السلام عليكم ورحمه الله وبركاته
كيف حالكم وشلونكم وش اخباركم وش مسوين وش ووش وووش ..الخ
حبيت اشارككم موضوع ( زي العاده) ان شاء الله يعجبكم
الان زي ماتعرفون يا بنات اسلامنا وجب انه الرجال قبل مايتزوج البنت
يشوفها وتشوفه عشان توافق وهو يوافق امكن تطلع قبيحه؟؟ ولا هو شكله ماينقبل عشان لايعيشون في ندم يوم يتزوجون
طبعا بعض العادات والقبائل زي عادتنا وزي قبيلتها مافيها النظره الشرعيه لسبب واحد هو يخافون ان الشاب يجي يشوف ويمشي
يعني بس يحلي عينه مع اظن انه هذا مو سبب لانه الان تقدر تحلي عينك في كل مكان^^
وبعضهم يقولون عشان الاحراج للبنت
امي تقولي انا يوم اجي اخطب لك
انا بشوف البنت عجبتني بخطبها لك قلت كيف تعرفين انها مناسبه لي قالت لو انها حلوه وتعرف تطبخ وماعليها لسان طويل
نخطبها لك قلت طيب لو ماتتكلم انجلش خخخخخ قالت وش تبي بها تتكلم ولا لا قلت يعني لو تتكلم يكون احسن^^
قلت طيب اشوفها قبل ما اخطبها قالت انقلع قال تشوفها قال مانك واثق فيني انا امك اعرف وش اختار لك خخخخخخخ
قلت يهو امكن ماتعجبني قلت طيب خلي اخواتي يشوفونها معك قالت اخواتك صغار وش يفهمهم قلت لا يعني
انتي تشوفين الطبخ والاشياء هذه وهم الشكل وزي كذه ..انا اهم شي عندي انه البنت يوم تطلع من البيت كيف عبايتها وغطوتها
عبايه على الراس وتمشي مشي احترام ماشاء الله عبايه على الكتف وسيعه والغطوه ثقيله يعني الطرحه يكون شي حلو جدا
قالت ماعليك هذا شي مهم بعد قلت اوكي الله يوفقك ....
-------------------
ابي رايكم انتم في الرؤيه الشرعيه هي حلال بس مو واجب يعني مستحبه عشان لا ينفجع الرجال من حرمته ولا العكس
ولكن المشكله بعض الناس يجي عشان يتفرج وانا اشوف انه لو جا الرجال وشاف البنت ورفضها راح تسبب حاله نفسيه للبنت
لانها صارت لقريبتنا جا رجال يوم شافها قال لا ما ابغاها شوفوا اختها يعني من جد احراج ولا فيه واحد يقرب لنا
حاول يخطب 9 مرات وكل ماشافوه رفضوا الله يعينه انا لو منه من المره الثالثه ابطل خخخخخ
ولكن زمان كنت اسمع في الافلام بنت صغيره تتزوج انسان كبير عشان فلوسه بس ماظنيته حقيقي
ولكن هذه الايام
سمعت فيه بنات في ال18 وال19 وال17 حتى يتزوجون واحد عمره 30 ولا 32 عشان ايش عشانه دكتور في الجامعه
ولا راتبه 25 الف ولا عشانه يقدر يفتح بيت
مستغرب والله يعني البنت بعد 10 سنوات بتكون لسه شابه 28 سنه بس وهو راح يكون 38 او 40 يعني كبير في السن وطلع له شيب في شعره مو احراج؟؟؟؟؟؟؟
(بذكر لكم حادثه)
مره في بنت كانت مخطوبه من يوم كانت 16 والحين هي 18 من رجال عمره 30 وهو يقول بتزوجها يوم تدخل الجامعه يعني السنه الجايه سالتها ليش خطبتيه قالت لان امي قالت لي انه الرجال الكبير يقدر يفتح بيت ويعتمد عليه قلت امك بتتزوجه؟؟ قالت
لا قلت انتي ببتزوجينه صح تفكيرك زين لانه تبين رجال يفتح بيت لكن بعد 10 سنوات يوم تجين 28
رجالك 40 وش تبين به؟؟؟؟ مو راح يسبب لكم مشاكل فرق العمر الكبير؟؟ البنت انصدمت وراحت اشتكت لاهلها واهلها قالوا
ops لوول ما انتبهنا والله خخخخخخخخخخ قلت الله يعينك (وهذا صار لقافه مني في منتدى من المنتديات كل خوياي طالبوني يقولون ليش خربت بينهم وانا قصدي والله المساعده)
انا اشوف انه البنت مفروض تتزوج واحد قريب من عمرها او على الاقل مايكون اكبر منها باكثر من 5 سنوات ولكن فيه بنات يقولون
مانبي نتزوج شاب عشانه لعاب خخخخخخخ يعني تتزوجين شايب عشان تلعبين انتي ولا كيف؟؟
الله يعين احب اشوف رايكم في الرؤية الشرعيه والزواج والله يستركم ويزوجكم الزوج الصالح اللي يخاف ربه فيكم
اخـــــوكم: كيوت
المفضلات