قصة واحد من عيال الحارة اتحدى ما تموتون من الضحك
السلام عليكم ورحمة الله وبركاته
يقول:
اكيد كلكــم خابرين الحــارات ومشــاكلهــا ... يعنــي تحصل عيال الحاره دايم بينهم مشاكل .... طبعا هذا بالنسبه للعيال اما البنــات .. والله ما ادري كيف كانت مشاكلهم ........
المهــم ... انا كنت قووووي لدرجة اني مره طقيت خمس طعش هندي باصبع واحد ..
(( ك .. ذ .. ا .. ب))
لدرجــة ان عيال الحاره من كثر ماهم مستغربين من قوتي كانوا يسمــونــي _ تايســــــــــون _ لاني كنت اقوى واحد فيهم ...
المهــم .. مــره من المرات ... جاني واحــد مــن عيال الحــاره يبــي فــزعتـي ... لان عيال الحاره اللي جنبنــا طقــوه...... وانا اللي اقــوله ابشــر .. والله لأجعلنهـم يندمون على طقك ولاجعلن دمائهم انهــارا ..
(( اخــس يالـزيـــر ســالم ))
وتدرون ليش انا فزعت معاه ... لاني كنــت احــب اخــت هالولــد .. وكانت هي تمــوت فينــي ... خصــوصا اذا لطخــت وجهــي بالفـــازليــن وقمــت ألمــع في الشمــس والذباب متجمع حولــي .. وبنطلــوني اخضــر وبرتقالي .. والفنيلــه صفــرا واكمامهــا حمــرا .. تحس اني لوحــه رسمهــا بيتهــوفن ...
(( قصــدي .. تحس انك .. زبالة هنـــود ))
... وكنــت اذا مريت من قــدامهــا انفــاسها تتــوقف من الحــب ومن الاعجاب ...
(( وانت الصادق .. انفاسها تتوقـف مــن ريحتـــــك الخـــايســــه ))...
المهــم ... خوينــا هــذا .. اللي طقــوه ... شـــرانـــي ... بس مشكلتــه انــه غبـــي .... لدرجــة ان كل واحد في العالم يوسوس له شيطــان واحــد .. اما هــو عنــده خمـــس شيــاطيـــن .. واحـــد يوسوس لـــه والاربعـــه البــاقين يفهمـــونـــه ... بــس عــاد لازم افــزع معــه عشــان اختــه ما تقــول انــي خــواف .... وعلى قول المثـــل .. لاجــل عيــن تكرم عينك ياللي لعينك تحزن عين وتفرح عين ...
المهــم ... رحــت ان وهــو للحــاره الثــانيــــــه .... طبعا عيال حارتنا الباقين ماراحوا معــانا ..
لانهــم عــارفيــن ان عيال الحــاره الثــانيــه .. كلهــم كبــار ونشيطيــن .... واول ما
خشينــا حــارتهــم وانا اللــي اصيــح باعلــى صـــوتــي .. وينكــم يالدجــاج ..
اللــي يقــول انه رجـــال يقــابلنـــي ... واللــي يــرشنــي بالمــاي ارشـــه بالكلــــــــب ..
ومــا امــدانـــي اخلــص مــن كلامــي الا ذاك الكــف اللي يمشــي مليــون على وجهـــي ....
والتفــت بســـرعــــــه ...
واشــوف قــدامــي سيقــان آدمــي ... وانــاظر فــوق ... هالولــــد اللــي ما قدرت اشوف وجهــه مــن طــوله ...
والله ياهــو كبيـــر .... اعتقــد انــه من انواع الديناصورات ....
وقــال لي : عــد اللــي قلتـــه ........... وانا اللي قامــت ارجولي تلعــب .. وقمت اتنــافض كأنــي رقــاصـــه ....
وقلت لــه : والله ماقلت شي .. بس امي ارسلتني اشتــري دخــان ولا لقيــت في بقالتنــا شــاي
قلــت اجــي بقــالتكــم اكيــد راح القـــى طمـــاط ...
(( يلعن التصـريفه ... لكن هذا الخوف وعمايله ))
.. وهـــو اللــي يمسكنـــي مــن فانيلتــــي ويجــرنــي فــي الشـــارع .... اللين صار الشــارع يلمــع من النظــافـــه ....
طبعــا خــويــي اللي كان معي انحــاش وجلس يراقب الوضع من بعيــد .. وخلاني مع اندريه العمــلاق لحــالي ... وقــام ويكفــخ فينــــي .. وانا اقــوله مستسلم ..
والله ما اعودها ... وهــو يضــرب فينــي بجد واخــلاص .. وانا اللي انفلت منــه وانحــاش ..
والله وفي ذيك اللحظــه لو كان فيه سباق كان اخذت الاول بدون منافس ....
المهم .... وصلت حارتنا ....
وانا اللي اشــوف البنــت اللي احبهــا قــدامــي .... وقامت تنــاظر فينــي مستغــربه ...
طالع وجهــي كنه كراسة رسم طالب في اولى ابتدائي من كثر الطــق اللــي جــانـــي .......
وقامـــت البنـــت تضحـــك وراحـــت ...... وانا اللي اقــول في نفســي .. ايه هذا الحب اكيــد انهــا ضحكــت لانهــا معجبه فيني وفي شجاعتي .. ويمكن تبي تخفف علي من هول المضاربه ......
وانا جالس افكر جاني اخــو البنــــت الرخمــــه ..... ومعــاه بنطلــون مووو غـريــب علــّـي ...... وعطاني البنطلون ..
وقال : هذا بنطلونك طاح وانت تنطــق ..... واناظــر لنفســي الا انــا لابس السروال الصغير بس .. ومشقوق بعد .....
المهــم ... طــاح وجهــي .. وعــرفت ليش البنــت كانت تضحك .. لانهــا صــادتنــي على حقيقتـي ..
وعــرفــت انــي دجــاجـــه ... وصرت مسخــره في الحــاره .. لدرجــة ان جانــي عقــده نفسيــه اسمهــا .. فرانكفورت ...
(( لا تــدقــقــون في الاســم ))..
بــس اللــي قـــاهــرنــي الليـــن الحيـــن ... ان بنطلــونــي يوم جــابه اخــو البنـــت .. كان مغــــرق ... ومليـــان ماي ...
مــن ويـــن جت هالمــاي ..... ما أدري .... حاولت اعرف بس ما توصلــت لنتيجــــه ....
(( ما تدري من وين جت ...... جت من الخــوف ياحبيبي ..... بس ثانــي مــره اذا بغيـــت تتمشكـــل مــع احـــد ...
يستحســــن تلبـــس حفــاضات بامبرز .. لانهــا تمتص البــلل بسرعــه .. وتعطيك راحــه اكثــــر))
تحياتي
اضافة رد مع اقتباس
~ 
المفضلات