السلام عليكم ورحمة الله وبركاتة
مساء النور
شكرا لكم على التواصل ماقصرتو وادري اني مقصر اسمحولي وشكر لكم جزاكم الله خير الجزاء
رابط تحميل القصيدة


http://www.alweehdatclub.net/ffh/dow...10c43765f7e9f0


بدوي وطبع البدو فيني حار
من اصلن طيب نجدن اراضيه

تربيت على الرجوله بسن الصغار
وشلت همن مقدر اخوض و احكيه

وعيت على نفسي وعي الاحرار
الي يجي براسي بسرعه اسويه

صريح ما جامل ولا في اعذار
من اخطى على البلاطه اعطيه

وعمري ماكنت لنفس حيه غدار
قدامه سيفي يشوفه و اوريه

وارمي روحي في وسط الاخطار
و درب الصعايب انا اركض اجيه

واعترف ماعاد نخفي اسرار
شين على الناس كنت اخفيه

انا ظلمت نفسي وماصابني عار
لني مااظلم حد وبشري ابليه

ظلمي على روحي و بغيري بار
اهديه ضي عيني والله اهديه

واتبعت هواي مايصدني جدار
والي يوقفني حليب امه انسيه

و ممشاي معاكس مجرى التيار
تيار الدين ماكنت اراعيه

همي القى ماطا فرحي باصرار
بكل مكان افتر ادور مواطيه

لكن صدمني الفرح طلع نكار
كنه يقول ابعدوه ما ابغيه

بكى قلبي حين شاف الاقدار
وعاهدت نفسي ان قلبي اصحيه

وعرفت ان ربي العزيز الغفار
عطانا حريه نختار اراضيه

وادركت ان قلبي اخليه يختيار
ارميه بنار او بجنة ارميه

وبديت اغير مسار الاشعار
وحاربت الغزل وحاولت انهيه

قمت اكتب نصايح لاهل الدار
واوعي الغافل وربي اوعيه

ونسيت روحي ونسيت الاخطار
وراي موتن من نفسي اجيه

كنت اظن الهدايه دون اسفار
كيف اسافر وجوازي ناسيه

وعزمت لحظتها اتبع الاخيار
وهداني ربي حين عزمت البيه

وتطوعت وذقت فرحة الابرار
حكاها القران رح شف اشفيه

والحكمة من قصتي تحذر النار
عل قلبك الغافل بربي اصحيه

لاني جربت كل شي باصرار
لاكن مالقيت الي كنت ابغيه

وتراني حبيت وخانوني كثار
والمشكله وفيت لمن اغليه

وعمري مااكرهت ولو مهما صار
من يخطي اسامحه بطيبي اغطيه

والتسامح من يقول يجيبلك العار
العفو عند قادر كرم معاليه

ومرادي بكل الحكي يالاحرار
الدنيا درب واغلبنا ناسيه

وانتهت القصة وافتح الابصار
بطلع عن قصتي ياعيون قاريه

فيه شخصن يدورفيني اضرار
يجي لقصيدي كاره كل مافيه

و قصيدي مكسور ووزنه منهار
الاخ ناقد والنقد هو نافيه

وانا اختار اسهل معنى اختار
بكلام تعرف وينهي اراضيه

ونوزنه عدل في صوتي فرجار
بلحنً ارفعه وبعدين اوطيه

وماني مغرور بالسيف البتار
اصلن مبطي التواضع مخاويه

ولاني بقصيدي ادور اشتهار
همي قلب الغافل في شعري اوعيه

وادري بعض كلمات البيوت كثار
ماتكسر الوزن اللي ابغيه

عجل رح اسمع اشهرماشفت شعار
كلماتهم اكثر ببيوت تداريه

واذا انا غلط ما اكتب اشعار
واللعن قصيدي و ابو طاريه

وسلامتكم

ثامرالحماد