<">يبـه شلـونك<br>
<br>
يبه شلونك...ملل هالــكــون من دونك ..<br>
<br>
يبه شلونك ؟؟وتمضي رحلة الدنيا..<br>
<br>
بليا طلة عيونك..؟؟!!<br>
<br>
يبه شلونك ؟؟وشلون المرض وياك ؟؟<br>
<br>
بعد ماهدك بدنياك..عساها تغمض جفونك ؟؟<br>
<br>
تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟<br>
<br>
.. يبه امي تخيلك دوم...تغني لك مع القمرا..<br>
<br>
يبه واللي خذاك بيوم....خذا بنيتك بكرا..<br>
<br>
خذا.. وياماخذا.. وياما..خذا ناس يحبونك<br>
<br>
يبه حنا صرنا كبار..توفقنا وتخرجنا..<br>
<br>
يبه ماعاد فيه صغار..يموج بهالزمن كل شي..<br>
<br>
وحنا ماتموجنا..على ذاك العهد نسري..<br>
<br>
نبيع العمر والدنيا..ولا تخلف بنا ظنونك<br>
<br>
يبه شلونك ؟؟تبي تدري عن اخباري ؟؟<br>
<br>
عن افكاري وتذكاري ؟؟<br>
<br>
<br>
اشيلك داخلي جمره ..وبعيون الحزن عبره..تغرقني .. وتحرقني..<br>
<br>
اشوفك نجمة تجبر..مراعيها .. يراعيها..<br>
<br>
واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!<br>
<br>
يبه تذكر زمان مر؟؟<br>
يبه تذكر مجالسنا ؟<br>
مقلطنا ومجلسنا ؟<br>
وحارتنا ومسجدنا ؟<br>
يبه تذكر هدايا العيد ؟<br>
صلاة العيد؟ وبشت العيد؟<br>
يبه تذكر سوالفنا ؟<br>
لاجل هذا ..<br>
وكل هذا ..<br>
اقول اليوم يايبــه ..<br>
ملــــــــــــــل هالكون من دونك<br>
يبه وينك ؟؟ .... ولهت لنظره من عينك ....<br>
يبه وينك ؟؟<br>
اشوفه طوّل غيابك !! ... و من ودّاك .... ما جابك !!<br>
قالوا ما يدوم الزين !! ... و انا عندي امل للحين ..<br>
و لكني اعرفك وين !!<br>
يبه وينك ؟؟<br>
عسى الداعي يبه بس خير ؟!!<br>
عساك بخير .... مداين تكرم لعينك ...<br>
بس ارجوك علمني ...<br>
علمني .. يبه وينك ؟؟<br>
سألت امي عن رجوعك ... ولا كني اعرفك وين !!<br>
و قالت .. ما يدوم الزين !! ... و انا .. عندي امل للحين ..<br>
في رجوعك !! .... يبه بس تكفى علمني ....<br>
متى رجوعك ؟؟ .... يبه بس تكفى علمني .<br>
وش احلى من طلوع اثنين ؟؟<br>
طلوع الشمس .... و طلوعك<br>
يبه وينك ؟؟<br>
سألت امي ...... غيابك طال ؟؟<br>
ولا كنّي اعرفك وين !!<br>
و قالت مثل ما قالت .. حسافه ...<br>
ما يدوم الزين ... مع كل هذا صدقني .. انا عندي امل للحين !!<br>
سؤالي عنك يالوالد .. صار كما الموال<br>
و اشوفه طال ... والله طال ..<br>
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..<br>
يبه ..<br>
ارجوك علمني ...<br>
تشوف اللي انا اشوفه ؟؟<br>
انا اشوفك نهار و ليل ...<br>
في وسط المجلس تصلي .. و تدعي الرب ييسر لي ..<br>
يبه ..<br>
ما عاد بي من حيل .. وين الحيل ؟؟<br>
و انا اشوفك نهار و ليل .. مع اني ادري ما ترجع !!<br>
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!<br>
يبه .... وينك ؟؟<br>
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..<br>
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!<br>
يبه.. كل جرح في الدنيا .. مصيره بالدوا يلتم ... و لكن البلا من جرح ..<br>
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!<br>
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما<br>
تـلتم ..<br>
بس عندي امل للحين !! ... و لا كنّي اعرفك وين !!<br>
<br>
يبه .. ذكراك تفرحني ....<br>
في نفس الوقت تجرحني !! ... لا من جبت في طاريك ... دموعي غصب تفضحني ....<br>
<br>
يبه .. تذكر ليالي الصيف ؟؟<br>
عرس الحي .. و رقص السيف ؟؟<br>
و كرم قلبك معَ هـالناس .. كل ٍ كان في بيتك ضيف ..<br>
الا يا حيف .... الا يا حيف ..<br>
زمن قاسي .. زمن قاسي ...<br>
اخذ مني بلا رحمه ... اخذ مني اعز ناسي !!<br>
و خلاّ لي سهر هالليل .. في عيني ضيف .. الا يا حيف !!<br>
<br>
يبه وينك ؟؟<br>
تعال و شوف ...<br>
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..<br>
<br>
يبه وينك ؟؟<br>
تعال و شوف .. صحيح الدنيا ما ترحم ..<br>
تجرعنا التعب انواع ... و لكن الأمل ما ضاع ..<br>
و انا عندي امل للحين !! ... و لا كني اعرفك وين !!<br>
<br>
يبه تذكر شطانـتـنا ؟؟<br>
انا و اخواني و اخواتي ... معانا عيال حارتنا ..<br>
نلعب في زوايا البيت .. يبه ... والله انا حنيت ..<br>
لذاك الوقت في وجودك ... الا يا ريت ... الا يا ريت ...<br>
<br>
ترجع .. يا يبه حنيت ..<br>
حسافه الدنيا ما ترحم ...<br>
خذت منا سعادتنا ... خذتك بعيد .. و خلتنا !!!<br>
<br>
يبه امي تذّكرنا ... بأيامك قبل ما تروح ... تناديها.. يا روح الروح ..<br>
تغازلها و تنظر لك .. مثل طفله ... ملامحها عشق مفضوح ...<br>
<br>
في ذاك الوقت .. كنا صغار ...<br>
معَ هذا ... كنا نغار ..<br>
عليها .. او بعد منها ... كنا نغار<br>
نحبك يا يبه ... ارجع .. مثل شمس الفجر .. اطلع<br>
حزينه الشمس في غيابك .. و نفس الحزن في احبابك .. واخاف الشمس من حزني ..<br>
تغيب و ما بعد تطلع !! .. يبه ارجع !! ... اذا لي خاطر فـ قلبك ..<br>
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..<br>
<br>
لكن قلّت الحيله ... و يمكن مـ البطا ضاعت ..<br>
و قلنا يوم !!<br>
<br>
يبه سامحني بترخّص ... قبل ينشف حبر الأقلام .. كلامي بعده ما خلّص ..<br>
و لكن موعد الأحلام .. حان ..<br>
ولازم اوفي له.. بعد ما ضاعت الحيله .. اشوفك والوعد باكر !!<br>
اذا فكّر يجي باكر ..!! .. و برجع اسألك وينك !!<br>
<br>
بس لازم تجاوبني .. ترى عندي امل للحين !! .. و لا كني اعرفك وين ..!!<br>
<br>
يبه شلونك ؟<br>
<br>
<br>
ملل هالكون من دونك<br>
يبه شلونك ؟<br>
وتمضي رحلة الدنيا ... بليا طلة عيونك<br>
لاجل هذا ... وكل هذا ... اقول اليوم يابـيـي<br>
<br>
ملل هالكون من دونك<br>
<br>
<br>
br>
منقووووووووووووووووووووووووووو وووووووووووووووووووووووووووووو ووووووووول
اضافة رد مع اقتباس
المفضلات