هاااااااااااي ايفري ون _____________
كيف الحال ؟
انشاء الله تمام
حبيت اليوم اني انزل لكم قصة من تأليفي
وحطيتها في منتدى تاني ونالت اعجابهم
فحبيت انكم تقرأوها وتعطوني رايكم فيها ^-^
مع العلم لسه ما انتهيت من كتابتها
فأعذروني اذا تأخرت في يوم في تنزيل التكملة
اوكي من بعض المعلومات عن القصة:
نوع القصة : خيالية ,اكشن , رومنسية , كوميدية ,دراما
نبذة عن القصة : مممممم اخاف اقلكم واحرق عليكم الاحداث فأحسن ما اكتب عنها شيء هههه
بس عموما القصة هي كلها خيال وخارجة عن الواقع
وفي القصة كمان شخصيات من عدة انميهات معروفه
الكاتبة : MAI 2007
والقصة رح تكون عبارة عن عدة بارتات اي اجزاء او فصول
كل اسبوع او كل بعد كم يوم رح انزل بارت واحد
وهادا اذا لقيت تفاعل او ردود محمسة للقصة منكم رح اكملها وانزلها كلها
علشان كدة ابغى منكم ردود حلوة واعطوني رايكم الصراحة فيها
اوكي لا اطول عليكم تفضلوا ^_^
البارت ((1))
في يوم من الايام ومثل أي يوم بالنسبة للطالبات كان بداية يوم عادي
يقوموا من النوم متنكدات على المدرسة
ويروحوها نص نايمين كما العادة
لكن في الحقيقة البنات ماكانوا عارفين ايش مخبي لهم هادا اليوم
المهم
الاسم :هيوريتا
نوع الطاقة : التحريك <<رح تعرفوا بعدين ايش يعني
شخصيتها الخيالية : سورا<<اكيد عارفين مين سورا(بطل لعبة كندم هارتس)
قامت هيوريتا من نومها وقالت وهي معصبة :
يووووووووووه مالية نفس اروح المدرسة خليني أنام كمان شوية
رجعت غطت نفسها بالحاف وجاتها امها وهي تصرخ :
قومي يا بنت لاتتأخري على مدرستك
وشالت الحاف منها ورمتو بعيد عنها
وقامت مرة تانية هيوريتا من نومها منكدة وهي تقول :
يووووووه طيب طيب دحين رايحة بس لاتصرخي عليا رح اتصنج
وقامت تجهز نفسها للمدرسة
.................................................. ...........
الاسم:جولين
نوع الطاقة : الهواء
الشخصية الخيالية : جوي<<(من شخصيات يوغي يو)
نزلت جولين من الدرج وعيونها نص مفتوحا ونص نايمة وهي تقول لامها:
أنا راحة للمدرسة مع السلامة
ردتلها امها: مع السلامة
فتحت جولين الباب بدها تخرج بس امها نادتها وبتقلها:
اشبك رايحة كده ما اخدتي شنطتك
قالت جولين : ياربي نسييييييت رايحة اجيبها دحين
طلعت مرة تانية الدرج وهي متنكدة بزيادة وامها قاعدة تضحك عليها وعلى شكلها
--------------
الاسم :ايمي
نوع الطاقة : النار
الشخصية الخيالية: ساسكي<<هادا بالذات مايحتجله تعريف الكل اكيييد يعرفه ههه
ردتلها ايمي : هايات... فينك من زمان وأنا هنا انتظرك .. سنة علشان تلبسي ؟؟
جيني : انتي ايش إلي جابك بدري شكلك بتموتي على المدرسة بطيري لها
زهقت ايمي من الكلام وقالتلها بطفش :
اوووووف خلاص خلاص بلاشي نكد من الصبح خلينا نلحق نروح المدرسة
ومشوا سوى للمدرسة
------------------
الاسم : جيسيكا
نوع الطاقة : الكهرباء
الشخصية الخيالية : تاماكي<<(بطل انمي اوران هاي سكول)
كانت جيسيكا بتمشي وقربت توصل للمدرسة , وشافت من بعيد روزي فنادت عليها بصوت عالي : رووووووزي!!
ماردت عليها روزي , استغربت جيسيكا ونادتها مرة تانية , لكن برضها روزي ماردت فقالت جيسيكا لنفسها مستغربة :اشبها ماترد البنت, شكلها مسرحة وفي عالم تاني
قربت عندها جيسيكا وصرخت في اذنها بصوت عاااااااااااااالي: روووووووووووووووووووووووووووزي !!!!!!!!!
نطت روزي مفجوعة وعيونها مفتوحة على الاخر وجيسيكا تضحك عليها وعلى شكلها
..................
الاسم : روزي
نوع الطاقة : الارض او الارضية
الشخصية الخيالية : كلاود<<(بطل فاينل فانتسي 7)
فقالتلها روزي وهي معصبة :
الله يرجك يا جيسيكا فجعتيني
ردتلها جيسكا وهي لسه بتضحك : انتي بس لو شفتي شكلك وانتي تنطي من الفجعة لكان متي ضحك
وبعد شوية وقفت من الضحك وسألتها : اشبك ما تردي وأنا انادي عليكي من بعيد؟؟
ردتلها روزي وهي حالمة :كنت مسرحة في فارس احلامي
جيسيكا : لا حول ولا قوة إلا بالله , انتي برضك تفكري فيه؟؟
روزي : اكيد , أنا دائما أفكر فيه
قالت جيسكا وهي تسحبها من يدها وتمشي :
طيب خلاص بلاشي كلام خلينا نروحة المدرسة والا رح نتأخر
ومشوا سوى للمدرسة
----------------------
الاسم : روجي
نوع الطاقة : الشفاء او العلاج
الشخصية الخيالية : سكوال <<(بطل فاينل فانتسي 8)
قالت روجي : أنا اسمي روجي ويسعدني إني أتعرف عليكم وادرس معكم
قالت ايمي في اذن روزي : شكلها البنت طيوبة
روزي : صح كلامك بس اصبري لسه ما تعرفنا عليها علشان نحكم عليها
قالت جيني بصوت منخفض : اسسسسسسس يابنات لا تسمعكم المعلمة
سكتوا روزي وايمي وقالت المعلمة : مين جمبها مكان فاضي ؟
قالت هيوريتا : أنا أنا عندي مكان فاضي
جلست جمبها روجي وقالتها : مرحبا
ردت هيوريتا : يا هلا فيكي نورت المدرسة
روجي : تسلمي
قالت المعلمة : هيا رح نبدأ الدرس
أتأففوا كل الفصل واتنكدوا
إلا روجي
كان وجهها قلق وقالت في نفسها :
أتمنى إني ألاقي البنات المطلوبات في أسرع وقت ممكن
والا فات الأوان ..........
ايش قصدها روجي ؟؟
وايش قصدها بالبنات المطلوبات؟؟
وايش رح يصير إذا لقتهم ؟؟
تابعوا البارت الثاني لمعرفة الجواب....
يمكن دا البارت ممل شوي
بس هادي مجرد مقدمة بسيطة للقصة
ولسه ما بدأ المهم
بس كله ان شاء الله في البارت التاني
يالله قولولي رأيكم بالقصة كبداية وقولولي توقعاتكم للبارت التاني
في انتظار ردودكم الحلوة ^-^
سي يا
تحياتي
MAI 2007
اضافة رد مع اقتباس
.
المفضلات