تعالو نشوف صور غرف نوم الأعضاء..حطيت صور غرفتي كل واحد يجيب صور غرفتو
هاي قاااايز
جايتكم اليوم بموضوع فلللللللة
اللي يشوفه يحسبه للبنات فقط..بس هو ترا للإثنين
للشباب والبنات
الموضوع وما فيه يا حلوين..إنو كل واحد مننا...يصور غرفته
ويجيب لنا الصور هنا ^^
عشن نعرف شخصية كل واحد مننا من خلال اختياره للديكورات..وكمان عشن نعرف كل واحد في أي مكان عايش
أنا صورت لكم غرفتي كبداية
أترككم مع الصور ^^
أول شي تفضلو خذو مفتاح غرفتي عشن تفتحو الباب وتدخلو ^^
هذا مفتاح غرفتي..يالله افتحو الباب وشوفو غرفتي..المشهد التالي ينشاف أول ما ينفتح الباب..
هذي غرفتي بشكل عام يعني ^^
وهذا الأخ يستقبلني لما أفتح الأنوار أو والمروحة هو معلق عند المفاتيح ^^
حلو صح؟؟
اشتريت منه واحد لي واحد للونا جبته من سوريا..لما عطيته لونا جاتها جلطة
وهذي منال قاعدة فوق الأباجورة اللي جنب سريري..أنا غيرت إسمها سميتها آلاء ^^
وهذي واقفة فوق راسي تحرسني وأنا نايمة ^^
تشبه دكتورة عندنا في الجامعة
وهذا اللعبة حقي..
تقدرو تدخلو يدكم فيه وتفتحو فمه وتقفلوه زي ما بدكم ^^
وكمان تقدرو تحركو أياديه
شوفو دا ولدي الكتكوت
مرررة أحبه وحتى لونا مرة تحبه..أصلا لونا خلاص قالت لي أنا أتبناه..
هو دحين صار ولد لونا بس ساكن عندي لأني تعودت عليه ^^
وكل ما تجي لونا عندي تحضنه وتقعد معاه ^^
وهذي طاولة الفواحة..الطاولة دي أنا حاطتها قدام الكنبة اللي في غرفتي ودايما أحط فوقها فواحة بالفراولة لونا مرررة تحب ريحتها ^^
شوفو الفواحة أنا جايبتها من بودي شوبعشن اللي بدو يجيب منها ^^
لا تفوتكم ريحتها مرررة روعة ^^
شوفو دي لولي بوب لما رحت الجامعة كان مررررة نفسي فيها وراحت صحبتي اللي مرررة أحبها جابت لي هي ^^
وصورتها مع التويتي دا اللي برضو هو ذكرى من صحبتي في الجامعة
والدبدوب دا جبته من شاطئ لاكوستا في جدة ^^
+_+_+_+_+_+_+_+
طيب دحين أوريكم أجزاء من مكتبتي ^^
هذا الجزء الديني في مكتبتي ^^
فيه كتب مررة حلوة وكبيرة وتجنن..أحلى كتب فيه هما
1- حادي الأرواح إلى بلدة الأفراح
2- أشراط الساعة ليوسف الوابل
3- التخويف من النار دار البوار
4- روضة الأنوار
الباقي كمان حلو بس دا أحلى شي قريته من دي الكتب ^^
دا القسم فيه كتب مررة حلوة تتكلم عن القوى النفسية..وتساعد في حاجات كتير مررة أحب دا القسم
دا جزء الكتب الأدبية يعني روايات أو أشعار أو خواطر ..إلخ ^^
مرة أحب دا القسم كمان لأنو زي ما تعرفوني هاوية لدي الأشياء
ودا القسم اللي مررررررة أمووووت فيه وأحبه مرة
الروايات المصرية
والمفضلة عندي هي:
ما وراء الطبيعة , سافاري، سلة الروايات ، سلسلة الأعداد الخاصة كوكتيل ، ملف المستقبل
طيب...هذي أجزاء من مكتبتي الصغيرة
طبعا هي ولا شي جنب مكتبتي الكبيرة بس الكبيرة مستحيييل تنحط بغرفتي لأنو هي أصلا ماخذة غرفة كاااملة لوحدها^^
وهذي عينة منها بس حطيتها في غرفتي عشن لا أطفش ^^
شوفو هذا حبيب قلب لونا دايما لما تقعد جنبه في الكنبة عندي هع هع
ودا الدولاب الأحمر شوفو الشي اللي جوتو هذا هدية من لوونا حبيبة قلبي وقت ما تخرجت من الثانوية ^^
مرة أعتز بدي الهدية وأعتبرها عنصر أساسي في غرفتي ^^
والرفين التالييين برضو عناصر أساسية في غرفتي
هذي الرفين مرة أحبهم وأحب تفاصيلهم حبة حبة..أحس كل ذرة في غرفتي لي ذكرى وقصة معها ^^
هذا دولابي >> لاحظو صورة عصابة الرداء الأبيض عليه ^^
وكمان شوفو النمر الوردي واقف عند الباب يستقبل الملابس الجديدة الداخلة إلى الدولاب
هذا الجاكيت أنا خصصته للونا
لأنو الأخت مسكينة كلما جات عندي في البيت تتلج مدري ليه كأنه بيتي فيه ثلاجة!!
علطول تطفي المراوح والمكيفات وتلبس دا الجاكيت وكمان تتلحف باللحاف حقي وفوق كدا ترتجف بردا!!
مدري ليه مسكينة عندها مشكلة يبغالها علاج
هذا حبيب قلب لونا لابس الجاكيت حقها هع هع
أكيد رح ينحرق دمها لما تشوف دي الصور ^^
هذي عبارة عن شي أنا مررة أحبه..
هي حجرة كبيرة شوي أخويا كان مجمع منها كثير أخذت هذي منه ولصقت عليها اللمبة المحروقة ورسمت عليها فيس وكتبت على الحجرة إسمي الرمزي >أنين السكون<< والحروف الأولى من إسمي الحقيقي ^^
ودي اللوحة أنا رسمتها قبل 4 سنين ومعلقتها فوق الكنبة ^^
أدري إنو رسمي كان تهزئ بس مشو حالكم وحالكم يمشي
رسمتها بالباستيل على ورق كانسون
هذي البنوتة حقتي أنا حاطتها جنب التسريحة لما أقعد أحط كريم على وشي أو أسرح شعري أجلس أتكلم معاها ^^
هذي علبة مناديلي خخخخخخ
هذا الضفدع حقي خخخ
اشتريته من ملاهي الحكير
وهذي البنت اللي جنبه ماسكة السلة داخل السلة أحط مفاتيحي
هذا جهاز الإم بي ثري حقي
دا الحذاء الطنبوري حقي كل ما جات لونا عندي لبسته لين صارت تكرهه خخخخخ
+_+_+_+_+_+_+_+_+_+_+
وآخر شي أحبائي الأعضاء أحب أعزمكم على جلسة حلوة في غرفتي ترا الجو مرررة رومانسي والفواحة اللي بالفراولة مشتعلة يعني ريحة الغرفة واااااو ^^
والبرينجلز...اللي لما تفك ما حتسك
+_+_+_+_+_+_+_+
هيا شوفو..وريتكم جميع تفاصيل غرفتي..
وإذا تبغو تشوفو أكتر وتشوفو الصور مكبرة..روحو موضوع التحميل حقي بدءا من الرد الأخير في الصفحة التالتة وبعد كدا إنتقلو للصفحة الرابعة
موضوعي حق التحميل^^
وأنتظر أشوف تفاصيل غرفكم وصورها
أنتظر تفاعلكم يا حلوين ^^
أطيب التحية:
أنين السكون
انا ماعندي كوتوب دينة يلا تسلفيني انتي
[IMG]http://www5.*********/2008/01/24/10/320202153.jpg[/IMG]
المفضلات