مرحبـــــــــــــــــــــــــــــــــــــــا
كيفكم وشو اخباركم
انا اليوم عندي الكم قصيدة مأساة وطن
انشاء الله اعجبكم
اخلايكم وياها
ــــــــــــــــــــــــــــــــــــــــــــ
شكتب يا وطن خجلان منك حيل
شكتب گلي شكتب تخنگ العبره
اكتب علطفال الماتت من الجوع
وبحضن الامومه تنوح الف حصره
شكتب علگضو بين الرصيف وبين
رصعات المفخخ تاكل بصدره
طبع بينه نحب الموت واحنه صغار
ونبنيله جسر لو فجرو جسره
المگابر قبطت ما ظل بشر علگاع
واظن هسه وقوف الميت بگبره
وبغداد انسبت گصو شعرها بليل
وظفاير راسها عله الگاع متبتره
مشت بغداد راحت يم ابو الحسنين
تشكي الحاله يمه وتبچي بالحضره
مثل يتيمه چنها وهوه ابو الايتام
كسرت خاطره وبحجره خلاها
شاف الراس مدمي بلا گصايب ليش
انكسر ظهره وسواجي ادموع صباها
ومن شاف الجروح بكل كتر نيشان
گام اعله الجروح بگبته غطاها
ـــــــــــــــــــــــــــــــــــــــ
انشاء الله عجبتكم قصيدتي
تحياتي
ولا تنسون الردود اوك




اضافة رد مع اقتباس

المفضلات