كيف أقضي وقت فراغي ؟

[Maheroo]

اكتب يومياتك ويوم من الأيام حتطالع عليها وتضحك

[almazuoona]

انا بقول لك فكره واااااايد حلوه .........اكيد عندك غرفه وهذي غرفتك مش لازم تكون واااايد مترتبه بما انك شاب والشباب دايما غرفهم مش ذاك الزود مترتبه .....فنصيحتي روح غرفتك ورتبها وطلع منها الاغراض الي ما تريدهاورتب الكتب وكذا يعني روح سنعها ولما تخلص اذا شفت غرفه في البيت مش مترتبه في البيت روح رتبها ولما تخلص بتحس انك سويت شي مفيد لك ولغيرك ويمكن وانت ترتب غرفتك تحصل اشياء قديمه تذكرك بايام حلوه وبيغضيع الوت انت ترتب وتتذكر وتفكر وكذا بيكون راح جزء من وقت الفراغ... (انا بصراحه اعاني غرفتي مش مترتبه واريد ارتبها بس ما عندي وقت والله)
وقول لي شو رايك بفكرتي.

[missme]

اطلع من المدينه اللي انت فيها .. وروح مدينه ثانيه عمرك مازرتها
لاتاخذ واحد يعرف
خذ واحد علمه علمك

واحرصو على انكم تضيعوون

يعني اتاكد انك بتتعرف على ناس جدااد .. بتجرب مطاعم مدن ثانيه .. تسمع الراديو ويمكن تلقى شي يسليك او معلومات يديده عليك
تتعرف على اللي وياك اكثر واكثر ..

ولو محد من ربعك بيروح معاك ود اهلك .. بس كم شخص بس .. مب وايد

وحد من اليهال يكون ضمن هالكم شخص عشان يسليكم ويملغ عليكم...

امم اعتقد الفكرة ومافيها انك تقضي يوم فراغك في مكان بعيد .. منه تكتشف ومنه تتسلى وتقضي وقت فراغك ..

ولاتنسى تودي كيمرا معاك عشان تصور ..


لو حسيت ان الفكرة ماتنفع
انت قول لنا .. شنو بالضبط اللي تتمنى انك تقضي الفراغ بيه .. ؟
عشن نطلع لك افكار