الصفحة رقم 1 من 2 12 الأخيرةالأخيرة
مشاهدة النتائج 1 الى 20 من 25
  1. #1

    ღஓღ【...ديــوانــ شــ ع ــراء الــ خ ـــليــج...】ღஓღ

    attachment
    ديـــــوان شعراء الــخـــليج

    حبيتـ احط لكمـ ديوانـ لشعراء الخليج ...

    وإن شاء الله راحـ يصير اكبر ديوانـ وراحـ احط كل شاعر وديوانهـ ...



    【..خالد الفيصل..】

    76


    كتبت لك ,,..
    كتبت لك خط ولا جاني ردوده
    ياليتني ادري ويش مشغلك عني

    هذا جزايه منك هجران وصدود
    عزاه يالمجمول خيبت ظني

    يزل ليلي ماتهنيت برقود
    بين التوجد والرجا والتمني

    ترى العمر يامالك الروح محدود
    ليّاك تنزع باقي الروح مني

    انا ترى مالي بدنياي مقصود
    الا اجتماع بك واموت متهني


    76

    بشروني عنك ,,..
    بشروني عنك مايدرون عني
    مادروا باللي شغل فكري وظني

    اتسمع للحكي بك واتحفظ
    خايف دقات قلبي يفضحنّي

    كل ماسموك باسمك فز قلبي
    والضماير والمدامع شاغلنّي

    ياحبيبي يوم جنبت الحبايب
    عفت لاجلك كل من قبلك فتني

    من عرف قربك عرف طعم السعاده
    وإن تشطرت ادرك غبون التمني

    في هواك من العسل لذة مذاقه
    لكن حروس النحل عنها حدني

    ماعدا اسمع بك ولا اوحي فيك عاذل
    والعذارى جهل لو داعبنّي

    لك عيون فعلها بي فعل ظالم
    من عرفتك يالغضي ماريحنّي

    إن تفارقنا تغايالي بليلي
    وإن تقابلنا دهنّي واخجلنّي


    76

    نوى القلب ,,..
    نوى القلب نيّه مانواها لاحد غيرك
    نوى القلب يمشي لك على السمع والطاعه

    مع الشك والغيره وهجرك وتقصيرك
    احبك واقول امرك له الروح خضّاعه

    ملكني هواك وقادني بامر تدبيرك
    امانه معك روحي من البعد ملتاعه

    تغزّلت بك والشعر من بعض تعبيرك
    كلامك سحر يخلف موازين سمّاعه

    تقول الغزل منّي شغل كل تفكيرك
    عسَى واعسَى والنفس بالزود طماعه


    76

    مالوم قلبي,,..
    مالوم قلبي لي انتفض عند طاريك
    والعين تبكي شوفتك ياعناها

    ياليتني ما اشد عن جال واديك
    واشارك الخلان صافي هواها

    اقعد معك واشوف زولك واحاكيك
    واوصّل النفس الحزينه مناها

    ياما حسدت ربوعك اللى حواليك
    بالشوف يوم الله بقربك عطاها

    اهواك انا واشتاق بالحيل واغليك
    وارهي من اسبابك على العين ماها

    مانيب والله ياهوى البال ناسيك
    مادام لي روح ٍ بوصلك هناها


    76

    لك حق,,..
    لك حق تزعل ثم لك حق نرضيك
    ما اقوى زعل حبيب قلبي وعيني

    ما دام قلبي يا اريش العين مغليك
    اطلب ولك روحي ومافي يديني

    لاتنشغل مالك وزين ٍ يضاهيك
    ابيك انا لو كان غيرك يبيني

    يوم الله احسن صورتك خصني فيك
    فيك الجمال وصادق الحب فيني

    شعري يزين بوصف زينك وطاريك
    والخد من ممشاك فيها تزين

    اول غناتي صوت الاشواق يدعيك
    وآخر غناتي شقّ صدري حنيني


    76

    ليتك معي ,,..
    ليتك معي ساهر ليل الهوى كله
    ما انوم انا وانت لاجل الحب سهران

    ترى السهر مع حبيبك يبري العله
    لي صرت شفق ٍ وهو عليك شفقان

    كلــّش طراته الى وافق على حلــّـه
    والا ترى كل شيءٍ يالغضي فان ِ

    لاعاش خل ٍ تنكر في هوى خلــّه
    يوم ٍ حبيب ويوم ٍ يصير قوماني

    وش فيك دايم تعسر القلب وتتلــّه
    اخاف يوم ٍ يجي معاد تلقاني

    لو وفيت ,,..

    لو فيت وجيت يوم زرتيني
    لو صدقت افنيت روحي في هواك

    لو سمحت بنظرتك وامهلتني


    76
    ايــّــوهـ,,..
    ايــّوه قلبي عليك التاع
    مايحتمل غيبتك ليله

    عساه عساه مايرتاع
    عليك يانافل ٍ جيله

    غنـّـيت يابو عيون وساع
    من غيرك اقصد واغني له

    معذور لو صرت بك طماع
    من حبكم مالنا حيله

    القلب من يمـّـكم نزاع
    لو حاولوا صعب تحويله

    مانيب من عاذلي سمــّـاع
    والله ما اقطع مواصيله

    من لام راعي الهوى خد ّاع
    سيـــّور الايام تبدي له

    ماضاع عمري معك لو ضاع
    ماضيه والا مقابيله

    سلــّــمت لك خافق ٍ جزّاع
    عساك يازين تاوي له



    76


    ياعيونه,,..
    ياعيونه بس يكفيني عذاب
    بالذي ودك تقولينه دريت

    كل ماقلتيه عندي له جواب
    إقري عيوني مثل ماني قريت

    ياذهاب العمر عمري في ذهاب
    القوي الله فلكن ماقويت

    مابقى لي قلب منك القلب ذاب
    بيــّن ٍ حالي ولو اني ماحكيت

    كل ماقلت انفتح لي فيه باب
    دار حظي وانقلب عمــّا نويت

    دوك شيبي لاح في حل الشباب
    كل ٍ وحظه وانا بحظي شقيت



    76


    فدوة عيونك,,..
    فدوة عيونك لو غدت روح مغليك
    وش عاد لو راحت لعينك عشاير

    ابيع مايغلى على الكون واشريك
    واسوق لي جتني علومك بشاير

    وازعل جميع الناس بالحيل وارضيك
    واصبر ولو دارت على الدواير

    واخذ من ايام ايام واعطيك
    وان راح العمر لك فلا هو خساير

    احب انا شوفك وصوتك وطاريك
    دايم وفكري فيك هايم وحاير

    بالصمت اهوجس بك وبالصوت اناديك
    والله عليم البيــّنه والسراير

    انا وقلبي والهوى بين اياديك
    عندك مفاتيح الهنا للضماير

    من روحي آحبك ومن روحي افديك
    يامن غرامه والحسن فيه ثاير



    76


    لا ما انتهيت ,,..
    لاما انتهيت توي معك يا اجمل العمر ابتديــــــــــــــت
    توي عرفت ان السهر نشوة هــــــــــــوى
    توي عرفت ان الهوى عند الحبايب له دوا
    توي اسجل مولدي ياموعدي بعد الضياع
    توي نسجت الشوب من هدب الشعـــــاع
    توي اكتشفت الليل واسرار الـــــنــجـوم
    توي ركبت الخيل من فوق الغـــــــيـــوم
    لا....مـــــا انـــتـــــهـــــيــــــــــــــــــــت
    توي معك يا اجمل الـــعــمـــر ابـتــديــت
    ياما اشتهيت ادفا عــلــى الــنــور البعيــد
    ياما رحلت اشكي على مــتـــن الـقـصـيد
    ابـــحـــث عـــن الامـــــل الــــــخـــيــال
    اصـــور الحـــلـــم الــــمــحـــــــــــــــال
    يـــامــــجــهـــولــي الغـالـــي ابـــــــيـــك
    يــا احــــلــى احــلامـــــي ابـــــــــــيـــك
    يامطر مـــن غــيـــر ســــــحـــــــــــــاب
    ياهواي اللي حضر بـعد الــغــيـــــــــــاب
    لا....مــــــاانــــتـــهـــــيـــــــــــــــــــ ــت
    توي معك يا اجمل العمر ابــتــديـــــــــت
    مـعـك هـزمـت الـمـســــــتـــحـيـــــــــــل
    لـــمــــســـــت الـــــنــــــــــــــــــــــــــور
    حـــبــــســـــت الـــــــــــــظــــــــــــــــل
    رســـــمـــــــت الـــــــــــــصــــــــــــوت
    لــــــــونـــــت الـــــــــــــهـــــــــــــــــوا
    طــــاولــــت الـــــنـــخـــــــــــيـــــــــــل
    مـعـك جـرحـت اللـيل وغــنـــــيــــتــــــه
    لــثــمـت الــصــبـح وبـكـيــــــــــتـــــــــه
    مـــــــــعـــــك.....ناديــــــــــــــــــــــــ ـت
    مـــــــــعـــــك....رديــــــــــــــــــــــــــ ت
    ياصـوت الـورد يـاريــح الـقـصـيــــــــــد
    ياضــــحـــكـة الــمـاضـي الــجـديــــــــــد
    يا إنـــــــــــت ... ياعــمـــري انـــــــــــــا
    لا....مــــــــــــا انـــــــــتـــهـــيـــــــــــــت
    تـــوي مــعـــك يــا اجــمــل الـعمر ابتـديت



    76
    يــــــــ ,تــــــــــــ,بـــــــــــ,عــــ.


  2. ...

  3. #2
    حـدّني وقتي ,,..


    حـدّني وقتي على شيٍ جديدي

    السهر ماهوب من عادة عيوني

    أبعدوني عن هوى بالي وسيدي

    ومنعوا عنّي خطوطه ياصلوني

    شـطروني عنه في دارٍ بعيدي

    حـسبي الله كانهم منه قطعوني

    صـارت الفرقا لنا علمٍ وكيدي

    لـيتهم راحوا وانا عنده نسوني

    عاقني عن صاحبي سورٍ حديدي

    دونـه الـبحور حرّاسٍ ودوني

    الرجا بك يابو خالد يا عضيدي

    لا تـخليني تـراهم عـذّبوني


    76



    غـريـب والله,,..


    غـريب والله يـا حـبيبي هوانا

    نستعذب الأشواق ما نطفي الشوق

    شـوقي وشـوقك هـايمٍ في سمانا

    في ناظري حيره وفي ناظرك موق

    نـطرد سرابٍ في صحاري ظمانا

    لا فـيه مـيرادٍ ولا حـاصلٍ ذوق

    يــومٍ يـبـعّدنا ويـومٍ دعـانا

    ويـوم يـلبّسنا خيال الهوى طوق

    طـيفٍ يـرغّبنا وطـيفٍ نـهانا

    فوق الثرى نمشي وحلم الهوى فوق

    خـيالنا مـن كـل نـبعٍ سـقانا

    وأيـامنا تـسوق عـبراتنا سـوق

    مـيـعادنا عـند الـتمنّي نـسانا

    وظـروفنا تزرع على دربنا عوق



    76




    طال السفر,,..

    طــــــال الــســفــر

    والـمـنـتظر مـــل صـبـره

    والشوق يا محبوب في ناظري شاب

    رد الـــــنــــظــــر

    خـلـيـت بـالـكـف جـمـره

    سـعيرها فـي داخل القلب شباب

    عـــــــز الــخــبــر

    والـمـهتوي ضــاق صــدره

    يـا من يرد العلم عن هاك الأحباب

    طــيــفــه عـــبـــر

    مـا أرسـل مـع الـطيف عـذره

    هو خاطره من لوعتي ما بعد طاب

    هــــو مــــا ذكــــر

    أن الـجـفـا فــيـه كـسـره

    للخافق اللي من هوى صاحبه ذاب

    يــــا مــــا ســهــر

    طـرفـي عـلـى حـبس عـبره

    اردهـا والـوجد لـلدمع جـذاب

    دمـــــــعٍ حــــــدر

    جـالـه عـلـى الـمنع جـسره

    عـظيم وجـدي للدمع شرع الباب

    يــــــوم وشـــهـــر

    عـــزاه والـعـمـر مـــره

    والـناس واجـد لكن الولف غلاب



    76




    كل مانسنس,,..

    كـلما نـسنس مـن الـغربي هبوب .. حمل النسمة سلام
    وان لمحت سهيل في عرض الجنوب .. عانق رموز الغرام
    لــك حـبـيب مــا نـسـا .. كـلمته دايـم عـسى
    اطـلـب الله وارتـجـيه .. صـبـح يـومـي والـمسا
    كـل زيـن اشـهاده وانـتم بـعيد.. مـنوتي لـيتك معي
    وان سـهرت الليل اهوجس بك واعيد ..هل لاجلك مدمعي
    وانــت هـاجس خـاطري .. وانـت فـرحة نـاظري
    يــا قـريـب ويـا بـعيد .. فـيك امـس وحـاضري
    نـشوتك تـلعب مـع قـطر المطر .. وانتشى قطره معك
    والـسحاب يـطاردك بـين الـشجر خـالق الزين ابدعك
    الـنـدى فــي وجـنـتك .. صـار عـطر بـلمستك
    والـهـوى غـنـى طــرب .. تـسـتثيره بـسـمتك
    كـلما ضـمت عـيوني مـنك طيف.. يا بعد كل الطيوف
    قـلت ما مثلك على الدنيا وصيف.. لا حشا مالك وصوف
    لا سـحـاب ولا مـطـر .. لا نـسـيم ولا زهــر ..
    لا طـيـور ولا زهــر .. ولا مــع بـاقي الـبشر ..


    76




    لايطول غيابك,,..

    لايـطول غـيابك ثـم اخـذ عـليه
    لـو تخليت عنى عنك قلبي ماتخلى
    الـعذر والـتعلل والـحكي مـانبيه
    مـن تـحرك فؤاده بالهوى ماتخلى
    طبعي الصبر لكن وش عليه ارتجيه
    من طويل الصبر يعقوب وايوب ملا
    دامـني حي عطني وش بقي نحتريه
    مابي دموعك اللي عقب موتي تهلا
    مـابقي بـالعمر مـقدار ماراح فيه
    كـل مـازل يـومٍ يوم بالعمر ولى
    مـايعرف الـجمر مثل الذي يكتويه
    احـد يـدفا بناره واحد فيه يتصلى
    يـامن الـقلب حـطيته براحة يديه
    مـارضى لـه مكان غير كفك محلا
    كـم تـعذر وعيا عن هوى محتويه
    لـين طـاح بيمينك بالغرام وتجلى

    76




    لونسيت,,..


    لو نسيت العمر ما انسى دمعتك
    صرخة ذابت من عيونك دموع
    تـرتعش مـرتاعة في وجنتك
    وانتفض قلبي لها بين الضلوع
    أزعـجت صمت الليالي عبرتك
    بـالخفا ثوره وبالظاهر خشوع
    تـسكب الدمعه وتظمى نظرتك
    مشهد النظرة وهي تظمى يروع
    يـا ضياع العمر ضيعة بسمتك
    ضـاع معها خافق مثلك جزوع
    لـيت من يمتص جارح لحظتك
    والفرح يشعل دياجيرك شموع


    76




    ياساعة الفرحة,,..

    يـا سـاعة الـفرحه تـشوقت للعيد


    عـيد الـعيون وعـيد قـلب الصبابه


    رد الـجمال لـشوفتي يـا اتلع الجيد


    واسـحب عـلى حرفي لحون الربابه


    حرفي بصوتك يا اجمل الصوت تغريد


    يـا رمـز حـبي هـاك رمز الكتابه


    يـا صـبح عـمر فـيك للعمر تجديد


    وحـبـك يـجدد كـل يـوم شـبابه


    لـلعين والـقمرا وحـسنك مـواعيد


    ولـيل الـهوى شـرع للأحباب بابه


    يـاما زعجت الصوت باسمك تراديد


    ويـاما نـسيم الـوجد يـمك سـرابه


    ويـاما تـمنيتك عـلى بـاقي الـغيد


    واقـول مـثلك يـا غلا الروح ما به


    ابـيك تـهوى مـثل ما اهواك وتزيد


    يـا مـن خفوق القلب حسنك غدا به


    يـا قـطرة الـغيمه على يابس البيد


    رد الـحـياة لـخـافقي يـا ذهـابه


    76




    الحزن في صوتك,,..

    الـحزن فـي صـونك ازعـج ساكني
    لـين صار الكون من حولي حزين
    غـصب عـني حـزن صوتك هاجني
    لـيـن خـلَّـى عـاصي الـمعنى يـلين
    وامـتـثل حــرف الـقصيد وعـادني
    وانسكب حزنك على شِعري حنين
    شِـلت أنـا صـوتك وحـزنك شـالني
    أكْـتـم الـصـرخه ويـنـساب الأنـين
    شِـفت حـزنك كـيف حـزنك شـافني
    كـيف داهـم خـلوتي فـي ـحظتين
    طـيـر أنــا مـثـلك زمـانـي ضـامني
    جـرّحـتني مـثـلك سـيوف الـسنين
    صـابـك الـلـى مــن زمــانٍ صـابني
    فـي مـعاليق الـحشا جـرحه دفـين
    الــفـرح عــقـب الـصـداقه هـابـني
    خـافت الـبسمه عـلى وجهي تبين
    طـير يـا اللّي صوت حْزنك هاضني
    الله الــلــي يـنـتـصـر لـلـصـابـرين



    76




    مجموعة انسان,,..

    قالت من انت وقلت مجموعة انسان
    من كل ضد وضد تلقين فيني
    فيني نهار وليل وافراح واحزان
    اضحك ودمعي حايرٍ وسط عيني
    وفيني بداية وقت ونهاية ازمان
    اشتاق باكر واعطي امسي حنيني
    واسقي قلوب الناس عشقٍ وظميان
    واهدي حيار الدرب واحتار ويني
    واحاوم صقور الهوا حوم نشوان
    واسيل الوديان دمعٍ حزين
    في عيني اليمنى من الورد بستان
    وفي عيني اليسرى عجاج السنيني
    تهزمني النجلا وانا ند فرسان
    واخفي طعوني والمحبه تبيني
    إما عرفتيني فلاني بزعلان
    حتى أنا تراني احترت فيني




    76




    غربة الأشواق,,..

    في غربتي ، عارضت أنا ركب الأغراب
    أشد .. وأنزل .. والليالي ركايب
    أضداد .. وأقران وعدوان .. وأصحاب
    متناقضات الخلق .. ماغاب غايب
    أسهر معا تهويم نجمات الأحباب
    حتي يصير النجم بالصبح غايب
    أصبح على فجرٍ ضحوكٍ .. وعجاب
    وأمسي على همسات ، ستر العجايب
    وقامت تجاذبني على درب .. الأسباب
    نفس الشباب .. يحدها عقل شايب
    مشيت في رمضا .. وسنّدت بهضاب
    وعارضني سيول ، وهبّت هبايب
    وأمسيت في صحرا .. و قيّلت في غاب
    ومن طاول الغربات ، شاف العجايب
    مرتني الدمعه ، بها الوجد ماذاب
    في غربة الأشواق ، راحت هبايب
    مرتني البسمه ، تقل فوقهاحجاب
    وراك خجلي يارسول الحبايب
    والحب.. مريته غريبٍ على باب
    عقب القصور .. أمست قصوره خرايب!!
    بغيت أسلي خاطره .. عقب ماشاب
    لقيت ماله بالتسلي طلايب
    أقفى مع المقفين .. وجلٍ ومرتاب
    على عقوق الوقت ، بالحيل عايب
    في غربتي .. مريت رجلي وركاب
    أرزاق .. من رب الخلايق ، وهايب
    اخر تعديل كان بواسطة » ķίήg σғ ώεεđ في يوم » 17-02-2007 عند الساعة » 20:08

  4. #3
    الشاعر التالي...
    asian
    اخر تعديل كان بواسطة » ķίήg σғ ώεεđ في يوم » 17-02-2007 عند الساعة » 19:30

  5. #4
    يـــا بــــوش
    باسم الكويت وشعبها وين ما كان .. شعب الكرامة والأصالة شعبنا

    يا مرحبا يا بوش من قلب ولسان .. طيبك ومعروفك لشخصك جذبنا

    يا بوش أحيي فيك قايد وإنسان .. شجاعة الموقف وحزمك عجبنا

    يحق للديرة تضمك بالأحضان .. ورّدتنا صافي القراح وشربنا

    من مجلس الأمة إلى قصر دسمان .. تسمع صدى الترحيب من كل مبنى

    تقدير لأفعالك وشكرٍ وعرفان .. قايد عظيم بجانب اسمك كتبنا

    في صفحة التاريخ مكتوب عنوان .. الله وثمّن بوش ولا انهبنا

    عاداتنا يا بوش من عبر الأزمان .. رد الجمايل والله اللي وهبنا

    نجازي الاحسان حنّا بالاحسان .. بالطيب والمعروف ماحد غلبنا

    يا بوش ما قصرت يا ذرب الايمان .. عرضت جيشك للهلاك بسببنا

    يا بوش ما اسمك بوش اسمك كحيلان .. البوش والله والتخاذل عربنا

    عانيبها عدوان كانولنا اخــــــوان .. يـــــاما سندناهم ويــــــاما تعبنا

    بالطيب جيناهم وجونا بنكران .. وش ذنبنا وش جرمنا ش ارتكبنا

    قالوا عرب أصحاب أحباب جيران .. قلنا نعم .. لا شك منهو نكبنا

    من سلطه اجنوده على أعراض نسوان .. من يتم الأطفال ؟ منهو نهبنا

    من روع الغافين ظلم وعدوان .. أرعب منام أطفالنا وارتعبنا

    من خان بعهود ومواثيق وأيمان .. بجدة يفاوضنا وجيشه حربنا

    من لوّث البيئة حرايق ودخان .. حتى شعاع الشمس عنه حجبنا

    من حرّف التاريخ زورٍ وبهتان .. ألغى الكويت من الوجود وشطبنا

    وقام التحالف قومة أبطال شجعان .. كلٍ يقول لصرخة الحق أجبنا

    وتحقق التحرير في عزم وأيمان .. بقيادتك يا بوش خلّص نشبنا

    وعدنا وأعدنا عمارها تاج الأوطان .. حنّا تجاوزنا الجروح ووثبنا

    لكن على الفرحة بقايا ونقصان .. لا عادوا أسرانا تحقق طلبنا

    وراس العكف هو الهدف سر واعلان .. لا طيّروا راسه يطبق هدبنا

    إن ما تهيّا زمرة الظلم تنهان .. لا أقول راح الشر ولا اقول طبنا

    76

    وقــالت بــدو
    وقالت بدو
    وصدت وقالتها بقرف
    بنت الأكابر والترف
    متكبره .. متعاليه
    يعني بدوي يقعد طرف !!

    قالت بدو
    والمعنى دون المستوى
    ماحنا وياها سوى
    احنّا بنظرها من نكون ؟
    ريشة يطيرها الهوى

    مفهومهما حنّا عدد
    رقم ولا أكثر بعد
    يعني مجرد تكملة
    ولا فهي أصل البلد

    قال بدو
    تعني صفر على الشمال
    هذا على أحسن احتمال
    تصدر حكم ، ما تلتفت
    تحكم ولا تترك مجال

    قالت بدو
    متصورتني باستحي
    وأترك مكاني وانتحي
    وتفاجئت ، تغيرت ، تلعثمت
    ما تدري أني بافتخر
    ولي الفخر !!

    حنّا بدو
    حنّا عمى عين العدو
    حنّا البداوة وضعنا
    وأهل الوفا هم ربعنا
    حنّا نتفاخر بأصلنا
    يا بنت هذا طبعنا

    ماهي بداوة تلفزيون
    ولا مسلسل أردني
    بس بدوي بالميكرفون
    ولا هد سيفه ينثني
    ولا بدو بيت السدو

    حنا البدو
    حنا بداوتنا الأصل
    بالقمة حنّا مو أقل
    حنّا بداوتنا تراث
    من جيل لي جيل انتقل
    حنا معاني ساميه
    نروي السيوف الضامية
    نرد المنايا ما نهاب
    لو هي سعاير حاميه

    حنّا بدو

    حنّا البداوة عيدنا
    ما ناكل إلا صيدنا
    ما نعيش عالة مجتمع
    نموت .. ما نمد أيدنا

    حنّا البدو

    حنّا البداوة بدمنّا
    ما نسمي أحدٍ عمنّـا
    حتى ولو منهو يكون
    لو هو زعل ما همنّا

    حنّــا بدو

    حنّـا البداوة عمرنا
    ماحد بيصبر صبرنا
    لأنها مصنع للرجال
    نمشي وتمشي بأمرنا

    حنّــا البدو
    حنّا البداوة أصلنا
    حنّـا البداوة فصلنا
    حنّـا بدو متماسكين
    وهذي نتيجة وصلنا

    يا بنت ياللي تضحكين
    قلتي : ابدوي تستهزئين؟
    غرج لباسج الأجنبي
    والمشكلة ما تعرفين
    أن البدو أصل العرب
    تبغين هالكلمة طرب
    صارت نشب

    يا آنــســة
    يـا عانســة
    يا ضايعــة ومستانســة
    يا تارسة وجهج صبغ
    يا تارسة عينج شدو
    حنّــا البدو
    ولو كان قلتيها بقرف
    لنا الشرف
    أنّــا بدو

    حنّــا بدو
    حنّــا بداوتنا شيم
    ديــن وقيّــم
    معنى كبيــــر
    ما أظن مثلك يعرفه
    لو تدعين المعرفه
    شي عسيـــر
    ما أظن مثلك ياصله
    صعبه ولاهي حاصله

    كلمة بدو !!
    تعني التمسك بالجذور
    ماهو التخلف والجهل
    ولا بعد حب الظهور
    ولا التنكر للأهـــل

    كلمة بدو
    تعني الشمم
    فعل وكرم
    مبدأ حضارات الأمم
    حنّــا القمم
    نارٍ على راس العلم
    يشهد لنا سيف وقلم
    وإن كان ما عندك خبر
    لنا الفخر

    لو عشنا ببيوتٍ شعر ..
    عيشة ألم ..
    عيشة فقــر ..
    عيشة تعلمنا الصبر
    ما نقترض لجل السفر
    ونحسّب أيام السفر
    ما نفترض
    ونعيش واقعنا بحذر
    وبالضيق نرخص بالعمر
    نشرب من الماي الهماج
    ونكحل نواظرنا بعجاج
    وغسيلنا حفنة رمل
    هــي الدوا
    واهي العــلاج
    عيشة رضــا
    ماهي نكــد !!
    ما فيها تعقيد أبد

    ساعات ما نلقى ذرا
    يكفي نتلحف بالنجوم
    وفراشنا رمل الثرى
    وسراجنا نور القمر
    لا من ظهــر
    وننام من عقب العشا
    ونصحى قبل وقت الفجر
    نؤمن بقضانا والقدر
    ماهو كســل
    ولا نعيش بلا أمــل
    نملك طمـــوح
    علــم وأمـــل
    ونرعــى الإبــل
    ونــرعى الغنم
    ونعزف من الونه نغــم
    ونتابع أخبار المطر
    وندوّر الروض الخَضَر
    ونسري ورا
    برقٍ سرى
    ولا نتراجع للورى
    ونبحث عن المرعى العشيب
    ومن شعيب إلى شعيب
    ما نستقــر
    عنواننا كل الديار
    تجوالنا ليل ونهــار

    نعيش عيشه هاديه
    وهذي حياة الباديه
    سنة الربيع ، سنة دهر
    ورغم الفقر
    نخاف من قولة أفا
    ونتعب على قولة نِعِم
    ونعيش عاليين الهمم
    من فضل ربي ما نخون
    نرعــى الذمم
    ونركض ونتعب ما نمل

    ماحنا مثلك لا شغل ولا عمل
    ما غير بس أكلٍ ونــوم
    ومن الشحم ضاقت عباتج والهدوم
    يا أسمن أنواع الحريم
    يا عايشه على الريجيم
    يا آنــســة
    يـا عانســة
    يا ضايعــة ومستانســة
    يا تارسة وجهك صبغ
    يا تارسة عينج شدو
    حنّــا البدو
    ولو كان قلتيها بقرف
    لنا الشرف
    أنّــا بدو

    ياللي تقولين ابدوي
    أنا ابدوي
    ولي الفخر أني ابدوي
    عزمي قوي
    ما أخون
    ما أبوق الخوي
    يبدأ نهاري بالصلاة
    وأصارع أمواج الحياة
    ما ضاقت الدنيا أبد
    ولاني من أصحاب الحسد
    أرفع ايديني للسما
    وأطلب من الله واستخير
    ما اقول يمكن ربما
    ولا يصير .. أو ما يصير

    محافظ على الخمس الفروض
    واضح ولا أحب الغموض
    ولا أتلون والتوي
    لاني ابدوي
    متمسك بأصالتي
    ولا أغير لهجتي

    أنا ابدوي
    في فزعتي
    وفي قومتي
    وبقعدتي
    وفي مشيتي
    وفجلستي
    وفي كلمتي
    وبنخوتي
    وحتى عقالي ولبستي

    ولو قلتي عني فوضوي
    ما ضرني
    بالحيل يا بنت ابدوي

    ويسرني أعرف .. من أنتي ؟
    ومن أنا ؟
    والفرق واضح بيننا

    تدرين وأدري من أكون ؟
    ويكفينا نعرف بعضنا

    أنتي مثل عمر الزهور
    مالك عمر
    مالك سنين
    شهرين ويجيك الجفاف
    وتذبلين
    وتصبح ألوانج باهتة
    وأنا جذوري ثابته

    ماخذ من الصحرا الهدو
    وإن كان هذا يسعدج
    حطي على راسك يدج
    هالمرة لا قلتي بدو
    يا تارسه وجهك صبغ
    يا آنــســة
    يـا عانســة
    يا ضايعــة ومستانســة
    يا تارسة وجهك صبغ
    يا تارسة عينك شدو
    حنّــا البدو
    ولو كان قلتيها بقرف
    لنا الشرف
    أنّــا بدو

    76

    جـــوني ثــلاثــه
    جوني ثلاثة كلبوهم محــبـيــن ....... وكلن بنفسه حاجـتــن ما قضاها

    قلت آمروا قالوا نصيناك عانين ....... وافزع الحال اللي حياته شكاها

    الاولى مجبور في داعج العين ....... لكنها خطبت وغيره خذاها

    قلت انت حل مصيبتك يامسكين ....... تصبر الين النفس تلحق هواها

    اما تولــــع في هوى ناس ثانين ....... والا تـســــرح ثم تسرح معاها

    والثاني الي عذبه كامل الزين ....... واقفت وراحت مادرى وش بلاها

    قلت انت لاتتبع هوى ناس خالين ....... واتهين نفسك من سبايب جفاها

    نفس العنا بالك تذلك على الشين ....... خلك عزيز النفس وأقطع رجاها

    والثالث اللي ماعرف للمزايين ....... يبي الهوى ويخاف من منتهاها

    قلت انت بالك تدخل الحب هالحين ....... ليما هذيك البنت ابحث خفاها

    كانك لقيت احباب قلبك حبيبين ....... ادخل واحذر لايصيبك عناها

    وكانك لقيت انه نوايا شياطـين ....... بالك توهق بالمحبه وشقاها

    76


    الــدار صــدت
    الدار صدّت ما تلقّي جابه .... الحر الأشقر كسّرت مخلابه

    لاهو على الصيدات ما دمّاها .... معاقيد من صيدته مضلابه

    ما راح نشوف أكثر مما شفنا .... صرنا شحم جنزير للدبابة

    قلنا خلصنا من عيال الخكري .... وابو براطم ذاك هوه اصحابه

    وترجع لنا الديرة مثل ما كانت .... والبيت بالمفتاح سكّر بابه

    لكن بلانا صـــــار منّــا فينا .... حـنّـــــا فتحنا الباب للنـهابه

    خير البلد للغير هذي البلوة .... وراع البلد من هالتعب وش نابه؟

    ما المشكلة عاش الغريب امدلل .... ولا تعيش أم أحمد الخطابه

    المشكله صرنا ابلدنا قلة .... نسبة وتناسب وين هالحسابة؟

    ضاع الكويتي بالكويت بلاده .... كيف الوطن بأهله تضيق ارحابه

    ابن الولد شاف الغبن بعيونه .... ولو صاح بأعلى صوت ماحدٍ ثابه

    الواضح أصدق وصف لابن الديرة .... غريب ببلاده وبين أحبابه

    يا ناس صرنا جاليه بديرتنا .... راعي البلد ماحدٍ يحسب احسابه

    تلقى الغريب بدارنا متفرعن .... ناره على راعي الوطن شبابه

    في ديرته ياكل تبن بايدينه .... وفي ديرتي يرفع علي مصلابه

    في ديرته مسلوب حتى رايه .... وفي ديرتي يفتل عليَ اشنابه

    في ديرته يهاب حتى الشرطي .... وفي ديرتي حتى اللوا ما هابه

    واذا تكلمت ابتلشت بعمرك .... بين المخافر قصة واطلابه

    الموت تلقى الحق دايم معهم .... عيال عمه فزعته واقرابه

    والقاضي راضي والهوى وياهم .... مبروووك لازم تلعب اللعابة

    هذي سوايانها وفعل ايدينا .... اللي جرا كلنا نعرف أسبابه

    من جاب هذا الأجنبي لبلادي .... من وقع الفيزا وخط اكتابه

    قبل تلوم الناس ، حاسب نفسك .... لا تلعنه ، العن ابو اللي جابه

    يقولها راع الوطن متحسر .... صاب الهدف ولا بعد ما صابه

    الدار جارت ولا حنّا جرنا .... الحر الأشقر من كسر مخلابه

    اخر تعديل كان بواسطة » ķίήg σғ ώεεđ في يوم » 17-02-2007 عند الساعة » 20:17

  6. #5
    يـاللـي زعـلــت
    ياللي زعلت إزعل ولاني مراضـيك ..... أشرب كدر ماي البحر كانه أرضـاك

    لا تحسب أني عقب صدك بداريـك ..... بأعز نفسي عنك مـدراك مــدراك

    أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك

    وخليتني واليــوم والله لأخـليـك ..... وأدوس قـلبي لينـه يقـول خـلاك

    قبـل توريني الحسـاير بأوريــك ..... ليمن يقـال فـلان هانـك و ورآك

    كـانك تحداني فأنـا أقبـل تحـديك ..... وأنسى الغـرام اللي مـضى وأتحداك

    مـاني بقايـل لك عسى الله يهنيـك ..... الله يحـرمك كـل مـا كان هنّــاك

    عـسى العمـى ياخين العهد يعميـك ..... فوق الغرور اللي عن الماضي أعماك

    وعسـاك ما تسمـع قريب يناديـك ..... حيثك تجاهل صوت محـروم نـاداك

    وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك

    وعسى حياتك بس فرحـة لشـانيك ..... يلقى بها الفـرصـة عدوك ويشناك

    وعسى الليـالي اللي تجيني بطاريك ..... يصبح عليها الصبح ويموت طريـاك

    وعسى المنـام وكل راحة تجافيـك ..... آمين حتى اللي تمنــاه يجفـــاك

    وعساك ما تفـرح وتكثر بـلاويـك ..... وأمك تشـق الجيب من عظم بلـواك

    وإلى مت جعلك في جهنم تصـاليـك ..... نار الجحيم ونار دنياك تصـــلاك

    الله يكـره فـيك حـتى دوانيــك ..... غشـاش خـاين من من الناس داناك

    هذه النهايـة روح والله يجازيــك ..... أمسـك ويومـك عنهم الغد يجـزاك


    يــا عــيــن
    ياعين شوفي كامل الزين يا عين ... شوفي حبيبك وافرحي في قدومه

    جودي بدمعات الفرح لا تخشين ... دمع الفرح ياعيني اليوم يومه

    هذي حلات الحب صافين الاثنين ... كلن يبيع الود للي يسومه

    ان كان قالو بالسنه بس عيدين ... اليوم ثالثهم وبانت رسومه

    احنا فرحنا وما نسينا المحبين ... ما ينسا ربعه من يقضى لزومه

    الله يهني قلوبهم قولي آمين ... واللي يلوم العاشق الله يلومه
    ]76


    تـعــاتـبـنـي
    تعاتبني بنظرات خفيــة ..... وأجاملها ولا ادري وش وراها

    أجاوبهـا بنظرات حزينة ..... تعبر عن ضنـا الروح وشقاها

    أسايرها وأجاوب كل نظرة ..... وأخبي الوجد وأبحث عن رضاها

    وعقب ما شفتها عرفت قلبي ..... تناساها ولكن ما نساها

    غلاها يزود مع زود الليالي ..... وباع الناس قلبي واشتراها

    وصرت أغار أنا منها عليها ..... خطا نفسي وآنا أتحمل خطاها

    وأغار من أمها حتى وأبوها ..... وأغار من الذي بأمره ولاهـا

    وأحسد اللي تبره بالرعايـة ..... وأحسد اللي بأحاسيسه رعاها

    وأحسد البنـز لا قامت تسوقه ..... أخاف أنه يشاركني غلاهـا

    وأحسد الريح لا حرك شعرها ..... وأحسد عيون غيري لا تراها

    وأغار من القمر لا شع نوره ..... خذت نور القمر واصبح ضواها

    وأحسد الشمس لا بانت عليها ..... أشعتها تسبب في أذاها

    وأحسد الأرض لا داست عليها ..... أثر خطواتها تحيي ثراهـــا

    وأغار من النجوم إليا تعلت ..... وشافتها وعيني ما تراهـا

    وأغار من الهدوم اذا لبستها ..... عساهـا ما تجرحها عساهـا

    واغار من الخواتم في يديها ..... وساعتهــا وكل اللي معاها

    وأغار من القلادة في نحرها ..... وأغار من الشعر لامن كساها

    وأغار من القصيدة لا قرتها ..... ولو هي قصتي واشكي جفاها

    وتشمل غيرتي حتى المرايا ..... يحق لهــا بشوفتها تباهـا

    نعم وأغار حتى من الوسادة ..... وأحسد فراشها ويا غطاهــا

    آلا يا من يساعدني عليهـا ..... يوصلني هوى النفس ومناها

    عجزت أعالج جروحي بروحي ..... جروح القلب ما تشفى بلاها


    76

    يــا عــيــونــي يا عيوني خاطبي دمعة عيونه ..... جاوبيها خففي ثورة ظنونه

    حاولي تنسين نفسك لو دقيقه ..... مايبي منك سوى نضره حنونه

    لاحظي الدمعات تحكي عن عذابه ..... لاحظيها كل ما طبّق جفونه

    ودّه يحكي ويتكلم عن غرامه ..... ومن حيا يخاف تعبيره يخونه

    صدقيه اللي حصل ماهو بمنّه ..... غصب عنه فيه ناس يمنعونه

    ياعيوني معذره هذي الحقيقه ..... حالت العادات من دونك ودونه

    اعذريه وسامحي هذي النهايه ..... دمعتك صارت صدى دمعة عيونه

    76


    قــالــت تـغـزل
    قالت تغزل ليش ساكت ومنظام ...... لا ياخذك صمتك ويطويك ظله

    عطني قصيده حب من شعرك العام ...... قول وتغزل عنك الصمت خله

    قلت ايه ماذقتي طعم مر الايام ...... شعب بدون ارضه يعيش بمذله

    شيء جرى ماصار حتى بالاحلام ...... بالليل امان ونصبح الصبح ذله

    جونا بغفله والمخاليق نيام ...... اهل الحسد والحقد من كل مله

    لا تبحثين الي غدى قلبه اقسام ...... مشرداً يشكي ثمانين عله

    وين اتغزل والبلد بيد صدام ...... وين اتغزل والبلد مستحله

    ماهوب وقت اسرار واشعار واحلام ...... واقول احبك وانتي الحب كله

    تبدلت امالـنا كلها آلام ...... وضاع الطريق الي من اول ندله

    يابنت انا ماني على خبرك العام ...... هاتي بلادي واخذي العمر كله
    اخر تعديل كان بواسطة » ķίήg σғ ώεεđ في يوم » 17-02-2007 عند الساعة » 19:59

  7. #6
    صــمــت الوداع
    فارقت من لاكان ودّي أفارقـه ..... عقب الصلاة وتوّها الشمس شارقه

    الفجر يوم الناس تسعى لرزقها ..... أنـا عيوني بازرق الدمع غـارقه

    بكى وأنا أبكي يوم وقّفت أودعـه ..... والكـل منّا يذرف دموع حـارقه

    سـلّمت ويديني بياديـه ترتجف ..... ويديه بيديني من الخـوف عارقـه

    وأقفا وأنا قفيت والصمت حيلتي ..... عز الكـلام ودمعـة الياس فارقه

    وحسّيت كن القاع حدري تزلزلت ..... يـوم ألتفتلي وأسـتهلّت غـوارقه

    سـرقت من دنياه لـذّات دنيـتي ..... برضـاي سارقني وبرضاه سارقـه

    همّي وهـوجاسي وحـبي وغيرتي ..... للي بوسـط القلب ناصـبٍ بيارقـه

    وعـوّدت للمطلاع حزينٍ ملتجي ..... والقلب مـّني طـارق الهم طارقــه

    ضلعٍ ورا المطـلاع شـوفه يريحني ..... عسـا الحيـا يسقيه لالاح بارقه

    كتبت في عاليه حـرفي وحـرفها ..... ورسمت قلب الحب والسهـم خـارقه

    ذكرى غـرام مات من قبل ينولد..... بفـراق من لا كـان ودي أفارقــه

    76


    ودعـتـهـا
    ودعتـها واخـفيت عـنها دمـوعي ..... خـايف تـحس بحسـرتي والتياعي

    ودعــتها والقــلب مـني جزوعي ..... جزعٍ من الـفرقا قـليل المساعي

    حـيث الفراق لـمن تــولع يلوعي ..... لـوعات فـرقاء ماوراها اجتماعي

    في لحـظة الـتوديع هــديت روعـي ..... بـيني وبـين النـفس قـمة صراعي

    اخـفـيت مـا حسيت بيـن الظلوعي ..... خايف عـليها لا تـحس بــضياعي

    قالت فــمان الله وانطر رجوعي ..... واشـرت بالتوديع حـال استماعي

    ساكـت ولارديت ماهي طـبوعي ..... مـن عـبرتي تـفرض عـلي امتناعي

    حان الرحـيل وحان وقت الفجوعي ..... واقـفـت وأنـا عـيني عـليها تراعي

    بـين الرجا واليأس صـبري يموعي ..... عـلى الـوداع اشـلون قلبي استطاعي

    من عقبها اسهر مـسندي راس كوعي ..... لأنام خـالـي البال تـميت واعـي

    تومي بـي الحسرات من غير طوعي ..... هـــذا الغـلا ماهـو غـرام صــناعي

    اقــنب كما ذيـبٍ تـقـفاه جــوعي ..... لامــن ذكـرت فـراق حـلـو الطباعي

    الـلي لاجــله هـان عـندي خـضوعي ..... والله مانسـى دمعته فــي وداعـي


    76


    وشــلــون باصـبـر؟
    البارحه هاجت علي التفاكير ...... ليلي قضيته بين هوجاس وافكار

    ولا لقيت لما وطا النفس تفسير ...... وأصبحت كني راعي النار والغار

    حزنٍ بقلبي كسّر القلب تكسير ...... لولا ضلوعي تردع القلب كد طار

    على الذي له داخل القلب تقدير ...... الصاحب اللي بيني وبينه أسرار

    دار الزمان وصار بالعهد تغيير ...... مدري غدر بي مدري الوقت غذار

    قبل الموادع قال تذكرني بخير ...... إبعد وانا ابعد وافرض الحب ما صار

    حنا نوينا وعاكستنا المقادير ...... وهلّت دموعه يوم فكر بالأقدار

    قال النهايه جعل دربك مسافير ...... حاول تناسا اللي مضا صير صبّار

    قلت الله اقوى ما طلبتيه بيصير ...... غصب عليّه قلت ماكنت مختار

    ياللي جرحت القلب ليه المعاذير ...... جرحتني لا تترك الجرح تذكار

    وشلون ابصبر كان شفتك مع الغير ...... وانا الذي عليك من نفسي اغار

    76


    وادعـيـنـي
    وادعيني وامسحي دمعه بعيني .... الوداع صعيب لكن وادعيني

    حاولي تنسين هاللحظه الحزينه .... ولا بعدت بعيد عنك ذكريني

    اكتمي العبرات عني لين اسافر .... ماقدر اتحمل دموعك ساعديني

    بالبدايه لا تقولين انتهينا .... فوق جرحي الاولي لا تجرحيني

    ما انتهينا ما تفرقنا الليالي .... قلبي بيدينك وقلبك في يديني

    خلي لحظات الوداع تصير ذكرى .... تبقى تذكار الوفا بينك وبيني

    إنسي إنّا عقب لحظه بنتفارق .... عن هوانا عن غلانا كلميني

    يكفي لا تقولين بالبعد نتغير .... مانتغير لا وربي صدقيني

    مابي اسمع منك للنسيان طاري .... لا أبد ما انساك لا لا تظلميني

    أنا كيف أنساك أنسى حياتي .... لو نست يسراي قصتها يميني

    حبي أكبر حتى من كلمة أحبك .... ماقدر أوصف لك شعوري سامحيني

    كل دقيقه تمر وانا بعيد عنك .... عن سنه بتكون من سبّة حنيني

    واسمعي الكلمات مني وردديها .... أوعدك ما انساك لكن واعديني


    76

    لــيــش تـزعــل
    ليش تزعل وانت ما تعرف ظروفي ..... ليش ما تسمع كلامي للنهاية

    اقتنع بالعذر ترضيكم حلوفي ..... والله ان اللي حصل ماهو برضاية

    من وعدني بلتزم بالوعد يوفي ..... ليش تلعب بي وتلعب في هواية

    وكان خنت العهد فالحكم معروفي ..... الخيانة بالعهود أكبر جناية

    كان قلبك يرحم الحال ويروفي ..... والله إنا ما لنا بالغير غاية

    لا تحسب اني بطير مع الدفوفي ..... ما اشتري السلعة على سبة دعاية

    لا طرت لي كلمتك يزيد خوفي ..... واتعذب من خلاية في خلاية

    احسب ان الحب وياك مخلوفي ...... يوم انا اخصك بحبي مع غلاية

    ما هقيتك تجرح القلب العطوفي ..... لا يا بو وجهين ما هذا جزاية

    76


    نــحــمــد اللــه
    نحمد الله هذا الإنجاز العظيم

    انتهت كل المشاكل يا فهـيم

    ما بقي إلا مشكلة وحــدة فـقط

    باقي الترشيح وتصويت الحريم

    نبي الحرمة عضو في بالبرلمان

    وش زودهم عنا هذولا الأمريكان

    ليش حنا نقف بوجه الزمان

    الزعيمة وش فرقها عن الزعيم

    لي متا هذا التخلف يا عـزيز

    مس تاتشر مثلها مثل أم ريم

    كل يوم من أل مراءه نسمع عتاب

    ليش ما نسمح لها بالانتخاب

    حلمهن اصبح سراب في سراب

    وين راعي الفكر والرأي السليم

    نبي الحرمة عضو بنت الحلال

    ما علينا من حكي قـيــل وقـال

    ليش حنا ما نعطي الحرمة مجال

    ونلعن إبليس والشيطان الرجـيم

    خلو نصف المجتمع نصف الحياة

    تدخل المجلس دخول الفاتحات

    لأجل تلبس البشت و تقط العباه

    آلي متي عقلك وتفكيرك قديم

    يصبح المجلس مثل شاي الضحى

    والرجل يطبخ لنفسه لا صـحي

    دام لا تطبخ ولا تطحن رحى

    لا ولا ترضع ولا تربي فطيم

    لي متي هــذا التخلف والجهل

    ليش صارت مشكلة حلها سهل

    روح أنت وأمك والأهل

    خلها تمشي بخط مستقيم

    يا جماعة ما نبي الفرصة تفوت

    افتحوا بي بان ربات البيوت

    أن تحقق حلمها وإلا تموت

    ارحموا يرحمكم الرب الرحيم

    ليش سببتم لها أل مراءه ألم

    السياسة حلمها منذ القدم

    في مهم وفـــي ما هو أهـم

    عقل ناقص ودين ناقص يا غشيم

    سلم الجهال بيدين الخدم

    وأنت خلك بينهم مثل العلم

    الغداء صمول مو لازم لحم

    يعني احسن لك إذا تسوي رجيم

    ليش نهضم حق بدرية وسارة

    ليش ما نركض وراء ركب الحضارة

    باكر تشوف أل مراءه وسط الوزارة

    أتوسط للمواطن والمقيم

    وبتصدي لكل مشروع خطيـر

    وأيضا تدافع عن حقوق الفقير

    مو بعيد أل عضوه تستجوب وزير

    بس .. ما تستجوبه إن كانه وسيم

    ولو فرضنا قسم الله ونجـحـت

    وكل نسوان البلد معها فرحت

    من يقول أنها عقب هذا فلحت

    حتى لو أن كيدهم كيد عظـيم


    76



    -&- العضوية أربع سنوات -&-
    عامها الأول قضي حـمل ولادة

    حملت عقب النجاح من القراده

    المواطن ما لقي منها استفادة

    من سببها يصفق الكف ويهيب

    وعامها الثاني إجازة للامومه

    ما معها وقت والورعان كومه

    العضو يرتاح وترتاح الحكومة

    عام ما تسمع لها سين وجـيم

    وعامها الثالث قضي كله سواد

    مات أبو العيال ودشت بالحداد

    وش تسوي أمـر من رب العباد

    عـظم الله اجرها والله كريم

    وعامها الرابع تب تدور رجل

    يوم هال مرحوم وفاه الأجــل

    توها صغيره وهو مات بعجـل

    يوم عنها مات عاشت في جحيم

  8. #7
    لــي عوده لإكمال الموضوع

    وشاعرنا القادم طلال الرشيد
    في امان الله

  9. #8

  10. #9

  11. #10
    مجهود رائع..
    وصدقاً منتدى الشعر والخواطر بحاجة لإثبات وجود الساحة الشعرية الخليجية..
    \
    \
    gooood
    متابعة ..smile
    ولي عودة ان شاء الله..
    فلا تحرمنا جديدكـ..

    attachment




  12. #11
    شكرا اخوووي على المجهود الرائع


    ويعطييك الف عافية

    وننتظر جديدك القادم
    Glitter3%20(26)

  13. #12
    يعطيكِ الف عافيه على التثبيت

    منوره بالصفحه
    شاكر لكِ ردكِ ومرورك العطر
    تقبلي خالص شكري

  14. #13
    شكرا اخوووي على المجهود الرائع


    ويعطييك الف عافية

    وننتظر جديدك القادم
    العفو اختي
    الله يعافيكِ
    تقبلي خالص شكري
    شاكر لكِ مروركِ وردك ِ

  15. #14
    اخيووووووووووووووووو انت انسان
    دو قلب مرهف
    ومشاعر جميله
    مشكوووووووووووووووووووور علي الموضوع الجميل
    الاحساس الذوق الرفيع
    sigpic168265_1www_7oob_net

    قرصـــــــــــــــــــــــان الـــــــــحــــــــــب



    شـــكر خاص الى العضوه GOLE على هذا الــتوقيع


    attachment

  16. #15
    إقتباس الرسالة الأصلية كتبت بواسطة قرصان الحب مشاهدة المشاركة
    اخيووووووووووووووووو انت انسان
    دو قلب مرهف
    ومشاعر جميله
    مشكوووووووووووووووووووور علي الموضوع الجميل
    الاحساس الذوق الرفيع
    تسلم والله
    العفو اخوي

    تقبل خالص شكري

  17. #16
    [...طلال الرشيد...]
    آخـــر حــب
    كنت احسب اني عرفت الحب قبل اعرفك
    وعشقت قبل اعشقك واشتقت قبل التقيك

    وكنت احسب اني لقيت احباب قبل اوصلك
    واثري توهمت في غيرك وانا كنت ابيك

    تعال نعطش وتشربني وانا اشربك
    تعال قبل الوعداجلس معي نحتريك

    تعال شفني وانا استناك .. كم اشبهك
    يطري علي ألف راي وراي واحتار فيك

    اجي مكان الوعد والا اسبقه انطرك
    والا اخذ الموعد اللي يحتريك واجيك

    يااخر الحب ذقت الحب في اولك
    ويااول الشوق اقصى الشوق ماينتهيك

    علمتني كيف اعرفك لين صرت اجهلك
    ضيعتني في متاهاتك وكنت ارتجيك

    حبيب الاحلام يابعدك ويامقربك
    حرام يكفي تبعثرني وانا احتويك

    ان شفتك بحلم صدقته وانا اتوهمك
    وان شفتك بعلم كذبته الين انتشيك

    اخاف اغمض عيوني وإن رمشت افقدك
    واخاف افتح وتصبح حلم ولا التقيك


    76

    بعــض أحـــوال
    أنا مقدر أكون .. اني حبيب في بعض أحوال
    أنا كلي أجي .. والا أروح بعزتي .. كلي
    تخيرت الفراق وما دريت إن الفراق وصال
    أقول اني نسيتك بس مدري كيف تاصل لي
    خذاني لك سؤال في عيونك و الجواب محال
    خذاني منـــك دمع في عيوني مارضى ذلي
    رحلت انت وتركت بداخلي طيفك و صبر طال
    غدت ذكراك شمس ما تغيب و صورتك ظلي
    حكيت و مالقيت من الحكي الا الـندم موّال
    سكت ومت بالحسره ولا ادري وشهو احسن لي
    أحبــــك كل ما فيني يحبك يا خلي الــبــــال
    تخيلتك دواي و صرت جرحي الصعب يا خلّي
    تعبت أرحل مع وجيه البشر بانساك بالترحال
    و لا ادري وش يجيبك في وجيه الناس واهلّي

    76


    تـنهيدتـيـــن ونـــار
    كـلـّمـنـي عـنّـك

    أبعرف كل شيٍ عنّك منّك

    قلـّي وش أول جروحك

    قلـّي وش آخر أمل ترجيه روحك

    إحكي عن طبعك

    وعن ربعك

    عن اللي يهـزّ دمعك

    قلـّي وش معنى الحياة

    قلـّي بأنفاسك متى قد قلت آه

    إحكّ لي عن الحب

    إحكّ لي .. إحكّ لي

    إحكّ لي عن الشوق

    طـر بـي فوق .. فوق

    خـذنـي منّك

    وإحكّ لي .. عنّك

    الـصـدق

    إن الأمل من قبل أعرفك .. كذب

    والتضحيه أوهـام

    وإني أنا من قبل أعرفك

    كنت أعرف أنـام

    كان السهـر مـو هـالسهـر

    لعب وأغانـي .. وإخـتصار

    صار السهـر تفكير

    صار إنتظـار

    صار إحتظـار

    صار السهـر .. تنهيـدتيـن ونـار

    يا منتهـى أمـري

    بالهمس قلـّي مرّه يا عمـري

    وطـر بـي فوق .. فوق

    خـذنـي منّك

    وإحـكّ لـي .. عـنّـك



    76




    بعــض الأحـبــاب
    ما قلت احبك ولا قد قلت ما حبك ... احب مالي عيوني وانت تـسـواها

    لو تدري اش كثر تعني لي تعرف انك .... اخر امل في حياتي واول مناها

    ياكثر احس ان بك مني وبي منك ... روح قسمها على شخصين مولاها

    لا تقول وش تحب فيني اعشقك كلك .... من ليل شعرك لكلك واخر اقصاها

    سميتني نصـفــك الثاني ويا شحـــك ... انا بسمـيـــك كلي وانــــت معناها

    تعبت اوديك له يا قلب ويردك ... لا اخذ حلومي ولا خلاني انـســاها

    كل الحمام استراح وناح في ظلك ... والورد الاصفر سقته الروح من ماها

    ليتك بعمري ثلاثة اشخاص ماملّك .... واحد معي دوم وواحد روحي يملاها

    والثالث بجفن عيني لا فقد حسك ... او غمض الجفن جاني فيك يتباهى

    مو بس احبك انا والله من حبك ... احب حتى ثرى الارض اللي تطاها



    76

    جَــتــنــي
    جتني وشافتها عيون حايـرات

    ذا شعاع الشمس او هذا سناها
    ضاعوا اللي جوا معاها مسيرات
    واقبلت تمشي تقل محدٍ معاها
    يا سنا الفضه ويا جيد المهات
    يا شذى نبت الخزامى في وطاها
    قلت كن بوجنتك زهر النبات
    قالت ان الرمش يجرح لي صفاها
    تجرح الظلما عـيون ناعسات
    سلهمت وأغضت تغطرس في بهاها
    حققوا بالشوف في لون الشفاة
    هو خذا منها الشفق والا عطاها
    ولو ظلام اللـيــل يعطينا ثبات
    فيه من لون الشعر والا كساها
    كيف أباصف زين كاملة الصفات
    كيف أباصل في حروفي منتهاها


    76

    حـبـيـبتي
    حبيبتي لا من غديتي لي ســراج اتـــبعه

    وكني غديت من الظما اركض ويطردني السراب
    لا تبخلين اليا شربتك ماشربتك من سعه
    دامي من جروح الهموم الموجعه كلي صواب
    اليوم مرتني السواني والفصول الاربعه
    اليوم مريت المواني والمباني والسحاب
    اليوم ماكني لقيتك مر صوتك ماسمعه
    اليوم ما كني فقدتك من سؤالين وجواب
    يابنت في خدك وهج سيل الشموس الساطعه
    احـرق بداخل داخلي انسان ماهو للتراب
    واللي خلق ظلم الليالي بالعيون الهاجعه
    اني من الحرمان اتسائل وحرماني جواب
    يوم الوداع تخيلي مالي حبيب اوادعــه
    محروم انا وتخيلي محروم حتى من العذاب
    ليتك بعمري ثلاثة اشخــــاص مامــلّك
    واحد معي دوم وواحـــد روحي يملاها
    يابنت لي قصه تطول بكلمتين موجعـــه
    هي باختصار اني انا اركض ويطردني السراب


    76

    عــيـــون الصغار
    وجهك غضب .. وجهك عروس
    يضوي مدى .. يحرق نفـوس
    تشبه لك الشمس الشموس
    و مـا لـمـحــتــك

    سـلام يـا أحلـى الأنـام
    دربـي مثل عينك ظـلام
    و مـا وصـلـتــك

    يا صوتها الرايح وجاي
    مابين أشواقي وشقاي
    تشبه لك الونّه و ناي
    و مـا سـمـعـتــك

    حبيبتـي والبـوح نـار
    إنتـي أنا بكل إخـتصار
    تشبه لك عيون الصغار
    و مـا عـشـقـتــك

    يا مهرتي البيضا الأصيل
    تلعب و انا صـبٍّ نحيل
    تشبهك غابات النخيل
    و مـا سـكـنـتـك

    يا غـاية الحلـم المحال
    مثلك أنا حلمي الوصال
    يشبهك في الشاعر خيال
    و مـا كـتـبـتــك



    76

  18. #17
    مـحـتــاج لــك
    انتي بكف وباقي الخلــق في كف ... متعليه في وســـط قلبي ولك شان

    في غير وصلك مالقلبي ترى شف ... محتاج لك يا نور عيني وشفقان

    لا جابوا اسمك صرت انا تقل مختف ... مالي على نفسي الى اطروك سلطان

    من غير حبك غضت عيوني الطرف ... ياللي جمالك صار للزين عنوان

    اريــــد انا قربك ترى ياغذا الحرف ... وان ماحصل موتي ودنياي سيان

    76
    الــعــواذل
    حبيبتي كل العواذل تشابه ..... قلبٍ ظلام ووجه يشبه للأصحاب

    ولا ما غدى لك صاحبٍ ينحكى به ..... لا تسمعي أن كان لك قلب وأحباب

    إلى مشيت الدرب يلهث سرابه ..... وإلى سكنت الدار ناداني الباب

    وشلون أنام وهم قلبي صوابه ..... والشوك ينبت بين جفنين وأهداب

    تعبت امني .. الأسئلة بالاجابة ..... وانطر شروق الشمس والشمس بغياب

    وتعبت أناظر والمعنى عذابه ..... أنك بعيده والملا دونك حجاب

    اجمع كلام وما أعرف الإجابه ..... وعندي شعور صدق والوقت كذاب

    كل النجوم اللي امطرت من سحابه ..... حبيبتي دمعك جرح قلب واتراب

    واللي وقف ما بين بابي وبابه ..... قلبٍ ظلام .. ولابس ثوب الأصحاب


    76

    عــيـــون الحـــب
    عيون الحب لا يمكن تناظر ..... عيوب الخل لو هو عيب كله

    تماري فيه وبوصفه تكابر ..... ترى من فوق خلق الله محله

    رفيق الليل في الشباك ناظر ..... واثاري الليل شباك لخله

    حفظ أحلى الكلام وصار شاعر ..... بصبر ينتظر .. والصبر مله

    حبيبٍ عشت في دنياه عابر ..... حسب قوله ويا شعري فقله

    أنا ضحيت له وارجى وصابر ..... واذا عيا أقول الله يحله

    على اللي ينتظر يا بعد باكر ..... يبي السلوان والذكرى تضله

    عيون الحب في قلبي تناظر ..... تشوف اللي عيوني ما تدله



    [C76
    الـيــوم ذكــرى الـفـراق
    اليوم ذكرى الفراق ومرت أول سنه ... اليوم لي عام متغرب وحيد وحزين

    اليوم انا ضيف جرحي جيت بطمنه ... اني جمعت الدموع وجبت امانة امين

    ما يجرح الصادق الا غدر من يامنه ... لا جت من احباب قلبك لا تلوم السنين

    مليت من هالاماني دام هي مو ممكنه ... لاهي تحقق وانا ياسي بوجهي يبين

    الوين انا وانت مثل الشمس والازمنه ... مع كل صبح يجددني لشمسك حنين

    لا قلت احــبك .. احبـــك كنها دندنه ... او كنها وردةٍ مابين اصابع جنـيــــن

    يا اجمل الـناس لك بين الملا هيمنه ... كثير غيرك ولكن مين مثلك وويـــــن

    ياعــاذلي خذ عيوني يمكـــن تثمنه ... تشوف عيبه وانا اشوفه ملاك حسين

    امس افترقنا وانا احسب مرت اول سنه ... يا طولها ليلة الفرقا سنة للهزيم



    76

    أموت من فرقاك
    أموت من فرقاك وأموت بلقاك *** وأموت من جورك وأموت بحنانك

    كلٍ قضاه يمــوت مرّه .. و يفداك *** و أنا أموت ألفين مرّه عـشــانك

    أذكرك .. لا مني نسيت إني نسيتك *** أنـسـاك .. لامني ذكرت نسيانك

    رضيت أنا بالهم لرضاك مرضاك *** و ارخصت لك قلبٍ جرحته وصانك

    أجيك في صدري عتاب .. وابجفاك *** وأرجع ألوم الوقت و أقول خانك

    أحب فيك ..احساسي إني بلا ماك *** في عز خوفي منك أحس بأمانك

    عجزت أفرق بين وصلك وفرقاك *** ياللي عطيت الناس بيدك عنانك

    مر تجيني لين أقول إني إيـاك *** و مر تروح بعيد و انسى أوانك

    أقبل و تقفي واعتذر عن خطاياك *** و أقول ما عييت .. عيا زمانك

    وإن خانتك دنياك أو خنت دنياك *** إرجع و تلقابي .. مكانك،مكانك

  19. #18
    افضل واحسن قصيده
    لدي

    علمتني

    علمتني وشلون احب
    علمني كيف انسى
    يابحر ضايع فيه .. الشط والمرسى
    علمتني وشلون احن
    علمني كيف اقسى
    سير علي .. بس امسح دموعي وروح
    سير علي .. جب لي معك قلب وروح
    سير علي .. اذا تذكرت الجروح
    ياطاغي النظرة .. خطا
    تجزى بهالبخل العطا
    وانا اللي اهديتك أمن.. عين وجفن
    هذي فراش وذا غطا
    ياجرح من وين ابتدي
    وانت معي من مولدي
    وعيت يدي .. على وداعك تهتدي
    بس انت علمني الجفا
    دامني عجزت اعلمك .. كيف الوفا
    علمتني كيف السهر .. ونسيتني الممسى
    علمتني وشلون احب
    علمني كيف انسى
    رحمك اللة ياطلال
    لي عوده لإكمال الموضوع

    في امان الله ...

  20. #19

  21. #20

    ابتسامه مشكـــ ــوووووووووووووووووووووووور

    .
    .
    صـراحه موضوع جدا رائع..
    ومجهود حلــو..تسلم اخوي على كل اللي كتبته
    ننتظر التكملــه..
    ^___^
    .
    .

الصفحة رقم 1 من 2 12 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter