الصفحة رقم 1 من 5 123 ... الأخيرةالأخيرة
مشاهدة النتائج 1 الى 20 من 87
  1. #1

    Talking [ فضفض وشيل الهم .. يوميات مدرسية ] .. الفصل الثاني

    السلام عليكم ورحمة الله وبركاته

    طبعا هالموضوع استكمال لموضوع واحدوو اللي في قسم الدراسية اللي ابلعه الحوت sleeping dead

    اهني نفضفض ويكون مثل المذكرة اللي تحمل ذكريات لنا نقراها في المستقبل ..

    هذا مب موضوع دردشة ولا شي .. اهني كل واحد يقولنا عن يومه في المدرسه .. سواء بشكل يومي او اسبوعي وكل واحد على راحته sleeping tongue
    واللي منبطة جبده من المدرسه يتأكد ان اهني بيلقى احد يسمعه gooood

    يعني فضفضو قد ماتبون biggrin
    ee5b5c1469fbc3759a476cbc35222731


  2. ...

  3. #2
    هي هي!..اول رد ليdevious

    كيفك مسمووcheeky ؟؟

    ....

    في موقف صارلي في المدرسة يوم الاربعاء..بجد كانت معجزةdead

    الحصة قبل الاخيرة كان علينا تفسير..ابلة التفسير هذي......بلاش اغتابهاnervous

    المهم اني ماحبها..و لو وحدة بنت نسيت تحل الواجب يااويلها و يا سوااد ليلهاdead

    فكان الواجب في هالحصة صفحتين..انا حليت الاولى و ما انتبهت للثانيةermm

    بعدين الابلة جات و انا فتحتلها الصفحة..قالت لي و الصفحة التانية؟؟..انا بسرعة صار وجهي كدةnervous قلتلها:و ربييي ما انتبهت يا ابلة قسم بالله ما شفتهdead

    بعدين الابلة فتحت الصفحة و قالت..اصلا حليتيهermm ..صار وجهي كدةsurprised

    شوي ما القى صحبتي اللي جنبي غير مييتة ضحكconfused ..يا بنت بسم الله عليكي شفيكconfused

    قالتلي:شوفي التمرين الاول و الثاني..هذول الواجبbiggrin ..و انا ما كنت حالتهم اصلاnervous

    الابلة شافت كم تمرين محلول فعلى بالها اني حليتهbiggrin ..ربي ستر و اللهdead

    سلام^^

  4. #3
    ما شاء الله موضووع عبقريييييييي

    الله يفكنا من هالمدارس

    خلااااااص

    صدعت راسي رحت فيها

    هذا اللي ابي اقوله الحين ما في كلام

    لاني تعبانه > < في ني النوم > <

    يللا مع السلامه

    شكرا على الموضوع الرهيب والعبقري ^ ^

    تحيات ام خماس ^ ^
    CBI34420


    I really HATE School tired

  5. #4
    هلاااااااااااااا

    شخبارج مسموو؟^^

    والله الموضوع وايد حلووو^^

    بس ما عندي شي اقوله

    الا يوم الاحد بيكون وناسه بيونا مدارس ثانيه

    اعداديه

    وبجوف رفيجاتي ويعني بيصير وناسه

    بس اكيد محد يحب المدرسه والمدرسه غثا والله

    ولوعه جبد خصوصا مدرستنا افففف

    ومشكوره مره ثانيه على الموضوع فديتج^^

    الا صح نسيت

    عنوان الموضوع

    هاي مب جنها اغنيه ذاك البرنامج اللي على قناه الكاس

    برنامج فضفض^^خخخخ


    Garra Of The Sand

  6. #5
    هااااي
    مسموو

    موضوع حلوو

    انا شايل التأخير
    من أول يوم بالدراسه لين يوم الثلاثاء
    وأنا اجي متأخر^^
    المديرطفش مني
    جبتله الظغط^^

  7. #6
    شوفو انا اسبوع كامل ساكته ولا كان في موضوع فخل اقولكم الاخبار الساخنه اللي صارت يعني .. وفي نفس الوقت عشان اتذكر شسويت بداية الفصل cheeky نفس كلامي في الموضوع اللي طاف .. وها مالت cheeky

    امم داومت يوم الاثنيين ^^اللي هو قبل كم يوم
    وماشاء الله تبارك الله ولا حصة احتياط وبدينا يومنا بدرس قواعد..ماشاء الله tongue

    طبعـا في اول يوم ساكته مافيني حيل اتكلم لني كنت سهرانه ..عاد اقولكم طبعا طول الاسبوع حرقات تحطم الدنيا
    ولا يايه بقول حق رفيجتي .. تعالي انتي متى ييتي من الامارات ؟ eek
    قلت لها : تعالي انتي متى تعاليتي من الامارات eek ؟
    <<<مخرفة ..حدث ولا حرج laugh

    ههه عاد اقولكم انا ورفيجتي تمينا نسولف لدرجة ان حتى البنات مبققين عيونهم .. eek
    مستغربين لن انا وهي الفصل الاول طول الحصص knockedout speechless مانتكلم كلش كلش .. واذا بنتكلم تصيدنا الابله
    بس الحين محد في الصف يتكلم غيري انا واهي biggrin

    هه ولا يعني نسولف وجي ولم بيي شي نتعجب فيه وجي .. نصارخ بصوت عالي هييييييييييييeek قولي والله eek

    حتى يعني صج حدث غريب .. وناكل في الحصة tongue asian سكيتلزtongue

    يعني صج عبط ..

    مع ان رفيجتي قبل مستحيل تسوي شي من هالاشياء confused

    والا اليوم عاد انا خلاص انتهت صلاحيتي اليوم .. biggrin

    تخيلو جي ادخل بين تيمع البنات واصارخ .. .. مافي داناو eek مافي داناو
    وجي نقرب من علمي ..مافي داناو ..

    واحنا راكبين عالدري أأشر عالربع واقول ..
    اوليك هايدي البئرة اللي بتعمل جبنة كيري ..لكان هيديك شو بتعمل حليب ولا ئشطة cheeky

    امم وبعد شنو ..

    اي اليوم يابو لنا من مدرسه الثانوية مالت الصبيان اوراق استبيان نعبيهم tongue

    كل وحده تكتب طولها وعمرها ووزنها biggrin
    هه شدعوة بيخطبونا biggrin <<سخيفة tired

    انزين عاد ولا وحدة تعرف طولها ..فتخيلو انا تذكرت ان لم كنت صغيرة مادري وين شفت طولي كان 150 <<طبعا غلط biggrin
    فقعدت ازيد وجي .. وانا واالربع خلينا الطول نفس الشي tongue كلنا 170 biggrin -زين ماكتبنا 200 بسnervous -
    وتخيلو اغلبيه الصف جي biggrin

    بعدين رحنا نشوف طولنا عند الممرضة sleeping فشيله جي ماتعرف nervous
    طلع طولي انا 160 .. وطول رفيجتي 159 cheeky

    وعند الوزن مادري في اي اجازة وزنت .. المهم كتبت على كيفي 48 ..هو اتوقع جي ermm
    والعمر 17 .. laugh

    وبس .. يعني كله خرابيط وعبط tongue خل يبلونه ويشربون مايته هالاستبيان biggrin

    واي على طاري الاستبيان cheeky ..اول امس اظن عطونا استبينا المجلس الاعلى cheeky مالت عليهم

    هه كان مكتوب تحت نشكركم على وقتكم مادري شنو .. كتبت تحته العفو كل يوم تعالو smile tongue

    امم بس هاي اللي صار هالاسبوع ermm

    ويوم الاربعا الياي يقولون اجازة laugh ..
    هههههه عاد انا كل انسى السبب .. فمايي على بالي الا اني اقول بيعطونا اجازة عشان الاسكتشاف biggrin
    وهو اصلا بيعطونا اجازة عشان الانتخابات tongue


    بس هازا مالدي ..سي يا ..

