السلام عليكم يا قوم
ما رأيكم في حالتي استحق الشفقة ام انا طماع؟!
و اليكم حالتي...
انا طالب طب (اهلا و سهلا) ادرس في محافظتي سوهاج (يا صعيدي).
ابويا في الامارات و أمي بتشتغل في القاهرة لظروف عائلية (دا انتم اسرة مفككة)
عايش يا حضرات 3 سنوات من اول ما دخلت الكلية في الشقة لوحدي
بأطبخ و باغسل على ايدي (زي نانسي عجرم) و بنام في الشقة لوحدي و اسمع اصوات خبط و رزع اقول دول العفريت عايزين يخوفوني
اقوم من النوم مخضوض على رنة موبايل او بياع طمام في الشارع.
لو مرضت لا يعلم عن مرضي احد غيري (ام انت دكتور و مش عارف تعالج روحك)
لو احد من زملائي نام معايا في الشقة احس بالامن.
صعبت على احد زملائي فنصحني بالزواج ......
دورت الحكاية في دماغي فوجدت
السلبيات:
1- مين اللي هترضى بيك يا دك.
2- هتصرف عليها منين يا حسرة (هتستنه دادي يبعتلك الحوالة يا نوغة)
3- هتتجوز مين
4- لو حصلت مصيبة و مراتك حملت منك (مصيبة ليه) هتتحمل مسؤولية الحمل
5- لو حدثت الفاجعة و خلفت عيل (بابا محمد ) هتأكله منين (الحوالة برده)
6- افرضت تزوجت طالبة زملتك على سنة الله و رسوله الولد هتأخذوه معاكم المحاضرة (الدكتور الصغير)
7- يا عم كبر دماغك انت ناقص تتجوز ست نكادية
الايجابيات:
1- لو حصلتلك جالطة (بعد الشر) مين هيبلغ الاسعاف
2- تحصن نفسك و تبطل تبص على البنات و اللي بتعمله دا يا دوك
3- يا اخي دا المال و البنون زينة الحياة الدنيا.
4- دا انت هتدلع و تتشخلع و عيش يا مان
5- ربنا يخليلك ابوك راجل قشطة لو طلبت منه لبن الغلااب هيجبهولك
انت ايه رأيكم شاركوني على شان ان اتخنقت من الوحدة؟؟!!!!!
ثاني موضوع احب مناقشته
هو خبر قرأته في احد الجرائد. و نصه
قضت محكمة رومانية على طبيب بدفع مبلغ 250 الف دولار امريكي الى رجل لان الطبيب قام بقطع عضوه التناسلي اثناء القيام بعملية لاصلاح عيب في خصيته و يزعم الطبيب انه فقد اعصابه نتيجة مشادة مع زوجته و بتر عضو المريض دون تفكير. و اكد الرجل انه سيقوم بصرف التعويض في جراحة اعادة زرع عضوه المبتور
ادي اخرة الزواج
المفضلات