ماهي جريمة تمرير المكالمات

[بوعـابد]

تسمع كثيرا بالجرايد عن جرائم تمرير المكالمات
وأغلب من يفعلون ذلك هم العمالة البنغالية


لما انت تتصل على بنغلادش مثلا
سعر الدقيقة اكثر من ريالين
يعني خلال 20 دقيقة في المكالمة يحسبلك تقريبا 40 ريال

طيب
لو انت في بنغلادش نفسها واتصلت على مدينة من مدن بنغلادش ,اكيد يطلع
الدقيقة اكثر من 15 هللة كمثال

المهم
هم يتصلون في السعودية على مدينة من مدن في بنغلادش كانهم في بنغلادش نفسها
وشلون؟؟

أنا ابعلمك وشلون

لازم في اثنين عندهم كمبيوتر ومشتركين في الدي اس ال
واحد في السعودية
وواحد في بنغلادش
ويتصلون على بعض على الماسنجر ويطلبون محادثة صوتي

يجي الزبون اللي في السعودية ويكلم الشخص اللي في بنغلادش ويعطيه رقم اهله مثلا
اللي في بنغلادش راح يتصل عليه ويشبك التيفون على الماسنجر في المحادثة الصوتية

وطبعا التكلفة يكون رخيصة
يعني بدال 40 ريال على 20 دقيقة
يكون 20 ريال على نص ساعة

وطبعا هذه خسارة كبيرة جدا على الكباين

فلذلك نشكر جهات الأمن على كشف هذه الجرائم ومحاربة الفساد

[واثق الخطى]

السلام عليكم


مادري ياخوي


بس ما اعتقد ان هالطريقة غير قانونية

عندك خط تسوى اللي تبيه فيه

دام انك ما تخالف القانون وما فيه اذيه لاحد


مثلا انا ما ابي اتصل عن طريق الكابينة

محد يقدر يجبرني


اتمنى تكون وجهة نظري وضحت لاني مستعجل شوي

[(فاعل الخير)]

غريب الحين صار المكالمات عبر الانترنت يعاقب عليها.
عادى ما فيها شيء اي واحد يتكلم عبر المسنجر من بلد آخر.
على العموم جزاك الله خير على المعلومات
الله يعطيك العافيه اخي
دمت في حفظ الرحمن