  8. #7
    غريبة الأطوار
    والله الحمدلله انا تمام
    وانتي ازيك .. ان شاء الله شربتي داناوgooood
    ههه وبالنسبة للواجب .. كل يوم ادعي ربي يصير جي nervous dead بس مافي امل
    واصلا عندنا المدرسات اللي يفتشون الواجبات هم الاشرار ..فالشريرة في بالها اطلع البنات وتهزأهم يعني لو نسيت سؤال بتعلقني في المروحه .. وانا بقعد اقول .. مافي داناوeek


    HINATA_100
    هه هلا فيج ام خماس .. ^^
    ومن قلب المدرسه تلوع الجبد
    بس الله يطول في عمري امس راقده 16 ساعه عشان جي اليوم شبعانه رقاد حدي .. ورايحه المدرسه وانا مفرفشة من قلب tongue


    عاشقه جارا
    تمام انا والحمدلله .. انتي شخبارج؟tongue
    يحيج ايبون عندكم حد cheeky
    احنا يخافون ناكلهم ..مابنسوي شيsurprised sleeping ..بس بنشوتهم بالجواتي biggrin
    اي اي هو مال قناة الكاسgooood


    ķίήg σғ ώεεđ
    هه حتى انا اليوم متأخرة بالضبط دخلت المدرسه 7:21 دقيقة
    والعادة لازم نروح قبل سبع ..بس كيفهم cheeky الواحد عنده التزامات tongue

  9. #8
    هههههههههههههههههههههه
    والله فله سوالفكم خخخخخ

    احنا تصير عندنا اكثر منكم بلاوي هههههه

    عاد اعداديه وثالث بعد والبنات يبطون الجبد افففف لوعه

    مشكوره لانج قلتي شنو صار معاج ^^

  10. #9
    والله دايم عندنا بالفصل طرايف
    وتصير مقالب
    واحياناً نسوي للمدرس مقلب
    وياكله
    ههههه
    خصوصاً السنه هاذي

  11. #10
    اووو حطيتوا موضوع ثانيـ ..

    اممـ .. ندخل في المووضوع على طوول ..

    اول اسبوع كان اجازه بسـ داومت شوي

    اليوم الاول والثاني قلت حق ابوي اني بروح المدرسه .. بس ما رحت ..

    اليوم الثالث دخلت المدرسه .. قالولي بيفصلونكم .. قلت بل من اول السنه .. فقلت اطلع من المدرسه
    بكرامتي احسن .. فخذت كتب وطلعت .. بعد الاولى .. ورجعت البيت ولو ما رجعت احسن
    لانه ابوي جافني حاسر .. وهاوشني هواااش وقالي روح حللق >> افف ما ادري شبينه وبين شعري
    ذبحني .. وتوه قبل شوي يايلي يقولي اذا ما رحت بقص شعرك في البيت .. >> اقول في قلبي دور ربعك

    اليوم الرابع .. داومت دوام كامل .. ودخلت الصف الحصه الثانيه دخل الوكيل وسجل اسمي عشان احلق
    افففففففففففففففففففففففففففففففففففففففففف

    اليوم الخامس .. حطيت راسي ورقدت في البيت ..

    اممـ الحين ما ادري شسوي احلق وله لا .. والله حرام صارلي خمس شهور ما حلقت .. المشكله ابوي ذبحني
    مافي شي اسويه ويعجبه .. كله يقولي الناس بيتحجون .. وانا شعلي من الناس ..
    بس معلي بقصه شوي .. وبرد اطوله .. >> هالمره عنااد

    وبسـ هاي الي عندي .. والحين يوعاان وبرد للاقتباسات بعدين
    اخر تعديل كان بواسطة » A.N.G.E.L في يوم » 09-03-2007 عند الساعة » 00:14

    ايــام منتديات مكسات كانت جميله
    وادون في نهايتها
    اعتذار لكل من اخطأت في حقه ..
    فلا ادري هل سألتقي بكم مره ثانيه .. .!؟

    اقلب فالصفحات \ واسترجع في ذكرياتي
    افكر في الايام الي \ راحت من حياتي
    ايام كانت جميله \ ايام ما راح انساها
    بدايه مستحيل انساها \ ونهايه كنت اجهلها
    وقفتكم وياي مستحيل يوم اخفيها

    قلبي وياكم \عهد علي اني ما انساكم
    بديت انا هنا \ بديت من كم سنا
    ايام كانت حلوه \ وايام كلها هنه

  12. #11
    السلاااااااااااام عليكم

    موضوع جميل تشكرين عليهgooood

    انا في المدرسه اقعد على الجهه اليمنى مع اربعه وسوالف ونقل بلوتوث وخرابيط ونستلم واحد

