عادتا وين تضيع أغراضكم ....؟
حصل لي موقف مضحك وكنت راح أتكفخ (أنضرب) على شانه ...........
أمس ضيعت مفتاح سيارتي تعرفون أهم شئ عند التمساح سيارته وسويت إزعاج في البيت
وأدور وأخواني يدورون ما لقيت المفتاح ....
المهم نمت ........
ورحت الجامعه مع واحد من الشباب وكنت أحاول أتذكر وين المفتاح ....؟
ما قدرت أركز في المحاضره الأولى وطلعني المهندس وقال رح غسل وجهك ....!!
أنا ما فيني نوم لكن قلت أغير جو أخذت لفه ورجعت
إنتهت المحاضره الأولى ما أدري وش قال المهندس.....؟
وجت المحاضره الثانيه والآخيره عندي في اليوم هذا..
اللي يشرح هذي المرة دكتور يعني ياويلك أنا في العاده أجلس في الأخير
بس مدري وش لقفني وجلست قدام وفوق كذا ساهي في المفتاح ..؟
شافني الدكتور قالي : يا بش مهندس ((الدكتور مصري وينادي الطلاب كذا عادتا))
قلت : هلا يا دكتور ....
قال : إنت متزوج ... قلت: لا ؟
قال: عندك مشاكل ... قلت :لا ؟
قال : إنتبه يا أبني ولا راح أطردك من المحاضره
وبعد شوي سهيت ((وين راح المفتاح...؟))
شافني الدكتور قال : قم عد اللي قلته أنا
طبعا كنت ساهي أنا بس قمت وشرحت الدرس ........
ضحك الدكتور وقال : إطلع .. قلت : ليه ؟؟
قال : أنت شرحت محاضرة الأسبوع الماضي....خخخخخخخخخخخخ
المهم طلعت ورجعت البيت ومعي كالعاده dew ديو
وكان الديو حار ورحت فتحت الثلاجه وش لقيت........؟
المفتاح في الثلاجه .......... يا سلام
حطيت الديو وأخذت المفتاح ورحت ونسخته 5 نسخات على شان ما أضيعه مره ثانيه
((( يا أعضاء مكسات يا معشر السحالي والتماسيح وين تضيغ أغراضكم عادتا)))
اضافة رد مع اقتباس
.
مب لازم اصلا افهمه مب لازم تعرفون وشو
بروح لحين استفسر اول اكمل الرد
ما يضيع الش الا اذا بغيته
المفضلات