جغرافيا .. جدة
تقع مدينة جدة على الساحل الغربي لبحيرة المسك . عفوآ .. من المملكة حيث يحدها غربآ محطة تحلية مياه البحر (وهي لا تمت بأي صلة ب جدة ، حتى الموية اللي بتتحلى ما نعرف بتروح فين) جابتلنا العمى، في عمودين طالعين من التحلية يطلعوا دخان هذا الدخان تسبب في أمراض الربو لأكثر من 40% من سكان جدة وخصوصآ سكن مستشفى العسكري.
أما شمالآ فيحدها مطار الملك عبدالعزيز الدولي حدة بنت ستين
X سبعين ( مسكين الملك عبدالعزيز والله مظلوم ماله ذنب في المطار الزبالة .. أقترح انهم يقلبوه صالة أفراح .. صدقوني يجيب دهب ) ، وقال إيه أكبر مطار في التاريخ عفوآ أقصد أكبر عملية نصب في التاريخ طبعآ دا تاريخ الجبرتي لكاتبه أبو الحسن حلمي وائل الحربي وذلك في بداية القرن الثامن عشر ... وانت داخل على اليمين
طبعآ أي طيار يتعطل جهاز الكمبيوتر اللي في الطيارة عنده 4 علامات في النهار تدله انه فوق جدة
1- دخان التحلية
2- كبر حجم أرض المطار
3- زحمة حي البوادي
4- الكركبة اللي في شارع الستين
5-أما ليلآ اذا أتعطل الكمبيوتر فمعناها ان الخطوط الجوية السعودية كلها يبغالها تغيير وأقترح أنها تتغير من الآن .. يعني مو في نهاية الشوط الثاني
أما جنوبآفتحدها جزر البندقية ( تم ترا لا لم ... تم تم ) . قوة العبور الى الغد ( دا أنا اذا عندي ربع المبلغ اللي طار به دا مو أروح للغد دا أنا أروح شهرين لقدام ) .. جزر البندقية هي تاسع عجائب الدنيا السبع ( حلوة دي ها ) .
أما شرقآكما أسلفنا بحيرة المسك وهي في غاية الروعة والجمال حيث تمد هذه البحيرة في حالة هبوب الرياح شمال شرق على جدة برائحة ما تشمها في أي مكان لأنها عالية التركيز شديدة التعبير سهلة الإنتشار، محملة ب كوكتيل فيروسات وأمراض غريبة عجيبة، الطب يبغالوا مشوار عن يستوعبها.
المناخ :- يمتاز طقس جدة بخاصية الغابر مغترب نهارآ لاصق ملتصق ليلآ، من ما يجعل مناخها معتدل طوال السنة مائل الى البرودة في معظم فتراته بس اذا كنت داخل البيوت فقط
التعداد السكاني :- عدد سكان جدة حسب أخر إحصائية صدرت من عمادة القبول والتسجيل هي 700,000 نسمة فقط في طريق المدينة وحده، مليون و 800 ألف في مشروع الإسكان اللي في شارع الستين 7 مليون في البلد ونص مليار ما بين الهنداوية والسبيل وحوالي 3,000 في عداد المفقودين، أما سكانها الأصليين فهم مليون نسمة ينحدر ربعهم من الهند وثلث تكارنة و20 % للسعاة و 11% مخلط و 1 % باعشن صافي .. لو سمحت
المنتجات الزراعية :- تشتهر جدة بنوعين فقط من المنتجات الزراعية هي نعناع المدينة ورمان الطائف والمنجا الهندية واليوسف المغربي والبرتقال المصري والموز الماليزي أشهرها على الإطلاق اللوز البجلي اللي في عنيكش
المنتجات الصناعية:- تشتهر جدة بعدة منتجات صناعية أهمها صحون الدشات وعلب البليلة
الموارد الطبيعية:- يوجد في جدة موردين طبيعيين فقط
1- مياه الصرف الصحي العذبة
2- تفالين سواقين الليموزين الهنود والبنغالة وانت واقف في الإشارة
تضاريسها:- تشتهر جدة بعدة تضاريس مثل الحفريات والتحويلات والبيارات الطافحة
أهم معالمها:- من أهم معالم جدة الحضارية الكوبري المربع ( حاجة ولا في الأحلام )، مجرى السيل الشهير ( يهبل ) ، مطعم البيك اللي في البلد ( ميشن امباسيبول ) ، سوق الصواريخ ( واجهة حضارية )، باصات خط البلدية
أهم الأماكن السياحية
من أشهر الأماكن السياحية التي يجب على كل سائح زيارتها في جدة هي عين العزيزية
( تعتبر عين العزيزية من أهم وأحب الأماكن التي تتم فيها تصوير الأفلام حيث أخذت بعض لقطات أشهر الأفلام في عين العزيزة أشهرها الفيلم البلجيكي طرزان )
أيضآ من أشهر المزارات هو سور الحوامل
ومن أهم شوارعها شارع التحلية ( للسعوديين فقط )
أيضآ لا ننسى البنقلة أو سوق السمك (من جد من أحلى الأماكن بس عفن ) بحيرة الأربعين ( ياكلك )
صدق أو لا تصدق عن جدة
يوجد فيجدة 2,000 وايت صرف صحي تجوب شوارعها ليل نهار طبعآ للتبخير وتعطير الجو مع تحيات أمانة جدة
يوجد في جدة مول لكل مواطن (بنهاية القرن الحالي حيكون في مولات للخليجيين أيضآ وبعديين للمقيمين يعني حبة حبة علينا
تتألف جدة من 14 حي سكني أساسي و 50 عشوائي و 30 إختياري 7 ونص إحتياطي
تعتبر جدة مرتع للشركات الصفقات الوهمية المبنية على أسس قوية
يوجد في جدة بئر في بيت كل ساكن في جدة
يوجد في جدة أول باصات في التاريخ لا تعتمد على الوقود أو الديزل في التشغيل ( باصات خط البلدية )
يوجد في جدة أحدث شبكة مترو أنفاق (صدق بقوة )
منقول
اضافة رد مع اقتباس
زيك
المفضلات