تخيلـوا لـو يفـزع الجـار للـجـار=في مجتمع غاضب وحاقـد ومشحـون م
وتخيلـوا لـو تلتفـت كـل الانظـار=للمشهـد اللـي وقفـت دونـه عيـون
وتخيلـوا لمـا رحـل الحـرب تنـدار=مابيـن حكـام العروبـه وصهـيـون
اليـا متـى نستقبـل ذنـوب بأعـذار=واليا متى نستنـزف جـروح بطعـون
نتبـع خطـأ تيـار ونـصـد تـيـار=نبعـد وعـدوان المسلميـن يـدنـون
لوكان بقلوب العرب صبـر واصـرار=ماكـان سـووا فيكـم اللـي يسـوون
بهمالكـم بدلـتـم الـثـار بالـعـار=بعتم تـراب القـدس وانتـم تشوفـون
حنا كـذا بمعـارض الـراي شطـار=لين أستوى بالمجـد عالـي ومطمـون
من كثـر مـا كنـا نجامـل ونحتـار=صرنا نخاف نعـارض اللـي يقولـون
القدس تصرخ والسما تحصـد أعمـار =والـدم ينـزف والارامـل يمـوتـون
وارواح تسلب سلب واعصـاب تنهـار=واطفال تعـدم والبشـر مـا يحسـون
خمسين عام نحارب الشـرك بأحجـار=وبسكوتنا نبنـي عمـارات وحصـون
ننسى وكن اللي حصل شـي ماصـار=نسكت وكن مابيننـا شخـص مغبـون
لين أشربـوا مـن دم الاسـلام كفـار=وبعروقنا صـاروا يروحـون ويجـون
استضعفوا لين اضعفـوا كـل الاقطـار=ساقـوا غضبهـم والاوادم يصـلـون
يستدرجـون العـزل السمـح الابـرار =يستمتعـون بقـتل الاطفـال بالـهـون
ماكنـه الاشعـب مخـلـوق غــدار=في قلـب لا ساكـن ولاهـو بمسكـون
بالـذل ماتلقـى علـى صيتـه غبـار=كبارهـم واطيـن وصغـارهـم دون
لابـارك الله فيهـم صغـار وكـبـار =ولاجمـع الله شملهـم ويـن يسعـون
وماتنطفي شمس الحقيقـه ولـو جـار=فينا زمـان الـذل والضعـف والهـون
ودام الفشل والضعف ثلثيـن الاضـرار =لابـد مـا نضحـك ولا بـد يبـكـون
وأنكانت قلـوب العـرب تنـذر انـذار=ليـش انتجاهلهـم واهـم يستـبـدون
النـاس قالـت حـارب النـار بالنـار =ومالله خلق للادمـي عمـر مضمـون
وان كانت الفزعه من أحرار لأحرار =حنا البروق اللي غدت سحب ومـزون
وحنا السكون اللي سبق عصف واعصار =وحنا سباع الكون يا لعنة الكون
وحنا عرب والعـرب ماتتـرك الثـار=بافعالنـا مـاهـي بقـولـة يقـولـون
نزعـل ولكـن بالزعـل دمنـا حـار =نفزع اليـا شفنـا العـذارى يصيحـون
عقالنـا معهـم مـن العلـم مـقـدار =ومجنوننـا ينطـح ثمانيـن مجـنـون
ياشعـب يـا ثايـر وياشعـب مغـوار =هون مـن اسبـاب المعانـاه وتهـون
أصرخ على كل البشر وأجهر أجهار =وخل اليهود إن مادروا عنك يدرون
وأجمع شتـات الوقـت تذكار تذكار =وأذكر مواقف كل طاعن ومطعـون
حارب بديـن الخالـق النافـع الضـار=واستذكـر الرحمـن وابليـس ملعـون
واطرد من ارض الله عدوين الاذكار= وان جـوك ولا جـعلـهم مـايـردون
ورح قلهـم حنـا علـى كـل مشـوار =وذوقوا مرارة نصـف مـا تستحقـون
واذا رضيتـم قـولـوا الـوقـت دوار =واذا زعلتـم سـووا اللـي تسـون




اضافة رد مع اقتباس
صافطينها ولا حتى كلمة شكر أفااااا << امزووووح
ومن بدايتها صفر ..






المفضلات