    اما في حصة الرياضه انا منقهر من واحد كله يطلعنا كرة طائره وانا ابي قدم كله ينصب على المدرس
    mad

    وتجيك حصة النحو غلقه يجيك النوم اكرههههههههههdisappointed


    انا مم مشتهي اكمل مم فاضي اكتب nervous

    واخيراً احب اشكرك لانك وضعتي الصوره الرمزيه وانا ماشكرتك اسفnervous
    اخر تعديل كان بواسطة » sanji. في يوم » 08-03-2007 عند الساعة » 23:09

  13. #12
    احمـــ احمـــ >>> قطة الوجه الكبرى عشووق عويشق عويشيييق

    طبعا واكيييد ومتاكد واكثر من متاكد وتاكدات انا في سووي انتوا ما تعرفووني لاني

    لاني اوول مرة ادخل هالموضوووع ومادري عن الجزء الاول بتاعكم nervous

    انا اللي اعرفهم من اهني انجلووو وبس حتى يمكن هو فقد الذاكرة المتعلقة فيني ><<><> تعليقات سخييفة يالسخيييف يالخفييف يالثقيييل tongue


    مدام السالفة فيها مدرسسسسسسسسسسسة ومدرسيييين وطلاب وطالبات وطلابيب وكراسي وطاولات

    انا لازم اشارك

    اعتبروووني واحد من الكراسي biggrin



    احمــ احمــ

    بداية الاسبووع الطويييييل اللي ما بغى يخلص dead


    يوم الاحد املغ واطوول وابلع ومادري شوصفه بعد الا باليوم اللي اللي اللي هووو


    قعدت الساعة الساعه الساعه خلا اتذكر اممم امبووو دادا ماما

    الساعه 5 ونص وربع وخمس معاهم

    طبعا انا ماما >>> يدلع ولا هووو شكله مابينه وبين الدلع وجه ولا شبه ولاتشبيه بليغ ولا استعارة مكنية ولا تصريحية حتى


    عااااااد انا اكره حياااتي ودنيتي وماي لايف يوم اقعد حق المدرسة

    وبما اني ساكن بالطابق الثالث >>> يبوون الفكة مني

    وانا نايم كنت قاعد بس مادري شلوون اسمع خطووات الوحش المدرع اللطيف الحنوون

    وتقرب الخطوات >>> تحووول فلم ربع

    انفتح الليت ،، تسكر المكيف

    قووم يا حبيبي >>> كلام رومنسي

    امي قعدتني يا الهي

    يا ويلي

    يا مصيبتي

    يا هلي

    اول يوم من المدرسة

    قعدت ،،


    يتبــــــــــــــــــــــــــع ،، biggrin >>>> مالكم خص فيني ابي اعبر smoker

  14. #13
    المهـــم خلا ننقز شووي ،، لاني اذا شرحت بالتفصيييل الملل ما بخلص

    بكتب 200 صفحه ،، بالف كتاااااب biggrin

    صليت ولبست وكشخت >>>> مادري ليييش الا مدرسه

    نزلت رحت اسخن السيارة ، وبعدين وقبلين واثنين شاي

    رحت اسووي شاي nervous >>> محد فاضي لي biggrin

    وشربت وانتعشت ،، قلت يالله بسم الله بدا العذااااب الاليييم والعقااب الوخييييم smoker


    المووووهيــــم >>> بس بووق اسلوبات الناس


    وصلت المدرسة ع الساااعه 7 الا عشر

    طبعا اللي يتاخر يسوون له سالفة وانا مب فااضي لويع الراس فاذهب >> حلوة هاي << من وقت


    عااااااد يللا ادخـــل


    اموواااااه واموااااه وبح وتح وتتح ووتاااح وامواااااااااه ثانية

    كل ما امشي نص خطوووة اسلم على عشرة nervous

    المهم ليحن ما خلصت سلامااتي الا والجرس اللعين رن

    عااااد انا لاحظت شي

    انا الوحيييد اللي جايب دفاتر وشايل شلايلي والباقي محثلينها ماعندهم ماعند جدي دفتر وقلم هاي اذا كلش حكة

    حسييييييت اني مغفل ذوو عقل كبيييير >>> برين devious


    اففففففففف عربي عربي عربي

    اول حصة فالفصل عربي

    يا ربي

    مب فاضي

    مشغوول ام فرري بزي

    نكمل وبسنا ادعاءات مرفووضة


    اي صح صح صح صح صح

    عاد مسوين لنا تخفيضات كبرى مقللين الدوام مسوينه لين الساعه وحده


    مادري شطاري عليهم ، العاده لين 2 ونص

    لا والطامه العجيييبة انه لمده 3 اسابيييييع

    وبعديييين ، استكمل اليوم عاااادي

    لين ما وصلنا لحصة الكيميا ،، وصارت المعجزززززززززة احتيااااااط فالعلمية لاول مرة في تاريخ العلمية سيسجل ذلك asian

    وطبعا في نفس هاليوووم

    قالوا لنا ، ان الشاهادة الثانوية ، تغيرت ، 40% على امتحان المجلس الاعلى

    و60% على امتحان المدرسة

    يعني 30 % للفصل الاول و30% للفصل الثاني

    وامتحان المجلس الاعلى يشمل الصف اول وثاني ثانوي مال اووول كح كح مغببببر


    مااتذكر شي >>> الله يعينا



    يتبــــــــــــــع ،،
    اخر تعديل كان بواسطة » عاشـ B S B ـق في يوم » 09-03-2007 عند الساعة » 11:13

  15. #14
    اليوووم الثاني ،

    مشى عاااادي

    لين الحصة الثالثة ،، بعد احتياااااااااط شسالفة

    استااااذ الكيميا مسووي عملية مادري شسالفته >>> الله يشفييييييه


    الموووهيم ، الحصة الخامسة ، كان علنيا حاسووب

    قالوا لنا انهم مسووين موقع ، للمدارس ومن ظمنهم مدرستنا

    ونحل فيه الواجبات وفيه كوزات وهالسوالف >>> وعطوو كل واحد يوزر وباس

    عاد اسمي انا مالفييين فيه كله غلط



    الموووهيم


    ،،


    اليوم اللي بعده الثلاثاء

    ماذكر فيه الا ان عطونا نعبي بيانات حق المجلس الاعلى rolleyes


    اليوم اللي بعده >>>>>>> ترا انا مااغيييب يعني بسندركم eek


    بعد الحصة الخامسة احتياااط اتساذ الكيميا غاايب biggrin



    *******

    ونوووصل ليوووم الخميييس واللي ما يطلع يخييييييس asian


    عاااااااد خوووش فله


    الحصة الرابعه جانا استاذ فيزيا ثاني استاذنا عنده اجتماااااااع عباااقرة مع انيشتاين ونيوتن وربعه surprised



    عاد هالاستاذ التفهي عنده فللللللللللل


    وانا كل ما اشوووفه اصيييييييييح ام العبط معاااااه biggrin

    كان يدرسني فاول وثاني ثانوي

    ومن كثر ما هو يحبني ومن كثر ما انا ما مطلع له قرووون

    كان يقووولي انا بكرهك >>> دوووم ان شاء الله تكرهني asian


    وطبعا اذكر ان هالاستاذ ما يعرف يفهم بينه وبين الشرح العدل عدواة وثار وحرب دايس ومغبر >> داحس والغبرا


    وعطانا اورااااق وقال اللي يحل بحط له درجااات >>>> كذاااب هو اصلا ما يدرس ثالث tongue


    عاااااااد انا رحت اخذ لي موقع استراتيجي للكر والفر عند واحد حكـــــه


    وقعدنا نحــل

    ويقووول عشوووق لاتتكلم اقووله اتساااذ شفيييك مفهي انا ماتكلم قاعد احل واملغ عليييه لين ما يزهق


    تخيلووو اقووله استاااذ انت مفهي وعادي عنده surprised


    وكل ما احل سطر واحد ارووح اقووله استاذ خليت حط لي درجه


    يعني بالعربي الهندي الفصيييح انا في سووي هوا مجنوون

    biggrin biggrin biggrin biggrin



    وهذا اللي صاار معااااي فالاسبوووع الزفت 3d




    سي يوووو لايتر smoker


    عويشـــــــــــــــــــــــــــــــق

  16. #15
    ههههههههههههههههههه

    والله كل هاي صار معاك

    والله انا غايبه يوم الاربعاء والخميس

    وما يندرى شنو صار في المدرسه

    قولوا ماشاء الله

    بعدين ماراح يخلوني اغيب

    والله جنك كاتب قصه حياتك ^^

    ماشاء الله احداث وايد وايد

    ان شاء الله اذا رحت يوم الاحد بقول لكم شنو صار

    مع اني متوقعه انه يكون يوم ممل وكله لوعه جبد وغثا المدارس

    واففففف الشباب اللي يمرون على مدرستنا كل يوم

    صج ما عندهم سالفه يستعرضون عاد كلش من زينهم الحين

    خخخخ يبيلهم حد يسنعهم^^

    على العموم طولت

    يلا سي يو^^

  17. #16

  18. #17

  19. #18
    السلام عليكم أهلين ميسمو ^.^

    الصراحة دي أول مشاركة في الموضوع smile

    بس مفيش في دماغي أي موقف معين nervous

    بس هقولكم بعد أما أروح يوم الأحد biggrin

    المهم أنا بقول إن والله المدرسة حلوة eek

    ولينا فيها أحلى الذكريات gooood

    وصدقوني صدقوني بجد أما نكبر هنفتكر الأيام دي sleeping

    وفي الحالة دي هيحصل حاجتين rolleyes

    أولا ممكن بعض الناس يفتكروها ويضحكوا من كل قلبهم asian

    ثانيا ممكن بعض الناس يفتكروها بس يندموا إنهم ما عاشوها بكل جوارحهم >>>So Dramatic laugh

    بس ده طبعا رأيي wink

    وأكيد الكل مختلف معايا tongue

    سلام ^.^
    c6bb18273cf4c8554cec305601ccba24

  20. #19
    انا اصلا كل شي بيخص المدرسة بخلي بالسيااارة تاعت ابوي عشان ما اتذكرها وتبين اذكرها الحين لا والله

  21. #20
    وااااي عجييييب الموضوع


    انا عندي الاسبوع اللي طاف سخيف شوي


    بس يوووم الاربعاء كان مب طبيعي


    تخيلوا


    المدرسة مسويين كأس كرة السلة لطالبات المدرسة


    وكانت المباراة بين ثالث علمي وادبي


    وااااي


    انا طبعا علمي


    وكان لونا ابيض وازرق


    عاد احنا ارتبشنا قلنا يااااي ما رحنا كاس الخليج خل نطلع حرتنا هني


    ويبت معايا من البيت الوان حق الويه


    وصبغنا ويوهنا ازرق وابيض


    وكاتبين علمي


    ونص الويه ابيض والنص الثاني ازرق


    وكتبنا لافتات واعلام وكلها حق علمي


    وتعالوا شوفوا التشجيييييع


    ما بقينا اغنية ولا صرخة ولا ضربة ولا رقصة الا سويناها


    طبعا ضيعنا الحصة الرابعة عالمباراة biggrin


    وحليلهم ادبي كانوا متفاجآت انا احنا سوينا شغلات عجيبة في المباراة


    والا نصارخ


    اولايلااااااه اولايلاااااااااه اولايلا يا منتخبنا العلمي


    biggrin biggrin biggrin


    وااااي وناااسة


    والحمدالله فزنا


    وفاز الازرق العلمي


    والا نصارخ


    آعدين لييي ما تؤومو تروحوا


    خخخخخخخخخخ


    ونااااسة


    والمس حليلها

    تقول انا ما اعرف اشرح وانا اشوف ويوهكم

    وبتموووت من الضحك

    واحنا ندور كاميرا نبي نتصور بعد

    شي كاااشخ والله

    شي مباراة ثانية يوم الاحد


    ان شا الله نفوز


    biggrin


    يالله اشوفكم مرة ثانية ان شا الله


    سي يوووو

    اخر تعديل كان بواسطة » unique girl في يوم » 09-03-2007 عند الساعة » 22:40
    attachment

    الجـــــ .. ـــرح أرحــم من فراقـــــ .. ــــك

الصفحة رقم 1 من 5 123 ... الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter