    اسيل: هههههههه امزح بس البنات عطوني طريقه يقولون انها تسكر الصراحه البنات جربوها قدامي ولا صار شي
    ديم : حسبي الله ونعم الوكيل خبله انتي ؟
    اسيل: والله ما صار شي
    ليان : وشي الطريقه ؟؟؟؟؟؟
    اسيل : اليوم بالسهره اذا نامو اهلي نسويها
    ديم : يصير خير
    اسيل انا بروح اطلب من البقاله المكونات والبطاطس عشان السهره
    وطلعت ثمن ارجعت ادخلت وقالت
    ديم تراك للحين ماقلتي الرساله
    ديم ايه بالسهره
    اسل : نشوووووف وطلعت
    وراح اليوم ما بين فصفصه وتفرج على التلفزيون وهواش مع العيال
    وجاء الليل الاسود الادهم
    وجاءت الهوايل معه





    اخواني اخواتي القراء اقف الان معكم الى هذا الجزء من القصه اللي اتمنى انها تعجبكم
    وطبعا اوعدكم باذن بالله بالتكمله فيما بعد
    وش صار مع مثلث برمودا ؟؟؟ الله اعلم
    من هو مشاري اللي عرفهم ؟؟
    من هو احمد الي تعرفه ديم ؟؟
    من هو ريان ؟؟ عزوز؟؟؟ فارس ؟؟
    والقادم اكثر واكثر وش صار معهم بالسوق والمكتبه ؟؟
    من شافوا هناك ؟؟
    شلون اخذوا جوال اخو اسيل وكلموا ؟؟
    من كلموا ؟؟؟
    كله ذا وزياده تعرفونه الجزء القادم باذن الله
    <<<<<< اعرف احرق اعصابكم هاه ههههههه

    لكم مني كل الفله والصرقعه:



    ذات الجناحين


  2. ...

  3. #2
    مشكورة اختي على القه الحللوووووة

    وانتظر بقية القصه
    وشكرا

  4. #3
    مشكووووووووووووووور اخوي على مرورك وصراحه جدا اسعدني تسلم


    والبقية في الطريق

  5. #4
    كملي كملي كملي القصة بليـــــــــز
    .•:*¨`*:•. قريباً .•:*¨`*:•.

  6. #5
    واااااااو القصه من بدايتها تحمس كلمي
    بليــــز يا عسل ..

  7. #6

  8. #7
    شكرا لردودكم اسعدني
    اذا كملتها بنزلها smile
    لا اله الا انت سبحانك اني كنت من الظالمين

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter