بنات عندي مشكله شعري مايعرف شي اسمه جاذبية ارضية !

[hajo]

سلام بنات عندي مشكله شعري دايما فوق ..... كشه امشطه بعد دقيقة يكش فوق طولة لين تحت ظهري ويبان كأنه عند كتوفي نوعيته جاف وموج نفس طريقة مريام فارس بس اقل كثافةأحاول قدر الامكان اني اخليه مسترسل بس مايصير .. عطوني حل ..أبي مستحضر يخليه يبان على طوله الحقيقي ووللعلم هالمشكله مع السيشوار دايما مايضبط السيشوار احسه متشابك وفي الهوا طاير لاعت جبدي .. أبي اسماء مستحضرات تثبت السيشوار ولاتقولون كريستال مانفع معاي ابي بليييز حل للسيشوار اوكي مع هالشعر .. أبيه يصير مثل شعر اليزابيث كوردااي اللي في er المسلسل .. أو على الأقل مثل شاكير ثابت مب طاير في الهوا كاني مجنونة !

[ThAMeR MeXaT]

جربي شامبو كريستاس

طبعا بتقولين وش يعرفك انت
انا شعري طويل بس مو ناعم ثقيل وملفلف جربت الشامبو هذا طلع رطب واعطاه كثافه
طبعا اول ماتستخدمين الشامبو نشفي شعرك بالفوطه وخليه رطب شوي واتركيه الين ينشف وراح تشوفين كيف شعرك يصير
طبعا فيه منتجات كثيره نفس الماركه بخاخات وموس وجل اسألي الخبيره وراح تعطيك الحل
يباع في باريس غاليري
طبعا احنا مايحتاج صبغات واستشوار وحاله نغسله ونتركه

الشامبوا ماركة كريستاس سعر العلبه عندنا بالسعوديه 75 ريال يجلس معاك شهر كامل.

[M!ŠŞ Goțhic]

اخوينايف ساعدج وعندي إقتراح..بعد هالشامبو الي اقترحه اخوي نايف إستخدمي المكواة للشعر مب السيشوار...وهي اداة تمليس الشعر وان شاءالله أفدناج ^^...بس المره اليايه اذا عندج مشكلة روحي موضوع المشاكل المثبت...باي,,,

[أسيرة السراااب]

حبيبتي في منتج حلووو وأعتقد بيفيدج من ويلا_WELLA_ اسمه _shine mousse wax_
هو علبته مثل السبري (بخاخ) لون العلبه سلفر عندنا في قطر ب 30 ريال
المهم تستخدمينه قبل ما تستشورين شعرك وبعد الاستشوار الله يسلمج تحطين شوووي منه في يدج وبعدين توزعينه على كامل الشعر...بس هاااا حاسبي لا تكثرين ...وعلى فكره الماده مثل الموس لونها ابيض ...
اللي عجبني فيه ان مفعوله حلووو ويطول مب نفس سيروم الكرستال الفاشل ...
يعطي الشعر لمعان حلووو ويلين الشعر وريحتتتته عجيييبه ...
جربيه وان شاء الله بيعجبج...
وبعد انصحج حبيبتي تسوين حمامات زيت وحمام كريم تري يفيدون...

وسلاااام....

[همسة فرح]

عليك بالحنه تراهااااا رووووعه

وحطي معاها اللي تبين

ممكن خل تفاح شوية زيت زيتون او بيض..

وافضل انك تجطين معها بيض زيت زيتون مايونيز ...

وان شاءالله يضبط بس استمري عليها..

[hajo]

نايف
___

شكرا أخوي للمرور وصراحه صدمني انك تعرف اكثر مني خخخ . بس مو كأن 75 لشامبو كثير .؟؟ يالله نجرب ونشوف أهم شي النتيجة

M!ss Gothic

شكرا يالغلا للمررور وانشاء الله المرة الجاية الجأ للموضوع المخصص تراني شريت المكواة حقت الشعر ومن ماركة جيباس بس أنا أتعاجز لانها يبي لها وقت تطول حيل ! شكرا للنصيحة والمرور

أسيرة السراااب

هلا وغلا ببنت الدوحه شكرا عالنصيحه بجرب انشاء الله شكرا للمرور ..


همسة فرح

تسلمين يالغلا للمرور والنصيحه انا مو هامله شعري بالعكس احط حنا بس مرة في الشهر لان الحنا ضد شعري مهما حطيت روب ولا زبده الحنا يقصف شعري وايد ,شكرا الغلا للمرور وهلا فيج .

[فرفوحة]

برب

[hajo]

فرفوحة

تيت

[عـثـة]

اكووووووووويه ....



كان زمان يقولون
(( اخر العلاج الكي ))





وفي لك حل ثاني سويه جدايل

[أغلى الأسرار]

مرحبا حبيبتي

والله مشكلتك ماحددتيها
يعني مشكلة شعرك من زمان كذا ولا شي جديد

اذا كانت من زمان لازم تسوين علاج عند احد متخصص
زيوت وفرد والذي منه

وبالنسبه للفرد الكريستالي افضل شي

لكن نصيحه اذا كنتي راح تعالجينه تاكدي ان المركز متخصص مو يلعبون عليك

وبرضه الاخ نايف ماقصر جربي الشامبو وشوفي كيف

وبالنسبه للحنا حطي زيت زيتون ومايونيز او زبادي

اتمنى تنحل مشكلتك قريب

[hajo]

عثة
السبب في تعقد حالتي النفسية هي الجدايل لاتطرينها أمي دايم تسوي لي جدايل وأنا صغيرة فصار ما يثبت على شي لاسيشوار ولافرد تعبت ... بس النصايح اللي كنت أبيها عن أسماء مستحضرات غير كريستال تثبت الشعر وتخليه مسترسل ..تسلمين يالغلا عالمرور .


أغلى الأسرار

شكرا غاليتي عالمرور أنا شعري جاف مموج .. كثافته متوسطة غير مقصف ..بس اللي صج يزعجني أني لما أفتحه سواء في عرس ولا حفله مايبقى مسترسل ويثبت السيشوار ..لا فجأة يكش كأني ضتربتني صاعقه كهربائية ! وبدون السيشوار مايسترسل بروحه لا يتعقد ويصير كأني ماد ماكس ! .. تعبت دايم لافته ما استانس فيه وحتى القذلة مااستانس فيها ماتضبط .. بجرب نصيحه الاخ نايف ووالاخوات واشوف اذا في نتيجة .. بس ما ادري في كوافيرة قالت لي استخدمي زيت الرطوبة لان شعرك مايتحمل الرطوبة والدوحة ام الرطوبة !! إذا حد عنده اسم لزيت الرطوبة .. أو أي مستحضر شبيه يدلني

شكرا لمرورك حياتي .

[عـثـة]

فيه كريم يسمونه كريم فرد ... مرسومة عليه وحدة سمرا


تلقينه عند الحلاقين .. .



لما تحطينه راح يكون زي ما تبين فترة محددة .... وأحسن من ما تبينه




يعني تقريباً اسبوعين ...




يقولون اذا اهتميتي فيه بزيوت وغيره يظل مثل ما تبين




اما اذا اهملتيه .. (( ماني مسؤول عن العواقب ))

[sup-zero]

صح إني ريال بس جفت العنوان وقلت أساعد إذا قدرت وإنشالله تستفيدين من الي بقوله


أولا:الاستحمام بالماء الدافئ يكسب الشعر نعومه ولكن ليست دايمة

ثانيا:بعد الاستحمام ضعي قليلا من زيت الزيتزن بحيث يغطي شعرك بس لا تكثرين منه

والسموحة

[hajo]

اللي صادمني أكثر شي أن معظم اللي ردوا شباب ماشاء الله تعرفون أكثر من البنات

عثة
___

المستحضر اللي ذكرته يطيح الشعر ..ويقصفه ..سألت عنه والكل قالوا لي هالشي .. شكرا عالمرور والنصيحه


sup-zero
_____

شكرا عالمرور والنصايح بس أبي شي أقل دهنية من زيت الزيتون (اللي يحرق الشعر إذا ظل أكثر من 4 ساعات على الشعر )) ..

شكرا لمرورك وتعليقك والنصايح مع كل الموده

[shosho g!rl]

انا مائعرف الشي لي تبغي المحدد جربي النصائح لعطوكياه ونشاء الله تنجحي وتحقيقي لي تبغي::

[hajo]

shosho g!rl
____

شكرا لمرورك وانشاء الله اجرب هالمستحضرات وارد بالنتيجه

[رحيق الورد]

والله ماعندي فكره

سووري

[ThAMeR MeXaT]

hajo

اسمعي نصيحتي وانا اخوك
انا ترى خبره في الشعر

اذا تبين تحافظين على شعرك استخدمي الشامبو اللي قلتلك عليه وابعدي عن الشامبوهات الصناعه الوطنيه كلها مواد كياويه
ولا كريستاس اصلي وفيها فيتامينات مغذيه للشعر روحي وشوفي لباريس غاليري او اي مركز ثاني واسألي عن كل مستحضرات كريستاس

وثاني شي// اشوف البنات يقولون حطي زيت زيتون ومدري ايش وخرابيط وخري عنها ترى كل هذا يدمر الشعر واللله
وبعدين الشعره خفيفه اذا جاها الزيت تضعفها وتطيح بسرعه وتضعف البويصله

واياكي والمويه الدافيه او الحاره غسلي شعرك دايما بالمويه البارده
لان المويه الدافيه والحاره تحسس فروة الراس وبعدين راح يطلع لك قشره
والقشره هي العدو الاول للشعر واللي يخليه دايما مترهل وضعيف


باختصار

1- نظفي شعرك بشامبو كريستاس
2-لا تحطين عليه اي مواد سواء زيت او خلطات غريبه عجيبه وقللي من الصبغات والاستشوار
3-غسليه دايما بمويه بارده
4- يفضل لو تغسلين شعرك كل اسبوع 3 او 4 مرات واول ماتحسين ان شعرك فيه زيت او دهنى غسليه على طول لان الدهنيه تطلع القشره وتضعف الشعر

وبسس هذا اللي عندي

[hajo]

hajo

اسمعي نصيحتي وانا اخوك
انا ترى خبره في الشعر

اذا تبين تحافظين على شعرك استخدمي الشامبو اللي قلتلك عليه وابعدي عن الشامبوهات الصناعه الوطنيه كلها مواد كياويه
ولا كريستاس اصلي وفيها فيتامينات مغذيه للشعر روحي وشوفي لباريس غاليري او اي مركز ثاني واسألي عن كل مستحضرات كريستاس

وثاني شي// اشوف البنات يقولون حطي زيت زيتون ومدري ايش وخرابيط وخري عنها ترى كل هذا يدمر الشعر واللله
وبعدين الشعره خفيفه اذا جاها الزيت تضعفها وتطيح بسرعه وتضعف البويصله

واياكي والمويه الدافيه او الحاره غسلي شعرك دايما بالمويه البارده
لان المويه الدافيه والحاره تحسس فروة الراس وبعدين راح يطلع لك قشره
والقشره هي العدو الاول للشعر واللي يخليه دايما مترهل وضعيف


باختصار

1- نظفي شعرك بشامبو كريستاس
2-لا تحطين عليه اي مواد سواء زيت او خلطات غريبه عجيبه وقللي من الصبغات والاستشوار
3-غسليه دايما بمويه بارده
4- يفضل لو تغسلين شعرك كل اسبوع 3 او 4 مرات واول ماتحسين ان شعرك فيه زيت او دهنى غسليه على طول لان الدهنيه تطلع القشره وتضعف الشعر

وبسس هذا اللي عندي

شكرا لمرورك نايف مرة ثانية ونصايحك الحلوة ... انشاء الله اطبقها وتعبتك معاي شكرا